پچھلے دنوں پنجاب  پاکستان کے شہر فیصل آباد کے مدنی مرکز فیضان مدینہ میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مجلس فیضانِ مدینہ کے ذمہ دار اسلامی بھائیوں کا مدنی مشورہ لیاجس میں فیضان مدینہ فیصل آباد کے ذمہ داران نے براہِ راست جبکہ مختلف شہروں کے ذمہ داران نے آن لائن شرکت کی۔

نگرانِ پاکستان مشاورت نے اسلامی بھائیوں سے گفتگو کرتے ہوئے مجلس فیضانِ مدینہ کی سابقہ کار کردگی کا جائزہ لیا نیز مختلف مدنی مراکز فیضان مدینہ میں ہونے والے تعمیراتی کاموں کے حوالے سے کلام کیا۔

بعدازاں نگرانِ پاکستان مشاورت حاجی محمد شاہد عطاری نے تعمیراتی کوموں کو مزید بہتر بنانے کے لئے چند اہم نکات پر مشاورت کی جس پر ذمہ داران نے اپنی اپنی رائے پیش کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ جوہر ٹاؤن لاہور میں پچھلے دنوں مدنی مشورے کا انعقاد ہوا جس میں لاہور سٹی میں ٹاؤن اور یوسی کے نگران اسلامی بھائیوں کی شرکت رہی۔

دورانِ مدنی مشورہ مرکزی مجلسِ شوریٰ کے رکن حاجی یعفور رضا عطاری نے ذمہ داران سے ربیع الاوّل کے مدنی مذاکروں اور اجتماعِ میلاد سمیت مختلف موضوعات پر کلام کیا۔

بعدازاں رکنِ شوریٰ نے ذمہ داران کو دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا اور دینی کاموں میں ترقی کے لئے آئندہ کے اہداف دیئے۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

17 ستمبر 2022ء بروز ہفتہ پنجاب پاکستان کے شہر فیصل آباد میں موجود دعوتِ اسلامی کے مدنی مرکز فیضان مدینہ میں فیصل آباد کے تمام شعبہ جات کےایچ او ڈیز کے اسلامی بھائیوں کا مدنی مشورہ منعقد ہوا جس میں شعبہ جامعۃالمدینہ بوائز، شعبہ مدنی چینل، شعبہ فیضان آن لائن اکیڈمی ( فیضان مدینہ برانچ)، پاکستان مشاورت آفس، مدرسۃالمدینہ بوائز اور فیضان مدینہ کے ناظم صاحب سمیت دیگر شعبہ جات کے ذمہ داران نے شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ داران سے مختلف امور پر گفتگو کرتے ہوئے شعبہ جات کے اخراجات کو کنٹرول کرنے کے حوالے سے مدنی پھول دیئے۔

اس کے علاوہ نگرانِ پاکستان مشاورت نےدعوتِ اسلامی کے اخراجات کو پورا کرنے کے لئے زیادہ سے زیادہ ڈونیشن جمع کرنے کے متعلق ذمہ داران کی ذہن سازی کی جس پر انہوں نے اچھی اچھی نیتوں کا اظہار کیا۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت پچھلے دنوں جوہر ٹاؤن لاہور کے مدنی مرکز فیضانِ مدینہ میں مدنی مشورہ ہوا جس میں جامعۃالمدینہ و مدرسۃالمدینہ گرلز کے ذمہ داران اور انتظامی امور کی 3 رکنی مجلس کے اسلامی بھائیوں نے شرکت کی۔

اس مدنی مشورے میں مرکزی مجلسِ شوریٰ کے رکن حاجی یعفور رضا عطاری نے اسلامی بھائیوں سے شعبے کے دینی کاموں کا فالواپ لیا اور انہیں مزید احسن انداز میں دینی کام کرنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

16 ستمبر 2022ء بروز جمعہ دعوت اسلامی کے تحت  فیصل آباد کے مدنی مرکز فیضان مدینہ میں حضرت سیّدنا ابو الحسن علی ہجویری المعروف داتا گنج بخش رحمۃاللہ علیہ کے عرس کے موقع پر فاتحہ خوانی کا اہتمام کیا گیا جس میں فیضان مدینہ کے ذمہ داران اور دیگر اسلامی بھائیوں نے شرکت کی۔

