فیضان اسلامک اسکول سسٹم (دعوتِ اسلامی) آپ کے لئے ایک خاص موقع لے کر آیا ہے۔خوشی سے بھرپور اور 100% مفت سمر کیمپ 2025ء! یہ پروگرام بچوں کے لئے ایک لاجواب تجربہ ہے جہاں وہ نہ صرف تفریح کریں گے بلکہ نئے ہنر بھی سیکھیں گے اور اپنی صلاحیتوں کو نکھاریں گے۔

کیمپ میں شامل ہوکر اپنے بچوں کو سیکھنے دیں اوراپنی صلاحیتیں بڑھنے دیں:

٭آرٹ اینڈ کرافٹ٭زندگی کی اہم مہارتیں٭ماحولیاتی آگاہی٭جسمانی سرگرمیاں٭STEM پروجیکٹس٭رول پلے٭تفریحی اور تعلیمی تربیتی سیشنز۔

محدود نشستیں دستیاب ہیں، اس لئے فوراً رجسٹریشن کریں اور اس موسم گرما کو یادگار بنائیں!

یہ کیمپ کراچی، سندھ اور بلوچستان کے اسٹوڈنٹس کے لئے خاص طور پر لگایا گیا ہے جس کی ٹائمنگ 22 سے 30 جولائی 2025ء کے دوران صبح 8:15 بجے سے 10:45 بجے تک ہوگی۔

واضح رہےیہ پروگرام فیضان اسلامک اسکول سسٹم اوردیگر اسکولوں کے بچوں دونوں کے لئے کھلا ہے۔(رپورٹ: شعبہ فیضان اسلامک اسکول سسٹم ، کانٹینٹ:غیاث الدین عطاری)

دعوتِ اسلامی کے تحت قائم مختلف ڈیپارٹمنٹس عطیات بکس، گھریلو صدقہ بکس، ڈونیشن سیل، عشر اور خودکفالت کے دینی کاموں کا فالواپ لینے کے لئے مدنی مرکز فیضانِ مدینہ فیصل آباد میں نگرانِ ڈیپارٹمنٹس اور صوبائی ذمہ داران سمیت دیگر اسلامی بھائیوں کا مدنی مشورہ ہواجس میں متعلقہ رکنِ شوریٰ حاجی فاروق جیلانی عطاری بھی شریک تھے۔

مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف پوائنٹس پر گفتگو کی اور وہاں موجود اسلامی بھائیوں کو احسن انداز میں دعوتِ اسلامی کے دینی کاموں میں حصہ لیتے رہنے کی ترغیب دلائی۔

اس کے علاوہ نگرانِ پاکستان مشاورت نے ڈیپارٹمنٹس کی سابقہ 6 ماہ کی کارکردگی کا جائزہ لیتے ہوئے نمایاں کارکردگی کے حامل اسلامی بھائیوں کی حوصلہ افزائی کے لئے انہیں تحائف دیئے اور مدنی پھولوں سے بھی نوازا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

4 جولائی 2025ء کو  شعبہ روحانی علاج للبنات دعوتِ اسلامی کے تحت ذمہ داران کی تربیت کے لئے آن لائن نشست منعقد کی گئی جس میں صوبائی و سٹی سطح کی اسلامی بہنیں شریک ہوئیں۔ اس نشست کا مقصد ذمہ داران کے نظام کو مضبوط بنانے اور دینی خدمات میں مزید مؤثر کردار ادا کرنے کے لئے تربیت فراہم کرنا تھا۔

اس نشست کی ابتدا میں رکن عالمی مجلسِ مشاورت اسلامی بہن نے کی ذمہ داران کو شعبے کی حالیہ کارکردگی اور مستقبل کے اہداف کے حوالے سے اہم نکات بتائے اور مختلف امور پر تفصیل سے گفتگو کی جن میں شعبہ کی کارکردگی کو بہتر بنانے اور اسلامی بہنوں کو دینی کاموں میں حصہ لینے کے لئے ترغیب دینے پر زور دیا گیا۔

