دینی کاموں کے سلسلے میں   رکن شوریٰ حاجی محمد امین عطاری نے دورہ ملائیشیا پر دعوت اسلامی کے تحت مقامی اسلامی بھائیوں اور شخصیات سے ملاقاتیں کیں۔

دورانِ ملاقات رکن ِ شوریٰ نےشخصیات کو دنیا بھر میں ہونے والے دعوت اسلامی کے دینی اور فلاحی کاموں کے حوالے سے معلومات فراہم کیں جس پر شخصیات نے خوشی کا اظہار کرتے ہوئے خدمات دعوت اسلامی کو سراہا اور نیک خیالات کا اظہار کیا۔(کانٹینٹ:رمضان رضا عطاری)

دعوت ِ اسلامی کے تحت   اسلامی بہنوں کے درمیان دینی کام کرنے والی صوبہ سندھ کی حیدرآباد ڈویژن ذمہ دار اسلامی بہنوں کا آن لائن مدنی مشورہ منعقد کیا گیا جس میں صوبہ سندھ کی صوبائی نگران ، حیدرآباد ڈویژن کی ڈویژن ، میٹروپولیٹن اور ڈسٹرکٹ نگران اسلامی بہنوں نے شرکت کی۔

دورانِ مدنی مشورہ نگرانِ پاکستان مجلس مشاورت اسلامی بہن نے ”مسجد کا ادب ضروری ہے“ کے موضوع پر بیان کیا اور ذمہ دار اسلامی بہنوں کو ڈسٹرکٹ و تحصیل نگران کی کارکردگی شیڈول سمجھائی ۔

قرآن و سنت  کی تعلیمات عام کرنے والی عاشقانِ رسول کی دینی تحریک دعوتِ اسلامی کے تحت 13 جون 2023ء کو کراچی سٹی مدرسۃ المدینہ بوائز کا فیضان مدینہ کراچی میں تربیتی اجتماع منعقد ہوا ۔

اس موقع پر رکن شوریٰ حاجی محمد امین عطاری نے کوالا لمپور ملائیشیا سے فیضان مدینہ کراچی میں ہونے والے اجتماع میں بذریعہ ویڈیو لنک اسٹاف میں سنتوں بھرا بیان کیا جس میں رکنِ شوریٰ نے اسلامی بھائیوں کو شرعی اصول و ضوابط کی روشنی میں مدرسۃ المدینہ کے انتظامی اور تعلیمی معاملات چلانے کے بارے میں ذہن سازی کی ۔(کانٹینٹ:رمضان رضا عطاری)

پاکستان کے شہر راولپنڈی میں عاشقانِ رسول کی دینی تحریک دعوتِ اسلامی کے تحت  پاکستان مشاورت آفس کی اسسٹنٹ منیجر اور سافٹ ویئر و فالو اپ معاونہ اسلامی بہنوں کا مدنی مشورہ منعقد ہوا۔

لوگوں کے دلوں میں علمِ دین حاصل کرنے کا شوق پیدا کرنے والی عاشقانِ رسول کی دینی تحریک دعوتِ اسلامی کے تحت   صوبۂ پنجاب پاکستان کی نیو سوسائٹیز ڈیپارٹمنٹ ذمہ دار اسلامی بہنوں کا آن لائن مدنی مشورہ ہوا۔

معلومات کے مطابق اس مدنی مشورے میں نگرانِ پاکستان مجلسِ مشاورت اسلامی بہن نے راولپنڈی شہر سے بذریعہ انٹرنیٹ نیوسوسائٹیز ڈیپارٹمنٹ میں دینی کام کرنے کا تنظیمی طریقۂ کار بیان کیا۔

نگرانِ پاکستان مجلسِ مشاورت نے نیو سوسائٹیز ڈیپارٹمنٹ بالخصوص شارٹ کورسز، شعبہ تعلیم کے تحت ہونے والے کورسز اور قرآن ٹیچر ٹیچنگ کورسز کے تحت ہونے والے کورسز کی بھرپور انداز میں تشہیر کرنے کا ذہن دیا۔

