مصر میں تعینات فلسطینی سفیر دیاب اللوح نے بین الاقوامی فلاحی تنظیم FGRF (ایف جی آر ایف) یوکے کی جانب سے غزہ، فلسطین میں کی جانے والی گراں قدر انسانی خدمات کو بھرپور انداز میں سراہا ہے۔ یہ ملاقات اور تعریف، مشکل حالات میں فلسطینی عوام کے لیے کی جانے والی کوششوں کی اہمیت کو اجاگر کرتی ہے۔

تفصیلات کے مطابق حال ہی میں مصر میں فلسطینی سفیر نے FGRF یوکے کے وفد سے ملاقات کی۔ اس وفد کی قیادت FGRF یوکے کے ذمہ دار سید محمد فضیل رضا عطاری کر رہے تھے۔

ملاقات کے دوران فلسطینی سفیر کو FGRF یوکے کی جانب سے غزہ میں جاری امدادی سرگرمیوں، بشمول خوراک، طبی امداد، صاف پانی کی فراہمی اور دیگر ضروریاتِ زندگی کی فراہمی پر تفصیلی بریفنگ دی گئی۔

سفیرِ فلسطین نے غزہ کے نہتے اور مظلوم عوام کے لیے FGRF یوکے کی جانب سے کی جانے والی مسلسل اور بے لوث خدمات پر تنظیم کا شکریہ ادا کیا اور ان کی کاوشوں کو سراہتے ہوئے کہا کہ ایسے مشکل وقت میں FGRF جیسی تنظیموں کا کردار انتہائی قابلِ قدر ہے۔ انہوں نے اس بات پر زور دیا کہ عالمی برادری کی جانب سے اس طرح کی انسانی ہمدردی پر مبنی کوششیں فلسطینی عوام کے لیے امید کی کرن ہیں۔

FGRF یوکے کے آفیشل پیج سے جاری تصاویر میں دیکھا جا سکتا ہے کہ فلسطینی سفیر اور FGRF یوکے کے فضیل عطاری کے درمیان خوشگوار ماحول میں بات چیت ہو رہی ہے اور اس موقع پر فلسطینی سفیر FGRF یوکے کےہیڈ سید فضیل عطاری کو ایک یادگاری شیلڈ بھی پیش کررہے ہیں۔

واضح رہے کہ غزہ میں جاری جارحیت اور محاصرے کے باعث انسانی صورتحال انتہائی کشیدہ ہے۔ لاکھوں فلسطینی بنیادی انسانی ضروریات سے محروم ہیں، اور ایسے میں FGRF یوکے جیسی بین الاقوامی فلاحی تنظیمیں وہاں کے لوگوں کے لیے زندگی کی رَمَق بحال رکھنے میں کلیدی کردار ادا کر رہی ہیں۔ اس طرح کی ملاقاتیں اور سفارتی سطح پر خدمات کا اعتراف نہ صرف ان تنظیموں کی حوصلہ افزائی کرتا ہے بلکہ عالمی سطح پر مسئلہ فلسطین کی سنگینی کو بھی اجاگر کرتا ہے۔

FGRF یوکے، جس کا نصب العین "سب کے لیے ہمدردی" (Compassion for Everyone) ہے، دنیا بھر میں اپنی فلاحی سرگرمیوں کے لیے جانی جاتی ہے۔ فلسطینی سفیر کی جانب سے ان کی خدمات کو سراہا جانا بلاشبہ تنظیم کے لیے ایک اعزاز ہے۔(رپورٹ: محمدعمر فیاض مدنی)

شعبہ معاونت برائے اسلامی بہنیں دعوت اسلامی کے تحت20مئی2025ءبروز منگل کو سندھ تھرپارکر مٹھی میں مدنی مشورہ ہوا جس میں تحصیل نگران معاونت کے ذمہ داران نے شرکت کی۔

مدنی مشورے میں ڈویژن معاونت ذمہ دار سید ریحان عطاری نے فیضان صحابیات میں رہائشی کورس کرنے اور گلی گلی مدرسے کا آغاز کرنے کے حوالے سے گفتگو کی۔ (رپورٹ: شعبہ معاونت محمد شفیق عطاری،کانٹینٹ:شعیب احمد عطاری) 

اسپیشل پرسنز ڈیپارٹمنٹ  دعوت اسلامی کے تحت20مئی2025ء بروز منگل صوبائی ذمہ دار شعبہ اسپیشل پرسن ڈیپارٹمنٹ اور صوبائی ذمہ دار FGRF نےپاکپتن سٹی کا وزٹ کیا جہاں پر اسپیشل ایجوکیشن سینٹرمیں مدنی حلقہ لگایا، بیان کیا اور اشاروں میں ترجمانی کی۔

