پچھلے  دنوں شعبہ تحفظ اوراقِ مقدسہ کے تحت پاک پتن کے گاؤں چک بیدی کے اندر مدنی قافلہ اجتماع کا انعقاد ہوا جس میں مدنی قافلہ ذمہ دار فراز عطاری کے علاوہ مبلغ دعوت اسلامی نے بیانات کئے ۔

ذمہ داران نے آخر میں شرکا کو پیر صاحب علامہ الیاس عطار قادری دامت برکاتہم العالیہ کی13،12 اور14 اگست 2023ء کو 3دن کے مدنی قافلے میں سفر کرنے والوں کے لئے دی گئی دعا سنائی اور انہیں مدنی قافلے میں سفر کرنے کا ذہن دیا ۔(رپورٹ: حافظ نسیم عطاری سوشل میڈیا آف ڈیپارٹمنٹ پاکستان، کانٹینٹ:رمضان رضا عطاری)

دعوتِ اسلامی کے شعبہ تحفظ اوراقِ مقدسہ  کے زیرِ اہتمام 12 اگست 2023ء کو مدنی مرکز فیضانِ مدینہ جھنگ میں مدنی مشورہ ہوا جس میں تحصیل ذمہ داران اور محافظین اوراق مقدسہ شریک ہوئے۔

صوبائی ذمہ دار پنجاب محمد رضا عطاری نے ذمہ داران کا مشورہ کیا جس میں شعبے کے سابقہ دینی کاموں کی کارکردگی کا جائزہ لیا اور مزید کام کو بہتر انداز میں کرنے پر اُن کی تربیت کی ۔

٭دوسری جانب ڈسٹرکٹ ذمہ دار جھنگ عامر عطاری نے پولیس افسران سے ملاقات کی اور انہیں شعبہ تحفظ اوراق مقدسہ کا تعارف کروایا اور تحفے میں انہیں اوراق مقدسہ کے باکسز پیش کئے جس پر انہوں نے دعوتِ اسلامی کی دینی کاوشوں پر اچھے تاثرات کا اظہار کیا۔(رپورٹ: اللہ دتہ عطاری فیصل آباد میٹروپولیٹن ذمہ دار، کانٹینٹ:رمضان رضا عطاری)

دعوت ِاسلامی کے مدنی  قافلہ ڈیپارٹمنٹ کے ذیلی شعبے 12 ماہ کے تحت 10 تا 13 اگست 2023ء کو نیکی کی دعوت کو عام کرنے کے سلسلہ میں صوبہ سندھ کے مختلف شہروں میر پور خاص، حیدرآباد، نوابشاہ اور سکھر میں میٹ اپ ہوا ۔

دورانِ سفر شعبے کے پاکستان سطح کے ذمہ دار مولانا شاکر عطاری مدنی نے موجود ہ 12ماہ کے مدنی قافلوں میں سفر کئے ہوئے اسلامی بھائیوں کے ساتھ علاقائی دورے کئے اور انہیں آئندہ کے لئےاہداف دیئے جس میں زیادہ سے زیادہ انفرادی کوشش کرنے اور اسلامی بھائی کو مدنی قافلوں میں سفر کروانے کا ذہن دیا ۔(رپورٹ: ابو تراب علی حسن عطاری مجلس 12 ماہ صوبہ سندھ،کانٹینٹ:رمضان رضا عطاری)

اسلام آباد کے علاقے پھلگراں میں سیاسی و کاروباری شخصیت راجہ جبران علی  کی رہائشی گاہ پر 14 اگست 2023ء بروز پیر عاشقانِ رسول کی دینی تحریک دعوتِ اسلامی کے تحت شجرکاری مہم کے سلسلے میں پلانٹیشن (پودے لگانا)کی گئی ۔

تفصیلات کے مطابق دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے دیگر ذمہ دار اسلامی بھائیوں کے ہمراہ پیارے آقا صلی اللہ علیہ و سلم اور والدینِ مصطفیٰ صلی اللہ علیہ و سلم اور راجہ جبران علی کے مرحومین کے ایصالِ ثواب کے لئے پودے لگاکر شجر کاری کا آغاز کیا نیز وطنِ عزیز کی حفاظت وترقی کے لئے دعائے خیر کی گئی۔

اس موقع پر رکنِ شوریٰ حاجی وقار المدینہ عطاری نے دعوتِ اسلامی کے دینی و فلاحی خدمات کے بارے میں بتایا جس کو راجہ جبران علی سمیت وہاں موجود تمام اسلامی بھائیوں نے سراہا اور اپنی نیک خواہشات کا اظہار کیا۔علاوہ ازیں راجہ جبران علی نے اسلام آباد G-11 میں قائم مدنی مرکز فیضانِ مدینہ کا وزٹ کرنے کی نیت کی۔

شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر  عباس عطاری مدنی نے ڈسٹرکٹ حافظ آباد میں مولانا عظمت علی اویسی صاحب (مہتمم جامعہ اویسیہ تعلیم القرآن للبنات امام و خطیب جامع مسجد اویسیہ ونیکے تاڑر )سے ملاقات کی ۔

