دعوتِ اسلامی کے تحت ملتان کے دارالمدینہ آئی ایس ایس ٹو پرائمری کیمپس اور گلستان چوک کیمپس میں پچھلے دنوں جشن ولادت مصطفیٰ ﷺ کی خوشی میں اجتماعاتِ میلاد کا انعقاد کیا گیا۔ اس موقع پر دونوں کیمپسز کو برقی قمقموں اور مدنی پرچموں سے سجایا گیا ۔ محفل میلاد کا آغاز تلاوتِ کلام پاک سے ہوا جبکہ آقاﷺ کی نعتوں، کوئز مقابلوں اور درس و بیان کا سلسلہ بھی ہوا۔اس موقع پر طلبہ کا جوش و خروش قابلِ دید تھا۔