دعوت اسلامی کی  مجلس مدرستہ المدینہ جزوقتی کے تحت 17 ستمبر 2020ء بروز جمعرات کراچی ریجن ساؤتھ زون صدر کابینہ لسبیلہ میں مدنی مشورہ ہوا جس میں مدرسۃ المدینہ کے ناظمین نے شرکت کی ۔

مبلغ دعوت اسلامی محمد عرفان عطاری نگران مجلس پاکستان مدرستہ المدینہ جزوقتی نے شرکا کو تعلیم قرآن میں بہتری لانے، شعبہ کو خود کفالت کرنے اور یکسوئی کیساتھ ہر ہر بچے کو اچھے انداز تعلیم کے ساتھ اخلاقتات پر خاص توجہ دینے کے متعلق مدنی پھول دیئے ۔

مبلغ دعوت اسلامی نے مزید مدنی پھول دیتے ہوئے کہا کہ ہر مدرس اپنے ماہانہ مدارس خود کفیل کریں ،گھریلو صدقہ بکس 100فیصد رکھوائیں اور ہر ماہ کی 10 تاریخ تک 100فیصد کھلوائیں بھی بالخصوص مدنی بستہ لگانے کے حوالے سے ذہن سازی کرتے ہوئے اہداف دیئے جس پر شرکا نے ان مدنی پھولوں پر عمل کرنے کی اچھی اچھی نیتوں کا اظہار کیا ۔(رپورٹ: عبدالرؤف عطاری ناظم اعلیٰ جزوقتی صدر کابینہ)

دعوت اسلامی کی  مجلس کارکردگی کے تحت 20 ستمبر 2020ء بروز اتوار واہگہ ٹاون کابینہ لاہور، ہجویری سکیم میں مدنی مشورہ ہوا جس میں مکی شعبہ جات شعبہ تعلیم، ڈاکٹر مجلس،وکلا، حکیم مجلس، مدنی چینل ڈسٹری بیوشن مجلس، ویٹرنری حیوانات ڈاکٹر مجلس، فیضان مرشد مجلس کے کابینہ ذمہ داران نے شرکت کی ۔

مبلغ دعوت اسلامی ندیم عطاری نگران کابینہ نے انفرادی مدنی کاموں کی کارکردگی کا جائزہ لیتے ہوئے شرکا کو دعوت اسلامی کے مذکور ہ شعبہ جات سے منسلک افراد کی ڈیٹا انٹری کے متعلق مدنی پھول دیئے ۔(رپورٹ :شہزاد عطاری کابینہ کارکردگی)

اسلامی بہنوں کی مجلس علاقائی دورہ کے زیراہتمام  گزشتہ روز علاقائی دورہ ریجن سطح ذمہ دار اسلامی بہن نے ذمہ دار اسلامی بہنوں کا مدنی مشورہ لیا جس میں زون سطح کی ذمہ داراسلامی بہنوں نے شرکت کی۔

ریجن سطح ذمہ دار اسلامی بہن نے شیڈول اور ماہانہ کارکردگی وقت پر جمع کروانے کی ترغیب دلائی اور ماتحت اسلامی بہنوں کے شیڈول وصول کرنے اور چیک کرنے کے حوالے سے تربیت کی نیز علاقائی دورہ کرتے ہوئے رسائل تقسیم کرنے کا ذہن دیا ۔

حكایت:

امام بخار ی رحمۃ اللہ علیہ کی علمی شہرت اورقدر و منزلت سے طلبا خوب واقف ہیں، جب امام محمد بن حسن رحمۃ اللہ علیہ جوامام ربانی (از آئمہ احناف) کے نام سے مشہور ہیں کی خدمت میں تعلیم کے لیے حاضر ہوئے تو آپ علیہ الرحمۃ کی طبیعت کو استاذ مکرم نے دیکھ کر فیصلہ فرمایا کہ بخاری تم بجائے فقہ، حدیث کا متن سیکھو، با ادب شاگرد با ادب سر جھکاتے ہوئے فقہ چھوڑ کر حدیث شریف پڑھنے لگ گئے، امام زرنوجی رحمۃ اللہ علیہ فرماتے ہیں کہ یہ استاد صاحب کے فرمان پر چلنے کی برکت ہے کہ آج امام بخاری رحمۃ اللہ علیہ کی لکھی ہوئی کتاب قرآن مجید کے بعد اول درجہ رکھتی ہے۔(تعلیم المتعلم طریق التعلم ص ۵۵)

اس کارخانہ قدرت میں جس کو جو نعمتیں ملی آدب کی بنا پر ملی ہیں اور جو ادب سے محروم ہے حقیقتاً ایسا شخص ہر نعمت سے محروم ہے، کسی شاعر نے کہا:

ما وصل من وصل الابالحرمة وما سقط من سقط الا بترک الحرمۃ

یعنی جس نے جو کچھ پایا ادب و احترام کرنے کی وجہ سے پایا اور جس نے جو کچھ کھویا ادب و احترام نہ کرنے کے سبب ہی کھویا۔(کامیاب ، طالبِ علم کون، صفحہ ۵۵) شاید اسی وجہ سے یہ بات مشہور ہے کہ ”باادب بانصیب بے ادب بے نصیب“

