سیالکوٹ، پنجاب میں عاشقانِ رسول کی دینی تحریک دعوتِ اسلامی کے تحت گزشتہ روز ماہانہ سیکھنے سکھانے کے حلقے میں ذمہ دار اسلامی بہنوں کےمختلف موضوعات پر سنتوں بھرے بیانات ہوئے۔

اس دوران ذمہ دار اسلامی بہنوں نے قراٰنِ پاک پڑھنے/ پڑھانے کے فضائل بتاتے ہوئے شرکا کو تیمم کا طریقہ سکھایا جبکہ دعوتِ اسلامی کی نگرانِ عالمی مجلسِ مشاورت اسلامی بہن نے ڈونیشن کے حوالے سے اسلامی بہنوں کی ذہن سازی کی۔

نگرانِ عالمی مجلسِ مشاورت نےذمہ دار اسلامی بہنوں کو دعوتِ اسلامی کے مختلف شعبہ جات کے لئے زیادہ سے زیادہ یونٹس (عطیات) جمع کرنےکی ترغیب دلائی جس پر انہوں نے اچھی اچھی نیتیں کیں۔

آخر میں نگرانِ عالمی مجلسِ مشاورت نے اسلامی بہنوں کی حوصلہ افزائی کے لئے اُن کے درمیان تحائف تقسیم کئے اور اُن سے ملاقات بھی کی ۔