12 اکتوبر 2024ء کو گلشنِ اقبال لیموں گوٹھ میں ایک مدرسہ اسلامی بہن کی رہائش گاہ پر دعوتِ اسلامی کے تحت محفلِ نعت کا اہتمام کیا گیا جس میں مقامی اسلامی بہنوں نے شرکت کی۔

محفلِ نعت کی ابتدا میں تلاوتِ قراٰنِ پاک سے کی گئی اور نعت خواں اسلامی بہنوں نے حضور خاتم النبیین صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا جس کے بعد نگرانِ عالمی مجلسِ مشاورت کا سنتوں بھرا بیان ہوا۔

نگرانِ عالمی مجلسِ مشاورت اسلامی بہن نے دورانِ بیان غوثِ پاک رحمۃُ اللہِ علیہ کی والدہ کی مثالی تربیت کے متعلق اسلامی بہنوں کو بتایا نیز حاضرین کو اسی کے مطابق اپنے بچے اور بچیوں کی تربیت کرنے کا ذہن دیا۔

علاوہ ازیں نگرانِ عالمی مجلسِ مشاورت نے اسلامی بہنوں کو دعوتِ اسلامی کے تحت ہونے والے سنتوں بھرے اجتماعات میں شرکت کرنے اور مدرسۃ المدینہ بالغات میں پڑھنے کی ترغیب دلائی۔