استاد کا احترام کر نے کی برکت:

امام اعظم ابوحنیفہ رحمۃ اللہ علیہ ایک مدرسے میں تشریف فرما تھے ، شاگرد بیٹھے ہوئے تھے سلسلہ درس و تدریس جاری تھا ،نہ جانے کیا خیال آیا کہ حکم دیا ایک اونٹ لایا جائے جب اونٹ آگیا شاگردوں سے فرمایا اسے کوٹھے(چھت) پرپہنچادو ، عجیب و غریب حکم سن کر طلبا ایک دوسرے کا منہ دیکھنے لگے ، بھلا اونٹ چھت پر کیسے چڑھ سکتا ہے؟سب سوچتے رہے لیکن دو طالبِ علم جن میں ایک کا نام یوسف اور دوسرے کا نام محمد ہے آگے بڑھے اونٹ کو رسیوں سے باندھ کر کھینچنا شروع کردیا۔

امام علیہ الرحمۃ نے دیکھا تو فرمایا بس اب چھوڑ دو اونٹ کو چھت پر چڑھانا مقصود نہیں تھا بلکہ میں تمہاری فرمانبرداری کا امتحان لینا چاہتا تھا۔شاباش ہے تمہاری ہمت پر اور آفرین ہے اس اطاعت اور فرمانبرداری پر اللہ عَزَّوَجَلَّ تمہیں اس اطاعت و فرمانبرداری کے بدلے علم و عزت عطا فرمائے اور پھر استاد کی دعا قبول ہوئی آج دنیا ان طالبِ علموں کو امام ابو یوسف اور امام محمد رحمہما اللہ کے نام سے یاد کرتی ہے۔ (آداب استاد و شاگرد صفحہ۹)

ادب استاد ینی کا مجھے سرکار عطا کردو

دلوں جاں سے کروں ان کی اطاعت یارسول اللہ

(وسائل بخشش )

اطاعت سے بہتر کیا ہے؟

کہا جاتا ہے کہ الحر مة خیر من الطاعة یعنی ادب و احترام کرنا اطاعت کرنے سے زیادہ بہتر ہے۔(راہِ علم ص ۲۹)

غرض یہ کہ ادب ایک ایسی صفت ہے جو انسان کو ممتاز بناتی ہے، شرف انسانیت یہ ہے کہ انسان ادب کے زیور سے آراستہ ہو جس انسان میں ادب کا جوہر نہیں وہ انسان نما حیوان ہے۔

ایک بزرگ رحمۃ اللہ علیہ اپنے بیٹے کو مخاطب کرتے ہوئے فرماتے ہیں کہ اے میرے پیارے بیٹے کوئی بھی عمل کرو وہ عمل ادب کے ساتھ کرو، اور اس انداز سے کرو کہ عمل آٹے میں نمک کے برابر ہو اور ادب آٹے جتنا ہو۔

(اسلامی آداب، صفحہ ۵۲)

جو ہے باادب وہ بڑا بانصیب ہے

جو ہے بے ادب وہ نہایت برا ہے

(وسائل بخشش مترجم، ص ۴۵۴)

طلبائے کرام کو چاہیے وہ ہر صورت میں اپنے اساتذہ کا ادب و احترام بجالائیں اور ان تمام باتوں سے بچنے کی کوشش کریں جن سے بے ادبی کا اندیشہ ہو، یاد رکھیے جوطالبِ علم استاد کی بے ادبیاں کر تا ہے وہ کبھی بھی علم کی روح کو نہیں پاسکتا، اگر وہ بظاہر بہت بڑا عالم بن جائے تب بھی ایسی خطائیں کرجاتا ہے کہ وہ خود حیران رہ جاتا ہے کہ مجھ سے یہ خطائیں کیسے ہوگئیں، یہ سب استاد کی بے ادبی کا نتیجہ ہوتا ہے، جو طالب علم اپنے استاد اور دینی کتب کا ادب و احترام نہیں کرتا وہ علم کی روح سے محروم ہوجاتا ہے۔(حافظہ کمزور ہونے کی وجوہات ص ۱۹)

محفوظ س دا رکھنا شہا بے ادبوں سے

اور مجھ سے بھی سرزد نہ کبھی بے ادبی ہو

اللہ عزوجل ہمیں اپنے اساتذہ کا ادب و احترام کرنے کی توفیق عطا فرمائے۔ (وسائل بخشش مترجم )

نوٹ: یہ مضامین نئے لکھاریوں کے ہیں۔حوالہ جات کی تفتیش و تصحیح کی ذمہ داری مؤلفین کی ہےادارہ اس کا ذمہ دار نہیں

