بحریہ ہاؤسنگ سوسائٹی، ہاکس بے روڈ، کراچی میں اسٹوڈنٹس اور مختلف شعبہ ہائے زندگی سے تعلق رکھنے والے پروفیشنلز کا ایک میٹ اپ منعقد ہوا۔ اس موقع پرذمہ داران و مبلغین دعوتِ اسلامی بھی موجود تھے۔ اس تقریب کا مقصد باہمی روابط کو فروغ دینا، علم و تجربات کا تبادلہ اور مستقبل میں مشترکہ سرگرمیوں کی بنیاد رکھنا تھا۔

نگران شعبہ پروفیشنلز فورم محمد ثوبان عطاری نے نہایت سادہ انداز میں علم، کردار سازی اور معاشرتی ہم آہنگی پر روشنی ڈالی جسے حاضرین نے بے حد سراہا۔

عالمی سطح پر نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت 6 مئی 2025ء کو بنگلہ دیش کے CTG ساؤتھ میں سنتوں بھرا اجتماع ہوا جس میں مقامی اسلامی بہنوں کی کثیر تعداد میں شرکت ہوئی۔

تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم کے بعد دعوتِ اسلامی کی نگرانِ عالمی مجلسِ مشاورت اسلامی بہن نے ”والدین کے حقوق“ کے موضوع پر بیان کیا اور حاضرین کو اپنے والدین کی خدمت کرنے اور اُن کی قدر کرنے کا ذہن دیا۔اختتام پر مبلغۂ دعوتِ اسلامی نے دعا کروائی جبکہ اسلامی بہنوں نے نگرانِ عالمی مجلسِ مشاورت سے ملاقات کی۔ 

بنگلہ دیش کے CTG ساؤتھ میں موجودعالمی سطح کی دینی تحریک دعوتِ اسلامی کے دارالمدینہ گرلز میں 6 مئی 2025ء کو ایک میٹنگ منعقد ہوئی جس ذمہ دار اسلامی بہنوں نے شرکت کی۔

تفصیلات کے مطابق اس میٹنگ میں نگرانِ عالمی مجلسِ مشاورت اسلامی بہن نے دینی کام کرنے کے طریقے بتاتے ہوئے مقامی ذمہ دار اسلامی بہنوں کو معلمات، مبلغات، نئی ذمہ داران بڑھانے، قاعدہ و ناظرہ کورسز کروانے، روحانی علاج کے بستے بڑھانے، نئی جگہوں پر دینی کام شروع کروانے اور کراچی میں ہونے والے اورسیز ذمہ داران کے اجتماع میں آنے کی ترغیب دلائی۔

میٹنگ کے اختتام پر نگرانِ عالمی مجلسِ مشاورت نے ذمہ داران سے ملاقات کی اور نمایاں کارکردگی پر اُن کی حوصلہ افزائی کے لئے تحائف دیئے۔

بیرونِ ملک بنگلہ دیش کے ڈویژن میگھنا میں قائم دعوتِ اسلامی کے دارالمدینہ گرلز  میں 7 مئی 2025ء کو اسلامی بہنوں کے لئے سنتوں بھرے اجتماع کا انعقاد کیا گیا جس میں مقامی اسلامی بہنوں کی کثیر تعداد نے شرکت کی۔

دعوتِ اسلامی کے دینی کاموں کے سلسلے میں پاکستان سے بنگلہ دیش آئی ہوئی نگرانِ عالمی مجلسِ مشاورت اسلامی بہن نے اس اجتماعِ پاک میں ”سرکار صلَّی اللہ علیہ واٰلہٖ وسلَّم کا امت سے پیار“ کے موضوع پر بیان کیا۔

دورانِ بیان نگرانِ عالمی مجلسِ مشاورت نے ہفتہ وار سنتوں بھرے اجتماع میں شرکت کرنے اور مدرسۃالمدینہ بالغات میں داخلہ لینے کی ترغیب دلائی جس پر اسلامی بہنوں نے ہاتھوں ہاتھ نیتیں کیں۔

7 مئی 2025ء کو عاشقانِ رسول کی دینی تحریک دعوتِ اسلامی کے دینی کاموں کے سلسلے میں بنگلہ دیش کے ڈویژن میگھنا میں نگرانِ عالمی مجلسِ مشاورت کی آمد ہوئی جہاں انہوں نے تمام ذمہ دار اسلامی بہنوں سے ملاقات کی۔

اس موقع پر دعوتِ اسلامی کی نگرانِ عالمی مجلسِ مشاورت اسلامی بہن نے ذمہ داران کا مدنی مشورہ لیا جس میں انہوں نے دینی کاموں کے بارے میں کلام کیا اور تقرریاں مکمل کرنے کے اہداف دیئے۔

نگرانِ عالمی مجلسِ مشاورت نے ذمہ دار اسلامی بہنوں کی تربیت و رہنمائی کرتے ہوئے انہیں مدرسۃالمدینہ بالغات میں داخلہ لینے کی ترغیب دلائی جس پر انہوں نے اچھی اچھی نیتیں کیں۔

دعوتِ اسلامی کے تحت 10 مئی 2025ء کی صبح 11:00 تا دوپہر 2:00 بجے تک ذمہ داران کی ماہانہ آن لائن میٹنگ ہوئی جس میں تمام صوبائی نگران اور پاکستان سطح کی جملہ شعبہ جات ذمہ دار اسلامی بہنیں شریک ہوئیں۔

