ہم ہر سال14اگست پر اپنے وطن پاکستان کایوم آزادی مناتے ہیں ۔احکام اسلام پر آزادی سے عمل کرنے کے لئے ہمیں جو یہ ملک ملا،ہمیں دل سے اس کی قدر کرنی چاہیے،آزادی کے ساتھ اسلام کی تعلیمات پر عمل کرنا چاہیے تاکہ ہم دنیا و آخرت میں کامیاب ہوسکیں۔اس کے ساتھ ساتھ وطن عزیز کے بلند و بالا پہاڑ، ہرے بھرے کھیت،باغات، گہرے سمندر اوردریا سمیت بہت سی نعمتیں آزادی کی برکتیں ہیں ۔ ہمیں چاہیے کہ ایک ہوکر محنت، دیانت داری اور لگن سے کام کریں تاکہ پاکستان کا مستقبل شاندار ہوسکے۔

76 ویں جشن آزادی کے موقع پر فیضان اسلامک اسکول سسٹم (پاکستان )کے پنجاب ،سندھ ، خیبرپختونخوا اور بلوچستان ریجن کے کیمپسز میں یوم آزادی کی تقریبات پورے جوش و خروش اور ملی جذبے کے ساتھ منعقد ہوئیں۔ اس موقع پر کیمپسز کو پاکستانی جھنڈوں ،سبز اور ہرے رنگوں سے مزین غباروں سے سجایا گیا تھا۔ کیمپسز میں یوم آزادی اور امیر اہل سنت حضرت علامہ مولانا محمد الیاس عطار قادری دامت برکاتہم العالیہ کے حب الوطنی پر مبنی فرامین کےچارٹس بھی لگائے گئے تھے۔

ان تقریبات کا آغاز تلاوت ِقرآن پاک سے ہوا ۔بعدازاں طلبہ وطالبات نے حمد باری تعالیٰ اور نعت ِ رسول مقبول صلی اللہ علیہ وسلم پیش کیں، یوم آزادی کی مناسبت سے تقاریر کیں ، ننھے منے بچوں نے پاکستان کے ملی نغمے خاص کر یوم آزادی کی مناسب سے پڑھے نیز ایک آواز میں قومی ترانہ بھی پڑھا ۔

اساتذہ ٔ کرام نے طلبہ کی تربیت کرتے ہوئے انہیں قیام پاکستان کے حقیقی مقاصد سے آگاہ کیا اور یوم ِآزادی کو اسلامی اصولوں کے مطابق منانے کی ترغیب دلائی۔ ان تقریبات میں ملک و ملت کی سلامتی اور خوشحالی کے لئے دُعائیں بھی مانگی گئیں۔ (رپورٹ: غلام محی الدین ترک ، کانٹینٹ :رمضان رضا عطاری)

شعبہ رابطہ برائے وکلا (دعوت اسلامی) کے تحت 11 تا 13 اگست 2023ء تین دن کا عالمی مدنی مرکز فیضان مدینہ کراچی میں سنتوں بھرا اجتماع ہوا جس میں پاکستان کے کئی شہروں سے سٹی /ہائی کورٹ اور سپریم کورٹ کے وکلا و ججز سمیت متعلقہ شعبے سے وابستہ عاشقانِ رسول حصول علم دین کے لئے شریک ہوئے۔ تین دن کے ہونے والے اجتماع میں مبلغین دعوت اسلامی کے اصلاحی بیانات سمیت سیکھنے سکھانے کے سلسلے ہوئے۔

دورانِ اجتماع مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے شرکا کو حقوق اللہ ادا کرنے اور اس میں کوتاہی نہ کرنے کا ذہن دیا۔آپ نے مزید فرمایا کہ ہمیں یہ طے کرکے زندگی گزارنی ہے کہ کل بروز قیامت ہمیں ظالم بناکر نہ اٹھایا جائے، اس کے علاوہ ہماری کوشش ہو کہ ہمارے پروفیشن میں ہمارے ساتھ اگر کچھ نہ مناسب ہوجائے تو غصے کا اظہار اپنے اہل و عیال پر نہیں کرنا۔

وکلا برادری کے درمیان بیان کرتے ہوئے رکن شوریٰ مولانا حاجی عبد الحبیب عطاری نے کہا کہ ہمیں اپنے پروفیشن میں رہتے ہوئے دین کا کام کرنا ہے اور ہمیشہ مظلوم کی مدد کرکے اس سے اچھی دعا لینے کا سبب بننا ہے۔

سنتوں بھرے اجتماع میں رکن شوریٰ حاجی یعفور رضا عطاری نے بیان کرتے ہوئے کہا کہ دنیا میں ہماری حیثیت مسافر کی ہے، ہمیں دنیا میں بس تھوڑی دیر کے لئے رُکنا ہے اور آگے چلا جانا ہے، اللہ پاک نے زندگی اور موت کو اس لئے پیدا فرمایا کہ ہمارے اچھے اعمال کی جانچ ہوسکے۔ اسی طرح رکنِ شوریٰ حاجی فضیل رضا عطاری نے بھی اپنے بیان میں شرکا کو سنت کے مطابق زندگی گزارنے کی ترغیب دلائی۔

