دعوتِ اسلامی کےشعبہ کفن دفن للبنات کے تحت گزشتہ روز ریجن سطح کی اسلامی بہنوں کا ماہانہ مدنی مشورہ ہوا جس میں آسڑیلیا، نیپال، ساؤتھ افریقہ، ساؤتھ کوریا، بنگلہ دیش، موریشس، کینیا اور تنزانیہ کی ذمہ داران شریک ہوئیں۔

دورانِ مدنی مشورہ مبلغۂ دعوتِ اسلامی کے شعبے کے دینی کاموں کی کارکردگی کا جائزہ لیتے ہوئے آئندہ کے اہداف طے کئے اور دینی کاموں میں مزید بہتری لانے کا ذہن دیا۔

دعوتِ اسلامی کے دینی کاموں کے سلسلے میں ساؤتھ کوریا  میں موجود مرکزی مجلسِ شوریٰ کے رکن حاجی محمد امین عطاری نے ایچھن شہر کے مقامی اسلامی بھائی سے اُن کی رہائش گاہ پر ملاقات کی۔

ساؤتھ کوریا کے شہر انچن(Icheon) میں قائم اسلامک سینٹر فیضانِ قراٰن میں دعوتِ اسلامی کے تحت سیکھنے سکھانے کا حلقہ لگایا گیا جس میں مختلف شعبہ ہائے زندگی سے تعلق رکھنے والے عاشقانِ رسول نے شرکت کی۔

حلقے کی ابتداء میں تلاوتِ قراٰن کی گئی اور مبلغِ دعوتِ اسلامی نے پیارے آقا صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

سلسلۂ  عالیہ قادریہ رضویہ عطاریہ کے چالیسویں بزرگ شیخِ طریقت حضرت مولانا عبدالسلام قادری رحمۃ اللہ علیہ کا سالانہ عرس مبارک ہر سال 25محرم الحرام 1441 کو عقیدت واحترام سے منایا جاتا ہے۔

25 محرم الحرام 1445ھ کو ہونے والے عرس شریف میں دعوتِ اسلامی کے شعبہ مزاراتِ اولیاء اورمجلس رابطہ بالعلما والمشائخ کے ذمہ داران نے مقامی ذمہ داران اور علمائے کرام کے ہمراہ مزار شریف پر حاضری دی۔ ذمہ داران نے مزار شریف پر ایصالِ ثواب کے لئے فاتحہ خوانی کی اور دعائیں کیں۔

شیخ طریقت مولانا محمدعبدالسلام قادری رحمۃُ اللہِ علیہ کا مختصر تعارف:

آپ رحمۃ اللہ علیہ کا پورا نام خلیفۂ قطبِ مدینہ حضرت مولانا محمد عبد السلا م قادری رضوی حشمتی برکاتی ہے۔ آپ کی ولادت 15شعبان المعظم 1343ھ بمطابق 11مارچ1925ء بروز بدھ موضع کڑے مانک پور تحصیل بند کی ضلع فتح پور ہسوہ(یوپی،ہند )میں ہوئی۔آپ رحمۃ اللہ علیہ کی کنیت”ابوالفقراء“لقب”قمر رضا“ہے۔

آپ رحمۃ اللہ علیہ میانہ روی، نظم وضبط، عزم وحوصلہ، اخلاص، مشقت، قناعت، برد باری و تحمل مزاجی، ظاہری وباطنی ستھرا پن، پُر سکون مزاج، عاجزی وانکساری، خوش کلامی اور اطاعتِ مرشد جیسی کئی صفات کے جامع تھے۔ آپ رحمۃ اللہ علیہ کو سیدی قطبِ مدینہ مولانا ضیاء الدین احمد مدنی اور احسن العلماءحضرت مولاناسید شاہ مصطفےٰ حیدر حسن میاں قادری برکاتی رحمۃ اللہ علیہما سے سندِ خلافت حاصل تھی۔ آپ رحمۃ اللہ علیہ اطاعت مرشد میں اس قدر پختہ تھے کہ بارگاہِ مرشد سے ملنے والے حکم کو اپنے لئے حرزِ جاں بنالیتےچنانچہ کمبھی اہمہ (ضلع پر تاب گڑھ ،ہند) آنےسے قبل احسن العلماءرحمۃ اللہ علیہ نے دو نصیحتیں فرمائی تھی (1)کسی کو بد دعامت دیجئے گا(2)کمبھی اہمہ مت چھوڑیئے گا۔ مرشد کامل کے فرمان کے مطابق آپ رحمۃ اللہ علیہ نے عمر کا بقیہ حصہ بھی یہیں گزرااور اسی جگہ آپ رحمۃ اللہ علیہ کامزار پُرانوار ہے۔

انہوں نے امیر اہلِ سنّت علامہ محمدالیاس عطارقادری دامت بَرَکَاتُہمُ العالیہ کو 1979ء میں کولمبو سری لنکا میں سلسلہ عالیہ قادریہ رضویہ کی خلافت سے نوازا۔

امیراہلِ سنت شجرہ قادریہ رضویہ عطاریہ میں لکھتے ہیں:

