پچھلے دنوں مدنی مرکز فیضان مدینہ فیصل آباد میں دعوت اسلامی کےتحت سرگودھا زون کا مدنی مشورہ ہوا جس میں ریجن نگران، ریجن آفس نگران، فیصل آباد کے زون کارکردگی ذمہ دار، نگران زون، تمام نگران کابینہ، شعبہ مدرسۃ المدینہ بالغان کے ریجن ذمہ دار اور متعلقہ زون کے زون و کابینہ ذمہ داران نے شرکت کی۔

نگران پاکستان مشاورت حاجی محمد شاہد عطاری نے کابینہ و زون وائز 12 دینی کاموں کی کارکردگی، مدرسۃ المدینہ بالغان کی کارکردگی اور جنوری تا اپریل 2021ء کا تقابلی جائزہ لیا،12 دینی کاموں میں سے ہر دینی کام میں نمایاں کابینہ کی حوصلہ افزائی کی اور آئندہ اہداف بڑھانے کے حوالے سے مدنی پھول ارشاد فرمائے۔

اس موقع پر رکن شوریٰ حاجی محمد رفیع عطاری بھی موجود تھے۔