دعوتِ اسلامی کے تحت 5فروری 2022ء کو میر پورخاص ڈویژن ذمہ دار اسلامی بہنوں کابذریعہ کال مدنی مشورہ ہوا جس میں  پاکستان نگران اسلامی بہن نے صوبۂ سندھ کے موجودہ نظام کے تحت دینی کاموں کے حوالے سے اسلامی بہنوں کو تربیت کے مدنی پھول بتائے۔ علاوہ ازیں شعبہ جات کی تقرری مکمل کرنے کے اہداف دئیے اور سالانہ ڈونیشن کے اہداف مکمل کرنے پر توجہ دلائی نیز اسلامی بہنوں کی طرف سے کئے جانے والے سوالات کے جوابات بھی دیئے۔

دعوتِ اسلامی کے تحت 3فروری 2022ء بروز   جمعرات پاکستان کے شہر راولپنڈی میں بذریعہ انٹر نیٹ مدنی مشورے کا انعقاد ہو ا جس میں پاکستان مجلس مشاورت کی نگران اسلامی بہن نے پاکستان سطح کی شعبہ ذمہ دار اسلامی بہنوں کے ہمراہ مختلف کارکردگیوں کے نظام کو دفتری نظام کے مطابق جمع کرنے/کروانے ، ریکارڈ Save(محفوظ) کرنے اور دفتر ذمہ دار اسلامی بہنوں کے ذریعے مختلف سافٹ ویئر کا فالواَپ کروانےکے حوالے سے تربیت کی ۔

دعوتِ اسلامی کے تحت 2فروری 2022ء بروز  بدھ راولپنڈی میں بذریعہ انٹر نیٹ مدنی مشورے کا انعقاد ہو ا جس میں کراچی، اسلام آباد سٹی کی نگران اور تمام صوبہ ٔنگران اسلامی بہنوں نے شرکت کی۔

پاکستان مجلس مشاورت کی نگران اسلامی بہن نے اسلامی بہنوں کے ساتھ مختلف کارکردگیوں کے نظام کو دفتری نظام کے مطابق جمع کرنے/کروانے کے حوالے سے تبادلہ خیال کرتے ہوئے انہیں سابقہ ریکارڈ Save(محفوظ) کرنےاور دفتر ذمہ دار اسلامی بہنوں کے ذریعے مختلف سافٹ ویئر کا فالواَپ کروانےکے حوالے سے تربیت کی ۔

٭اسی طرح دعوت اسلامی کے تحت 2فروری2022ء بروز بدھ راولپنڈی کینٹ کابینہ کی ڈویژن ٹنچ بھاٹہ کے ذیلی حلقہ صدیق اکبر میں ہفتہ وار سنتوں بھرے اجتماع کا انعقاد ہوا جس میں پاکستان مجلس مشاورت کی نگران اسلامی بہن نے ’’سلطان الہند خواجہ غریب نواز رحۃ اللہ علیہ‘‘ کے موضوع پر سنتوں بھرا بیان کیا ۔

دعوتِ  اسلامی کے زیر اہتمام2 فروری 2022ء کو بہادرآباد کراچی میں ہفتہ وار سنتوں بھرے اجتماع کا انعقاد ہوا جس میں مقامی اسلامی بہنوں نے شرکت کی۔

نگران عالمی مجلس مشاورت ذمہ دار اسلامی بہن نے ’’ خواجہ غریب نواز کی سیرت‘‘ کے موضوع پر سنتوں بھرا بیان کرتے ہوئے وہاں موجود اسلامی بہنوں کو دینی کاموں میں حصہ لینےکاذہن دیا ۔

٭دوسری جانب دعوت اسلامی کی جانب سے نگران عالمی مجلس مشاورت ذمہ دار اسلامی بہن نے علاقہ پیر کالونی کے ذیلی حلقے میں گھر گھر جا کر ذمہ دار اسلامی بہنوں کے ہمراہ ملکر مقامی اسلامی بہنوں پر انفرادی کوشش کی اور انہیں ہفتہ وار سنتوں بھرے اجتماع میں شرکت کا ذہن دیتے ہوئے نیتیں کروائیں۔ 

