دعوتِ اسلامی کے تحت پاکستان کے مختلف شہروں میں دینی کام کرنے والے ذمہ دار اسلامی بھائیوں کا  پچھلے دنوں مدنی مشورہ ہوا جس میں اسلام آباد، راولپنڈی ڈویژن کے ڈسٹرکٹ ، تحصیل، ٹاؤن اور زون نگران سمیت مختلف شعبہ جات کے ذمہ دار اسلامی بھائیوں نے شرکت کی۔

معلومات کے مطابق اس مدنی مشورے میں مرکزی مجلسِ شوریٰ کے رکن حاجی وقار المدینہ عطاری نے ذمہ دار اسلامی بھائیوں کی دینی، اخلاقی اور تنظیمی اعتبار سے تربیت کی۔

رکنِ شوریٰ نے ذمہ دار اسلامی بھائیوں سے دینی کاموں کی سابقہ کارکردگی کا جائزہ لیتے ہوئے انہیں نئے اہداف دیئے اور نمایاں کارکردگی کےحامل اسلامی بھائیوں کو تحائف دیئے۔

دنیا بھر میں دینی کام کرنے والی عاشقانِ رسول کی دینی تحریک دعوت اسلامی کے زیرِ اہتمام 8جون 2023ء  بروز جمعرات مدنی مذاکرہ ہال وہاڑی میں مدنی مشورہ منعقد ہوا جس میں سرکاری ڈویژن نگران محمد سادات عطاری نے تحصیل نگران و ڈسٹرکٹ ذمہ داران کے سابقہ دینی کاموں کی کارکردگی کا جائزہ لیا۔

ساتھ ساتھ اسلامی بھائیوں کو 12دینی کاموں بالخصوص ڈسٹرکٹ وہاڑی کی تینوں تحصیل کی تمام مساجد میں مدارس المدینہ بالغان لگانے کا ذہن دیا۔ اجتماعی قربانی اور قربانی کی کھالوں کے حوالے سے رہنمائی کی نیز 20جولائی 2023ء کو وہاڑی ڈسٹرکٹ سے ایک ماہ کے مدنی قافلوں کو سفر کروانے کے متعلق اہداف دیئے۔(رپورٹ: محمد اشرف عطاری،مدنی چینل عام کریں، کانٹینٹ:رمضان رضا عطاری)

قرآن و سنت  کی تعلیمات عام کرنے والی عاشقانِ رسول کی دینی تحریک دعوت اسلامی کی جانب سے جامعۃ المدینہ بوائز خانیوال میں میٹ اپ کا سلسلہ ہواجس میں جامعۃ المدینہ خانیوال کے طلبہ و اساتذہ کرام نے شرکت کی۔

سرکاری ڈویژن نگران محمد سادات عطاری (ملتان ) نے طلبہ و اساتذہ کے درمیان ’’اسلاف کی دین اسلام کے لئے قربانیاں‘‘ کے موضوع پر بیان کیا اور انھیں 12دینی کاموں کو کرنے کی ترغیب دی نیز 12 ماہ کے مدنی قافلے میں سفر کرنے کا ذہن بھی دیا جس پر طلبہ نے اچھی اچھی نیتیں کیں۔ آخر میں طلبہ کو دینی کاموں کی ذمہ داریاں دی گئیں۔(رپورٹ: محمد اشرف عطاری،مدنی چینل عام کریں، کانٹینٹ:رمضان رضا عطاری)

دعوتِ اسلامی کے  زیرِ اہتمام پچھلےدنوں فیضانِ مدینہ خانیوال میں مدنی مشورہ ہوا جس میں تحصیل نگران اور ڈسٹرکٹ ذمہ داران نے شرکت کی۔

مدنی مشورے میں 12دینی کاموں بالخصوص ڈسٹرکٹ خانیوال کی چاروں تحصیل کی تمام مساجد میں مدارس المدینہ بالغان لگانے کے حوالے سے گفتگو ہوئی نیز اجتماعی قربانی اور قربانی کی کھالوں کے انتظامی معاملات پر تبادلہ خیال کیا گیا ۔

