عاشقانِ رسول کی دینی تحریک دعوتِ اسلامی کے تحت 4 فروری 2025ء کو شیخوپورہ ڈویژن کی ذمہ داران کا مدنی مشورہ ہوا جس میں ڈویژن سطح کی شعبہ ذمہ داران، ننکانہ، شاہ کوٹ، قصور، پتوکی، چونیاں، فیروز والا، شیخوپورہ اور فاروق آباد سمیت اطراف کے علاقوں سے اسلامی بہنوں نے شرکت کی۔

معلومات کے مطابق نگران پنجاب مشاورت اسلامی بہن نے مدنی مشورے کے دوران ”ہفتہ وار مدنی مذاکرہ“ کے موضوع پر بیان کرتےہوئے مدنی مذاکرے کی اہمیت اور اس کے ذریعے حاصل ہونے والے علم دین کے منفرد انداز کو بیان کیا جبکہ ذمہ داران کو مدنی چینل پر ہونے والا ہفتہ وار مدنی مذاکرہ پابندی سے دیکھنے / سننے کی ترغیب بھی دلائی۔

اس کے علاوہ دعوتِ اسلامی کی نگران پاکستان مجلسِ مشاورت اسلامی بہن نے شعبان المعظم کے اہم دینی کاموں سے متعلق گفتگو کرتے ہوئے رمضان ڈونیشن کی کارکردگی کا جائزہ لیا۔

نگرانِ پاکستان مجلسِ مشاورت نے مختلف شعبہ جات کی ذمہ دار و نگران اسلامی بہنوں کی جانب سے دینی کاموں کے سلسلے میں ہونے والے سوالات کے جوابات دیئے اور اسلامی بہنوں کو آئندہ کے اہداف بتائے۔