علاوہ ازیں نگرانِ پاکستان مجلسِ مشاورت نے نیو سوسائٹیز ڈیپارٹمنٹ کے تحت تعلیمِ قرآن کو عام کرنے کے حوالے سے مشاورت کی جس پر ذمہ دار اسلامی بہنوں نے اپنی اپنی رائے پیش کی ۔ 

دعوتِ اسلامی کے شعبہ ڈونیشن بکس  کے ذمہ داران کا مدنی مشورہ فیضانِ مدینہ جوہر ٹاؤن لاہور میں ہوا جس میں مرکزی مجلس شوریٰ کے رکن حاجی یعفور رضا عطاری نے شعبے کے دینی کاموں کے حوالے سے تربیت فرمائی اور آئندہ کے لئے اہداف دیئے جس پر اسلامی بھائیوں نے نیک خیالات کا اظہار کیا۔(کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت  گزشتہ روز راولپنڈی میٹروپولیٹن کے بحریہ ٹاؤن فیز 8 میں اسلامی بہنوں کا مدنی مشورہ ہوا جس میں بحریہ ٹاؤن نگران اور تمام ذمہ دار اسلامی بہنوں کی شرکت رہی۔

مدنی مرکز فیضانِ مدینہ جوہر ٹاؤن لاہور میں 12 جون2023ءبروز پیر مدارس المدینہ کا مدنی مشورہ ہوا جس میں شعبہ جامعات المدینہ بوائز و گرلز اور مدارس المدینہ بوائز و گرلز و شارٹ ٹائم کے صوبائی ا ور ڈویژن ذمہ داران نے شرکت کی۔

رکنِ شوریٰ حاجی محمد اسلم عطاری نے مدنی مشورے میں شریک اسلامی بھائیوں کی اپنے ماتحت شعبہ جات کے نظام میں مزید بہتری لانے کے حوالے سے تربیت کی اور انھیں آئندہ کے لئے اہداف فراہم کئے جس پر انھوں نے نیک خواہشات کا اظہار کیا۔(کانٹینٹ:رمضان رضا عطاری)

دعوتِ اسلامی کے تحت   پچھلے دنوں صوبہ خیبر پختونخواکی بنوں ڈویژن کی ذمہ دار اسلامی بہنوں آن لائن میٹنگ ہوئی جس میں صوبہ خیبر پختونخواہ کی صوبائی نگران ، بنوں ڈویژن کی ڈویژن ، ڈسٹرکٹ اور ذیلی سطح کی نگران اسلامی بہنوں نے شرکت کی۔

12 جون2023ءبروز پیر دعوت اسلامی  کے عالمی مدنی مرکز فیضانِ مدینہ کراچی میں شعبہ روحانی علاج کے استخارہ آفس میں ٹریننگ سیشن کاانعقاد ہوا جس میں شعبے کے اسلامی بھائیوں نے شرکت کی ۔

رکنِ شوریٰ حاجی فضیل رضا عطاری نے سنتوں بھرا بیان کیا اور دورانِ بیان دینی کاموں کے حوالے اسلامی بھائیوں کی تربیت کی جس پر شرکا نے اچھی اچھی نیتیں کیں۔(کانٹینٹ:رمضان رضا عطاری)

