لوگوں کو نیکی کی دعوت دینے اور اُن کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت ڈویژن رونذا نیروبی شہر کینیا میں ایصالِ ثواب  کے سلسلے میں محفلِ نعت کا اہتمام کیا گیا۔

تلاوتِ قراٰنِ پاک اور نعتِ رسولِ مقبول صلی اللہ علیہ و سلم کے بعد دعوتِ اسلامی کی نگرانِ عالمی مجلسِ مشاورت اسلامی بہن نے ”آخرت کی تیاری“ کے موضوع پر سنتوں بھرا بیان کیا۔

نگرانِ عالمی مجلسِ مشاورت نے شرکائے محفل کی تربیت کرتے ہوئے انہیں ہفتہ وار سنتوں بھرے اجتما ع میں شرکت کرنے اور دعوتِ اسلامی کے جملہ اخراجات کے لئے زیادہ سے زیادہ ٹیلی تھون جمع کروانے کی ترغیب دلائی جس پر انہوں نے اچھی اچھی نیتوں کا اظہار کیا۔

عالمی سطح پر دینی کام کرنے والی عاشقانِ رسول کی دینی تحریک دعوتِ اسلامی کے زیرِا ہتمام پچھلے دنوں افریقی ملک کینیا میں واقع ڈویژن پاک لینڈز میں ماہانہ سیکھنے سکھانے کا حلقہ لگایا گیا جس میں ذمہ داران سمیت دیگر اسلامی بہنوں نے شرکت کی۔

نگرانِ عالمی مجلسِ مشاورت اسلامی بہن نے اس حلقے میں موجود اسلامی بہنوں کی تربیت و رہنمائی کرتے ہوئے انہیں دینی کاموں میں بڑھ چڑھ کر حصہ لینے کی ترغیب دلائی۔

بعدِ حلقہ نگرانِ عالمی مجلسِ مشاورت اسلامی بہن نے ذمہ داران کے ہمراہ نگارا میں ایک شخصیت اسلامی بہن سے اُن کی رہائش گاہ پر ملاقات کی اور انفرادی کوشش کرتے ہوئے انہیں ہفتہ وار سنتوں بھرے اجتما ع میں شرکت کرنے کی دعوت دی۔

عاشقانِ رسول کی دینی تحریک دعوتِ اسلامی کے تحت گزشتہ روز نگرانِ عالمی مجلسِ مشاورت اسلامی بہن نےدینی کاموں کے سلسلے میں  دیگر ذمہ دار اسلامی بہنوں کے ہمراہ افریقی ملک کینیا کے شہر نیروبی کی ڈویژن پاک لینڈز کا دورہ کیا۔

اس دوران نگرانِ عالمی مجلسِ مشاورت اسلامی بہن نے مختلف شخصیات سے اُن کے گھروں پر ملاقات کی اور انہیں دعوتِ اسلامی کے ہفتہ وار سنتوں بھرے اجتماع میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

علاوہ ازیں نگرانِ عالمی مجلسِ مشاورت اسلامی بہن نے نیروبی میں قائم مدنی مرکز فیضانِ مدینہ میں ہونے والے ہفتہ وار سنتوں بھرے اجتماع میں شرکت کی اور وہاں موجود اسلامی بہنوں سے ملاقات کرتے ہوئے اُن پر انفرادی کوشش کی۔

اسی طرح نگرانِ عالمی مجلسِ مشاورت اسلامی بہن ذمہ داران کے ہمراہ نیروبی شہر میں واقع اسپرنگ ڈیل اسکول کا وزٹ کیا جہاں انہوں نے پرنسپل سے ملاقات کرتے ہوئے اسکول میں ویڈیو کلپس کے ذریعے اسٹوڈنٹس کو نماز کا طریقہ سکھانے اور ہفتہ وار سنتوں بھرے اجتماع میں شرکت کروانے پر مشاورت کی۔

بیرونِ ملک میں دعوتِ اسلامی کے تحت ہونے والے دینی کاموں کا فالو اپ لینے کے لئے پچھلے دنوں مدنی مشورے کا انعقاد ہوا جس میں کینیا ،یوگینڈا  اور تنزانیہ کی ملک نگران سمیت سینٹرل افریقہ ریجن نگران شریک ہوئیں۔