اس موقع پر کراچی، لاہور، اسلام آباد سمیت دیگر صوبوں کے لئے فزیکل سیشنز کے اہداف مقرر کئے گئے جبکہ دیگر صوبوں کے لیے آن لائن سیشنز کا انعقاد بھی طے پایا۔

دعوتِ اسلامی کے تحت دنیا بھر میں ہونے والے دینی و فلاحی کاموں کو مینج کرنے کے لئے مختلف ڈیپارٹمنٹس قائم کئے گئے ہیں جن میں سے ایک فنانس ڈیپارٹمنٹ بھی ہے ۔

8 جولائی 2025ء کو بیرونِ ممالک کی ذمہ دار اسلامی بہنوں کی آن لائن میٹنگ ہوئی جس میں ویسٹر ن یورپ اور ایسڑن اینڈ ساؤدرن یورپ نگران اسلامی بہنوں کی شرکت ہوئی۔

اس موقع پر ذمہ دار اسلامی بہنوں نے یورپ کے دو ملک اٹلی اور اسپین میں ہونے والے دینی و فلاحی کاموں کے اخراجات کے بارے میں تبادلۂ خیال کیا نیز اسلامی بہنوں کو کن انداز میں سہولیات مہیا کی جائیں اس پر مشاورت کی گئی۔

عاشقانِ رسول کی دینی تحریک دعوتِ اسلامی کے تحت 7 جولائی 2025ء کو کراچی سٹی کی ذمہ دار اسلامی بہنوں کا آن لائن مدنی مشورہ منعقد کیا گیا جس میں نگرانِ پاکستان مجلسِ مشاورت اور کراچی سٹی پر مقرر رکنِ عالمی مجلسِ مشاورت اسلامی بہنوں نے بذریعہ انٹرنیٹ شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے اسلامی بہنوں کے 8 دینی کاموں کے متعلق کلام کیا اور مختلف موضوعات کے حوالے سے مدنی پھولوں سے نوازا جن میں سے بعض یہ ہیں:٭کراچی سٹی میں ڈسٹرکٹ ڈسٹرکٹ جا کر شیڈول بنانا٭تعلیمی شعبہ جات کا وزٹ کرنا٭رہائشی کورسز میں بیانات کرنا۔

اورسیز پاکستانیوں میں 14 اگست 2025ء کو پاکستان کے یومِ آزادی منانے کے حوالے سے مدنی مشورہ ہوا جس میں مختلف سطح کی ذمہ دار اسلامی بہنوں نے شرکت کی۔

اس موقع پر نگرانِ عالمی مجلسِ مشاورت اسلامی بہن نے ذمہ داران کی ذہن سازی کرتے ہوئے کہا کہ یومِ آزادی کی خوشیوں میں اورسیز پاکستانی فیملیز کو شامل کیا جائے اور شریعت کے دائرے میں رہتے ہوئے خوشی منائی جائے۔

نگرانِ عالمی مجلسِ مشاورت نے پاکستان کی سلامتی کے لئے جو دعائیں کی جائیں گی اس کے طریقۂ کار پر گفتگو کی اور طے کیا گیا کہ جہاں جہاں ممکن ہو وہاں یومِ آزادی کے موقع پر اجتماعات و سیشنز کاانعقاد کیا جائے گا۔

عالمی سطح پر ہونے والے دینی کاموں میں مصروف دعوتِ اسلامی کی ذمہ دار اسلامی بہنوں کی تربیت و رہنمائی کے لئے 7 جولائی 2025ء کو عالمی مجلسِ مشاورت کی اراکین اور سب کانٹیننٹ نگران اسلامی بہنوں کی آن لائن میٹنگ ہوئی۔