دعوتِ اسلامی کی جانب سے پچھلے دنوں  نیا آباد میں ذمہ دار اسلامی بہن کے گھر شادی کے سلسلہ میں محفل ِ نعت کا انعقاد ہوا جس میں گھر کی خواتین سمیت دیگر ذمہ دار اسلامی بہنوں نے شرکت کی۔

نگران عالمی مجلس مشاورت ذمہ دار اسلامی بہن نے ’’گناہ سے بچنے‘‘ کے موضوع پر سنتوں بھرا بیان کیا اور اسلامی بہنوں کو دینی کاموں کی ترغیب دلائی ۔

علاوہ ازیں نگران عالمی مجلس مشاورت ذمہ دار اسلامی بہن نےآفس کی اسلامی بہنوں کے ساتھ کارکردگی کےنظام میں بہتری لانے کے حوالے سے جائزہ لیا اور اور سیز کارکردگی ریکارڈ کےنظام میں بہتری آئے اس پر مشاورت ہوئی۔ مزید آئندہ کے لئے اہداف طے کئے۔

دعوتِ اسلامی کی جانب سے 27 جنوری 2022ء  کو پیر کالونی کے ذیلی حلقے میں علاقائی دورے کا سلسلہ ہوا جس میں نگران عالمی مجلس مشاورت ذمہ دار اسلامی بہن نے مقامی اسلامی بہنوں کے ہمراہ ملکر گھر گھر جاکر اسلامی بہنوں پر انفرادی کوشش کرتے ہوئے انہیں ہفتہ وار سنتوں بھرے اجتماع میں شرکت کا ذہن دیتے ہوئے نیتیں کروائیں۔

٭مزید نگران عالمی مجلس مشاورت ذمہ دار اسلامی بہن نے عربی، انگلش اور other اسپوکن لینگویج بولنے وا لی اسلامی بہنوں کا بذریعہ انٹرنیٹ مدنی مشورہ لیاجس میں عربی اور انگلش اجتماعات بڑھانے کے طریقہ کار پر بات چیت ہوئی نیز ان کی دینی کاموں کی کارکردگی کا جائزہ لیااور آئندہ کے لئے اہداف بھی دیئے ۔

دعوتِ اسلامی کے تحت 26 جنوری  2022ء کو عزیز آبادمیں ہفتہ وار سنتوں بھرے اجتماع کا انعقاد ہوا جس میں مقامی اسلامی بہنوں نے شرکت کی۔

صاحبزادیِ عطار سلمھا الغفار نے سنتوں بھرا بیان کیااور اسلامی بہنوں کو دعوت اسلامی کے دینی کاموں کے بارے میں بتاتے ہوئے انہیں مدنی مذاکرہ دیکھنے اور ہفتہ وار سنتوں بھرے اجتماع میں پابندی سے شرکت کا ذہن دیا ۔ آخر میں نگران عالمی مجلس مشاورت ذمہ دار اسلامی بہن نے دعا کروائی۔

دعوت  اسلامی کے تحت 25 جنوری2022ء بروز منگل پاکستان کے شہرراولپنڈی میٹروپولیٹن میں مدنی مشورے کا انعقاد ہواجس میں پاکستان مشاورت کی نگران اسلامی بہن نے ماتحت اسلامی بہنوں کی دینی کام کرنے اور بڑھانے کےحوالے سے تربیت کی۔

مدنی مشورے میں ذمہ داراسلامی بہنوں کو نیو شارٹ کورسز کی ترغیب دلاتے ہوئےدارلسنۃ للبنات کے حوالے سے نکات بتائے گئے۔ اس کے علاوہ رمضان المبارک اور ای- رسید کے متعلق بھی مدنی پھول دیئے گئے اس پر اسلامی بہنو ں نے اچھی اچھی نیتوں کا اظہار کیا۔

