لوگوں کو بھلائی کی باتیں سکھانے اور انہیں نیکی کی دعوت دینے والی عاشقانِ رسول کی دینی تحریک دعوتِ اسلامی کے تحت گزشتہ روز راجہ بازار راولپنڈی میٹروپولیٹن کے ذیلی حلقہ بھابڑہ بازار میں سنتوں بھرے اجتماع کا انعقاد کیا گیا۔

اس اجتماعِ پاک کا آغاز تلاوتِ کلامِ پاک اور نعتِ رسولِ مقبول صلی اللہ علیہ و سلم سے کیا گیا جبکہ نگرانِ پاکستان مجلسِ مشاورت اسلامی بہن نے ”اللہ والوں کے روزے“ کے موضوع پر سنتوں بھرا بیان کیا۔

دورانِ بیان نگرانِ پاکستان مجلسِ مشاورت نے شرکا اسلامی بہنوں کوبزرگانِ دین کے طریقۂ کار کے مطابق رمضان شریف کے روزے رکھنے کا ذہن دیا جس پر انہوں نے اچھی اچھی نیتیں کیں۔بعدِ اجتماع اجتماع میں شریک شخصیات اسلامی بہنوں نے نگرانِ پاکستان مشاورت سے ملاقات بھی کی۔