ذمہ دار اسلامی بہن نے 8 دینی کاموں پر کلام کرتے ہوئے عالمی سطح پر ہونے والی دینی ایکٹیویٹیز کا جائزہ لیا اور ان میں مزید بہتری لانے کےلئے آئندہ کے اہداف دیئے جس پر تمام ذمہ دار و نگران اسلامی بہنوں نے اپنی اپنی رائے پیش کی۔

10 جولائی 2025ء کی دوپہر 4:00 تا شام  6:00 بجے تک اسلام آباد سٹی کے جامعۃ المدینہ G-7 میں اسلامی بہنوں کے درمیان ایک سیشن منعقد کیا گیا جس میں صاحبزادیِ عطار سلمہا الغفار کی خصوصی شرکت ہوئی جبکہ نگرانِ اسلام آباد سٹی و مشاورت، زون نگران و مشاورت اور یوسی و سیکٹر نگران اسلامی بہنیں بھی موجود تھیں۔

صاحبزادیِ عطار سلمہا الغفار نے سیشن کے دوران اسلامی بہنوں کی تربیت و رہنمائی کرتے ہوئے فرمایا:کہ ذمہ دار اسلامی بہن میں نرمی، اخلاص، دعوتِ دین کا جذبہ اور نیکی کی دعوت عام کرنے کا حوصلہ ہونا چاہیئے۔

اسی طرح صاحبزادیِ عطار سلمہا الغفار نے اسلامی بہنوں کو بے پردگی اور بے حیائی سے بچنے، نیک اعمال پر عمل کرنے اور اپنا نعم البدل تیار کرنے کا ذہن دیا ۔

علاوہ ازیں سیشن میں شریک نگرانِ پاکستان مجلسِ مشارت اسلامی بہن نے سلائیڈز کے ذریعے دینی کاموں کی کارکردگی پر رہنمائی کرتے ہوئےدینی کاموں میں ترقی پر حوصلہ افزائی کی اور آئندہ کے اہداف طے کئے۔

آخر میں تمام شعبہ جات کو فکرِ آخرت کے ساتھ ساتھ دینِ اسلام کا کام مزید بڑھانے کی ترغیب دلائی گئی اور ذمہ دار اسلامی بہنوں نے دین کے کاموں کو بڑھانے کے لئے اچھی اچھی نیتیں پیش کیں۔

5 جولائی 2025ء:

دعوتِ اسلامی کے دینی کاموں کے سلسلے میں لورپول کاؤنسل نگران اور شعبہ مشاورت کی اسلامی بہنوں کے مابین نئی جگہوں اورمساجد کے لئے فنڈ ریزنگ کرنے کے حوالے سے 5 جولائی 2025ء کو مدنی مشورہ ہوا۔

مدنی مشورے میں جن نکات پر گفتگو ہوئی وہ یہ ہیں:٭نئی مساجد کے لئے فنڈز جمع کرنے کے طریقہ کار٭کمیونٹی سے رابطہ ٭فلاحی منصوبوں کے لئے مالی امداد کی ترغیب٭فنڈ ریزنگ کے لئے مختلف پروگرامز اور تقریبات کا انعقاد۔

اس کے علاوہ ذمہ دار و نگران اسلامی بہنوں کے دعوتِ اسلامی کے دینی کاموں میں مزید بہتری لانےدینِ اسلام کی ترقی کے لئے اپنی اپنی تجاویز پیش کیں۔

4 جولائی 2025ء کو اوبرن کاؤنسل نگران اور شعبہ مشاورت کی اسلامی بہنوں کے درمیان ایک اہم مدنی مشورہ ہوا جس میں دینی امور، تنظیمی سرگرمیوں اور آئندہ کے اہداف پر تفصیلی تبادلہ خیال کیا گیا۔

ذمہ دار اسلامی بہنوں نے اپنی ذمہ داریوں کو مزید مؤثر بنانے اور دینی خدمات کو بہتر انداز میں انجام دینے کے لئے اچھی اچھی نیتیں بھی کیں۔

