دعوتِ اسلامی کے تحت   کوالا لمپور ملائیشیا میں شعبہ مدنی کورسز کے تحت رکن شوریٰ حاجی محمد امین عطاری نے 12دینی کام کورس کروایا جس میں مختلف شعبہ جات سے وابستہ افراد اور مقامی اسلامی بھائیوں نے شرکت کی۔

رکن ِ شوریٰ نے 12 دینی کاموں کو کرنے کےحوالے سے اسلامی بھائیوں کی تربیت کی اور انھیں دینی کاموں میں حصہ لینے اور دین ِ متین کی خدمت کرنے کا ذہن دیا جس پر اسلامی بھائیوں نے اچھی اچھی نیتیں کیں۔

کورس کے اختتام پر شرکا کا ٹیسٹ بھی لیا گیا نیز نمایا ں کارکردگی اور اچھے رزلٹ والے اسلامی بھائیوں میں رکنِ شوریٰ نے تحائف بھی تقسیم کئے ۔(کانٹینٹ:رمضان رضا عطاری)

پچھلی جمعرات دعوتِ اسلامی  کی جانب سے شاہ عالم کوالا لمپور ملائیشیا میں قائم مدنی مرکز فیضانِ مدینہ میں ہفتہ وار اجتماع کا انعقاد ہوا جس میں مقامی اسلامی بھائیوں نے شرکت کی۔

رکن شوریٰ حاجی محمد امین عطاری نے ”صحابہ کرام کی ایک خوبصورت تمنا“ کے موضوع پر سنتوں بھرا بیان کیا جس میں انبیائے کرام کی مبارک دعائیں اور اُمّت مسلمہ کی ترقی کا اصل راستہ نیز نیک لوگوں کی چند مبارک عادات کے بارے میں بتایا جبکہ ذکر، دعااور صلوۃ و سلام پر اجتماع کا اختتام ہوا۔( کانٹینٹ:رمضان رضا عطاری)

دینی کاموں کے سلسلے میں   رکن شوریٰ حاجی محمد امین عطاری نے دورہ ملائیشیا پر دعوت اسلامی کے تحت مقامی اسلامی بھائیوں اور شخصیات سے ملاقاتیں کیں۔

دورانِ ملاقات رکن ِ شوریٰ نےشخصیات کو دنیا بھر میں ہونے والے دعوت اسلامی کے دینی اور فلاحی کاموں کے حوالے سے معلومات فراہم کیں جس پر شخصیات نے خوشی کا اظہار کرتے ہوئے خدمات دعوت اسلامی کو سراہا اور نیک خیالات کا اظہار کیا۔(کانٹینٹ:رمضان رضا عطاری)

مغربی ملک ملائیشیا نیلائی تیگا میں دعوتِ اسلامی کے زیرِا ہتمام سیکھنے سکھانے کا حلقہ لگایا گیا جس میں تاجران سمیت دیگر اسلامی بھائیوں نے کافی تعداد میں شرکت کی۔

دورانِ حلقہ ملائیشیا کے دورے پر موجود دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کیا اور شرکا اسلامی بھائیوں کی دینی و اخلاقی اعتبار سے تربیت کی نیز انہیں دعوتِ اسلامی کے دینی کاموں میں حصہ لینے کاذہن دیا۔

ان دنوں دعوتِ اسلامی  کی مرکزی مجلسِ شوریٰ کے رکن حاجی محمد امین عطاری دینی کاموں کے سلسلے میں ملائیشیا کے دورے پر ہیں جہاں رکن شوریٰ نے ملائیشیا کے علاقے کوالالمپور میں استاد عبد القادر قادری صاحب سے ملاقات کی۔

دورانِ ملاقات رکنِ شوریٰ نے عبد القادر قادری صاحب کو دنیا بھر میں ہونے والے دعوت اسلامی کے دینی اور فلاحی امور کے بارے میں آگاہی فراہم کی جس پر انھوں نے خوشی کا اظہار کرتے ہوئے دعوتِ اسلامی کی ترقی و سلامتی کے لئے دعا کروائی۔(کانٹینٹ: رمضان رضا عطاری)

مختلف شعبہ ہائے زندگی سے تعلق رکھنے والی افراد میں دینی کام کرنے والی عاشقانِ رسول کی دینی تحریک دعوتِ اسلامی کے تحت شعبہ فیضانِ مرشد للبنات کی ملک و صوبائی سطح کی شعبہ ذمہ داران اور پاکستان مشاورت کی  ذمہ دار اسلامی بہنوں کا آن لائن مدنی مشورہ ہوا۔

دعوتِ اسلامی کی نگرانِ عالمی مجلسِ مشاورت اسلامی بہن نے شعبے کے دینی کاموں کے متعلق گفتگو کرتے ہوئےاسلامی بہنوں سے شعبے میں پیش آنے والے مسائل سنے اور حل بتایا۔

