دعوتِ اسلامی کے تحت پچھلے دنوں شعبہ فیضان آن لائن اکیڈمی کے ذیلی شعبہ مدرسۃ المدینہ آن لائن فیصل آباد ڈویژن کے اسٹاف کا  سنتوں بھرا اجتماع ہوا۔

دعوتِ اسلامی کے شعبہ فیضان آن لائن اکیڈمی بوائز کے تحت گزشتہ روز کورنگی برانچ، کراچی کا ماہانہ مدنی مشورہ ہوا جس میں شفٹ تعلیمی ذمہ داران اور معاونین نے شرکت کی۔

ابتداءً ڈویژن 1 کے تعلیمی ذمہ دار مصطفیٰ گلزار عطاری نے شرکا سے گفتگو کرتے ہوئے تعلیمی امور کے ساتھ ساتھ اپنے اندر مزید قابلیت بڑھانے کا ذہن دیا ۔

بعدازاں ڈویژن 1 کے ذمہ دار وقاص عطاری نے برانچ کے انتظامی معاملات سمیت دعوتِ اسلامی کے دینی کاموں کے حوالے سے شرکا کی تربیت کی جس پر انہوں نے اچھی اچھی نیتیں کیں۔ (رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی ، کانٹینٹ:غیاث الدین عطاری)

پچھلے دنوں شعبہ فیضان آن لائن اکیڈمی بوائز دعوتِ اسلامی کے تحت اوکاڑہ میں ایک سیشن کا انعقاد ہوا جس میں ساہیوال ڈویژن کے تمام اسٹاف  نے شرکت کی۔

تفصیلات کے مطابق رکنِ شعبہ تعلیمی امور مولانا عرفان عطاری مدنی اور ایڈمیشن ڈیپارٹمنٹ کے رکن سلمان عطاری نے تعلیمی امور نیز سافٹ ویئر کےحوالے سے شرکا کی تربیت کی نیز معاون رکنِ شعبہ سیّد انس عطاری نے تجوید کے متعلق اسٹاف کی رہنمائی کی۔

اس کے بعد دعوتِ اسلامی کی مرکزی مجلسِ شوریٰ کے رکن مولانا ابوماجد حاجی محمد شاہد عطاری مدنی نے دینی کاموں کے بارے میں گفتگو کرتے ہوئے شرکا کو دینی کاموں عملی طور پر حصہ لینے کا ذہن دیا جبکہ نگرانِ شعبہ مولانا یاسر عطاری مدنی نے مدرسین کی جانب سے ہونے والے مختلف سوالات کے جوابات دیئے۔

عاشقانِ رسول کی دینی تحریک دعوتِ اسلامی کے تحت لاہور میں  17 جولائی 2023ء بروز پیر فیضان آن لائن اکیڈمی بوائز (مدرسۃ المدینہ) لاہور کے مدرسین کا سنتوں بھرا اجتماع منعقد ہوا۔

تلاوت و نعت کے بعد مدرسۃ المدینہ آن لائن کے نگرانِ تفتیش و تعلیمی امور مولانا عرفان عطاری مدنی اور معاون نگران مولانا سیّد انس عطاری مدنی نے مدرسین کی تربیت و رہنمائی کی۔

ذمہ داران نے تدریسی و تجویدی نظام بہتر کرنےاور تجوید کے اصول و قواعد کے ساتھ ساتھ ایک قاری کے لئے کن کن علوم کا جاننا ضروری ہے اس کے حوا لے سے مدرسین کی ذہن سازی کی جس پر انہوں نے اچھی اچھی نیتوں کا اظہار کیا۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت لاہور میں  17 جولائی 2023ء بروز پیر فیضان آن لائن اکیڈمی بوائز (جامعۃالمدینہ) لاہور کے مدرسین کا سنتوں بھرا اجتماع منعقد ہوا۔

تلاوت و نعت کے بعد جامعۃ المدینہ آن لائن کے نگرانِ تفتیش و تعلیمی امور مولانا نعیم بابر عطاری مدنی اور ڈویژنل ایجوکیشن آفیسر مولانا وقاص عطاری مدنی نے مدرسین کی تربیت و رہنمائی کی۔

ذمہ داران نے مدرسین کو اپنے تدریسی نظام میں مزید بہتری لانے اور دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی ، کانٹینٹ:غیاث الدین عطاری)

شعبہ فیضان آن لائن اکیڈمی بوائز دعوتِ اسلامی کے تحت لاہور میں 17 جولائی 2023ء بروز پیر سنتوں بھرا اجتماع ہوا جس میں لاہور ڈویژن کے مدرسین اور ذمہ دار اسلامی بھائیوں نے شرکت کی۔

معلومات کے مطابق رکنِ شعبہ مولانا سلمان عطاری مدنی نے فیضان آن لائن اکیڈمی کے جدید نظام کے حوالے سے تیار کئے گئے سافٹ ویئر Learning Management System (لرننگ مینجمنٹ سسٹم) کے متعلق حاضرین کی تربیت کی جس کا مقصد شعبے میں جدید نظام اور شعبہ کی ترقی و نظام میں مزید بہتری لانا ہے۔