اَلْحَمْدُ لِلّٰہ! شعبہ اوقات الصلاۃ (دعوتِ اسلامی) کی طرف سے شعبہ اوقات الصلوٰۃکےتیار کردہ اوقات 2020 سے مسجد کی ڈیجیٹل گھڑیوں میں انسٹال کرنے پر کام شروع کردیا گیا ہے۔ جہاں پر مساجد میں نمازیوں کو عبادات کرنے کی آسانی کے لئے دیگر سہولتیں فراہم کی جا رہی ہیں اور مساجد کی زینت و آرائش کے لئے جدید آلات سے مزین کیا جا رہا ہے وہاں پر نمازیوں کو جماعت کی ٹائمنگ سے آگاہ کرنے، اوقات ِنمازِ پنجگانہ کے شروع اور ختم ہونے کا وقت بتانے کے لئے آ ج کے دور میں تقریباً ہر مسجد میں ڈیجیٹل گھڑیاں (Salat Panal) موجود ہیں۔ عام طور پر اہل محلہ یا اہل ثروت اپنے مرحومین کے ایصال ثواب کے لئے ڈیجیٹل گھڑیاں مساجد کو ہدیہ کرتے ہیں۔ مگر عموماً دیکھا گیا ہے کہ ان گھڑیوں کے اوقات کارعلم توقیت کے اصول و ضوابط کے مطابق ٹھیک نہ ہو نے کی وجہ سے نماز روزہ جیسی عبادات بعض اوقات ضائع ہوجا تی ہیں کیونکہ ان گھڑیوں میں اوقات کی انسٹالیشن کے لئے جن سافٹ ویئرز کا استعمال ہوتا ہے عام طور پر ان میں اوقاتِ طلوع غروب کے لئے کیکولیشن میں بلندی کا بلکل بھی خیال نہیں کیا جاتا، اسی طرح یہ سافٹ ویئر گاؤں دیہات اور چھوٹے قصبوں کے لئے بھی کار آمد نہیں ہوتے جس کی بنیا دپر گاؤں دیہات والے گھڑیاں تو مسجد میں آویزاں کر لیتے ہیں لیکن ان گھڑیوں میں مطلوبہ مقام کا کوڈ نہ ہونے کی وجہ سے اس میں ٹائم غلط شو ہوتا ہے ۔ پھر اگرکچھ معلومات رکھنے والے افراد اس میں عرض بلد یا طول بلد ایڈ کر کے ٹائم ایڈجسٹ کر بھی لیں تو طلوع و غروب کے اوقات پھر بھی درست نہیں ہو پاتے۔ اب چونکہ نمازوں کا انحصار اسی پر ہوتا ہے لہٰذا نتیجۃً ان اوقات کے مطابق افطار کرنے پر خاص طور پر روزہ کے ضائع ہونے کا اندیشہ بڑھ جاتا ہے ۔

اس لئے شعبہ اوقات الصلوٰۃ اور مرکزی مجلس ِشوریٰ کے اراکین کے درمیان مشاورت سے یہ طے پایا کہ آئندہ سے باقاعدہ طور پر ان گھڑیوں میں دعوتِ اسلامی کے تیارکردہ اوقات کار انسٹال کئے جائیں۔ اور ان گھڑیوں کو ناکارہ ہونےاور مسلمانوں کے نماز روزے کو ضائع ہونے سے بچایا جائے ۔

ابھی تک دعوت اسلامی کے سینکڑوں مدنی مراکز اور مساجد میں اوقات کی انسٹالیشن ہو چکی ہے اور مزید کام جاری ہے۔

ڈیجیٹل گھڑیوں میں اوقات کی انسٹالیشن

شعبہ اوقات الصلوٰۃ ڈیجیٹل گھڑیوں میں اوقات اپنے 26 سالہ کلینڈرز کے مطابق تیار کر کے انسٹال کرتا ہے۔اسی وجہ سے اگر آپ نےاپنی گھڑی کے اوقات چیک کرنے ہوں تو کلینڈر کے اوقات کے ساتھ موازنہ کر کے چیک کریں۔ (نوٹ: ایپلی کیشن اور 26 سالہ کیلنڈر کے اوقات میں کچھ فرق ہوتا ہے اس کے بارے میں جاننے کے لئے مجلس سے رابطہ فرمائیں )

شعبہ اوقات الصلوٰۃ کے انسٹال کئے جانے والے اوقات کی خصوصیات پیش خدمت ہیں:

1-ڈیجیٹل گھڑیوں کے اوقات اعلیٰ حضرت رحمۃ الله علیه کی تحقیقات کے مطابق تیار کئے گئے ہیں۔

