اسلامی بہنوں کی مجلس مدنی انعامات کے تحت 5فروری 2020ء UK یو کے ، کے شہر مانچسٹر میں ذمہ دار اسلامی بہنوں کا بذریعۂ انٹر نیٹ مدنی مشورہ ہوا جس میں کابینہ سطح کی ذمہ دار اسلامی بہنوں نے شرکت کی۔ مدنی انعامات ریجن سطح ذمہ دار اسلامی بہن نے مدنی مشورے میں شریک اسلامی بہنوں کی کارکردگی کا جائزہ لیتے ہوئے ان کی تربیت کی اورمدنی انعامات کے شعبے میں مزید ترقی و بہتری لانے، زیادہ سے زیادہ اسلامی بہنوں کو مدنی انعامات کی عاملات بنانے اور اسلامی بہنوں کو مدنی ماحول سے قریب لانے کے متعلق نکات پیش کئے گئے نیز آ ئندہ کےاہداف مقرر کئے۔ شعبے کی ترقی اور مزید بہتری کے لئے ضروری اقدامات پر غور کیا گیااور ہاتھوں ہاتھ اہداف پیش کئے گئے ۔ ریجن سطح ذمہ دار اسلامی بہن نے بہتر کارکردگی پر اسلامی بہنوں کی حوصلہ افزائی بھی کی۔

دعوتِ اسلامی كےزیر اہتمام 6فروری2020ءکو یوکے (UK) کے شہرناٹنگھمNottingham میں كورس ’’جنت كا راستہ‘‘ کا انعقاد کیا گیا جس میں مقامی اسلامی بہنوں نے شرکت کی۔ مبلغۂ دعوتِ اسلامی نے سنّتوں بھرا بیان کیا اور کورس میں شریک اسلامی بہنوں کو آسانی کے ساتھ مدنی انعامات پر عمل کرنے ، آخرت کی تیاری کرنے، جنت کا حصول اور مدنی انعامات کے ذریعے نیک اعمال بجا لانے کے متعلق نکات دئیے۔

‫ دعوت اسلامی كےزیر اہتمام نيوزى لينڈ کے شہر آکلینڈ کے علاقہ’’City Centre ‘‘میں 8 فرورى 2020ء کو Freemans Bay کے مقام پر اسلامی بہنوں کے درمیان سنتوں بھرا اجتماع منعقد ہوا جس میں مقامی اسلامی بہنوں نے شرکت کی سعادت حاصل کی۔ مبلغہ دعوتِ اسلامی نے ’’سخاوتِ صديق اكبر‘‘ کے موضوع پر بیان کیا اور دعوتِ اسلامی کے زیر اہتمام ہونے والے کورسز کرنے کی نیتیں کروائی گئیں۔ آخر میں اجتماعی دعا كى ترکیب بھی بنائی گئی۔

11 فروری2020ء کو نیپال میں جامعۃ المدینہ کے تحت درسِ نظامی(عالم کورس) سے فارغ التحصیل 55 طلبائے کرام کی دستار فضیلت کے سلسلے میں دستارِ فضیلت اجتماع کا اہتمام ہوگا، جانشینِ عطار اور نگرانِ شوریٰ خصوصی شرکت فرمارہے ہیں۔

تفصیلات کے مطابق دعوتِ اسلامی کے تحت 11فروری2020ء بروز منگل سوشل گراؤنڈ نیاز بازار کاٹھمانڈو نیپال میں جامعۃ المدینہ کے تحت درسِ نظامی(عالم کورس) سے فارغ التحصیل 55 طلبائے کرام کی دستار فضیلت کے سلسلے میں دستارِ فضیلت اجتماع کا اہتمام کیا جارہا ہے۔ اس اجتماع میں بڑی تعداد میں عاشقانِ رسول شرکت کریں گے۔اس مبارک اجتماعِ میں جانشینِ عطار حاجی عبید رضا عطاری مدنی خصوصی شرکت فرمائیں گےاور نگرانِ شوریٰ مولانا عمران عطاری خصوصی بیان کے لئے پاکستان سے تشریف لارہے ہیں ۔

دعوتِ اسلامی کے تحت گزشتہ دنوں Mito city japan میں امیر اہل سنت دَامَتْ بَرَکَاتُہُمُ الْعَالِیَہ کی ہمشیرہ مرحومہ کے ایصال ثواب کے کیلئے قراٰن خوانی و دعا کا اہتمام کیا گیا۔اس موقع پر مقامی اسلامی بھائیوں نے ایصالِ ثواب کی محفل میں شریک ہو کر قراٰن خوانی کرکے ثواب کا مدنی گلدستہ مرحومہ کو ایصال کیا۔ (رپورٹ:نعیم رضا عطاری، وقف مبلغ12 مدنی کام چائنہ ریجن جاپان کابینہ)

