تبلیغِ قرآن و سنت کی عالمگیر غیر سیاسی تحریک دعوتِ اسلامی کے تحت ہر جمعرات کی رات دنیا بھر میں ہفتہ وار سنتوں بھرے اجتماع کا باقاعدہ اہتمام کیا جاتا ہے۔ پاکستان میں مرکزی اجتماع عالمی مدنی مرکز فیضانِ مدینہ کراچی میں منعقد ہوتا ہےجبکہ ملک بھر کے تمام اضلاع اور دنیا بھر میں قائم مدنی مراکز و مساجد میں نماز مغرب کے بعد یہ سلسلہ ہوتا ہے۔

اجتماع کا باقاعدہ آغاز بعد نمازِ مغرب تلاوتِ قرآنِ پاک سے ہوتا ہےجس کے بعد بارگاہِ رسالت صلَّی اللہ علیہ واٰلہٖ وسلَّم میں نعتِ رسولِ مقبول پیش کی جاتی ہے۔ اجتماع کا مرکزی حصہ سنتوں بھرا بیان ہوتا ہےجو کہ اراکینِ شوریٰ و مبلغین دعوتِ اسلامی کرتے ہیں۔ بیان میں اسلام کے بنیادی عقائد، نماز و روزے کی پابندی، والدین کے حقوق، اخلاقیات، سنتِ مصطفیٰ صلَّی اللہ علیہ واٰلہٖ وسلَّم پر عمل پیرا ہونے اور آخرت کی فکر جیسے موضوعات پر روشنی ڈالی جاتی ہے۔

تفصیلات کے مطابق آج رات فٹبال اسٹیڈیم جھنگ روڈدار السلام ٹوبہ سے مدنی چینل پر براہِ راست (LIVE) نشر ہونے والے ہفتہ وار سنتوں بھرے اجتماع میں رات 8:00بجے رکن شوریٰ حاجی وقار المدینہ عطاری سنتوں بھرا بیان فرمائیں گے۔

اس کے علاوہ مدنی مرکز فیضان مدینہ جوہر ٹاؤن لاہور میں رکن شوریٰ حاجی یعفور رضا عطاری، مدنی مرکز فیضان مدینہ لالہ زار کالونی بھلوال میں رکن شوریٰ مولانا حاجی محمد عقیل عطاری مدنی اور B.Mدیپوجامع مسجد عبد الجلیل سیتاکنڈ، چٹاگانگ بنگلہ دیش میں رکن شوریٰ عبد المبین عطاری سنتوں بھرا بیان فرمائیں گے۔

بیان کے بعد شرکا کو روزمرہ زندگی کی سنتیں اور آداب (مثلاً کھانے، پینے، سونے، اور مسجد میں داخل ہونے کی سنتیں) عملی طور پر سیکھائے جاتے ہیں۔ آخر میں رقت انگیز ذکرِ الٰہی اور اجتماعی دعا ہوتی ہےجس میں ملک و قوم کی سلامتی، امتِ مسلمہ کی اتحاد، بیماروں کی شفایابی اور گناہوں کی معافی کے لیے خصوصی التجا کی جاتی ہے۔

تمام عاشقانِ رسول سے گزارش ہے کہ آج رات دعوتِ اسلامی کے ہفتہ وار سنتوں بھرے اجتماع میں خود بھی شرکت فرمائیں اور دوسروں کو بھی ساتھ لانے کی نیت کریں۔