دعوتِ اسلامی کی مجلس مکتوبات و اورادِ عطاریہ کے تحت16فروری 2020 ءبروز اتوار گوجرانوالہ زون علی پور چٹھہ کابینہ کے شہر کلاسکے کی جامع مسجد فاروقیہ میں دعائے صحت اجتماع ہوا جس میں کثیر عاشقان رسول نے شرکت کی۔ اس موقع پر مجلس کے ریجن ذمہ دار نے صبر و شکر کے موضوع پر سنتوں بھرا بیان فرماتے ہوئے راہِ خدا میں عاشقانِ رسول کے ساتھ ہر ماہ 3 دن کے قافلے میں سفر کرنے کی ترغیب دلائی۔ اجتماع کے اختتام پر صلاۃ الحاجات ادا کی گئی اور نگران کابینہ نے اجتماعی دعا کروائی جبکہ اسلامی بھائیوں کوتعویذات عطاریہ اور اوراد عطاریہ فی سبیل اللہ دیئے گئے اور ہاتھوں ہاتھ استخارے کاسلسلہ بھی ہوا۔

یاد رہے!علی پور چٹھہ فیضان مدینہ نزد ٹیلیفون ایکس چینج میں روزانہ عصر تا مغرب ہاتھوں ہاتھ استخارہ کا بستہ لگایا جاتا ہے۔

(رپورٹ:مشرف علی عطاری،رکن ذون مجلس مکتوبات و تعویذات عطاریہ گوجرانوالہ زون)