ذمہ دار نے مدنی حلقے میں پانی پینے کی سنت اور آداب کے متعلق گفتگو کرتے ہوئے معذور افراد ، ڈیف اور نابینا بچوں کی خیر خواہی کی۔ اس موقع پر محمد زبیر عطاری اسپیشل پرسن ڈیپارٹمنٹ ساہیوال نے تحصیل نگران اور ڈسٹرکٹ نگران پاکپتن سے ملاقات کی اور دینی کاموں سمیت کچھ کورسز کے حوالے سے گفتگو کرتے ہوئے صوبائی ذمہ دار اسپیشل پرسن ڈیپارٹمنٹ ، صوبائی ذمہ دار FGRF اور ڈویژن ذمہ دار کے ساتھ شعبہ کے حوالے سے مشاورت کی ۔(:شعیب احمد عطاری)

پچھلے دنوں فیضان اسلامک اسکول کراچی شاہ ٹاؤن میں دسویں اور  پاکستان میں سنتالیسویں کیمپس کا افتتاح ہوا۔ اس موقع پر ڈسٹرکٹ نگران ،ٹاؤن نگران اور یوسی نگران بھی موجود تھے۔

افتتاح حاجی رضا مدنی نے کیا۔ افتتاحی تقریب میں تلاوت کلام اور نعت رسول مقبول صلی اللہ علیہ وسلم کے بعد کراچی سٹی ذمہ دار نے فیضان اسکول کا مختصر تعارف پیش کیا اور پھر حاجی رضا مدنی نے تربیت اولاد پر بیان فرمایا اور اسلامی بھائیوں کو زیادہ سے زیادہ ایڈمیشن کروانے کا ذہن دیا۔

نوٹ:پاکستان بھر کے فیضان اسکول میں ایڈمیشن اوپن ہیں۔ ایڈمیشن کے لیے اپنے قریبی کیمپس پر رابطہ کیجیے۔

لوگوں کے دلوں میں اولیاء اللہ کی محبت ڈالنے اور ان کی سیرت کے مطابق زندگی گزارنے کا ذہن دینے والی عاشقانِ رسول کی دینی تحریک دعوتِ اسلامی کے تحت رندھیر شریف کے سالانہ عرس کے موقع پر سنتوں بھرا اجتماع منعقد کیا جائے گا۔

معلومات کے مطابق آج 23 مئی 2025ء کی شب بعد نمازِ عشاء دربارِ عالیہ قبلہ قادری صاحب رندھیر سمبڑیال میں ہونے والے اجتماع کا آغاز تلاوتِ قراٰن اور نعتِ رسولِ مقبول صلَّی اللہ علیہ واٰلہٖ وسلَّم سے کیا جائے گا۔

دعوتِ اسلامی لوگوں کی اصلاح کرنے کے ساتھ ساتھ انہیں پنج وقتہ نماز کا پابند بنانے اور سنتِ رسول کا عامل بنانے والی عالمی سطح کی دینی تحریک ہے جس کے تحت مختلف انداز میں خدمتِ دین کا کام کیا جارہا ہے۔

الحمد للہ عاشقانِ رسول کی دینی تحریک دعوتِ اسلامی کے تحت ڈھرکی، سندھ کے علاقے عباس ٹاؤن میں 22 مئی 2025ء کو ایک شاندار مسجد بنام ”جامع مسجد فیضانِ علی مشکل کشاء“کا افتتاح کیا گیا ۔

اس موقع پر افتتاحی تقریب منعقد ہوئی جس میں قرب و جوار کے عاشقانِ رسول، ذمہ دارانِ دعوتِ اسلامی اور طلبۂ کرام سمیت مختلف شعبہ ہائے زندگی سے تعلق رکھنے والی شخصیات نے شرکت کی۔

تلاوت و نعت سے تقریب کا آغاز کرنے کے بعد مرکزی مجلسِ شوریٰ کے رکن حاجی محمد علی عطاری کا سنتوں بھرا بیان ہوا جس میں انہوں نے حاضرین کو دینِ اسلام کی خدمت کرنے اور دعوتِ اسلامی کے دینی ماحول سے وابستہ رہنے کا ذہن دیا۔

آخر میں دعا و صلوٰۃ و سلام پر تقریب کا اختتام ہوا اور وہاں موجود عاشقانِ رسول نے رکنِ شوریٰ حاجی محمد علی عطاری سے ملاقات بھی کی۔(کانٹینٹ:غیاث الدین عطاری)