دورانِ ملاقات محمد ظہیر عباس عطاری مدنی نے دعوت اسلامی کے ملک و بیرون ممالک میں ہونے والے اصلاحی، فلاحی اور دینی کاموں کے حوالے سے آگاہ کیا اور اگست 2023ء میں شائع ہونے والا ماہنامہ فیضان مدینہ تحفے میں پیش کیا۔اس پر مولانا عظمت علی اویسی صاحب نے خدمات دعوت اسلامی کو سراہتے ہوئے خوشی کا اظہار کیا۔(کانٹینٹ:رمضان رضا عطاری) 

یومِ آزادی منانے کے سلسلے میں 13 اگست 2023ء بروز اتوار عالمی مدنی مرکز فیضانِ مدینہ کراچی میں یومِ آزادی اسپیشل مدنی مذاکرے کا انعقاد کیا گیا جس میں براہِ راست اور بذریعہ مدنی چینل ملک و بیرونِ ملک کے کثیر عاشقانِ رسول شریک ہوئے۔

خیر خواہی اُمت کا جذبہ رکھنے والی  عاشقانِ رسول کی دینی تحریک دعوت اسلامی کے شعبہ رابطہ برائے شخصیات کے صوبائی ذمہ دار محمد وقار عطاری نے دیگر ذمہ داران کے ہمراہ کوئٹہ ساراوان ہاؤس میں نوابزادہ اسد اللہ رئیسانی سے ان کے صاحبزادے نوابزادہ میر ہارون رئیسانی کے انتقال پر ملاقات کی ۔

وقار عطاری نے اسد اللہ رئیسانی سمیت دیگر لواحقین سے تعزیت کی اور انہیں صبر کی تلقین کرتے ہوئے مدنی مرکز فیضان مدینہ آنے کی دعوت دی جس پر انہوں نے اچھی نیت کا اظہار کیا۔

بعدازاں تمام شرکا نے مرحوم کے ایصال ثواب کے لئے فاتحہ خوانی کی جبکہ صوبائی ذمہ دار محمد وقار عطاری نے مرحوم کے ساتھ ساتھ پوری اُمت مسلمہ کے لئے دعائے مغفرت کروائی ۔ اس موقع پر دعوت اسلامی کوآرڈینیشن ڈیپارٹمنٹ کے ذمہ داران جن میں مولانا لیاقت علی عطاری مدنی، صوبائی ذمہ دار حاجی ذوالفقار علی عطاری، ڈاکٹر مبشر عطاری اور مجیب الرحمن عطاری بھی ہمراہ ہیں۔(کانٹینٹ:رمضان رضا عطاری) 

پچھلے دنوں  مبلغ دعوت ِاسلامی شعبہ رابطہ برائے شخصیات بلوچستان کے ذمہ دار محمد وقار عطاری کے صاحبزادے محمد حذیفہ عطاری کا کرنٹ لگنے کے سبب انتقال ہوگیا تھا۔

اس موقع پر ڈی آئی جی جیل خانہ جات ساؤتھ بلوچستان نوید الیاس ، ایڈیشنل آئی جی جیل خانہ جات بلوچستان ایڈمن/ فنانس شکیل احمد بلوچ اور ڈسٹرکٹ جیل ڈیرہ مراد جمالی کے سپرنٹنڈنٹ چھٹہ خان نے محمد وقار عطاری سے ان کی رہائش گاہ پر ملاقات کی ۔

دورانِ ملاقات سپرنٹنڈنٹ چھٹہ خان سمیت دیگر نے ان کے شہزادے محمد حذیفہ عطاری کی وفات پر تعزیت کی اور اظہار ِافسوس کیا نیز مرحوم کے لئےفاتحہ خوانی کی گئی اور مرحوم سمیت ملک و قوم کی سلامتی اور شہدا کے درجات میں بلندی کے لئے دعا کروائی گئی ۔

٭دوسری جانب محمد وقار عطاری سے پشتونخوا ملی عوامی پارٹی کے صوبائی رہنما قبائلی سیاسی و سماجی شخصیت سید نور احمد خجک، الفلاح بینک اور حبیب بینک کے منیجر، سینئر جرنلسٹ اور پراپرٹی ڈیلرز نے ان کی رہائش گاہ پر آکرصاحبزادے حذیفہ عطاری کے انتقال پر تعزیت کی اور مرحوم کے لئے ایصال ثواب و فاتحہ خوانی بھی کی ۔(کانٹینٹ:رمضان رضا عطاری)

پچھلے دنوں دینی کاموں کے سلسلے میں دعوتِ اسلامی کی مرکزی مجلس شوری ٰ کے رکن حاجی محمد امین عطاری نے دارالمدینہ انٹرنیشنل اسلامک اسکول سسٹم کے ہیڈآفس کا مختصر دورہ کیا۔