2-پہاڑی علاقوں کے اوقات میں بلندی کا اعتبار کیا گیا ہے تا کہ افطار درست وقت پر ہو۔

3-بڑے شہروں کے اوقات تیارکرنے میں شہر کے پھیلاؤ اور بلند عمارات کا خیال بھی رکھا گیا ہے جو کہ ضروری ہے۔

4-مساجد کی گھڑیوں میں اوقات متعلقہ گھڑی کے خاص شہر یا گاؤں اور دیہات کے مطابق تیار کر کے انسٹال کئے جاتے ہیں ۔

مجلس انسٹالیشن اپنی یہ سہولت اہلسنت کی تمام مساجد میں لگی گھڑیوں کے لئے مہیا کر رہی ہے ۔آپ بھی اپنے محلے کی مساجد میں اوقات کی انسٹالیشن کروا کر ان گھڑیوں اور نماز روزہ کو ضائع ہونے سے بچا کر صدقہ جاریہ حاصل کر سکتے ہیں۔

انسٹالیشن اور اپنی گھڑی میں پہلے سے انسٹال اوقات کی چیکنگ یا کسی بھی قسم کی معلومات کے کئے دیئے گئے واٹس ایپ نمبر پر رابطہ فرمائیں ۔ 03086773867

اس کے علاوہ نئی گھڑی خریدنے یا خرید کر ہدیہ کرنے کے لئے بھی مجلس سے مشورہ کر سکتے ہیں ۔ کیونکہ بعض اوقات مساجد کے لئے لوکل گھڑیاں خرید لی جاتی ہیں جس میں اوقات بھی نہیں انسٹال ہو پاتے اور گھڑی کی رپیرنگ اور اپڈیٹنگ کی بھی پرابلم آتی ہے ۔ ان تمام مسائل سے بچنے کےلئے آپ پہلے ہی مشورہ کر لیں تاکہ بعد میں ہونے والی پریشانی سے بچا جا سکے۔

مولانا باسط مصطفی ٰعطاری مدنی

رکن شعبہ اوقات الصلوٰۃ

وفاقی دارالحکومت اسلام آباد میں گزشتہ روز دعوتِ اسلامی کی مرکزی مجلسِ شوریٰ مولانا حاجی عبد الحبیب عطاری اور شعبہ رابطہ برائے شخصیات اسلام آباد کے ذمہ دار محمد عامر عطاری کی ایڈیشنل ڈپٹی کمشنر اوقاف عثمان اشرف سے ملاقات ہوئی۔

تفصیلات کے مطابق دورانِ ملاقات رکنِ شوریٰ مولانا حاجی عبد الحبیب عطاری نے عثمان اشرف سے مختلف امور پر گفتگو کرتے ہوئے دعوتِ اسلامی جو مساجد کی تعمیر و آباد کاری پر کام کر رہی ہے اس حوالے سےانہیں بریفنگ دی۔

اس کے علاوہ رکنِ شوریٰ مولانا حاجی عبد الحبیب عطاری نے دعوتِ اسلامی کے شعبہ جات بالخصوص شعبہ ایف جی آر ایف کے ذریعے ہونے والےدینی و فلاحی کاموں(مدنی ہیلتھ کلینک، شجرکاری، بلڈ کیمپس، عارضی مکانات، ترکیہ اور پاکستان میں سیلاب و زلزلہ متاثرین کے درمیان امدادی کام) کے بارے میں بتایا جس پر عثمان اشرف نے دعوتِ اسلامی کی کاوشوں کو سراہا۔

بعدازاں رکنِ شوریٰ مولانا حاجی عبد الحبیب عطاری نے عثمان اشرف کو مدنی مراکز فیضانِ مدینہ کراچی اور جی الیون اسلام آباد کا وزٹ کرنے کی دعوت پیش کی۔ (رپورٹ:محمد دانش عطاری، کانٹینٹ:غیاث الدین عطاری)