دعوت اسلامی کی مرکزی مجلس شوریٰ کے نگرانِ مولانا  محمد عمران عطاری مَدَّظِلُّہُ الْعَالِی نے 8فروری 2020ء بروز ہفتہ عالمی مدنی مرکز فیضانِ مدینہ کراچی میں ”فقہ المعاملات اور جدید بینکنگ کورس“ کے حوالے سے مدنی مشورہ لیا جس میں مجلس جامعۃ المدینہ اور بینکاری سے تعلق رکھنے والے اسلامی بھائیوں نے شرکت کی۔ نگرانِ شوریٰ نے کورس کی تیاریوں کا جائزہ لیا اور اپنے قیمتی مدنی مشوروں سے بھی نوازا۔ اس موقع پر اراکینِ شوریٰ مولانا حاجی عبد الحبیب عطاری اورحاجی محمد اطہر عطاری بھی موجود تھے ۔