17 جولائی 2023ء بروز پیر لاہور ڈویژن میں فیضان آن لائن اکیڈمی بوائز کے اسٹاف کے لئے ایک سیشن ہوا جس میں جامعۃ المدینہ و مدرسۃ المدینہ آن لائن کے مدرسین اور ذمہ دار اسلامی بھائیوں کی شرکت رہی۔

سیشن کے دوران مرکزی مجلسِ شوریٰ کے رکن حاجی یعفور رضا عطاری نے شرکا کی تربیت کرتے ہوئے انہیں دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا اور مدنی پھولوں سے نوازا۔

اس کے علاوہ رکنِ شوریٰ حاجی یعفور رضا عطاری نے 8، 9 اور 10 محرم الحرام1445ھ کے مدنی قافلے میں فیضان آن لائن اکیڈمی بوائز کے اسٹاف کے ساتھ سفر کرنے کے لئے وقت بھی عطا فرمایا۔

بعدازاں رکنِ شوریٰ حاجی یعفور رضا عطاری نے تنظیمی و انتظامی حوالے سے نمایاں کارکردگی کے حامل مدرسین کے درمیان تحائف تقسیم کئے جبکہ خیرخواہ اسلامی بھائیوں کی حوصلہ افزائی کے ساتھ ساتھ اُن کی خیرخواہی کا بھی سلسلہ رہا۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی ، کانٹینٹ:غیاث الدین عطاری)

 کراچی (محمود عطاری) امیر اہل سنت حضرت علامہ محمد الیاس عطار قادری دامت برکاتہم العالیہ نے فرمایا کہ حضرت عمر فاروق اعظم رضی اللہ تعالیٰ عنہ عظیم صحابی ہیں، آپ کا وصف ہے کے آپ کو دینی معاملے میں ذرہ برابر بھی کوتاہی برداشت نہیں تھی،آپ دینی احکامات پر مضبوطی سے عمل کرتے،اللہ پاک کی منع کی ہوئی باتوں سے بچتے،نیکی کی دعوت دیتے اور برائی سے منع کیا کرتے ہیں۔ ان خیالات کا اظہار انہوں نے عالمی مدنی مرکز فیضان مدینہ کراچی میں محرم الحرام کی مناسبت سے ہونے والےمدنی مذاکرے میں گفتگو کرتے ہوئے کیا۔ امیر اہل سنت نے فرمایا کہ دنیا میں آپ کا نام مبارک عمر اور آسمانوں میں فاروق کے نام سے پہچانا جاتا ہے،آسمانی کتاب توریت میں آپ کو حق بات کہنے والا بیان کیا گیا ہے،انجیل میں آپ کا نام کافی ہے اور جنت میں آپ کا نام سراج ہوگا،اعلان نبوت کے چھٹے سال 614عیسوی میں آپ نے اسلام قبول کیا،سرور عالم ﷺ نے آپ کے اسلام قبول کرنے کی دعا فرمائی،آپ کو مرادِ رسول بھی کہتے ہیں۔ امیر اہل سنت نے فرمایا کہ حضرت عمر رضی اللہ تعالیٰ عنہ کے اسلام قبول کرنے سے اسلام کی عزت اور غلبہ میں اضافہ اورمسلمانوں کو حوصلہ ملا،آپ کے اسلام قبول کرنے کے بعد مسلمانوں نے حرم پاک میں اعلانیہ نماز ادا کی،رسول پاک ﷺ نے آپ کو اپنا وزیر فرمایا،اسلام کی تمام اہم منصوبہ بندیوں میں حضرت عمر رسول اللہ ﷺکے خصوصی مشیر رہے،ساری زندرگی حضور جانِ عالم ﷺ کی خدمت میں گزاری، 13سن ہجری بمطابق 634عیسوی یعنی 53سال کی عمر مبارک میں آپ مسلمانوں کے دوسرے خلیفہ بنے۔24ہجری بمطابق 643عیسوی میں مسجدِ نبوی شریف میں نما زِفجرمیں شہادت کی موت پائی اور حضور جانِ کائنات فخر موجودات ﷺ کے پہلو مبارک میں دفن ہوئے۔ امیر ِاہلِ سنت نے فرمایا کہ حضرت ابو بکر وعمر رضی اللہ تعالیٰ عنہما سے محبت کرنے والا برکتوں سے نوازا جاتا ہے،اس کی اولاد کو بھی اس محبت کی برکتیں نصیب ہوتی ہیں،بیماریوں سے حفاظت ہوتی ہے،مشکلات سے نجات ملتی ہے،اللہ پاک ہمیں بھی شیخین کریمین کی محبت نصیب فرمائے۔

مدنی مرکز فیضانِ مدینہ فیصل آباد میں پچھلے دنوں پاکستان مشاورت آفس کے ذمہ داران کا یومِ دعوتِ اسلامی کی تیاریوں کے حوالے سے مدنی مشورہ ہوا جس میں فیصل آباد کےذمہ داران نے بالمشافہ جبکہ دیگر شہروں کے ذمہ داران، جامعۃالمدینہ و مدرسۃالمدینہ (بوائز گرلز)، آئمہ مساجد، دارالمدینہ اوررابطہ برائے ٹرانسپورٹ ڈیپارٹمنٹ کے نگران اسلامی بھائیوں نے بذریعہ آڈیو لنک شرکت کی۔