اَحْيِنَا فِي الدِّیْنِ وَالدُّنْیَا سَلَامٌ بِالْسَّلَام

قادری عَبْدُالسَّلَام خوش ادا کے واسِطے

لوگوں کو پنج وقتہ نماز ی بنانے اور اُن کے عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کے تحت گزشتہ روز ساؤتھ کوریا کے شہر انچن (Incheon) میں قائم مدنی مرکز فیضانِ مدینہ میں بعد نمازِ فجر تفسیر سننے / سنانے کا حلقہ لگایا گیا۔

اس حلقے میں دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے قراٰنِ پاک کی تلاوت کی اور اس کی تفسیر پڑھ کر شرکا کو دینِ اسلامی کی تعلیمات کے بارے میں بتایا۔

حلقے کے اختتام پر رکنِ شوریٰ حاجی محمد امین عطاری نے دیگر عاشقانِ رسول کے ہمراہ مل کر شجرہ عالیہ قادریہ رضویہ عطاریہ پڑھا۔( کانٹینٹ:غیاث الدین عطاری)

ساؤتھ کوریا کے شہر انچن(Incheon) میں قائم دعوتِ اسلامی کے مدنی مرکز فیضانِ مدینہ میں سنتوں بھرے اجتماع کا انعقاد کیا گیا جس میں قرب و جوار کے اسلامی بھائیوں نے کثیر تعداد میں شرکت کی۔

عاشقانِ رسول کی دینی تحریک دعوتِ اسلامی کے تحت گزشتہ روز ساؤتھ کوریا کے شہر سونگدو میں قائم اسلامک ریسرچ سینٹر میں سیکھنے سکھانے کا حلقہ لگایا گیا جس میں بزنس کمیونٹی کے اسلامی بھائیوں نے شرکت کی۔

ساؤتھ کوریا کے سفر پر موجود دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے اس حلقے میں سنتوں بھرا بیان کیا اور اسلامی بھائیوں کو دینِ اسلام کی تعلیمات پر عمل کرنے کا ذہن دیا۔

دعوتِ اسلامی کے تحت  7 اگست 2023ء کو بنگلہ دیش میں مدرسۃ المدینہ بالغات کی تعداد بڑھانے کے حوالے سے مدنی مشورہ ہوا جس میں بنگلہ دیش ریجن نگران اور شعبہ مدرسۃ المدینہ گرلز کی عالمی سطح کی ذمہ دار اسلامی بہنوں نے شرکت کی۔

نگرانِ عالمی مجلسِ مشاورت اسلامی بہن نے بذریعہ انٹرنیٹ بنگلہ دیش میں مدرسۃ المدینہ گرلز کی ذمہ دار کو فعال کرنے، مدرسۃ المدینہ گرلز کی تعداد بڑھانے کے حوالے سے درپیش مسائل کو دور کرنے پر مشاورت کی اور ذمہ داران کو مدنی پھولوں سے نوازا۔ 

دینِ اسلام کی تعلیمات کے مطابق اپنی اولاد کی  تربیت کرنے کا ذہن دینے والی عاشقانِ رسول کی دینی تحریک دعوتِ اسلامی کے تحت گزشتہ روز تربیتِ اولاد کورس کے متعلق ریجن نگران اسلامی بہنوں کا مدنی مشورہ ہوا۔

دورانِ مدنی مشورہ نگرانِ عالمی مجلسِ مشاورت اسلامی بہن اور عالمی سطح کی شارٹ کورسز ذمہ دار اسلامی بہن نے آن لائن ریجن نگران اسلامی بہنوں کی تربیت و رہنمائی کرتے ہوئےزیادہ سے زیادہ مقامات پر مذکورہ کورس کروانے نیز دیگر زبانوں میں کورس تیار کروانے کے حوالے سے تبادلۂ خیال کیا۔

فنانس ڈیپارٹمنٹ گرلز دعوتِ اسلامی کے تحت UK میں ایک لرننگ سیشن کا انعقاد کیا گیا جس میں مختلف ریجنز سے اسلامی بہنوں نے شرکت کی۔

معلومات کے مطابق دورانِ لرننگ سیشن نگرانِ عالمی مجلسِ مشاورت اسلامی بہن نے بذریعہ انٹرنیٹ مختلف اہم نکات پر کلام کیا اور ذمہ دار اسلامی بہنوں کو مدنی پھولوں سے نوازا۔

دعوتِ اسلامی کے تحت پچھلے دنوں اسلامی بہنوں کے 8 دینی کاموں کے حوالے سے ایک میٹنگ ہوئی جس میں اسٹیٹ نگران و ڈویژن نگران اسلامی بہنوں کی شرکت رہی۔

مبلغۂ دعوتِ اسلامی نے 8 دینی کاموں کے متعلق گفتگو کرتے ہوئے نگران کے مدنی پھولوں پر کلام کیا جبکہ جائزہ پریزنٹیشن دکھانے کا بھی سلسلہ ہوا۔بعدازاں ذمہ دار اسلامی بہنوں نے دعوتِ اسلامی کے دینی کاموں میں ترقی کے لئےاچھی اچھی نیتیں کیں۔

گزشتہ روز عاشقانِ رسول کی دینی تحریک دعوتِ اسلامی کے تحت اسٹیٹ نگران اسلامی بہنوں کا مدنی مشورہ ہوا جس میں عالمی مجلسِ مشاورت کی جانب سے آئے مدنی پھولوں پر کلام کیا گیا۔