ابتداءً مبلغِ دعوتِ اسلامی نے تلاوتِ قراٰنِ پاک و نعتِ رسولِ مقبول ﷺپڑھی جبکہ مرکزی مجلسِ شوریٰ کے رکن ونگرانِ پاکستان مشاورت حاجی محمد شاہد عطاری نے حضرت سیّدنا ابو الحسن علی ہجویری المعروف داتا گنج بخش رحمۃاللہ علیہ کی سیرت مبارکہ پر سنتوں بھرا بیان کیا اور داتا گنج بخش رحمۃاللہ علیہ کی دینی خدمات اور ہمارے آخری نبی حضرت محمد مصطفی ﷺ کی سنتوں پر عمل کرنے کے حوالے سے واقعات بیان کئے۔آخر میں فاتحہ پڑھی گئی اور نیاز کا اہتمام بھی کیا گیا نیز نگران پاکستان مشاورت نے اپنے ہاتھوں سے اسلامی بھائیوں میں نیاز تقسیم کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوت اسلامی 80 سے زائد شعبہ جات میں دین متین کی خدمت سر انجام دے رہی ہے اور زندگی کے تقریباً  ہر شعبےکے افراد کو دینی تعلیمات سے آراستہ کرنے کے لئے کوشاں ہے۔

اسی سلسلے میں یکم اور2 اکتوبر 2022ء کو عالمی مدنی مرکز فیضان مدینہ کراچی میں دو دن کا ”یونیورسٹی اسٹوڈنٹس اجتماع“ منعقد ہونے جارہا ہے جس میں ملک بھر کے یونیورسٹی اسٹوڈنٹس شریک ہونگے۔

اجتماع کا دورانیہ بروز ہفتہ بعد نماز ظہر سے بروز اتوار نماز عصر تک ہوگا۔ اس دوران اسٹوڈنٹس مدنی مذاکرے میں بھی شرکت کریں گےاس کے علاوہ مرکزی مجلس شوریٰ دعوت اسلامی کے نگران حاجی مولانا محمد عمران عطاری مُدَّ ظِلُّہُ العالی خصوصی طور پر جبکہ اراکین شوریٰ اور دیگر مبلغین دعوت اسلامی وقتاًفوقتاًسنتوں بھرے بیانات فرمائیں گے۔

دعوتِ اسلامی کے زیرِ اہتمام گزشتہ روز عالمی مدنی مرکز فیضانِ مدینہ کراچی میں مدنی مشورے کا انعقاد ہوا جس میں کراچی سٹی کے نگران اور شعبہ FGRF کے ڈسٹرکٹ ذمہ دار اسلامی بھائیوں نے شرکت کی۔

اس مدنی مشورے میں مرکزی مجلسِ شوریٰ کے نگران مولانا حاجی محمد عمران عطاری نے اسلامی بھائیوں سے مختلف موضوعات پر گفتگو کی اور دعوتِ اسلامی کے دینی کاموں کی کارکردگی کا جائزہ لیا جس پر ذمہ دار اسلامی بھائیوں نے نگرانِ شوریٰ کو دینی کاموں کے حوالے سے بریفنگ دی۔

بعدازاں نگرانِ شوریٰ مولانا حاجی محمد عمران عطاری نے اسلامی بھائیوں کی جانب سے ہونے والے مختلف سوالات کے جوابات دیئے۔اس موقع پر مرکزی مجلسِ شوریٰ کے اراکین حاجی محمد علی عطاری اور حاجی محمد امین عطاری موجودتھے۔(کانٹینٹ:غیاث الدین عطاری)

5 ستمبر 2022ء بروز پیر عالمی مدنی مرکز فیضانِ مدینہ کراچی میں سیکھنے سکھانے کا حلقہ لگایا گیا جس میں 63 دن کے تربیتی کورس اور 7 دن کے فیضانِ نماز کورس کے شرکا نے شرکت کی۔

دعوتِ اسلامی کی مرکزی مجلسِ شوریٰ کے رکن ابو ماجد حاجی محمد شاہد عطاری مدنی نے ”امامت“  کے موضوع پر سنتوں بھرا بیان کرتے ہوئے شرکائے کورس کی دینی، اخلاقی اور تنظیمی اعتبار سے تربیت فرمائی نیز رکنِ شوریٰ نے انہیں دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:جہانزیب عطاری، کانٹینٹ:غیاث الدین عطاری)

گزشتہ روز دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے لاہور پاکستان کے مدنی مرکز فیضانِ مدینہ جوہر ٹاؤن میں جڑانوالہ سے آئے ہوئے عاشقان رسول کے درمیان میٹ اپ کیا۔