اسلامی  بہنوں کی مجلس ڈونیشن بکس کے زیر اہتمام 20 ستمبر 2020 ء کو حیدرآباد ریجن، نواب شاہ زون کا پاکستان سطح ڈونیشن بکس کی ذمہ دار اسلامی بہن نے ماہانہ مدنی مشورہ لیا جس میں نواب شاہ زون کی زون تا کابینہ ذمہ داراسلامی بہنوں نے شرکت کی۔

مجلس میڈیا ڈیپارٹمنٹ  آف دعوت اسلامی کے تحت 20 ستمبر 2020ء بروز اتوارحیدر آباد زون کے رکن محمد عارف عطاری اور رکن کابینہ عبدالغنی عطاری نے حیدر آباد کابینہ کے نگران محمد دانش عطاری کے ساتھ روزنامہ قومی اخبار کے بیورو چیف راحت کاظمی، سینئر صحافی خالد، اور محسن خان اور دیگر صحافیوں سے ملاقاتیں کیں۔

ملاقات میں ذمہ داران دعوت اسلامی نے انہیں نیکی کی دعوت دیتے ہوئے دین اشاعت کی سربلندی اور اپنی اصلاح کے ساتھ دوسروں کی اصلاح کے جذبے کے تحت مدنی قافلے میں سفر کر نے کا ذہن دیا اور دعوت اسلامی ویلفیئر کی خدمات سے آگاہ کیا۔(رپورٹ: اسرار حسین عطاری پاک آفس کارکردگی ذمہ دارمیڈیا ڈیپارٹمنٹ آف دعوت اسلامی)

دعوتِ اسلامی کے زیر اہتمام 18 ستمبر2020ء کو  لاک ڈاون کے بعد ‎ کشمور زون، ڈھرکی کابینہ کے علاقے گلاب شاہ کالونی میں دعائے صحت اجتماع ہوا جس میں دکھیاری امت اور پریشان اسلامی بہنوں کے لیے صلوۃالحاجات، دعا اور مکتوبات و اراد عطاریہ کا بستہ لگایا گیا ۔ اجتماع پاک میں نگرانِ کابینہ اور ڈویژن نگران اسلامی بہنوں نے پھرپور تعاون کیا ۔

اسلامی بہنوں کی مجلس مکتوبات و اورادِ عطاریہ کے  زیر اہتمام 20 ستمبر 2020ء کو میرپور خاص زون کے شہر ٹنڈوالہ یارمیں مجلس مکتوبات و اورادِ عطاریہ کی ریجن ذمہ دار و مشاورت نے SOP's کے مطابق تعویذاتِ عطاریہ کا تربیتی اجتماع فرمایا جس میں کثیر تعداد میں اسلامی بہنوں نے شرکت کی۔ماسک ، سینیٹائزر اور سوشل ڈسٹینس کا بھی خیال رکھا گیا نیز اجتماع کے اختتام پر اسلامی بہنوں کو تعویذاتِ عطاریہ بھی دئیے۔

دعوت اسلامی کی سکیورٹی مجلس کے تحت  گزشتہ روز لاہور شمالی زون شاہدہ کابینہ سکیورٹی مجلس کے اسلامی بھائیوں کے درمیان مدنی حلقہ ہوا۔نگران مجلس سکیورٹی ابو حامد محمد عادل عطاری نے ذمہ داران کی مدنی کاموں میں شمولیت کے حوالے سے تربیت کرتے ہوئے اجتماعی طور پر مدنی مذاکرہ دیکھنے کا اہتمام کیا۔(رپورٹ: محمد شاہد بٹ عطاری)

اسلامی  بہنوں کے شعبے علاقائی دورہ کے زیر اہتمام 19 ستمبر 2020 ء کو عالمی مجلس مشاورت علاقائی دورہ ذمہ دار اسلامی بہن کا حیدرآباد ریجن اور زون ذمہ داراسلامی بہنوں کا مدنی مشورہ ہوا جس میں میرپور زون ، سکھر زون ، کشمور زون اور تھر زون کی ذمہ داراسلامی بہنوں نے شرکت کی۔

دعوت اسلامی کی مجلس مدنی بستہ کے تحت 20ستمبر2020ء بروز  اتوار لاہور ریجن گوجرانوالہ زون میں عطیات بستے کا افتتاح ہوا اس موقع پر مفتش مدنی بستہ ذمہ دار سمیت دیگر عاشقان رسول موجود تھے ۔

دعوت اسلامی کی مرکزی مجلس شوریٰ کے رکن اسد مدنی نے صدقے کے فضائل کے موضوع پر بیان کرتے ہوئے شرکا کو دین اسلام کی ترقی میں کوشاں دعوت اسلامی کے مدنی کاموں کے لئے عطیات جمع کرنے کا ذہن دیا جس پر حاضرین نے اس عظیم دینی خدمات میں ہاتھوں ہاتھ عطیات جمع کر وا کر اس نیک کام میں حصہ لیا اور دوسروں کو اس کی ترغیب دلائی۔ (رپورٹ:غلام جیلانی عطاری مفتش مدنی بستہ ذمہ دار )