دعوت اسلامی کے شعبہ رابطہ برائے وکلاء کے زیرِ اہتمام 24 نومبر 2021ء کو مدنی مرکز فیضان مدینہ جوہر ٹاؤن لاہور میں سنتوں بھرے اجتماع کا انعقاد کیا گیا جس میں لاہور کے وکلااور ڈاکٹرز نے کثیر تعداد میں شرکت کی۔

نگران مرکزی مجلس شوریٰ مولانا حاجی محمد عمران عطاری مُدَّ ظِلُّہُ العالی نے سنتوں بھرابیان کیا اور شرکا کو نمازوں کی پابندی کرنے، سیرت مصطفےٰ ﷺکے مطابق زندگی گزارنے اور دینی کاموں میں شرکت کرنے کی ترغیب دلائی۔

اس موقع نگران پاکستان مشاورت حاجی محمد شاہد عطاری ، اراکین شوریٰ حاجی یعفور رضا عطاری اور حاجی منصور عطاری بھی موجود تھے۔