دعوتِ اسلامی کے زیرِا ہتمام گزشتہ روز موزمبیق میموریہ میں مقامی اسلامی بہنوں کے لئےسنتوں بھرے اجتماع کا انعقاد کیا گیا جس میں قرب و جوار کی کثیر اسلامی بہنوں کی شرکت رہی۔

اس اجتماعِ پاک میں نگرانِ عالمی مجلسِ مشاورت اسلامی بہن نے ”مذہبِ اسلام کی اہمیت اور فضائل“ کے موضوع پر بیان کیا اور اسلامی بہنوں کو دینِ اسلام کے بتائے گئے طریقۂ کار کے مطابق اپنی زندگی گزارنے کا ذہن دیا۔

دینی کاموں کے سلسلے میں پچھلے دنوں دعوتِ اسلامی کے تحت ذمہ دار اسلامی بہنوں کی نمپولا شہر، موزمبیق میں واقع سنترال مسجد کے چیئرمین کی اہلیہ اور سنترال مسجد کے امام صاحب کی اہلیہ سے ملاقات ہوئی۔

نمپولا شہر، موزمبیق کے ایک علاقے میں عاشقانِ رسول کی دینی تحریک دعوتِ اسلامی کے تحت محفلِ نعت کا اہتمام کیا گیا جس میں مقامی اسلامی بہنوں کی کثیر تعداد نے شرکت کی۔

محفلِ کے ابتداء میں مبلغِ دعوتِ اسلامی نے تلاوتِ قراٰن پڑھی اور نعت خواں اسلامی بہن نے حضور پُر نور صلی اللہ علیہ و سلم کی بارگاہ میں نذرانۂ عقیدت پیش کیا۔

اس دوران نگرانِ عالمی مجلسِ مشاورت اسلامی بہن نے سنتوں بھرا بیان کرتے ہوئے حاضرین کو بتایا کہ تاریخِ اسلام میں ایسے کون کون سے بزرگ ہیں جنہوں نے اللہ پاک کی رضا کے لئے خود کو بدل دیا۔

اس کے علاوہ نگرانِ عالمی مجلسِ مشاورت نے شرکا اسلامی بہنوں کو دعوتِ اسلامی کے مدرسۃالمدینہ بالغات میں پڑھنے کا ذہن دیا جس پر انہوں نے اچھی اچھی نیتیں کیں۔بعدِ محفل اسلامی بہنوں نے نگرانِ عالمی مجلسِ مشاورت سے ملاقات کی۔

افریقی ملک موزمبیق کے شہر نمپولا میں شخصیات کے گھر محفلِ نعت منعقد ہوئی جس میں قرب و جوار سے اسلامی بہنوں نے شرکت کی۔

معلومات کے مطابق تلاوتِ قراٰن اور نعت شریف سے محفل کا آغاز کیا گیا جبکہ نگرانِ عالمی مجلسِ مشاورت اسلامی بہن نے سنتوں بھرا بیان کرتے ہوئے اسلامی بہنوں کی تربیت کی۔

دورانِ بیان نگرانِ عالمی مجلسِ مشاورت نے شادی کے معاملات میں کن چیزوں سے خود کو بچانا ہے اس حوالے سے شرکا اسلامی بہنوں کی ذہن سازی کی ۔

علاوہ ازیں نگرانِ عالمی مجلسِ مشاورت نے اللہ پاک کی نعمتوں کا شکر ادا کرنےکے متعلق مدنی پھول دیئے جبکہ شکر ادا نہ کرنے کے نقصانات بھی بتائے۔

صوبہ نمپولا، موزمبیق کے علاقے مہالا اسپنسان میں دعوتِ اسلامی کے زیرِا ہتمام محفلِ نعت کا انعقاد کیا گیا جس میں مقامی اسلامی بہنوں سمیت ذمہ دار اسلامی بہنوں نے شرکت کی۔

اس محفلِ نعت میں نگرانِ عالمی مجلسِ مشاورت اسلامی بہن نے ”تربیتِ اولاد“ کے موضوع پر سنتوں بھرا بیان کیا اور وہاں موجود اسلامی بہنوں کو اپنی اولادکی اسلامی تعلیمات کے مطابق تربیت و رہنمائی کرنے کی ترغیب دلائی۔

عاشقانِ رسول کی دینی تحریک دعوتِ اسلامی کے تحت گزشتہ روز نیومسلم خواتین کے حوالے سے ایک مدنی مشورہ ہوا جس میں اٹلی کی شعبہ ذمہ دار سمیت دیگر اسلامی بہنوں کی شرکت رہی۔

دورانِ مدنی مشورہ ذمہ دار اسلامی بہنوں نے اٹلی میں موجود نیومسلم کی معلومات حاصل کرکے اُن سے رابطہ کرنےاور ماہانہ اجتماع منعقد کروانے پر مشاورت کی۔