عاشقانِ رسول کی دینی تحریک دعوتِ اسلامی کے تحت 7 فروری 2025ء کو فیصل آباد  میٹروپولیٹن اور چینوٹ و فیصل آباد ڈسٹرکٹ کی ذمہ داران کا مدنی مشورہ ہوا جس میں ڈویژن و ڈسٹرکٹ سطح کی شعبہ ذمہ داران، پینسرہ، سمندری، جھمرہ، لالیاں اور چینوٹ سمیت اطراف کے علاقوں سے اسلامی بہنوں کی شرکت ہوئی۔

تفصیلات کے مطابق نگرانِ ڈویژن مشاورت اسلامی بہن نے”ہفتہ وار مدنی مذاکرہ“ کے موضوع پر بیان کرتےہوئے مدنی مذاکرے کی اہمیت اور اس کے ذریعے حاصل ہونے والے علم دین کے منفرد انداز کو بیان کیا جبکہ ذمہ داران کو مدنی چینل پر ہونے والا ہفتہ وار مدنی مذاکرہ پابندی سے دیکھنے / سننے کی ترغیب دلائی۔

اسی طرح دعوتِ اسلامی کی نگران پاکستان مجلسِ مشاورت اسلامی بہن نے شعبان المعظم کے اہم دینی کاموں سے متعلق گفتگو کی اور رمضان ڈونیشن کی کارکردگی کا جائزہ لیا۔

نگرانِ پاکستان مجلسِ مشاورت نے مختلف شعبہ جات کی ذمہ دار و نگران اسلامی بہنوں کی جانب سے دینی کاموں کے سلسلے میں ہونے والے سوالات کے جوابات دیئے اور اسلامی بہنوں کو آئندہ کے اہداف بتائے۔

بعدازاں شرکائے مدنی مشورہ کو دعوتِ اسلامی کے دینی کاموں میں بڑھ چڑھ کر حصہ لینے کی بھی ترغیب دلائی گئی اور اختتام پر دعا کا سلسلہ ہو ا۔