عالمی سطح پر لوگوں کو دینِ اسلام کی تعلیمات سے آگاہ کرنے اور انہیں نیکی کی دعوت دینے والے ذمہ داران کی تربیت کے لئے جرمنی کے شہر ہاگن میں قائم مدنی مرکز فیضانِ ایمان مسجد میں 3 دن پر مشتمل (13، 14 اور 15 جنوری 2023ء) میٹنگ ہوئی جس میں یورپ کے ملک نگرانوں اور یورپ ریجن سطح کے ذمہ دار اسلامی بھائیوں نے شرکت کی۔

اس مدنی مشورے میں نگرانِ ریجن مولانا اسید رضا عطاری نے دعوتِ اسلامی کے 12 دینی کاموں کے متعلق اہم امور پر گفتگو کی اور یورپ میں ہونے والے دینی کاموں میں مزید ترقی و ترویج کے لئے مشاورت کی۔

نگرانِ ریجن نے شرکائے مدنی مشورہ کو یورپ میں دعوتِ اسلامی کے دینی کاموں کو مضبوط کرنے اور اخلاص کے ساتھ دینی کاموں میں عملی طور حصہ لینے کی ترغیب دلائی جس پر انہوں نے اچھی اچھی نیتیں کیں

دورانِ میٹنگ دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نےبھی بذریعہ ویڈیو لنک اسلامی بھائیوں کی تربیت و رہنمائی کی اور انہیں مختلف مدنی پھولوں سے نوازا۔(رپورٹ:محمد رضوان حسین عطاری، کانٹینٹ:غیاث الدین عطاری)

پچھلے دنوں دعوت اسلامی کی مرکزی مجلس شوریٰ کے رکن حاجی مولانا محمد اسد عطاری مدنی دینی کاموں کے سلسلے میں پاکستان سے ترکی پہنچے جہاں انہوں نے استنبول میں قائم مدنی مرکز فیضان مدینہ کا دورہ کیا۔ نگران سینٹرل ایشین و افریقن عرب ریجنز شہاب الدین عطاری نے دیگر ذمہ داران کے ہمراہ رکن شوریٰ کو فیضان مدینہ میں قائم مختلف شعبہ جات کا وزٹ کروایا اور وہاں ہونے والے دینی کاموں کے بارے میں بریفنگ دی۔ رکن شوری کو عربی زبان میں شائع ہونے والے ماہنامہ فیضان مدینہ کے بارے میں رپورٹ پیش کی گئی اور وہاں موجود شعبہ مدنی چینل (عربی اور ترکش) میں ہونے والی ریکارڈنگ، لائیو سٹریمنگ اور دیگر کاموں کے بارے میں اپڈیٹ دی گئی۔

بعد ازاں فیضان مدینہ میں ترکش زبان میں مدنی حلقے کا سلسلہ ہوا جس میں رکن شوریٰ اور دیگر اسلامی بھائیوں نے شرکت کی۔ اور آخر میں رکن شوریٰ نے مقامی ذمہ داران اور اسلامی بھائیوں سے ملاقاتیں کیں۔

پچھلے دنوں یوگنڈا (Uganda) کے سٹی کمپالا (Kampala) کی الرضا مسجد کے مؤذن محمد شریف عطاری کےبھائی کا رضائے الہی سے انتقال ہوگیا تھا ۔

انتقال کی خبر ملنے پر دعوت اسلامی کی مرکزی مجلس شوریٰ کے رکن حاجی منصور رضا عطاری اپنے دورہ یوگنڈا کے درمیان الرضا مسجد پہنچے جہاں انہوں نے مسجد کے مؤذن محمد شریف عطاری سے ملاقات کی۔ رکن شوریٰ نے محمد شریف عطاری سے تعزیت کی اور انہیں صبر کی تلقین کرتے ہوئے مرحوم کے ایصال ثواب کے لئے فاتحہ خوانی اور دعائیں کیں۔

دعوت اسلامی کے زیر اہتمام 12 جنوری 2023ء کو نیدر لینڈ (Netherlands) کے سٹی روٹر ڈیم (Rotterdam) کی غوثیہ مسجد میں ہفتہ وار سنتوں بھرے اجتماع کا انعقاد کیا گیا جس میں مقامی عاشقان رسول نے شرکت کی۔