مدنی مشورے میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے بل بورڈ، پول بینر،مدنی مرکز فیضانِ مدینہ کے اطراف میں لگائے جانے والے بینر اور مکتبۃالمدینہ جو بیج جاری کرے گا اس حوالے سے گفتگو کی اور شرکا کو مدنی پھولوں سے نوازا۔

علاوہ ازیں نگرانِ پاکستان مشاورت حاجی محمد شاہد عطاری نے ذمہ داران کو یومِ دعوتِ اسلامی کے موقع پر 3 دن کے مدنی قافلے میں اسلامی بھائیوں کو سفر کروانے کی ترغیب دلائی جس پر انہوں نے اچھی اچھی نیتیں کیں۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوتِ اسلامی کے زیر اہتمام آج رات مؤرخہ  20 جولائی 2023ء کو دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں اراکینِ شوریٰ و مبلغین دعوت اسلامی سنتوں بھرے بیانات فرمائیں گے۔ ان اجتماعات کا آغاز تلاوتِ قرآنِ پاک اور نعتِ رسولِ مقبول صلی اللہ علیہ و سلم سے کیا جائے گا جبکہ اختتام پر دعوتِ اسلامی کے دینی کاموں کے حوالے سے اعلانات، ذکر اور رقت انگیز دعاؤں کا سلسلہ بھی ہوگا۔

تفصیلات کے مطابق مدنی مرکز فیضان مدینہ عباسیہ ٹاؤن بہاولپور سے مدنی چینل پر براہِ راست نشر ہونے والے ہفتہ وار اجتماع میں مرکزی مجلس شوریٰ کے رکن قاری سلیم عطاری سنتوں بھرا بیان فرمائیں گے۔

اس کے علاوہ عالمی مدنی مرکزفیضان مدینہ کراچی میں رکن شوریٰ حاجی فضیل عطاری، جامع مسجد کلثوم ڈرگ روڈ کالونی نمبر 3 کراچی میں رکن شوریٰ حاجی محمد علی عطاری، مدینہ مسجد پنجابی کلب کھارادر آرام باغ ٹاؤن صدر 3 کراچی میں رکن شوریٰ مولانا حاجی عبد الحبیب عطاری، مدنی مرکز فیضان مدینہ جوہر ٹاؤن لاہور میں نگرانِ مجلس شعبہ پروفیشنلز فورم محمد ثوبان عطاری سنتوں بھرابیان فرمائیں گے۔

تمام عاشقانِ رسول اپنے اپنے علاقوں میں ہونے والے دعوتِ اسلامی کے ہفتہ وار سنتوں بھرے اجتماعات میں خود بھی شرکت کریں اور دیگر اسلامی بھائیوں کو شرکت کرنے کی ترغیب دلائیں۔ 

جون 2023ء میں عاشقانِ رسول کی دینی تحریک دعوتِ اسلامی کے شعبہ روحانی علاج للبنات کے تحت ساؤتھ افریقہ میں اسلامی بہنوں کے لئے لگنے والے روحانی علاج کے بستوں کی کارکردگی درج ذیل رہی:

٭ماہِ جون میں دعوتِ اسلامی کے تحت اسلامی بہنوں کے لئے لگائے گئے روحانی علاج کے بستوں کی تعداد:01

٭بستوں پر آنے والی اسلامی بہنوں کی تعداد:37

٭تعویذاتِ عطاریہ کی تعداد:200

٭اورادِ عطاریہ کی تعداد:38

٭ہفتہ وار سنتوں بھرے اجتماع میں شرکت کرنے والی اسلامی بہنوں کی تعداد:110

٭ہفتہ وار مدنی مذاکرہ سننے والی اسلامی بہنوں کی تعداد:10

٭ہفتہ وار رسالہ پڑھنے والی اسلامی بہنوں کی تعداد:17

جون 2023ء میں عاشقانِ رسول کی دینی تحریک دعوتِ اسلامی کے شعبہ روحانی علاج للبنات کے تحت نارتھ ویسٹ میں اسلامی بہنوں کے لئے لگنے والے روحانی علاج کے بستوں کی کارکردگی درج ذیل رہی:

٭ماہِ جون میں دعوتِ اسلامی کے تحت اسلامی بہنوں کے لئے لگائے گئے روحانی علاج کے بستوں کی تعداد:07

٭بستوں پر آنے والی اسلامی بہنوں کی تعداد:132

٭تعویذاتِ عطاریہ کی تعداد:274

٭اورادِ عطاریہ کی تعداد:119

٭ہفتہ وار سنتوں بھرے اجتماع میں شرکت کرنے والی اسلامی بہنوں کی تعداد:40

٭ہفتہ وار مدنی مذاکرہ سننے والی اسلامی بہنوں کی تعداد:30

٭ہفتہ وار رسالہ پڑھنے والی اسلامی بہنوں کی تعداد:30