دعوت اسلامی کے زیر اہتمام 23 نومبر 2021ء کو سابق اسپیکر قومی اسمبلی ایاز صادق کی رہائش گاہ پر دینی حلقے کا انعقادکیا گیا جس میں ایاز صادق اور اہل خانہ کے حضرات نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے شرکا کو نیکی کی دعوت دی اور دعوت اسلامی کے دینی و فلاحی کاموں کے بارے میں تعارف پیش کرتے ہوئے انہیں بھی اپنا حصہ ملانے کی ترغیب دلائی۔ آخر میں سابق اسپیکر قومی اسمبلی ایاز صادق کو مکتبۃ المدینہ کتاب ”اللہ والوں کی باتیں“ تحفے میں پیش کی۔

اس موقع پر نگران پاکستان مشاورت حاجی محمد شاہد عطاری اور نگران شعبہ رابطہ برائے شخصیات محمد قربان عطاری بھی موجود تھے۔