ماہِ حج ”ذوالحجۃ الحرام“کی آمد آمد ہے۔ دنیا بھر سے مسلمانوں کے قافلے ایمانی جذبے کے ساتھ جوق در جوق مکۃ المکرمہ و مدینۃ المنورہ زادھُما اللہُ شرفاً وَّ تعظیماً کی زیارت اور ادائیگیٔ حج کے لئے روانہ ہورہے ہیں جبکہ کئی عشاقانِ رسول اس مبارک سفر کا تڑپ لئے اپنے مسکن میں اپنی باری اور بلاوے کے منتظر ہیں۔

ماہِ ذو الحجۃ الحرام کی مناسبت سے عاشقِ مدینہ شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے اپنے مریدین و محبین کو اس ہفتے 14 صفحات کا رسالہ ”مدینے کی زیارتیں“ پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یااللہ پاک! جو کوئی14 صفحات کا رسالہ ”مدینے کی زیارتیں“ پڑھ یا سُن لے اُسے مدینۂ پاک کی بار بار باادب حاضری نصیب فرما اور اس کی ماں باپ اور خاندان سمیت بے حساب مغفرت فرما۔ اٰمین بجاہِ خاتَم النبیّن صلی اللہ علیہ و سلم

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

اسپیشل پرسنز ڈیپارٹمنٹ  دعوت اسلامی کے تحت13مئی2025ء بروز منگل کو گورنمنٹ ا سپیشل ایجوکیشن سکول گوجر خان تحصیل گوجر خان ڈسٹرکٹ راولپنڈی میں تربیتی سیشن ہوا جس میں اسٹوڈنٹ نے شرکت کی ۔

صوبائی ذمہ دار شعبہ اسپیشل پرسن محمد وقاص عطاری اور ڈسٹرکٹ ذمہ دار شعبہ اسپیشل پرسن محمد ندیم عطاری مدنی نے اسٹوڈنٹ کے درمیان نماز کی پابندی کرنے، درود و سلام کی پابندی کرنے اور پیارے آقا صلی اللہ تعالی علیہ والہ وسلم کی پیاری سنت سلام کو عام کرنے کے متعلق گفتگو کرتے ہوئے حاضرین کو دعوت اسلامی اور شعبہ اسپیشل پرسن کا تعارف کروایا۔ اس موقع پر ذمہ دار نے فرض علوم اور اخلاقیات کے حوالے سے گفتگو کی جس پرا سکول کےا سٹاف نے دعوت اسلامی کی دینی کاموں کو سراہا اور اپنی نیک خواہشات کا اظہار کیا۔(رپورٹ: ڈسٹرکٹ ذمہ دار شعبہ ا سپیشل پرسن راولپنڈی محمد ندیم عطاری مدنی،کانٹینٹ:شعیب احمد عطاری)

رنگ و نسل میں امتیاز کئے بغیر دین اسلام کی خدمت کرنے والی عالمی سطح کی دینی تحریک دعوتِ اسلامی کے تحت 21 مئی 2025ء کو اسپیشل پرسنز ڈیپارٹمنٹ کے ذمہ دار اسلامی بھائیوں نے مختلف دینی کاموں کے سلسلے میں ڈسٹرکٹ چکوال تحصیل چوآسیدن شاہ ، پنجاب  میں موجود ”Govt Special Education Center Choa Saidan Shah Chakwal “ کا دورہ کیا۔

اس دورے میں اسپیشل پرسنز ڈیپارٹمنٹ کے صوبائی ذمہ دار نابینا افراد کامران عطاری نے چکوال ڈسٹرکٹ ذمہ دار عبد القیوم عطاری کے ہمراہ Institute کے پرنسپل سمیت ڈیف اسٹاف سے ملاقات کرتے ہوئے انہیں ڈیپارٹمنٹ کا تعارف کروایا اور چوآ سیدن شاہ چکوال میں ہونے والے ہفتہ وار اجتماع میں شرکت کرنے کی دعوت دی ۔

اس موقع پر گونگے، بہرے اور نابینا اسٹوڈنٹس کے لئے سیکھنے سکھانے کا حلقہ لگایا گیا جس میں صوبائی ذمہ دار نے بیان کیا جبکہ ڈسٹرکٹ ذمہ دار نے اشاروں کی زبان میں بیان کی ترجمانی کی۔

دورانِ بیان اسٹوڈنٹس کو درودِ پاک کا ورد کرنے کا ذہن دیا گیا اور فضائلِ نماز پر بیان کرتے ہوئے انہیں بھی نمازوں کی پابندی کرنے، اساتذۂ کرام اور اپنے والدین کا ادب و احترام کرنے کا ذہن دیا جس پر انہوں نے اچھی اچھی نیتیں کیں۔( رپورٹ: صوبائی ذمہ دار کامران عطاری،کانٹینٹ:شعیب احمد عطاری)

