صوبائی دارالحکومت لاہو رکے جوہر ٹاؤن میں قائم دعوتِ اسلامی کے مدنی مرکز فیضانِ مدینہ میں شعبہ فیضان آن لائن اکیڈمی بوائز کے تحت سنتوں بھرا اجتماع ہوا جس میں ملک بھر کے ناظمین کی شرکت رہی۔

اجتماع کا آغاز تلاوتِ کلامِ پاک سے کیا گیا اور نعت خواں اسلامی بھائیوں نے حضور شافع یوم النشور صلَّی اللہ علیہ واٰلہٖ وسلَّم کی بارگاہ میں نعت شریف کا ہدیہ پیش کیا۔

تلاوت و نعت کے بعد دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ناظمین کے درمیان سنتوں بھرا بیان کرتے ہوئے اُن کی دینی، اخلاقی اور تنظیمی اعتبار سے تربیت کی۔

آخر میں رکنِ شوریٰ حاجی یعفور رضا عطاری نے شعبے کے دینی کاموں میں نمایاں کارکردگی کے حامل ناظمین میں حوصلہ افزائی کے لئے تحائف تقسیم کئے اور انہیں مزید بہتری لانے کی ترغیب بھی دلائی۔(رپورٹ:محمد ابوبکر عطاری معاون رکنِ شوریٰ حاجی یعفور رضا عطاری ، کانٹینٹ:غیاث الدین عطاری)