شعبہ روحانی علاج دعوتِ اسلامی کے تحت سوساں روڈ فیصل آباد کے مدنی مرکز فیضانِ مدینہ میں 3 دن پر مشتمل (27، 28 اور 29 اگست2022ء) روحانی علاج کورس منعقد کیا گیا جس میں ذمہ داران سمیت دیگر اسلامی بھائیوں نے شرکت کی۔

تفصیلات کےمطابق اس کورس میں مبلغِ دعوتِ اسلامی نے ذمہ داران کی تربیت کی نیز تعویذات لکھنے کے حوالے سے اُن کی ذہن سازی کی جبکہ دم کرنے/کاٹ کرنے کا طریقہ اور اس کی چند ضروری احتیاطیں بھی بیان کیں۔

بعدازاں مبلغِ دعوتِ اسلامی نے کورس میں شریک اسلامی بھائیوں کو شعبے کے دینی کاموں کے متعلق نئی اپڈیٹس سے آگاہ کیا اوردعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ:سمیر علی آفس ذمہ دار، کانٹینٹ:غیاث الدین عطاری)