اس کے علاوہ ڈویژن نگران محمد سادات عطاری نے 20جولائی 2023ء کو خانیوال ڈسٹرکٹ سے ایک ماہ کے مدنی قافلے میں سفر کرنے اور دیگر کو ساتھ سفر پر لے جانے کا ہدف دیا۔(رپورٹ: محمد اشرف عطاری،مدنی چینل عام کریں، کانٹینٹ:رمضان رضا عطاری)

21 ذیقعدہ 1444ھ بمطابق 10 جون 2023ء بروز ہفتہ کی شب عالمی مدنی مرکز فیضانِ مدینہ کراچی میں علمِ دین سے بھرپور مدنی مذاکرے کا انعقاد کیا گیا جس میں کثیر عاشقانِ رسول کی براہِ راست اور بذریعہ مدنی چینل شرکت رہی۔

معمول کے مطابق مدنی مذاکرے کا آغاز تلاوتِ قراٰن اور نعت شریف سے کرنے کے بعد سوال و جواب کا سلسلہ ہوا جس میں شیخ طریقت، امیرِ اہلِ سنت حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہنے عاشقانِ رسول کی جانب سے ہونے والے سوالات کے علم و حکمت بھرے جوابات ارشاد فرمائے۔

ان سوال و جواب میں سے بعض درج ذیل ہیں:

سوال: بعض لو گ ٹینکی میں پانی بھرنے کے لئے موٹرچلا کربھول جاتے ہیں اورٹینکی بھرنے کے بعد پانی ضائع ہوتارہتاہے ۔وہ پانی کسی کے گھر یا گلی میں جمع ہوتاہے ،گلی میں پانی بہنے سے گزرنے والوں کو تکلیف ہوتی ہے ۔ آپ اس بارے میں کیا فرماتے ہیں ؟

جواب:ہر کام میں اعتدال ہونا چاہئے۔اس طرح کی شکایت ہے کہ پانی چھت سے گرتارہتاہے ،یہ نہیں ہونا چاہیئے۔ بغیر ضرورت جان بوجھ کر پانی ضائع کرنا گنا ہ ہے ۔اپنا ایک معیارمقررکرلیں،مثلاً معلوم ہے کہ ٹینکی ایک گھنٹے میں بھر جاتی ہے تو اُتنی دیر موٹر چلائی جائے، جب وقت ہوجائے تو پانی کے چھلکنے کا انتظار نہ کریں اور موٹر بند کردیں۔اس سے پانی ضائع ہونے اور دیگر بہت ساری خرابیوں سے بچت ہوگی اور اس میں موٹرکی بھی بچت ہے۔ہرچیز کی لمٹ ہوتی ہے ۔موٹرزیادہ چلے گی تو اس کا لائف ٹائم کم ہوجائے گا۔موٹر چلانے میں احتیاط کرنے سے بجلی کی بھی بچت ہوگی اوربل بھی کم آئے گا۔موٹرچلاکرجان بوجھ کر بند نہ کرنا بھی غفلت میں شامل ہے۔اللہ پاک ہمیں اس طرح کی غفلتوں سے بچائےاور اللہ ورسول کے احکامات پرچلنے کی توفیق عطافرمائے ۔

توجہ فرمائیں:بجلی استعمال کرنے سے متعلق امیرِ اہلِ سنت حضرت علامہ مولانامحمدالیاس عطارقادِری دامت برکاتہم العالیہ کا بہت ہی معلوماتی رسالہ"بجلی اِستعمال کرنے کے مدنی پھول" خود بھی پڑھئے،گھر کے تمام افراد کو بھی پڑھنے اور اس کے مطابق عمل کرنے کا ذہن دیجئے۔

