Latest News Updates Of Dawat e Islami

آکلینڈ کی مسجد المصطفٰے میں سنتوں بھرا بیان اجتماع، رکن شوریٰ حاجی عبد الحبیب عطاری نے بیان کیا

Wed, 30 Aug , 2023

1 year ago

نیوزی لینڈ (New Zealand) کے شہر آکلینڈ (Auckland) کی جامع مسجد المصطفٰے میں 25 اگست 2023ء کو دعوت اسلامی کے زیر اہتمام سنتوں بھرے اجتماع کا انعقاد کیا گیا جس میں بزنس کمیونٹی اور مختلف شعبہ جات سے وابستہ عاشقان رسول، مبلغین دعوت اسلامی اور مقامی عاشقان رسول کی شرکت ہوئی۔

مرکزی مجلس شوریٰ کے رکن مولانا حاجی عبد الحبیب عطاری نے تلاوت قرآن کے بعد قصیدہ بردہ شریف پڑھا۔ بعد ازاں رکن شوریٰ مولانا حاجی عبد الحبیب عطاری نے سنتوں بھرا بیان کیا اور شرکا کو درود پاک پڑھنے کی ترغیب دلائی۔ رکن شوریٰ نے سیرت مصطفٰے صلَّی اللہ علیہ واٰلہٖ وسلَّم پر گفتگو کرتے ہوئے پسینہ مبارک کی برکات بیان کیں۔رکن شوریٰ نے شرکا کو ایمان کی حفاظت کرنے، گانے باجے سننے اور حسد سمیت دیگر گناہوں سے بچنے کا ذہن دیا۔بیان میں اسلامی بھائیوں کو خوب خوب نیکیاں کرنے اور نیکی کی دعوت عام کرنے کا ذہن بھی دیا گیا۔