مدنی مشورے میں درج ذیل اہم نکات پر کلام کیا گیا:٭ پریزنٹیشن کے ذریعے8 دینی کام کارکردگی کا جائزہ ٭دینی ماحول سے منسلک کے اہداف٭فیضان آن لائن اکیڈمی گرلز کے تحت کورسز میں داخلہ لینا٭نگران شورٰی کا وقت لینا٭رہائشی کورس کا شیڈول ٭ اسلامی بہنوں کے لئے کوئنز لینڈ اور تسمانیہ میں رہائشی کورسز کے شیڈول کی ترتیب ٭سنتوں بھرے اجتماعات٭باب المدینہ کراچی میں نگران اسلامی بہنوں کے اجتماعات٭عاشقان رسول کی مساجد میں دینی کام کرنے کے اہداف٭درسِ قرآن کا حلقہ لگانا٭8 دینی کام کارکردگی کا جائزہ اور ذمہ داران کی تعداد فائنل کرنا٭اوورسیز نگران اسلامی بہنوں کے اجتماعات کے اہداف ٭سڈنی میں جائے نماز کی تعمیرات٭دار الافتاءاہلسنت سے رہنمائی لینا٭26 اگست 2025ء کو ہونے والے نگران شورٰی کے بیان کی ترغیب ۔

مختلف کاؤنسلز میں ہونے والے دینی کاموں کے سلسلے میں 3 جولائی 2025ء کو ایک میٹنگ منعقد ہوئی جس میں کاؤنسل نگران اور ملک مشاورت کی اسلامی بہنوں نے مختلف امور پر تبادلۂ خیال کیا اور آئندہ کے لئے منصوبہ بندی کی۔

مدنی مشورے میں شریک اسلامی بہنوں نے مندرجہ ذیل موضوعات پر مشاورت کی اور عملی اقدامات کی ترغیب دلائی:

٭نگران شورٰی کا وقت لینا٭رہائشی کورس کا شیڈول٭ اسلامی بہنوں کے لئے کوئنز لینڈ اور تسمانیہ میں رہائشی کورسز کے شیڈول کی ترتیب ٭سنتوں بھرے اجتماعات٭باب المدینہ کراچی میں نگران اسلامی بہنوں کے اجتماعات٭عاشقان رسول کی مساجد میں دینی کام کرنے کے اہداف٭درسِ قرآن کا حلقہ لگانا٭8 دینی کام کارکردگی کا جائزہ اور ذمہ داران کی تعداد فائنل کرنا٭اوورسیز نگران اسلامی بہنوں کے اجتماعات کے اہداف ٭سڈنی میں جائے نماز کی تعمیرات٭دار الافتاءاہلسنت سے رہنمائی لینا٭26 اگست 2025ء کو ہونے والے نگران شورٰی کے بیان کی ترغیب ۔

دعوت اسلامی کے تحت کوئٹہ میں ایک اہم اجلاس منعقد ہوا، جس میں ڈویژنل سربراہان، منصوبہ سازی مجلس، اور فیضان اسلامک سکول سسٹم بلوچستان کے صوبائی سربراہ نے شرکت کی۔

سیشن میں موجودہ پیش رفت کا جائزہ لینے، کلیدی بہتریوں پر تبادلہ خیال، اور پورے خطے میں تربیہ کے ساتھ ضروری تعلیم کو مضبوط بنانے کے لیے مستقبل کے روڈ میپ کی منصوبہ بندی پر توجہ مرکوز کی گئی۔

اختتام پر، ٹیم نے فیضان اسلامک سکول سسٹم کے کیمپس کا دورہ کیا، جہاں تعلیمی معیار، آپریشنل بہتری اور طویل مدتی اہداف کے حوالے سے تعمیری بات چیت کی گئی۔(رپورٹ:امیر حمزہ عطاری شعبہ فیضان اسلامک اسکول سسٹم، کانٹینٹ:شعیب احمد عطاری)