عاشقانِ رسول کی دینی تحریک دعوتِ اسلامی کے تحت 10 اکتوبر 2023ء بروز منگل بلاک 4 کراچی میں ایک اہلِ ثروت اسلامی بہن کے گھر پر محفلِ نعت کا اہتمام کیا گیا جس میں علاقے کی اسلامی بہنوں سمیت ذمہ دارانِ دعوتِ اسلامی کی بھی شرکت رہی۔

ابتداءً تلاوتِ قراٰن و نعتِ رسول مقبول صلی اللہ علیہ و سلم کے بعد نگرانِ عالمی مجلسِ مشاورت اسلامی بہن نے ”سیرتِ مصطفیٰ صلی اللہ علیہ و سلم“ کے موضوع پر بیان کیااور حضور صلی اللہ علیہ و سلم کی زندگی کے چند واقعات بتائے۔

علاوہ ازیں نگرانِ عالمی مجلسِ مشاورت نے وہاں موجود اہلِ ثروت اسلامی بہنوں کو دعوتِ اسلامی کے نیک اجتماعات میں شرکت کرنےاور 15 اکتوبر 2023ء کو ہونے والے ٹیلی تھون میں اپنا حصہ جمع کروانے کی ترغیب دلائی۔محفل کے اختتام پر ڈسٹرکٹ نگران اسلامی بہن نے دعا کروائی اور شرکا اسلامی بہنوں نے اُن سے ملاقات بھی کی۔