18 اکتوبر 2022ء کو پنجاب  پاکستان کے شہر فیصل آباد میں موجود دعوتِ اسلامی کے مدنی مرکز فیضان مدینہ میں فیصل آباد سٹی، ڈسٹرک اور تحصیل سطح کے تمام ذمہ داران کی حاضری ہوئی۔

اس موقع پر مرکزی مجلسِ شوریٰ کے رکن و نگران ِپاکستان مشاورت حاجی محمد شاہد عطاری نے تمام ذمہ داران کا مدنی مشورہ فرمایا جس میں فیصل آباد ڈسٹرک نگران، سٹی نگران اور تحصیل نگران کے علاوہ دیگر شعبہ جات کے ذمہ دار اسلامی بھائیوں کی شرکت رہی۔

نگران پاکستان مشاورت نے مختلف شعبہ جات کے ذمہ داران کی ٹیلی تھون کے حوالے سے تربیت فرمائی اور ٹیلی تھون کے سلسلے میں زیادہ سے زیادہ شخصیات سے رابطہ کرنے کی ترغیب دلائی۔

علاوہ ازیں ذمہ داران نے اب تک کی ہونے والے ٹیلی تھون کی کارکردگی نگران پاکستان مشاورت کو پیش کی جس پر نگران پاکستان مشاورت نے بہترین کار کردگی کے حامل اسلامی بھائیوں کو تحائف دیئے اور دعا کروائی جبکہ مدنی مشورے کے اختتام پر ذمہ داران نے نگرانِ پاکستان مشاورت حاجی محمد شاہد عطاری سے ملاقات کی۔

معلومات کے مطابق اس مدنی مشورے میں رکنِ مرکزی مجلسِ شوریٰ حاجی محمد اسلم عطاری بھی موجود تھے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

19 اکتوبر 2022ء کو دعوت اسلامی کے مدنی مرکز فیضان مدینہ آفنڈی ٹاؤن حیدر آباد میں ذمہ داران کا سنتوں بھرا اجتماع منعقد ہوا جس میں رکن شوریٰ حاجی قاری ایاز عطاری، شعبہ جات کے ذمہ داران، جامعۃ المدینہ کے طلبہ و اساتذۂ کرام اور مقامی افراد نے شرکت کی۔

مرکزی مجلس شوریٰ دعوت اسلامی کے نگران مولانا حاجی محمد عمران عطاری مُدَّ ظِلُّہُ العالی نے ”اصلاح اُمت“ کے موضوع پر سنتوں بھرا بیان کیا۔ اس موقع پر نگران شوریٰ نے حدیث مبارکہ بیان کرتے ہوئے کہا کہ عبادت میں ، امیری میں اور غریبی میں بھی اعتدال ہے۔ اسلام اعتدال اور میانہ روی کو پسند کرتا ہے۔نگران شوریٰ نے شرکا کو ماہ نومبر 2022ء میں ہونے والے ٹیلی تھون میں بھر پور حصہ لینے اور اس کی تیاری کرنے کا ذہن دیا۔

اجتماع کے اختتام پر صلوۃ و سلام، دعا اور ملاقات کا سلسلہ بھی ہوا۔

19 اکتوبر 2022ء  کو شعبہ رابطہ برائے حکیم دعوت اسلامی کے تحت سکھر فیضان مدینہ میں تربیتی اجتماع کا انعقاد ہوا جس میں جامعۃ المدینہ کے اساتذہ اور طلبہ کرام سمیت دیگر عاشقان رسول نے شرکت کی۔

مبلغ دعوت اسلامی ونگران مجلس حکیم حسان عطاری نے سنتوں بھرا بیان کیا اور طلبہ کرام کو اچھی صحت رکھنے کے حوالے سے مدنی پھول دیئے نیز جامعات المدینہ و مدارس المدینہ میں لگنے والے فری طبی کیمپس سے متعلق معلومات فراہم کیں۔ اس کے علاوہ طلبا کی جانب سے صحت سے متعلق کئے گئے سوالات کے جوابات دئیے۔

دعوتِ اسلامی کے عالمی مدنی مرکز فیضانِ مدینہ کراچی میں 18 اکتوبر 2022ء بروز منگل ایک میٹنگ منعقد ہوئی جس میں کراچی سٹی مشاورت کے اہم ذمہ دار اسلامی بھائیوں نے شرکت کی۔

دورانِ میٹنگ مرکزی مجلسِ شوریٰ کے رکن و نگرانِ کراچی سٹی مشاورت حاجی محمد امین عطاری نے ذمہ داران سے مختلف موضوعات پر کلام کیا اور دینی کاموں کی سابقہ کارکردگی کا جائزہ لیا۔