سوال: مصیبت کیوں آتی ہے ؟

جواب:مصیبت کے ذریعے اللہ پاک اپنے بندوں کوآزماتاہے ۔ گنہگاروں کے گناہ مٹاتاہے ،نیک لوگوں کے درجات بلندہوتے ہیں ۔ مصیبت کسی نہ کسی حوالے سے فائدہ پہنچاتی ہے ۔بندے کو لگام رہتی ہے ۔مصیبت آئے گی تو اللہ پاک کی یادآتی ہے ،غفلت دورہوتی ہے ۔یہ اللہ پاک کی مصلحت ومشیّت ہے ،اس لئے مصیبت پر صبرکیا جائے ۔اس سے اجرملے گا ۔بے صبری سے مصیبت دورنہیں ہوتی بلکہ آتاہواثواب بھی ضائع ہوجاتاہے ۔

سوال: پہلوان کون ہے ؟

جواب:پہلوان وہ نہیں جو دوسرے کوپچھاڑدے بلکہ پہلوان وہ ہے جو غُصّہ کنٹرول کرے۔بعض اوقات ایک شخص حُسنِ اخلاق کا پیکر معلوم ہوتاہے لیکن اگر کبھی اس کی طبیعت/مزاج کے خلاف کوئی کام ہوجائے،کوئی بے عزتی کردے تو جیسے ہی اُسے غُصّہ آتاہےتو اس کے حُسنِ اخلاق کی ساری عمارت زمین بوس ہوجاتی ہے۔مکتبۃ المدینہ کی کتاب”حُسنِ اخلاق“ میں جو لکھاہے،کاش! وہ ہمارے کردارمیں آجائے ۔ہم لوگوں کے سامنے توحُسنِ اخلاق کے پیکربنتے ہیں ،بچھ بچھ جاتے ہیں اور جب گھرمیں جاتے ہیں تو ببرشیرکی طرح دھاڑتے ہیں ۔عوام کودکھانے کے لئے اخلاق کچھ اورگھرمیں کچھ اور ۔ہاتھی کے دانت کھانے کے اور، دکھانے کے اور ۔گھروالوں ،ماں باپ ،بچوں کی امی اوربچوں کے ساتھ بھی حُسنِ اخلاق سے پیش آنا چاہیئے ۔اللہ کرے کہ ہم دورنگی چھوڑکر ایک رنگی اختیارکریں(یعنی ہماراظاہر و باطن ایک ہو جائے،ہماری گفتار اور ہمارا کردار ایک ہو جائے) ۔ہمارااخلاق اندرباہرہرجگہ اچھا ہو۔یوں واقعی ہم بااخلاق ہوجائیں ۔

سوال: سب سے زیادہ مُوذی یعنی نقصان دینے والاکون ہے ؟

جواب: نفسِ امَّارہ مُوذی یعنی نقصان دینے والاہے ۔جونفس برائیوں پر اُبھارتاہے وہ نفسِ اَمّارہ کہلاتاہے ۔نفسِ امّارہ کو ہرادیاجائے،اسے ماردیا جائے تَوتُومردکا بچہ ہے ۔

سوال: ہاتھ ملانے کا درست طریقہ کیا ہے؟

جواب: سُنّت یہ ہے کہ دونوں ہاتھوں کو اس طرح ملایا جائے کہ ہتھیلی سے ہتھیلی ملے اوردرمیان میں کوئی چیز نہ ہو ۔اس پر خود بھی عمل کریں اوردوسروں کو بھی عمل کی ترغیب دلائیں ۔

سوال:پروفیشنل افراد کا کا م زیادہ ہوتاہے، اس لئے ان کی فیملی لائف متاثرہوتی ہے ۔گھروالوں کو کم وقت دے پاتے ہیں اس کاکیاحل ہے ؟

