پچھلے دنوں دعوتِ اسلامی کے شعبہ مدنی کورسز کے زیرِ اہتمام مراد میمن ٹاؤن  کراچی کے علاقے جام کنڈا میں قائم جامع مسجد الفتح نوحانی میں07 دن پر مشتمل ’’فیضانِ نماز کورس‘‘ کا انعقاد ہوا جس میں کم و بیش 12 اسلامی بھائیوں نے شرکت کی۔

دورانِ کورس مبلغِ دعوتِ اسلامی ڈسٹرکٹ ملیر 2 قاری محمد ناصر رضا عطاری نے شرکائے کورس کونماز کے شرائط و فرائض سمیت نماز کے واجبات اور سنتیں و آداب سکھائے۔

اس کے علاوہ دعوتِ اسلامی کے 12 دینی کاموں میں عملی طور پر حصہ لینے کا ذہن دیتے ہوئے ہفتہ وار سنتوں بھرے اجتماع میں شرکت کرنے کی دعوت دی۔

23دسمبر 2021ء بروز جمعرات اس کورس کا اختتام ہوا ۔شرکائے کورس نے اچھی اچھی نیتوں کا اظہار کرتے ہوئے اپنی نیک خواہشات کا اظہار کیا۔(رپورٹ:شعبہ مدنی کورسز، کانٹینٹ:غیاث الدین عطاری)