اس دوران رکنِ شوریٰ حاجی یعفور رضا عطاری نے عاشقانِ رسول کی تربیت کرتے ہوئے مختلف موضوعات پر گفتگو کی اور انہیں دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

یکم ستمبر 2022ء بروز جمعرات دعوتِ اسلامی کےتحت منعقد ہونے والے عظیم الشان اجتماع میں نگرانِ پاکستان مشاورت حاجی محمد شاہد عطاری نےسنتوں بھرا بیان کیا۔

تفصیلات کے مطابق مدنی مرکز فیضان مدینہ موہری روڈ کھاریاں میں دعوتِ اسلامی کے زیرِ اہتمام عظیم الشان اجتماع منعقد کیا گیا جس میں مرکزی مجلسِ شوریٰ کے اراکین حاجی محمد اسد عطاری مدنی، حاجی محمد اظہر عطاری اور ذمہ داران سمیت قرب و جوار سے کثیر عاشقان رسول نے شرکت کی ۔

دعوتِ اسلامی کی مرکزی مجلسِ شوریٰ کے رکن و نگران ِپاکستان مشاورت حاجی محمد شاہد عطاری نے پیارے آقا ﷺ کی امت کے ساتھ خیر خواہی اور دعوت اسلامی کی دینی خدمات کے حوالے سے سنتوں بھرا بیان کرتے ہوئے بتایا کہ ہماری دعوت اسلامی کس طرح دینِ متین کی سربلندی کے لئے کام کر رہی ہے۔

مزید دعوت اسلامی کے فلاحی شعبے FGFR نے پیارے آقاﷺ کی دکھیاری امت کی کن کن مواقع پر خدمات سر انجام دی ہیں اس حوالے سے نگرانِ پاکستان مشاورت نے اسلامی بھائیوں کی ذہن سازی کی نیز FGFR کے ساتھ مل کر سیلاب زدگان کی مدد کرنے کا ذہن دیا۔

اسی طرح نگرانِ پاکستان مشاورت نے یوم دعوت اسلامی کے موقع پر عاشقانِ رسول کو 3 دن کے مدنی قافلے میں سفر کرنے کی ترغیب دلائی۔علاوہ ازیں نگران پاکستان مشاورت حاجی محمد شاہد عطاری نے رقت انگیز دعا کروائی اور صلوٰۃ و سلام بھی پڑھا۔اجتماع کے اختتام پر شخصیات سمیت دیگر عاشقانِ رسول نے نگران پاکستان مشاورت سے ملاقات کی اور انہیں مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

پچھلے دنوں  مدنی مرکز فیضان مدینہ حیدرآباد میں شعبہ 12 ماہ کے تحت سندھ میں 12 ماہ کے مدنی قافلے میں سفر کرنے والے عاشقان رسول کی ماہانہ تربیتی نشست کا سلسلہ ہواجس میں صوبائی ذمہ دارعلی حسن عطاری نےانفرادی عبادت اور 12دینی کام مضبوط کرنے کے حوالے سے شرکائے نشست کی تربیت کی۔اس کے ساتھ ساتھ سابقہ کارکردگی کا جائزہ لیا اور یوم دعوت اسلامی پر زیادہ سے زیادہ مدنی قافلے میں سفر کروانے کا ذہن دیا۔)رپورٹ: ابو تراب علی حسن عطاری مجلس 12 ماہ صوبہ سندھ، کانٹینٹ:رمضان رضا عطاری)

23 اگست 2022ء  کو دعوت اسلامی کے مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں شعبہ نیو سوسائٹیز، خدام المساجد، پراپرٹی اینڈ کنسٹرکشن اور دیگر مجالس کے ذمہ داران نے شر کت کی۔

نگران شوری حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کی تربیت فرمائی۔ نگران شوریٰ نے شرکا کو نیوسائٹیز میں دینی کاموں کو فروغ دینے، نئی مساجد کا قیام کرنے اور اس حوالے سے رابطے مضبوط کرنے کا ذہن دیا۔

اس موقع پر نگران پاکستان مشاورت حاجی محمد شاہد عطاری اور اراکین شوریٰ حاجی منصور عطاری اور حاجی یعفور رضا عطاری، حاجی محمد اسلم عطاری، حاجی محمد اظہر عطاری اور حاجی برکت علی عطاری بھی موجود تھے۔