اس دورے میں رکنِ شوریٰ حاجی محمد امین عطاری کو دارالمدینہ سے متعلق بریفنگ دی گئی۔ رُکنِ شوری ٰ نے وہاں موجود ذمہ داران کی حوصلہ افزائی کرتے ہوئے انہیں مدنی پھولوں سے نوازا ۔(رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

دارالمدینہ انٹرنیشنل اسلامک اسکول سسٹم جدید سہولیات کے امتزاج،قابل اساتذہ،قومی و دینی تقاضوں سے ہم آہنگ نصاب، ہر قسم کے غیر مہذب اور غیر شرعی امور سے پاک ماحول کے باعث دوسرے تعلیمی اداروں سے نمایاں ہے۔

صوبہ سندھ میں نئے تعلیمی سال کے آغاز کے موقع پر دارالمدینہ نےمیمن سوسائٹی ،حیدرآباد میں اپنے نئے کیمپس کاآغاز کیا۔اس موقع پر ہونے والی افتتاحی تقریب میں دعوت ِ اسلامی کی مرکزی مجلس شوریٰ کےرکن مولانا حاجی عبدالحبیب عطاری نے خصوصی طور پر شرکت کی۔

رُکنِ شوریٰ نے اپنے بیان میں نونہالوں کی بہترین تربیت کے لئے دار المدینہ جیسے اسکول کی ضرورت اور اہمیت پر زور دیتے ہوئے کہا کہ اسکولنگ سسٹم دعوتِ اسلامی کا کام نہیں تھامگر تعلیمی اداروں میں مناسب تربیت نہ ہونے کے باعث طلبہ میں پیدا ہونے والے بگاڑ کو دیکھتے ہوئے دعوتِ اسلامی نے دارالمدینہ قائم کرنے کافیصلہ کیا ۔

دعوت اسلامی کے شعبہ FGRF اور KMCکی کاوش سے بلال چورنگی کراچی کو سر سبز و شاداب بناکر مقامیوں کو 76 ویں جشن آزادی پر FGRF نے خوبصورت تحفہ دیا۔

بلال چورنگی کا افتتاح دعوتِ اسلامی کی مرکزی مجلس شوریٰ کے رکن مولانا حاجی عبد الحبیب عطاری، میئر کراچی مرتضیٰ وہاب اور ڈپٹی میئر کراچی سلمان عبد اللہ مراد نے کیا۔اس موقع پر D.G پارک جنید اللہ، ڈائریکٹر محکمہ باغات دعوتِ اسلامی کے شعبہ جات کے ذمہ داران اور مختلف شعبہ ہائے زندگی سے تعلق رکھنے والے عاشقان رسول بھی موجود تھے۔

افتتاحی تقریب میں گفتگو کرتے ہوئے رکن شوریٰ مولانا حاجی عبد الحبیب عطاری کا کہنا تھا کہ بلال چورنگی FGRF چورنگی کا منظر پیش کررہی ہے، دعوتِ اسلامی اب تک پورے پاکستان 26 لاکھ پودے لگاچکی ہے اور اس سال 15 لاکھ پودے لگانا ہمارے ہدف میں شامل ہے۔آخر میں رکن شوریٰ نے پلانٹیشن میں تعاون کرنے پر میئر کراچی اور KMCکی انتظامیہ کا شکریہ بھی اداکیا۔

کراچی کے علاقے F.Bایریا بلاک/6میں دعوت اسلامی کے فلاحی شعبہ FGRFکے تحت قائم کئے جانے والے مدنی ہیلتھ کیئر سینٹر (Madani Healthcare Centre) میں 76 ویں جشنِ آزادی کے موقع پر12 اگست 2023ء بروز ہفتہ میگا فری میڈیکل کیمپ کا انعقاد کیا گیاجس سے مریضوں کی بڑی تعداد نے استفادہ حاصل کیا۔

میگا فری میڈیکل کیمپ میں مریضوں اور تیمارداروں کو کسی بھی قسم کی آزمائش سے بچانے کے لئے تجربہ کار عملہ وقتاً فوقتاً ان کی رہنمائی کے لئے موجود رہا۔ تجربے کار مختلف فیلڈ (field) کے کنسلنٹ ڈاکٹرز نے مریضوں کا فری چیک اپ کیااور انہیں مفت دوائیاں بھی فراہم کیں جبکہ کچھ مریضوں کو مفت ٹیسٹ کی سہولت بھی فراہم کی گئی۔میگا فری میڈیکل کیمپ میں الٹرا ساؤنڈ(Ultrasound)، E.C.G، ایکسرے(X-ray)، ایکو اور دیگر ٹیسٹ پر 50% ڈسکاؤنٹ دیا گیا۔

میگا فری میڈیکل کیمپ کا مختلف سیاسی و سماجی شخصیات نے دورہ بھی کیا اور اپنے اچھے تاثرات میں دعوتِ اسلامی کی کاوشوں کو سراہا۔