اس مدنی مشورے میں امیرِ اہلِ سنت دامت بَرَکَاتُہمُ العالیہ کے فرمان کے مطابق روزانہ دو گھنٹے دینی کام کرنے نیز دعوتِ اسلامی کے دینی کاموں اور یوگینڈا کے نیو اسٹریکچر کے حوالےسے کلام کیا گیا۔

دورانِ مدنی مشورہ ذمہ دار اسلامی بہنوں نے دینی کاموں کے لئے اپنی معاون تیار کرنے پر تبادلۂ خیال کیا اور دینی کاموں میں ترقی کے لئے اچھی اچھی نیتیں کیں۔

13 نومبر 2022ء کو دعوتِ اسلامی کے شعبے  انٹرنیشنل افئیر کے تحت نائجیریا کے علاقے ڈیسو میں محفلِ میلاد النبیصلَّی اللہ علیہ واٰلہٖ وسلَّم کا اہتمام کیا گیا ، اس محفلِ پاک میں نگران ملکی مشاورت نے دعوتِ اسلامی کا تعارف کروایا اور شرکا کو نیکی کی دعوت پیش کی۔ ( رپورٹ: محمد ندیم عطاری نگران نائجیریا مشاورت / کانٹینٹ: محمد مصطفی انیس) 

دعوتِ  اسلامی کے تحت 15 نومبر 2022ء کو یوکے،اسپین اور اٹلی کے جامعات المدینہ بوائز میں آن لائن ٹریننگ سیشن ہواجس میں طلبہ ٔکرام، اساتذہ اور دیگر مدنی عملے نے شرکت کی ۔

مرکزی مجلسِ شوری ٰ کے رکن حاجی یعفور رضا عطاری نے’’ مبلغ کے اوصاف کیسے ہوں؟‘‘ کے موضوع پر سنتوں بھرا بیان فرمایا اور طلبہ کو پڑھائی کے ساتھ ساتھ نفلی عبادات کرنے اور دینی کام کرنے کا ذہن دیا نیز ٹیلی تھون کے حوالے سے بات چیت کرتے ہوئے انہیں مدنی مذاکرہ دیکھنے کا ذہن بھی دیاجس پر طلبہ نے اچھی اچھی نیتوں کا اظہار کیا۔( کانٹینٹ: رمضان رضا عطاری)

عالمی سطح پر نیکی کی دعوت عام کرنے اور لوگوں کو دینِ اسلام کی تعلیمات کے بارے میں آگاہی دینے کے لئے دعوتِ اسلامی کے تحت وقتاً فوقتاً دینی کاموں کے حوالے سے مرکزی مجلسِ شوریٰ کے اراکین اور دعوتِ اسلامی کے مبلغین ملک و بیرونِ ملک سفر کرتے رہتے ہیں۔

اسی سلسلے میں جانشینِ امیرِ اہلِ سنت مولانا حاجی عبید رضا عطاری مدنی مُدَّ ظِلُّہُ العالی دینی کاموں کے حوالے سے دسمبر 2022ء میں یورپ (Europe) کے مختلف ممالک کا دورہ کریں گے جس کی تفصیل درج ذیل ہے:

یکم دسمبر 2022ء بروز جمعرات پرتگال (Portugal)۔

2 اور 3 دسمبر 2022ء بروز جمعہ، ہفتہ اسپین (Spain)۔

4 اور 5 دسمبر 2022ء بروز اتوار، پیر جرمنی (Germany)۔

6، 7 اور 8 دسمبر 2022ء بروز منگل، بدھ، جمعرات اٹلی (Italy)۔

9 دسمبر 2022ء بروز جمعہ نیدر لینڈز (Netherlands)۔

10دسمبر 2022ء بروز ہفتہ بیلجیئم (Belgium) ۔

11 دسمبر 2022ء بروز اتوار سویڈن(Sweden)۔

12 نومبر 2022ء کو دعوت اسلامی کے زیر اہتمام جنوبی کوریا کے سٹی انچیون (Incheon) میں ہفتہ وار سنتوں بھرے اجتماع کا انعقاد کیا گیا جس میں مقامی سطح کے اسلامی بھائیوں نے شرکت کی۔

