دعوتِ اسلامی کے شعبہ شارٹ کورسز کے زیراہتمام  بلدیہ ٹاؤن کابینہ کراچی میں کورس بنام ’’حُبِّ اہلِ بیت‘‘ منعقد کرنےسے متعلق تربیتی سیشن ہوا جس میں 22 ذمہ دار و مدرسات اسلامی بہنوں نے شرکت کی ۔

کابینہ مشاورت ذمہ داراسلامی بہن نے مدرسات و ذمہ دار اسلامی بہنوں کو کورس منعقد کرنےسے متعلق اہم نکات بتائے اور اس کورس کے لئے پہلے سے تیاری کرنے اور تشہیر کرنے کا ذہن دیانیزکورس ’’حبِ اہلِ بیت‘‘ کا آغاز 9 اگست 2021ءسے ہونےکاہدف دیا۔ اس کورس کی مدت 3 دن ، وقت 1 گھنٹہ ہوگا، اس کورس میں قراٰن و حدیث اور صحابہ کرام رضی اللہ تعالیٰ عنہم اور بزرگانِ دین کے اقوال و واقعات سے سادات کرام سے محبت و تعظیم کا انداز ، واقعہ کربلا نیز ماہِ محرم الحرام اور یومِ عاشورہ کے فضائل اور اس میں کی جانے والی عبادات کے متعلق بیانات کاجدول طےپایا۔