دنیا بھر میں دعوتِ اسلامی نے بلامبالغہ لاکھوں نہیں  بلکہ کروڑوں افراد کو عشقِ رسول صلَّی اللہ علیہ واٰلہٖ وسلَّم کے جام پلائے ہیں ، دعوتِ اسلامی کے107سے زائد شعبہ جات ہیں جن میں ایک اہم ترین شعبہ ”مکتبۃ المدینہ“ بھی ہے جو اشاعتِ دین کے ذریعے اصلاحِ عقائد واعمال کے لئے علماءومشائخِ اہلسنّت اور امیر اہلِ سنّت دَامَتْ بَرَکَاتُہُمُ الْعَالِیَہکی کتب وتالیفات کو جدید اور خوبصورت انداز میں شائع کرکے انتہائی مناسب ہدیے پر عاشقانِ رسول تک پہنچانے کی سعادت حاصل کررہا ہے ۔اسی شعبے کو مزید وسعت دیتے ہوئے عاشقان ِرسول کی مدنی تحریک دعوتِ اسلامی نے 1437سن ہجری میں عرس ِاعلیٰ حضرت رحمۃ اللہ علیہ کے موقع پر عربی کتب کی خریداری کے شائقین کے لئے ”مَکْتَبَۃُ المَدِیْنَہ اَلْعَربِیَہ“ کا آغاز کیا ۔

اس شعبے کے قیام کا مقصد ملک ِشام ، بیروت ، اردن ،عمان ، مصر اور دیگر عرب ممالک سے شائع شدہ عربی کتب خرید کر مناسب ہدیے پر علمائے کرام ، مفتیانِ عِظام ، طلبۂ کرام اور محققین حضرات تک پہنچانا ہےاور ملک وبیرونِ ملک سے آڈر دینے والوں کو ڈاک یا بلٹی کے ذریعے گھر بیٹھے کتاب حاصل کرنے کی سہولت بھی فراہم کی جاتی ہے ۔

وطنِ عزیز پاکستان میں ”مَکْتَبَۃُ المَدِیْنَہ اَلْعَربِیَہ“ کی برانچیں کراچی ، حیدر آباد ،فیصل آباد ، ملتان، لاہور ، راولپنڈی اور گجرات میں جبکہ بیرونِ ملک یوکے کے شہر برمنگھم میں قائم ہیں نیز عنقریب اِنْ شَآءَ اللہ عَزَّ وَجَلَّ نیپال کے شہر نیپال گنج اور ہند کے شہر ممبئی میں”مَکْتَبَۃُ المَدِیْنَہ اَلْعَربِیَہ“ کی برانچیں کھولی جائیں گی ۔ تادَمِ تحریر”مَکْتَبَۃُ المَدِیْنَہ اَلْعَربِیَہ“ پر سینکڑوں موضوعات پر عربی کتب موجود ہیں ۔

”مَکْتَبَۃُ المَدِیْنَہ اَلْعَربِیَہ“ کے حوالے سے مزید معلومات یا کتب کی فہرست حاصل کرنے کے لئے ان نمبرز پر کال یا ایس ایم ایس یا واٹس ایپ کیا جاسکتا ہے 03102864568۔۔03164734747جبکہ اس ای میل ایڈریس پر میل بھی کرسکتے ہیں۔arabicbooks@maktabatulmadinah.com