دعوت اسلامی کی مجلس کورسز کے تحت انوارِ ہاشمیہ مسجد کماچہ گوٹھ  بیلا شہر میں ہونے والےسات دن کا فیضان نماز کورس (جز وقتی) اختتام پذیر ہوگیا۔ کورس کے آخری روزاجتماع کا اہتمام کیا گیا جس میں مقامی عاشقانِ رسول اور کورس کرنے والے اسلامی بھائیوں نے شرکت کی۔ اس موقع پر مبلغ دعوت اسلامی نے سنتوں بھرا بیان کرتے ہوئے کہا کہ دعوتِ اسلامی علم و عمل سے دوری کےاس پرفتن دور میں دین کا کام کررہی ہے اور ملک کے مختلف شہروں میں نماز کورس کا اہتمام کرتی ہے تاکہ مسلمان نماز کا عملی طریقہ سیکھ کر اپنی نمازوں کو صحیح طور پر ادا کرسکیں۔ اختتام پر نماز کورس کرنے والے اسلامی بھائیوں میں مدنی تحائف بھی تقسیم کئے گئے ۔(رپورٹ: محمد جہانزیب عطاری، نشرواشاعت گوادر زون)