گزشتہ روز ملک و بیرونِ ملک میں لوگوں کو نیکی کی دعوت دینے والی عاشقانِ رسول کی دینی تحریک دعوتِ اسلامی کے زیرِ اہتمام پی آئی بی کالونی کراچی میں قائم فیضانِ صحابیات میں ایک ٹریننگ سیشن منعقد  ہوا جس میں شعبہ تعلیم (اسلامی بہنیں) سے وابستہ تمام سطح کی ذمہ دار اسلامی بہنوں نے شرکت کی۔

تفصیلات کے مطابق ٹریننگ سیشن کا آغاز تلاوتِ قراٰن اور نعت شریف سے کیا گیا جبکہ صاحبزادیِ عطار سلمہالغفار اور نگرانِ عالمی مجلس مشاورت اسلامی بہن نے سنتوں بھرے بیانات کئے۔

دورانِ بیان اسلامی بہنوں کی تربیت و رہنمائی کرتے ہوئے انہیں دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا گیا جس پر انہوں نے اچھی اچھی نیتیں کیں۔