قرآن کریم  خالص اللہ پاک کا کلام ہے جسے آخری نبی حضرت محمد مصطفٰے صلَّی اللہ علیہ واٰلہٖ وسلَّم پر نازل کیا گیا۔ کلام اللہ کو درست مخارج کے ساتھ پڑھنا ہر مسلمان کے لئے ضروری ہے جبکہ اس کی تلاوت سے بے شمار اجر و ثواب کا خزانہ ہاتھ آتا ہے اور خوب خوب برکتیں بھی حاصل ہوتی ہیں۔

عاشقانِ رسول کو تلاوت قرآن اور اسے دُرست مخارج کے ساتھ سیکھنے کی ترغیب دلانے کے لئے خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے اس ہفتے 14 صفحات کا رسالہ ”امیر اہل سنت سے تلاوتِ قرآن کے بارے میں سوال جواب“ پڑھنے / سننے کی ترغیب دلائی ہے اور پڑھنے/سننے والوں کو اپنی دعاؤں سے بھی نوازا ہے۔

دعائے جانشین امیر اہلسنت

یا اللہ پاک! جوکوئی 14صفحات کا رسالہ ”امیر اہل سنت سے تلاوتِ قرآن کے بارے میں سوال جواب“ پڑھ یا سُن لے اسے قرآنِ کریم کی تلاوت کرنے اور اس پر عمل کرنے کی توفیق عطا فرما اور اس کی بے حساب مغفرت فرما۔ اٰمین بِجاہِ خاتَمِ النَّبِیّیْن صلّی اللہُ علیهِ واٰله وسلّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

دعوت اسلامی کے زیر اہتمام آج رات مؤرخہ 17 اگست 2023ء بروز جمعرات بعد نماز مغرب دنیا بھر میں ہفتہ وار سنتوں بھرے اجتماعات کا انعقاد کیا جائےگا۔ ان اجتماعات کا باقاعدہ آغاز تلاوتِ قرآن پاک سے ہوگا جبکہ اراکینِ شوریٰ اور مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات مدنی مرکز فیضان مدینہ کاہنہ نوفیروز پور روڈ لاہور سے مدنی چینل پر براہِ راست ہونے والے ہفتہ وار اجتماع میں مرکزی مجلس شوریٰ کے نگران مولانا حاجی عمران عطاری مُدَّ ظِلُّہُ العالی سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

دعوتِ اسلامی کے دینی کاموں کے سلسلے میں ساؤتھ کوریا  میں موجود مرکزی مجلسِ شوریٰ کے رکن حاجی محمد امین عطاری نے ایچھن شہر کے مقامی اسلامی بھائی سے اُن کی رہائش گاہ پر ملاقات کی۔

ساؤتھ کوریا کے شہر انچن(Icheon) میں قائم اسلامک سینٹر فیضانِ قراٰن میں دعوتِ اسلامی کے تحت سیکھنے سکھانے کا حلقہ لگایا گیا جس میں مختلف شعبہ ہائے زندگی سے تعلق رکھنے والے عاشقانِ رسول نے شرکت کی۔

حلقے کی ابتداء میں تلاوتِ قراٰن کی گئی اور مبلغِ دعوتِ اسلامی نے پیارے آقا صلی اللہ علیہ و سلم کی بارگاہِ اقدس میں نعت شریف کا نذرانہ پیش کیا۔

14 اگست 2023ء بروز پیر حسن کالونی واربرٹن، ڈسٹرکٹ ننکانہ کی جامع مسجد فیضانِ غوث اعظم کے احاطے میں جشنِ آزادی کے پُر مسرت موقع پر پرچم کشائی کرنے کے بعد شہدا کے ایصالِ ثواب کےلئے پودے لگائے گئے ۔

معلومات کے مطابق اس موقع پر دعوتِ اسلامی کی جانب سے عاشقانِ رسول کے درمیان مفت پودے تقسیم کئے گئے اور ملکی امن و سلامتی نیز آزادی کے موقع پر شہید ہونے والوں کے بلندیِ درجات کے لئے دعائیں کی گئیں ۔

شعبہ FGRFکے تحت سابقہ سالوں کی طرح اس سال بھی عاشقانِ رسول کو مفت پودے دیئے جارہے ہیں ۔ شعبہ FGRF کاان شاء اللہ عزوجل 10 ہزار پودے تقسیم کرنے کا ہدف ہے ۔