مبلغ دعوت اسلامی مولانا شرجیل عطاری مدنی نے افضلُ البشر بعدَ الانبیاء، خلیفۃُ المسلمین حضرت سیّدنا صدیق اکبر رضی اللہُ عنہکی سیرت پر سنتوں بھرا بیان کیا اور شرکاکو ان کی سیرت پر عمل کرتے ہوئے عشق مصطفٰے صلَّی اللہ علیہ واٰلہٖ وسلَّم میں اپنی زندگی گزارنے کی ترغیب دلائی۔ آخر میں ذکرو دعا اور صلوۃ و سلام کا سلسلہ ہوا۔

14 جنوری 2023ء کو دعوت اسلامی کے زیر اہتمام یوگنڈا (Uganda) کے سٹی کمپالا (Kampala) میں اسلامی بہنوں کے درمیان سنتوں بھرے اجتماع کا انعقاد کیا گیا جس میں مقامی اسلامی بہنوں سمیت دعوت اسلامی کے ذمہ داران اسلامی بہنوں نے شرکت کی۔

مرکزی مجلس شوریٰ کے رکن حاجی منصور رضا عطاری نے کمپالا کی جامع مسجد کولولو سے پردے میں موجود اسلامی بہنوں کے درمیان سنتوں بھرا بیان کیااور اسلامی بہنوں کو ہردم دعوت اسلامی کے دینی ماحول سے وابستہ رہنےاور دینی کاموں میں بڑھ چڑھ کر حصہ لینے کی ترغیب دلائی۔

دعوتِ اسلامی کے تحت گزشتہ روز بیرونِ ملک کی اسلامی بہنوں کے درمیان ہونے والے دینی کاموں کا فالو اپ لینے کے یوکے میں مدنی مشورے کا انعقاد ہوا جس میں بنگلہ اسپوکن ذمہ دار اسلامی بہنیں شریک ہوئیں۔

دورانِ مدنی مشورہ دعوتِ اسلامی کے دینی کاموں کے متعلق مختلف امور پر گفتگو کرتے ہوئےذمہ دار اسلامی بہنوں کی دعائے حاجات اجتماع کےحوالے سے تربیت کی گئی اور اسلامی بہنوں کو اس اجتماعِ پاک میں شرکت کرنے کی دعوت دینے کا ذہن دیاگیا۔

عاشقانِ رسول کی دینی تحریک دعوتِ اسلامی کے  شعبہ علاقائی دورہ للبنات کے تحت پاکستان سمیت دنیا کےمختلف ممالک میں بھی دینی کاموں کا سلسلہ جاری ہے جن میں سےچند یہ ہیں:عرب شریف، کویت، عمان، بحرین،قطر، آسٹریلیا، نیوزی لینڈ، ساؤتھ کوریا، ہانگ کانگ، انڈونیشیا، سری لنکا، بنگلہ دیش، ترکی، ساؤتھ افریقہ، کینیا، تنزانیہ، یوگنڈا، ماریشس، موزمبیق، یوکے، اٹلی، اسپین، فرانس، ناروے، بیلجئیم، ڈنمارک، ہالینڈ، سوئیڈن، آسٹریا، یوبہ سٹی، نیو یارک، کینیڈ ا، سرینام اور نیپال۔

دسمبر 2022ء میں دعوتِ اسلامی کی تنظیمی ترکیب کے مطابق مذکورہ ممالک کے 702 ذیلی حلقوں میں ذمہ دار اسلامی بہنوں نے علاقائی دورہ کے ذریعے دیگر اسلامی بہنوں کو مختلف دینی کاموں میں شرکت کرنے کی دعوت دی۔

ان علاقائی دوروں کے ذریعے اسلامی بہنوں کے درمیان دعوتِ اسلامی کے مکتبۃ المدینہ کا لٹریچر تقسیم کیا گیا جس میں 37 کُتُب اور 674 رسائل تقسیم کئے گئے۔