بعدازاں میٹنگ میں شریک ذمہ داران نے رکنِ شوریٰ کو کراچی سٹی میں ہونے والے دینی کاموں کی کارکردگی بیان کی جس پر رکنِ شوریٰ حاجی محمد امین عطاری نے ذمہ دار اسلامی بھائیوں کی حوصلہ افزائی کی۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیر اہتمام پچھلے دنوں فیضان مدینہ جوہر ٹاؤن لاہور میں شعبہ مدرسۃ المدینہ کا مدنی مشورہ ہوا جس میں رکن شوری حاجی یعفور رضا عطاری نے شرکا کی دینی و اخلاقی اعتبار سے تربیت فرمائی۔

مزید رکن شوریٰ نے اسلامی بھائیوں سے شعبے کے دینی کاموں کا فالواپ لیا اور انہیں مزید احسن انداز میں دینی کام کرنے کا ذہن دیا جس پر انہوں نے اچھی اچھی نیتیں کیں۔( کانٹینٹ:رمضان رضا عطاری)

16 اکتوبر 2022ء کو دعوت اسلامی کے شعبہ مدرسۃ المدینہ بالغان کے زیر اہتمام عالمی مدنی مرکز فیضان مدینہ کراچی میں ”ختم قرآن“ کے سلسلے میں سنتوں بھرے اجتماع کا انعقاد کیا گیا جس میں قرآن پڑھانے والے معلمین اور عاشقان رسول کی کثیر تعداد نے شرکت کی۔

نگران شوریٰ حاجی مولانا محمد عمران عطاری مُدَّ ظِلُّہُ العالی نے ”قرآن پڑھنے، سمجھنے اور اس کا عامل بننے“ کے موضوع پر سنتوں بھرا بیان کیا اور شرکا کو مدرسۃ المدینہ بالغان کی اہمیت بیان کی۔

یہ اجتماع مدنی چینل کے ذریعے ملک و بیرون ملک سینکڑوں مقامات پراجتماعی طور پر براہ راست دیکھنے کا سلسلہ ہوا جن میں مدرسۃ المدینہ بالغان میں پڑھنے پڑھانے والے عاشقان رسول کثیر تعداد میں شریک ہوئے۔

آخر میں مدرسۃ المدینہ بالغان میں ناظرہ قرآن مکمل کرنے والے اسلامی بھائیوں کو سرٹیفکیٹ Certificate بھی دیئے گئے۔

عاشقانِ رسول کی دینی تحریک دعوتِ اسلامی کے عالمی مدنی مرکز فیضانِ مدینہ کراچی میں پچھلے دنوں انٹر نیشنل پاکستانی قومی ٹیم ہاکی کے پلیئرز کا وزٹ ہوا۔

اس موقع پر دعوتِ اسلامی کی مرکزی مجلسِ شوریٰ کے رکن حاجی محمد امین عطاری سمیت دیگر ذمہ دار اسلامی بھائیوں نے پلیئرز کو خوش آمدید کہتے ہوئے انہیں مختلف شعبہ جات کا وزٹ کروایا۔

12 اکتوبر 2022ء بروز بدھ دعوتِ اسلامی کے عالمی مدنی مرکز فیضانِ مدینہ کراچی میں مجلس فیضانِ مدینہ اور شعبہ جامعۃ المدینہ بوائز کی میٹنگ منعقد ہوئی جس میں دستارِ فضیلت اجتماع کے حوالے سے گفتگو کی گئی۔

دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے میٹنگ میں شریک ذمہ داران سے چند اہم نکات پر تبادلۂ خیال کیا اور دستارِ فضیلت اجتماع کی تیاری کو جلد از جلد مکمل کرنے کا ذہن دیا۔بعدازاں ذمہ دار اسلامی بھائیوں نےرکنِ شوریٰ حاجی محمد امین عطاری کو اس حوالے سے اپنی اپنی رائے پیش کی۔(کانٹینٹ:غیاث الدین عطاری)

عالمی مدنی مرکز فیضان مدینہ کراچی میں اردن (Jordan) کے الشیخ فواز الطباع الحسنی اور ‫شیخ عمر العوضات اورصومالیہ (Somalia) کے شیخ عبد الرحیم حفظہم اللہ کی آمد ہوئی۔

شیخ صاحبان نے فیضان مدینہ میں قائم اسلامک ریسرچ سینٹر(المدینۃ العلمیہ)، مدنی چینل ، ٹرانسلیشن، عربی ڈیپارٹ سمیت دیگر ڈیپارٹمنٹس کا وزٹ کیا۔عربی ڈیپارٹ کے ذمہ دار اسلامی بھائی نےانہیں دعوت اسلامی کے تحت دنیا بھر میں ہونے والے دینی و فلاحی خدمات کے بارےمیں بریفنگ دی اور مکتبۃ المدینہ العربیہ کی کتابوں کا تعارف پیش کیا۔