جواب:سارامسئلہ حرص کا ہے ۔کھانااتناہی ہے جتنا پیٹ ہے اورپہننااتناہی ہے جتنا بدن ہے ۔باقی چھوڑکے ہی مرنا ہے ۔بندے کو چاہیئے کہ وہ کام کا اپنا ٹائم ٹیبل بنائے ۔جوسمجھدارہوتے ہیں وہ بناتے بھی ہیں مثلاًاتنے گھنٹے کام کرنا ہے اس کے بعد کام نہیں کرنا۔ اپنے آپ کو منظم(Manage)تو کرنا پڑے گا۔دماغ کے لئے آرام کی ضرورت ہے ۔اسے آرام نہیں ملے گا تو یہ کام کیسے کرےگا۔ورنہ ڈاکٹرکے پاس جانا پڑے گا۔اپنی حرص کوختم کرنا چاہیئے ۔اس طرح بندہ سوچے کہ جن لوگوں کے پاس مال تھاوہ اب کہاں ہیں ،دنیاسے چلے گئے ۔قارون جو بہت زیادہ مالدارتھا وہ بھی اپنے خزانے سمیت زمین میں دھنسادیا گیا۔ کام آ نے والاخزانہ تو نیکیاں ہیں ۔مال بھی کام آتاہے بس اللہ پاک اپنامحتاج رکھے دنیاکی محتاجی سے بچائے ۔بندہ ضرورت کے مطابق کمائے۔پیسہ پیسہ کرتارہے گا تو کہیں کا نہیں رہے گا اورایساکرنے والے لوگ کہیں کے نہیں رہتے ۔ٹینشن سے کئی لوگوں کی جانیں چلی جاتی ہیں ۔

سوال:کیا ہمیں ایک ہی ڈاکٹرسے علاج کروانا چاہئے ؟

جواب : جی ہاں ! اس کے بارے میں، میں کہتارہتاہوں ،کیونکہ ایک ڈاکٹرآپ کی طبیعت سے واقف ہوجائے گا اوراس کے مطابق آپ کا علاج کرے گا یوں دوائیوں کے نقصان سے بچت کی بھی صورت ہوگی،ورنہ نئے نئے ڈاکٹرزکے پاس جائیں گے تو وہ آپ پرتجربے کرتے رہیں گے اوردوائی(Medicine) سے مضر اثرات(Side Effects) بھی ہوسکتے ہیں ۔

سوال:مُتَفَقٌّ عَلَیْہ کون سی حدیث ہوتی ہے ؟

جواب:وہ حدیثِ پاک جو امام بخاری اورامام مسلم(رحمۃ اللہ علیہم اجمعین) دونوں نے روایت کی ہو۔

سوال: ماہِ ذُوالْحَج کے کیافضائل ہیں ؟

جواب:ماہِ ذُوالْحَج کے کئی فضائل ہیں :اس کے پہلے10 دنوں سے زیادہ کسی دن کا نیک عمل اللہ پاک کومحبوب نہیں۔اس کے ہردن کا روزہ 1 سال کے روزوں اورہررات کا قیام شبِ قَدرکے برابرہے ۔9 ذُوالْحَج (یوم عرفہ)کا روزہ 1 سال قبل اور 1 سال کے بعد کے گناہ مٹادیتاہے نیز یہ ہزار روزوں کے برابرہے ،البتہ حج کرنے والے پرجوعرفات میں ہوتاہے اسے 9 ذُوالْحَج کا روزہ رکھنامکروہ ہے ۔(فیضان سنت جلد1ص565تا567)

سوال:اِس ہفتے کارِسالہ ” نمازِ فجر کے فضائل “ پڑھنے یاسُننے والوں کوامیرِاہلِ سنت دامت برکاتہم العالیہ نے کیا دُعا دی ؟

شیخِ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے عاشقانِ رسول کے دلوں میں دیگر نمازوں کے ساتھ ساتھ نماز فجر کی اہمیت کو اُجاگر کرنے کے لئے اس ہفتے 17 صفحات کا رسالہ ”نماز فجر کے فضائل“پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے عطار

یاربَّ المصطفٰے! جو کوئی 17 صفحات کا رسالہ ”نماز فجر کے فضائل“ پڑھ یا سُن لے اُسے ہمیشہ نماز فجر باجماعت پڑھنے کی توفیق عطا فرمااور اُسے بے حساب بخش دے۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

لوگوں کی دینی و اخلاقی تربیت کرنے اور انہیں علمِ دین سکھانے والی عاشقانِ رسول کی دینی تحریک دعوتِ اسلامی کے تحت شعبہ رابطہ برائے حکیم کے ذمہ داران نے سبی بلوچستان  کے اطبائے کرام سے ملاقات کی۔