اسپیشل پرسنز ڈیپارٹمنٹ  دعوت اسلامی کے تحت وفاقی دارالحکومت اسلام آباد میں واقع سرسید ڈیف ایسوسی ایشن میں 14مئی2025ء بروز بدھ حج تربیتی اجتماع کا سلسلہ ہوا جس میں اس سال حج پر جانے والے اسلام آباد کے گونگے بہرے اسلامی بھائیوں نے بھی اس اجتماع میں شرکت کی۔

حج تربیتی اجتماع میں صوبائی ذمہ دار بدر شفیق عطاری نے گونگے بہرے اسلامی بھائیوں کو حج کے متعلق شرعی احکام کی تربیت کرتے ہوئے انہیں احرام باندھ کر حج کا پریکٹیکل کرکے بتایا اور اس کی چند احتیاطیں بھی بیان کیں جبکہ حج کا طریقہ اشاروں کی زبان میں سیکھا تے ہوئے آخر میں گونگے بہرے اسلامی بھائیوں نے اسپیشل پرسنز ڈیپارٹمنٹ کا شکریہ ادا کیا اور اچھی اچھی نیتوں کا اظہار کیا ۔( رپورٹ: صوبائی ذمہ دار کامران عطاری،کانٹینٹ:شعیب احمد عطاری)

دعوتِ اسلامی کے زیرِ اہتمام ہفتہ وار سنتوں بھرا اجتماع 22 مئی 2025ء بروز جمعرات رات 8:00 بجے اسلام آباد کے علاقے G-11 میں قائم مدنی مرکز فیضانِ مدینہ میں منعقد ہوگا۔

اس اجتماع میں دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری سنتوں بھرا بیان فرمائیں گے جسے مدنی چینل پر براہ راست نشر کیا جائے گا۔ اس بابرکت اجتماع میں تلاوتِ قرآن، نعتِ رسول مقبول صلَّی اللہ علیہ واٰلہٖ وسلَّم، ذکرواذکار، رقت انگیز دعا اور صلوٰۃ و سلام جیسے سلسلے شامل ہوں گے۔

تفصیلات کے مطابق مدنی مرکز فیضان مدینہ لعل بخش کالونی ڈہرکی میں رکن شوریٰ حاجی محمد علی عطاری، مدنی مرکز فیضان مدینہ آفندی ٹاؤن حیدر آباد میں رکن شوریٰ حاجی فاروق جیلانی عطاری، مدنی مرکز فیضان مدینہ شاہ جہانگیر روڈ گجرات میں رکن شوریٰ حاجی محمد اظہر عطاری، بلال مسجد چوک اعظم میں رکن شوریٰ حاجی عقیل عطاری مدنی، جامع مسجد حنفیہ محمدیہ سوڈیوال لاہور میں رکن شوریٰ حاجی منصور عطاری، جامع مسجد ابو حنیفہ مرے کالج روڈ سیالکوٹ میں رکن شوریٰ حاجی محمد امین عطاری، فیضانِ غوث اعظم 1342-1344 London road Norbury Croydon SW16 4DG میں رکن شوریٰ عبدالوہاب عطاری، مدنی مرکز فیضان مدینہ Maudsley Street Bradford Bd3 9LE میں رکن شوریٰ حاجی محمد خالد عطاری سنتوں بھرا بیان فرمائیں گے۔

اسلام آباد اور گرد و نواح کے عاشقانِ رسول سے اس اجتماع میں شرکت کی درخواست ہے۔

شعبہ رابطہ برائے شخصیات للبنات دعوتِ اسلامی کے تحت 17 مئی 2025ء کو ذمہ دار اسلامی بہنوں کے لئے آن لائن سیشن منعقد کیا گیا جس میں پاکستان مجلسِ مشاورت کی چند اراکین اور شعبے کی ملک و صوبائی سطح کی ذمہ داران شریک ہوئیں۔

اس سیشن میں نگرانِ پاکستان مجلسِ مشاورت نے شعبے کی اہمیت کو بیان کرتے ہوئے پاکستان کے چند اہم شہروں پر شعبہ رابطہ برائے شخصیات للبنات ذمہ داران کی تقرری کے حوالے سے مدنی پھول دیئے۔اس موقع پر اسلام آباد سٹی، صوبہ KPK اور صوبہ بلوچستان کی پاکستان مشاورت اسلامی بہنیں بھی موجود تھیں۔