مہمان گرامی نے فیضان مدینہ کے دار الافتاء اہلسنت میں مفتی مولانا محمد سجاد عطاری مدنی دامت بَرَکَاتُہمُ العالیہ اور رکن شوریٰ حاجی ابو ماجد محمد شاہد عطاری مدنی سے ملاقات بھی کی اور علمی امور پر تبادلۂ خیال ہوا۔

عالمی مدنی مرکز فیضان مدینہ کراچی میں گورنمنٹ جناح ڈگری کالج سے پروفیسرز کے وفد کی آمد ہوئی۔

پروفیسرز نے فیضان مدینہ میں مختلف شعبہ جات اسلامک ریسرچ سینٹر (المدینۃ العلمیہ)، مدنی چینل، دورۃ الحدیث شریف اور دیگر ڈیپارٹمنٹس کا وزٹ کیا۔

پروفیسرز کو اسلامک ریسرچ سینٹر میں ہونے والے تحریری کام اور دعوت اسلامی کس طرح دینی و دنیاوی تعلیم کو منظم انداز میں عام کررہی ہے اس حوالے سے بتایا گیا۔ مہمانوں کو دعوت اسلامی کے ایپلی کیشنز اور دنیا بھر میں ہونے والے دینی و فلاحی خدمات کے متعلق بریفنگ دی گئی۔

پچھلے دنوں شوبز سے تعلق رکھنے والے مرحوم عمر شریف کے بیٹے جواد شریف سمیت دیگر فنکاروں نے دعوتِ اسلامی کے عالمی مدنی مرکز فیضانِ مدینہ کراچی کا وزٹ کیاجہاں رابطہ برائے شوبز ڈیپارٹمنٹ کے ذمہ داران نے انہیں خوش آمدید کہا۔

اس دوران جواد شریف سمیت دیگر فنکاروں نے مرکزی مجلسِ شوریٰ کے رکن حاجی محمد امین عطاری سےملاقات کی جس پر رکنِ شوریٰ نے انہیں بڑی شفقتوں سے نوازا اور دعوتِ اسلامی کے شعبہ جا ت کا وزٹ بھی کروایا۔(کانٹینٹ:غیاث الدین عطاری)

ملک و بیرونِ ملک نیکی کی دعوت عام کرنے اور لوگوں کو اسلامی تعلیمات سے آگاہ کرنے والے دعوتِ اسلامی کے ذمہ دار اسلامی بھائیوں کی تربیت کے لئے وقتاً فوقتاً میٹنگز کا انعقاد کیا جاتا ہے جس میں مبلغینِ دعوتِ اسلامی 12 دینی کاموں کے حوالے سے اسلامی بھائیوں کی تربیت کرتے ہیں۔

اسی سلسلے میں پچھلے دنوں دعوتِ اسلامی کے مدنی مرکز فیضانِ مدینہ فیصل آبا دمیں پنجاب مشاورت کے اسلامی بھائیوں کی میٹنگ منعقد ہوئی جس میں اراکینِ شوریٰ حاجی یعفور رضا عطاری، حاجی محمد اسلم عطاری، حاجی محمد وقارالمدینہ عطاری اور فنانس ڈیپارٹمنٹ کے ذمہ داران نے شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں سے گفتگو کرتے ہوئے مختلف اہم موضوعات پرکلام کیا جن میں بعض یہ ہیں:

1 :ای رسید کو زیادہ سے زیادہ ذمہ داران میں عام کیا جائے تاکہ عطیات ڈونیٹ کرنے والے عاشقان رسول کو آسانی ہو۔

2 :پنجاب پاکستان کے ہر شہر میں 12 ہویں شریف کا اجتماع سب سے بڑے میدان میں کیا جائے گا جس میں جامعۃ المدینہ و مدرسۃ المدینہ بوائزاور دیگر تمام شعبہ جات اپنے شرکا کے ہمراہ شعبے کے بینرز کے ساتھ شرکت کریں گے۔

اس کے علاوہ نگرانِ پاکستان مشاورت نے دورانِ گفتگو جلوسِ میلاد کے تعلق سے مدنی پھول دیئےجس میں اُن کا کہنا تھا کہ تمام شعبہ جات کے اسلامی بھائی نیز مختلف شہروں میں قائم دارالافتاء اہلسنت کے علمائے کرام اپنے شعبے کے اسلامی بھائیوں، طلبۂ کرام، سرپرست اور شخصیات کے ہمراہ جلوسِ میلاد میں بھر پور انداز سے شرکت کریں۔

مزید نگرانِ پاکستان مشاورت حاجی محمد شاہد عطاری کا کہنا تھا کہ جلوسِ میلاد کی ابتداء بعد نمازِ ظہر اور اس کا اختتام عصر کی نماز پرکیاجائے نیز مکتبۃالمدینہ کی مطبوعہ ”صبح بہاراں“ رسالے زیادہ سے زیادہ تقسیم کئے جائیں۔

بعدازاں نگرانِ پاکستان مشاورت نے اختتامی دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)