پرچم کشائی و شجر کاری کی اس تقریب میں مبلغِ دعوتِ اسلامی حاجی نصر اقبال عطاری ، امیر سنی علماء کونسل مولانا اشفاق احمد رضوی ، جامعۃ المدینہ کے اساتذۂ کرام و طلبۂ کرام ، سابق مشیر وزیر اعلیٰ پنجاب رانا محمد ارشد، میڈیا ڈیپارٹمنٹ سے وابستہ افراد اور دیگر عاشقانِ رسول نے شرکت کر کے حبُ الوطنی کا اظہار کیا۔(رپورٹ: محمد رمضان عطاری مدنی واربرٹن ، کانٹینٹ:غیاث الدین عطاری)

دعوتِ اسلامی کے فلاحی شعبے FGRF کے تحت کراچی سٹی کے سفاری پارک گلشنِ اقبال میں شجرکاری کی گئی جس میں رابطہ کمیٹی ایم کیو ایم پاکستان کے رکن زاہد منصوری اور پاکستان تحریکِ انصاف کے رہنما ریحان غوری ذمہ داران کے ہمراہ پودے لگائے۔

13 اگست 2023ء بروز ہفتہ  اسلام آباد جی 11 میں واقع دعوتِ اسلامی کے مدنی مرکز فیضانِ مدینہ میں مدنی مشورہ ہوا جس میں راولپنڈی سٹی و ڈسٹرکٹ ،اسلام آباد ،واہ کینٹ، اٹک، پنڈ دادن خان، مری کہوٹہ، کلرسیداں، گجرخان، چکوال اور جہلم کے ذمہ دار اسلامی بھائیوں نے شرکت کی ۔

مدنی مشورے میں صوبائی ذمہ دار محمد رضا عطاری نے حاضرین کواوراق مقدسہ کے شیڈول کی اہمیت کے بارے میں قیمتی مدنی پھول بتائے اور انہیں آئندہ کے لئے اہداف دیئے۔(رپورٹ: محمدبلال راولپنڈی سٹی وڈسٹرکٹ ذمہ دار،کانٹینٹ:رمضان رضا عطاری)

دینی تحریک دعوتِ اسلامی کے شعبہ مدنی کورسز کے  زیرِ اہتمام 12 اگست 2023ء کو لاہور میں فیضانِ نماز کورس کے اختتام پر تقسیم اسناد اجتماع کا انعقاد ہوا جس میں مختلف طبقات سے تعلق رکھنے والے اسلامی بھائیوں نے شرکت کی ۔

فیضانِ نماز کورس میں امتیاز ریاض عطاری مدنی نے اسلامی بھائیوں کو نماز کے طبی، سائنسی اور روحانی فوائد کے ساتھ ساتھ فرائض و واجبات سکھائے نیز ایک مُٹھی داڑھی رکھنے اور مزید بھی فرض علوم پر مشتمل کورسز کرنے کا ذہن دیا جس پر انہوں نے اچھی اچھی نیتیں کیں۔

کورس مکمل ہونے پر تقسیم اسناد اجتماع منعقد کیا گیا جس میں مبلغ دعوتِ اسلامی نے تربیتی بیان کیا جس میں شرکا کو نمازوں کی پابندی کرنے اور ہفتہ وار سنتوں بھرے اجتماع میں آتے رہنے کی دعوت دی ۔آخر میں کورس کرنے والوں کی حوصلہ افزائی کرتے ہوئے انہیں اسناد پیش کیں۔(رپورٹ: مولانا ابوبکر عطاری مدنی لاہور سٹی ذمہ دار ، کانٹینٹ:رمضان رضا عطاری)

گزشتہ روز ڈپٹی کمشنر ایسٹ آفس کراچی سے متصل پارک  میں دعوتِ اسلامی کے تحت شجرکاری کا سلسلہ ہوا جس میں ڈپٹی کمشنر ایسٹ تبریز صادق مری، اسسٹنٹ ڈپٹی کمشنر سفیان بابر، نگرانِ ڈسٹرکٹ ایسٹ مولانا سیّد قذافی شاہ عطاری مدنی، شعبہ رابطہ برائے شخصیات کے کراچی سٹی ذمہ دار حاجی یعقوب عطاری اور نگرانِ جناح ٹاؤن حاجی فضیل عطاری نے شرکت کی۔

پچھلے  دنوں شعبہ تحفظ اوراقِ مقدسہ کے تحت پاک پتن کے گاؤں چک بیدی کے اندر مدنی قافلہ اجتماع کا انعقاد ہوا جس میں مدنی قافلہ ذمہ دار فراز عطاری کے علاوہ مبلغ دعوت اسلامی نے بیانات کئے ۔

ذمہ داران نے آخر میں شرکا کو پیر صاحب علامہ الیاس عطار قادری دامت برکاتہم العالیہ کی13،12 اور14 اگست 2023ء کو 3دن کے مدنی قافلے میں سفر کرنے والوں کے لئے دی گئی دعا سنائی اور انہیں مدنی قافلے میں سفر کرنے کا ذہن دیا ۔(رپورٹ: حافظ نسیم عطاری سوشل میڈیا آف ڈیپارٹمنٹ پاکستان، کانٹینٹ:رمضان رضا عطاری)