’’ماہنامہ فیضان مدینہ‘‘دعوت اسلامی کا ہر مہینے شائع ہونے والا میگزین ہے۔ اس میں ہر مہینے 40 سے زائد مختلف اور دلچسپ  مضامین شامل کئے جاتے ہیں ۔ اس کی سالانہ بکنگ کروانے والوں کئے لئے امیر اہل سنت دامت برکاتہم العالیہ نے بہت سی دعاؤں سے بھی نوازا ہے۔

دسمبر2021ءمیں بھی اسلامی بہنوں نے ماہنامہ فیضان مدینہ کی بکنگ کروائی ۔الحمدللہ عزوجل دسمبر2021ء میں ادارتی اور غیر ادارتی شعبہ جات کی 6 ہزار777ذمہ داران بکنگ کروا چکی ہیں۔انفرادی طور پر 617سادہ اور482کلر فل ماہنامہ فیضان مدینہ خریدے گئے۔

ایک ہزار58سادہ اور 622کلرفل ماہنامہ فیضان مدینہ کی بکنگ کی گئی۔ 397سادہ اور 348کلر ماہنامہ فیضان مدینہ کی رقم جمع کروائی جا چکی ہے۔ایک ہزار391 سادہ اور 624کلر ماہنامہ فیضان مدینہ کی بکنگ کی نیتیں پیش کی گئی ۔

اسلام  اور سنیت کی ترویج و اشاعت کے لئے دعوت اسلامی کتب و رسائل شائع کرتی ہے اور اس شائع شدہ مواد کو عوام وخواص تک پہنچانے کے لئے تقسیم رسائل کا سلسلہ کیا جاتا ہے۔ اسی سلسلے میں شعبہ تقسیم رسائل کے تحت دسمبر 2021ء میں 8 ہزار466 کتب اور 6 لاکھ،47 ہزار،766رسائل تقسیم کئے گئے۔

دعوتِ  اسلامی کے زیر اہتمام22 جنوری 2022ء کو بہادر آباد میں علاقائی نگران اسلامی بہن کی بیٹی کی شادی کے سلسلے محفلِ نعت کا انعقاد ہوا جس میں گھر کی خواتین سمیت صاحبزادیِ عطار سلمھاالغفار اور دیگر مقامی اسلامی بہنوں نے شرکت کی۔

عالمی مجلس مشاورت نگران اسلامی بہن نے ’’ اللہ پاک کی نعمتوں پر شکر ادا کرنے ‘‘سے متعلق موضوع پر سنتوں بھرا بیان کرتے ہوئے اسلامی بہنوں کو دینی کاموں میں عملی طور پر حصہ لینے اور ہفتہ وار سنتوں بھرے اجتماع میں شرکت کرنے کا ذہن دیا ۔ بعدازاں صاحبزادیِ عطار نے دعا کروائی نیز آخر میں اسلامی بہنوں سے ملاقات و انفرادی کوشش کی ۔ 

دعوتِ اسلامی کے تحت 22 جنوری 2022ء  کو کراچی ڈسٹرکٹ ذمہ دار اسلامی بہنوں کے مدنی مشورے کا سلسلہ ہوا جس میں محمود آباد ، بہادرآباد ، ناظم آبادکی ذمہ دار اسلامی بہنوں نے شرکت کی۔

عالمی مجلس مشاورت کی نگران اسلامی بہن نے مدنی مشورے میں شریک اسلامی بہنوں کو دعوتِ اسلامی کا دینی کام احساسِ ذمہ داری کے ساتھ کرنے کا ذہن دیا اور اسلامی بہنوں کو بلڈنگ و گلی ذمہ دار بنانے سے متعلق اہداف دیئے ۔