دعوتِ اسلامی کے شعبہ مدنی قافلہ کے تحت دسمبر 2022ء میں اسلامی بہنوں کی انفرادی کوشش سے ان کے 92محارم اسلامی بھائیوں نے 3 دن کے مدنی قافلے میں سفر کیا۔

عاشقانِ رسول کی دینی تحریک دعوتِ اسلامی کے تحت عالمی سطح پر اسلامی بہنوں کے درمیان شعبہ تعلیم سے متعلق جن ملکوں میں دینی کام ہو رہے ہیں اُن میں سے بعض یہ ہیں:یوکے، ساؤتھ افریقہ، ماریشس، نیپال، ترکی، تنزانیہ۔

ماہِ دسمبر 2022ء میں شعبہ تعلیم للبنات دعوتِ اسلامی کے تحت یوکے، ساؤتھ افریقہ ، ماریشس، ترکی ، تنزانیہ اور نیپال میں کل منسلک ادارے 45 ہیں جن میں سے 10 اداروں میں ماہانہ اور 13اداروں میں ہفتہ وار درس ہوتا ہے جبکہ2 اداروں میں ایک گھنٹہ 12 منٹ کے مدرسۃ المدینہ بالغات اور 2 اداروں میں 30 منٹ کے مدرسۃ المدینہ بالغات لگتے ہیں۔

معلومات کے مطابق اس ماہ مختلف اداروں کی شخصیات جو دعوتِ اسلامی کے شعبہ تعلیم سے وابستہ ہوئیں ان کی تعداد 1 ہزار 168 تھی جن میں سے 81 شخصیات اسلامی بہنوں نے ہفتہ وار سنتوں بھرے اجتماع میں شرکت کرنے کی سعادت حاصل کی ۔

اسی طرح شخصیات اسلامی بہنوں کے لئے 3 خُصوصی ہفتہ وار سنتوں بھرے اجتماعات منعقد کئے گئے جس میں شرکا کی تعداد 90 تھی۔

اس کے علاوہ 33 شخصیات اسلامی بہنوں سے نیک اعمال رسائل وُصول کئے گئے اورشخصیات اسلامی بہنوں کے گھروں میں 26 سیکھنے سکھانے کے حلقے لگائے گئے نیز 14 شخصیات اسلامی بہنوں نے دعوتِ اسلامی کے ماہانہ میگزین ” ماہنامہ فیضانِ مدینہ“ کی سالانہ بکنگ کروائی۔

ماہِ دسمبر 2022ء میں دعوتِ اسلامی کے شعبہ محفلِ نعت (اسلامی بہنیں) کے تحت دنیا بھر کے جن ملکوں اور ریجن میں محافلِ نعت منعقد ہوئیں ان میں عرب شریف، بحرین، کویت، قطر، عمان، ہانگ کانگ، ساؤتھ، بنگلہ دیش، ترکی، ایران، ساؤتھ افریقہ، تنزانیہ، کینیا، یوگنڈا، ماریشس، موزمبیق، یوکے، اٹلی، ڈنمارک، اسپین، آسٹریا، ناروے، سوئیڈن، ایسٹرن امریکہ، کینیڈا، سرینام اور نیپال شامل ہیں۔

تفصیلات کے مطابق کم و بیش171محافلِ نعت منعقد کی گئیں جن میں ذمہ دار اسلامی بہنوں کی شرکا پر انفرادی کوشش کے نتیجے میں 499 اسلامی بہنوں نے ہفتہ وار سنتوں بھرے اجتماع میں شرکت کی نیز 39 اسلامی بہنوں نے مدرسۃ المدینہ بالغات میں داخلہ لیا۔

اسی طرح ان محافلِ نعت میں دعوتِ اسلامی کےمکتبۃ المدینہ سے شائع ہونے والا لٹریچر تقسیم کیا گیا جس میں 36 دینی کُتُب اور 658 رسالے شامل تھے۔

ان محافلِ نعت میں مختلف شعبوں سے وابستہ شخصیات نے شرکت کی جبکہ اسلامی بہنوں کی انفرادی کوشش سے 291 شخصیات دعوتِ اسلامی کے دینی ماحول سے وابستہ ہوئیں ۔