گزشتہ دنوں  مولانا محمد عادل شہزادصاحب نےمدنی مرکز فیضانِ مدینہ اسٹچفورڈ برمنگھم یوکے کا دورہ کیا۔ اس موقع پر ذمہ دار اسلامی بھائیوں نے انہیں خوش آمدید کہا اور مدنی مرکز فیضانِ مدینہ و جامعۃالمدینہ کا وزٹ کرواتے ہوئے دعوتِ اسلامی کےمدنی کاموں سے متعلق معلومات فراہم کیں ۔ ذمہ دار اسلامی بھائی نے انہیں امیرِ اہلِ سنت دَامَتْ بَرَکَاتُہُمُ الْعَالِیَہ کی کتب تحفہً پیش کیں۔ اس موقع پر انہوں نے مسرت کا اظہار کرتے ہوئے دعوتِ اسلامی کی دینی خدمات کو سراہا اور امیرِ اہلِ سنت و دعوتِ اسلامی کے لئے دعائیں کیں۔

دعوتِ اسلامی کی مجلس تاجران کے تحت 29جنوری2020ء بروز بدھ بنکاک تھائی لینڈمیں مدنی حلقے کا اہتمام کیا گیا۔ مدنی حلقے میں افغانستان،تھائی لینڈاورپاکستان کےGem Stones(نَگ، قیمتی پتھر) کے تاجران کی شرکت ہوئی۔ اس موقع پر نگران مجلس تاجران محمد ندیم عطاری نے دعوتِ اسلامی کے مدنی کاموں کاتعارف پیش کرتے ہوئے شرکا کو ہفتہ وار اجتماع میں شرکت کرنے اوردین کی خدمت کےلیےدعوت اسلامی کاساتھ دینےکی ترغیب دلائی۔ (رپورٹ:محمد ندیم عطاری، نگران مجلس تاجران)

دعوت اسلامی کی مجلس شوریٰ کے رکن حاجی یعفور رضا عطاری ان دنوں کمبوڈیا کے قافلے میں سفر کررہے ہیں جہاں انہوں نے مختلف شخصیات سے ملاقاتیں کیں۔ دورانِ  قافلہ کمبوڈیا میں واقع ایک مسجد میں سنّتوں بھرے اجتماع کا انعقاد کیا گیا جس میں رکنِ شوریٰ نے مقامی اسلامی بھائیوں کے درمیان سنّتوں بھرا بیان کیا۔

دعوت اسلامی کے تحت  تھائی لینڈ کے شہر بنکاک کے چیمبر آف کامرس میں مدنی حلقہ ہوا جس میں تاجر برادری نے شرکت کی ۔ رکنِ شوریٰ حاجی یعفور رضا عطاری نے سنّتوں بھرا بیان کیا اور شرکا کو دعوت اسلامی کا تعارف پیش کرتے ہوئےمدنی کاموں میں تعاون کرنے کا ذہن دیا۔

یادرہے کہ ان دنوں رکنِ شوریٰ حاجی یعفور رضا عطاری دعوت اسلامی کے مدنی کاموں کے سلسلے میں تھائی لینڈ کےسفر پر ہیں۔

دعوتِ اسلامی کے تحت 25جنوری2020ء بروز ہفتہ چائنہ ریجن جاپان کابینہ اومیٹاما سٹی مدینہ مسجد میں ایصالِ ثواب اجتماع کااہتمام کیا گیا۔ اجتماع میں مقامی اسلامی بھائیوں نے شرکت کی۔ اس موقع پر مبلغِ دعوتِ اسلامی نے ایصالِ ثواب کے موضوع پر سنتوں بھرا بیان کرتے ہوئے کہا کہ دین خیرخواہی کا نام ہے۔ ہم مسلمان ہیں ایصال ثواب کے تحفے مرنے والوں کو بھیج کر بھی خیر خواہی کرتے ہیں۔ (رپورٹ: نعیم رضا عطاری مدنی ، وقف مبلغ12 مدنی کام ذمہ دار)

دعوتِ اسلامی کے تحت گزشتہ دنوں ٹورونٹو  کینیڈا میں سنتوں بھرے اجتماع کا انعقاد کیا گیا۔ اجتماع میں کثیر تعداد میں عاشقانِ رسول نے شرکت کرنے کی سعادت حاصل کی۔ اس موقع پر سنتوں بھرے اجتماع کے خصوصی مہمان نگرانِ برمنگھم ریجن یوکے سید فضیل رضا عطاری نے سنتوں بھرا بیان فرماتے ہوئے دعوتِ اسلامی کے مدنی ماحول سے وابستہ ہونے کا ذہن دیا۔

دعوتِ اسلامی کی مجلس مدنی انعامات اور مجلس قافلہ کے تحت گزشتہ دنوں ڈربی یوکے میں اجلاس ہوا۔ اجلاس میں دونوں مجلس کے ذمہ دار اسلامی بھائیوں نے شرکت کی۔ اس موقع پر نگرانِ برمنگھم ریجن یوکے سید فضیل رضا عطاری نےاسلامی بھائیوں کو مدنی پھول دیئے۔