مبلغ دعوت اسلامی نے سنتوں بھرا بیان کرتے ہوئے شرکا کو مدنی قافلے میں سفر کرنے، رسالہ اعمال کا عامل بننے اور پابندی کے ساتھ ہفتہ وار اجتماع میں شرکت کرنے کی ترغیب دلائی۔

13 نومبر 2022ء دعوت اسلامی کے تحت جنوبی کوریا انچیون کے شہر بوپیونگ (Bopyeong, Incheon) کی مقامی مسجد میں بعد فجر دینی حلقے کا انعقاد کیا گیا جس میں مقامی اسلامی بھائیوں نے شرکت کی۔

دینی حلقے میں ترجمہ کے ساتھ قرآن پاک کی تلاوت کی گئی جبکہ مبلغ دعوت اسلامی نے شرکا کو نیکی کی دعوت دیتے ہوئے انہیں دینی کاموں میں شرکت کرنے کی ترغیب دلائی۔

12 نومبر 2022ء کو دعوت اسلامی کے تحت برمنگھم یوکے میں ویسٹ مڈلینڈز یوکے ریجن کے ذمہ داران کا مدنی مشورہ ہوا جس میں نگران ویسٹ مڈلینڈز یوکے ریجن سید عمار عطاری،نگران برمنگھم یوکے مولانا طارق عطاری مدنی اور  ویسٹ مڈلینڈز یوکے ریجن کے اسلامی بھائیوں نے شرکت کی۔

نگران ویلز کابینہ حاجی سید فضیل عطاری نے ٹیلی تھون، نگران شوریٰ کا یوکے کا جدول، مدرسۃ المدینہ، جامعۃ المدینہ، مدرسۃ المدینہ بالغان، مدنی قافلہ، نیک اعمال اور دار المدینہ کے حوالے سے کلام کیا اور دینی کاموں کے حوالے سے گفتگو ہوئی۔

13 نومبر 2022ءدعوت اسلامی کے زیر اہتمام بنگلہ دیش کے شہر چٹا گانگ کے علاقے پٹیا اور بنش کھلی میں بڑی گیارہویں شریف کے سلسلے میں اجتماعات ذکر و نعت کا انعقاد کیا گیا جس میں کثیر تعداد میں عاشقان رسول نے بڑی تعداد میں شرکت کی۔

مبلغین دعوت اسلامی نے ”سیرت غوث اعظم رحمۃ اللہ علیہ“ کے موضوع پر سنتوں بھرا بیان کیا اور شرکا کو اولیائے کرام کی سیرت کے مطابق زندگی گزارنے کی ترغیب دلائی۔

عاشقانِ رسول کی دینی تحریک  دعوتِ اسلامی کے شعبہ تعلیم کے تحت عالمی سطح پر جن جن ممالک میں اسلامی بہنوں کے درمیان دینی کاموں کا سلسلہ جاری ہے اُن میں سے چند یہ ہیں: یوکے، ساؤتھ افریقہ، ماریشس، نیپال، ترکی اورتنزانیہ۔

معلومات کے مطابق اکتوبر 2022ء میں شعبہ تعلیم (اسلامی بہنیں ) کے تحت یوکے، ساؤتھ افریقہ، ماریشس، ترکی، تنزانیہ اور نیپال میں کل منسلک 45 اداروں میں سے 10 اداروں میں ماہانہ اور 13 اداروں میں ہفتہ وار درس منعقد ہوتا ہے۔

02 اداروں میں ایک گھنٹہ 12 منٹ نیز 02 اداروں میں 30 منٹ بڑی عمر کی اسلامی بہنوں کے لئے دعوتِ اسلامی کے تحت مدرسۃ المدینہ بالغات لگائے جاتے ہیں۔

اس ماہ مختلف اداروں کی شخصیات اسلامی بہنیں جو دعوتِ اسلامی کے شعبہ تعلیم سے وابستہ ہوئیں ان کی تعداد 972  ہے جن میں سے کم و بیش 77 نے ہفتہ وار سنتوں بھرے اجتماع میں شرکت کی سعادت حاصل کی۔

اسی طرح اکتوبر 2022ء میں شخصیات اسلامی بہنوں کے لئے07 خُصوصی ہفتہ وار سنتوں بھرے اجتماعات منعقد کئے گئے جن میں شُرکا کی تعداد 161 تھی۔