اس دوران ذمہ دار اسلامی بھائیوں نے اطبائے کرام کے درمیان سیکھنے سکھانے کے حلقے لگائے جس میں انہیں دعوتِ اسلامی کے دینی کاموں میں عملی طور پر حصہ لینے کا ذہن دیا گیا۔(رپورٹ: شعبہ رابطہ برائے حکیم ، کانٹینٹ:غیاث الدین عطاری)

پچھلے دنوں عاشقانِ رسول کی دینی تحریک دعوتِ اسلامی کے تحت شعبہ رابطہ برائے حکیم کے ذمہ دار اسلامی بھائیوں نے دینی کاموں کے سلسلے میں بلوچستان کے شہر کوئٹہ کا دورہ کیا۔

دورانِ دورہ نگرانِ شعبہ حکیم محمد حسان عطاری نے دیگر ذمہ داران کے ہمراہ ممبرانِ قومی طبی کونسل، پرنسپل اور پروفیسرز سمیت مختلف اطبائے کرام سے ملاقات کی۔

شعبہ رابطہ برائے حکیم دعوتِ اسلامی کے تحت گزشتہ روز ڈیرہ مراد جمالی نصیر آباد، بلوچستان میں قائم مدنی مرکز فیضانِ مدینہ میں ایک میٹنگ ہوئی جس میں مختلف سطح کے ذمہ دار اسلامی بھائیوں نے شرکت کی۔

دعوتِ اسلامی کے دینی کاموں کے سلسلے میں پچھلے دنوں شعبہ رابطہ برائے حکیم کے ذمہ دار اسلامی بھائی ڈسٹرکٹ لودھراں، ملتان کی تحصیل دنیا پور کے شیڈول پر تھے۔

اس دوران ذمہ دار اسلامی بھائیوں نے دنیا پور تحصیل کے مشہور حکیم پروفیسر عارف کے مطب پر سیکھنے سکھانے کا حلقہ لگایاجس میں ذمہ دار اسلامی بھائی نے دعوتِ اسلامی کے ہربل ڈیپارٹمنٹ کا تفصیلی تعارف کروایا۔

ملتان شہر کے شاہ رکنِ عالم ٹاؤن میں دعوتِ اسلامی کے زیرِ اہتمام شعبہ رابطہ برائے حکیم کے ذمہ دار اسلامی بھائیوں نے حکیم خالد محمود صاحب سے اُن کے مطب پر اور پروفیسر حکیم رانا عبد الستار سےملاقات کی۔

اس موقع پر ذمہ دار اسلامی بھائیوں نے حکما سے دعوتِ اسلامی کے مختلف شعبہ جات کے حوالے سے گفتگو کرواتے ہوئے بالخصوص ہربل ڈیپارٹمنٹ دعوتِ اسلامی کا اجمالی تعارف پیش کیا۔(رپورٹ: حکیم نعیم رانا عطاری ہربل ڈیپارٹمنٹ دعوتِ اسلامی پنجاب ، کانٹینٹ:غیاث الدین عطاری)

دعوتِ اسلامی کے شعبہ اصلاح ِ اعمال کے تحت ڈسٹرکٹ قصور میں  قائم مدنی مرکز فیضانِ مدینہ کوٹ رادھا کشن میں سحری اجتماع ہواجس میں تحصیل نگران محمد منھال عطاری اور ڈویژن ذمہ دار غلام شبیر عطاری سمیت قریبی عاشقان رسول نے شرکت کی۔

اس اجتماع میں اسلامی بھائیوں نے سحری کرکے روزہ رکھنے کی سعادت حاصل کی ۔ بعد اذان فجر شرکا نے مقامی عاشقانِ رسول کو نماز فجر کے لئے جگایا گیا اور بعد فجر تفسیر سننے سنانے کا حلقہ بھی لگا۔(کانٹینٹ:رمضان رضا عطاری)