واضح رہے دعوتِ اسلامی کے تحت اسلامی بہنوں کے لئے ماہانہ سیکھنے سکھانے کے حلقے لگائے جاتے ہیں۔دسمبر 2 202 ءمیں مذکورہ ملکوں اور ریجن میں 123 سیکھنے سکھانے کے حلقے لگائے گئے جس میں کم و بیش 1 ہزار 472 اسلامی بہنوں نے شرکت کی۔

دعوتِ اسلامی دُکھیاری اُمَّتْ کی غمخواری کا جذبہ رکھنے، پریشان حال لوگوں کی مدد کرنے اور اُن کے دینی و روحانی مسائل حل کرنے والی عاشقانِ رسول کی دینی تحریک ہے۔

اسی جذبے کے تحت ساؤتھ افریقہ ریجن میں اسلامی بہنوں کے لئے ماہِ دسمبر2022ءمیں لگنے والے فی سبیل اللہ روحانی علاج کے بستوں کی کارکردگی درج ذیل رہی:

٭دعوتِ اسلامی کے تحت لگائے گئے روحانی علاج للبنات کے بستوں کی تعداد:01

٭بستوں پر آنے والی اسلامی بہنوں کی تعداد:27

٭تعویذاتِ عطاریہ کی تعداد:140

٭ا ورادِ عطاریہ کی تعداد:58

٭اسلامی بہنوں کے درمیان منعقد ہونے والےہفتہ وار اجتماعات میں شرکت کرنے والیوں کی تعداد:103

٭ہفتہ وار مدنی مذاکرہ دیکھنے /سننے والی اسلامی بہنوں کی تعداد:20

٭ہفتہ وار رسالہ پڑھنے والی اسلامی بہنوں کی تعداد:20

لوگوں کے دینی، شرعی و روحانی مسائل حل کرنے اور اُمَّتْ کی غمخواری کا جذبہ رکھنے والی عاشقانِ رسول کی دینی تحریک دعوتِ اسلامی کے زیرِ اہتمام نارتھ ویسٹ ریجن میں اسلامی بہنوں کے لئے ماہ ِدسمبر2022ء میں لگنے والے فی سبیل اللہ روحانی علاج کے بستوں کی کارکردگی درج ذیل رہی:

٭دعوتِ اسلامی کے تحت لگائے گئے روحانی علاج للبنات کے بستوں کی تعداد:07

٭بستوں پر آنے والی اسلامی بہنوں کی تعداد:160

٭تعویذاتِ عطاریہ کی تعداد:312

٭ا ورادِ عطاریہ کی تعداد:212

٭اسلامی بہنوں کے درمیان منعقد ہونے والے ہفتہ وار اجتماع میں شرکت کرنے والیوں کی تعداد:100

٭ہفتہ وار مدنی مدنی مذاکرہ دیکھنے /سننے والی اسلامی بہنوں کی تعداد:30

٭ہفتہ وار رسالہ پڑھنے والی اسلامی بہنوں کی تعداد:29

سرکار صلی اللہ علیہ و سلم کی دُکھیاری اُمَّتْ کی غمخواری کا جذبہ رکھنے والی عاشقانِ رسول کی دینی تحریک دعوتِ اسلامی کے تحت بریڈفورڈریجن میں اسلامی بہنوں کے لئے ماہ دسمبر2022ء میں لگنے والے فی سبیل اللہ روحانی علاج کے بستوں کی کارکردگی درج ذیل رہی:

٭دعوتِ اسلامی کے تحت لگائے گئے روحانی علاج للبنات کے بستوں کی تعداد:02

٭بستوں پر آنے والی اسلامی بہنوں کی تعداد:36

٭تعویذاتِ عطاریہ کی تعداد:78

٭ا ورادِ عطاریہ کی تعداد:28

٭اسلامی بہنوں کے درمیان منعقد ہونے والے ہفتہ وار اجتماعات میں شرکت کرنے والیوں کی تعداد:16

٭ہفتہ وار مدنی مذاکرہ دیکھنے /سننے والی اسلامی بہنوں کی تعداد:16

٭ہفتہ وار رسالہ پڑھنے والی اسلامی بہنوں کی تعداد:16