لوگوں کو عالمِ دین بنانےاور انہیں قراٰن و حدیث کی تعلیمات کے مطابق زندگی گزارنے کا ذہن دینے والی عاشقانِ رسول کی دینی تحریک دعوتِ اسلامی کے تحت 01 نومبر 2023ء   بروز بدھ ملتان ڈویژن، ڈسٹرکٹ وہاڑی میں قائم جامعۃ المدینہ گرلز میں درسِ نظامی (عالمہ کورس) مکمل کرنے والی طالبات کے لئے ردا پوشی کی تقریب منعقد ہوئی۔

تقریب کے آغاز میں اسلامی بہن نے قراٰنِ مجید کی تلاوت کی اور نعت خواں اسلامی بہن نے حضور پُر نور حضرت محمد صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا جبکہ مبلغۂ دعوتِ اسلامی نے سنتوں بھرا بیان کیا۔

خوشی کے اس موقع پر صاحبزادیِ عطار سلمہا الغفارنے طالبات کو مبارکباد دیتے ہوئے اُن کی رداپوشی کی (چادریں اوڑھائیں) اور اسناد تقسیم کیں ۔

بعدازاں صاحبزادیِ عطار سلمہا الغفارنے طالبات کو اخلاص کے ساتھ دینِ اسلام کی ترویج و اشاعت کے لئے کام کرنے کا ذہن دیا جس پر انہوں نے اچھی اچھی نیتیں بھی پیش کیں۔