معلومات کے مطابق دورانِ میٹنگ نگرانِ پاکستان مجلسِ مشاورت اسلامی بہن نے ”الفاظ کی تاثیر میں لہجے کا کردار“ کے موضوع پر بیان کیا اور ذمہ دار اسلامی بہنوں کی تربیت کی۔

نگرانِ پاکستان مجلسِ مشاورت نے شعبہ ذمہ داران و نگران اسلامی بہنوں کی موجودہ تقرری کا جائزہ بیان کرتے ہوئے مزید دینی کاموں کو بڑھانے بالخصوص 8 دینی کاموں کے حوالے سے اسلامی بہنوں کو اہداف دیئے۔

اسی طرح TAD ڈیپارٹمنٹ دعوتِ اسلامی کی ذمہ دار اسلامی بہن نے پریذنٹیشن کے ذریعے اپنے ڈیپارٹمنٹ کا تعارف کروایا اور حاضرین کی رہنمائی کی جبکہ ڈیپارٹمنٹ کے بارے میں مختلف سوال و جواب کا بھی سلسلہ رہا۔

بعدازاں SEP ڈیپارٹمنٹ دعوتِ اسلامی کی ذمہ دار اسلامی بہن نے اپنے ڈیپارٹمنٹ کا تعارف کروایا جس میں نیوجنریشن اسلامی بہنوں کے لئے مختلف آئی ٹی، کمپیوٹر اور وکیشنل کورسز کی اپڈیٹس شامل تھیں۔

میٹنگ میں شریک ذمہ دار اسلامی بہنوں نے دینی کاموں میں مزید بہتری لانے اور تقرری مکمل کرنے کے لئے اپنی اچھی اچھی نیتوں کا اظہار کیا۔

شعبہ رہائشی کورسز للبنات دعوتِ اسلامی کے تحت 9 مئی 2025ء کو لاہور سٹی کی ذمہ دار اسلامی بہنوں کا آن لائن مدنی مشورہ ہوا جس میں شعبے کی ناظمات سٹی و ڈسٹرکٹ نگران جبکہ عالمی و ملکی سطح کی شعبہ ذمہ داران نے شرکت کی۔

دعوتِ اسلامی کی نگرانِ پاکستان مجلسِ مشاورت نے شعبہ رہائشی کورسز للبنات کے انتظامات کا جائزہ لیتے ہوئے رہائشی کورسز کے مسائل حل کرنے اور کورسز میں نئے ایڈمیشن بڑھانے کے حوالے سے کلام کیا۔

9 مئی 2025ء کو عاشقانِ رسول کی دینی تحریک دعوتِ اسلامی کے تحت پاکستان کے شہر راولپنڈی سے شعبہ مدرسۃالمدینہ بالغات کی ذمہ داران کا آن لائن مدنی مشورہ ہوا جس میں پاکستان، صوبائی اور ڈویژن سطح کی شعبہ مدرسۃالمدینہ بالغات کی  اسلامی بہنیں جبکہ کراچی و لاہور سٹی سے ڈسٹرکٹ شعبہ ذمہ دار اسلامی بہنیں شریک ہوئیں۔

اس مدنی مشورے میں نگرانِ پاکستان مجلسِ مشاورت اسلامی بہن نے ” الفاظ کی تاثیر میں لہجے کا کردار“ کے موضوع پر بیان کیا اور ذمہ دار اسلامی بہنوں کو مدنی پھولوں سے نوازا۔

علاوہ ازیں نگرانِ پاکستان مجلسِ مشاورت نے شعبے میں ذمہ داران کی تقرری اور ماہانہ کارکردگی کے اہداف کا جائزہ لیتے ہوئے رمضان ڈونیشن کی کارکردگی نیز دینی کاموں کو بڑھانے کے حوالے سے آئندہ کے اہداف طے کئے۔

لوگوں کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت 10 مئی 2025ء کو ڈویژن ڈھاکہ، بنگلہ دیش کے  علاقے محبت پور میں اسلامی بہنوں کے لئے سنتوں بھرا اجتماع ہوا۔

اجتماع کا آغاز تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد نگرانِ عالمی مجلسِ مشاورت اسلامی بہن نے بیان کرتے ہوئے اجتماعات اور قراٰنِ پاک پڑھنے / پڑھانے کے فضائل بیان کئے۔

بعدِ بیان اجتماع میں شریک بعض اسلامی بہنوں نے مدرسۃالمدینہ بالغات پڑھانے کی اچھی اچھی نیتیں کیں اور مبلغۂ دعوتِ اسلامی نے دعا کروائی جبکہ صلوٰۃ و سلام پر اجتماع کا اختتام ہوا۔

ڈویژن ڈھاکہ ،بنگلہ دیش  میں دعوتِ اسلامی کے تحت شخصیات اسلامی بہنوں کے لئے 10 مئی 2025ء کو سیکھنے سکھانے کا حلقہ لگایا گیا جس میں میمن کمیونٹی کی اسلامی بہنیں شریک ہوئیں۔

مقامی ذمہ دار اسلامی بہنوں نے تلاوت و نعت سے حلقے کا آغاز کیا جس کے بعد عالمی مجلسِ مشاورت کی نگران اسلامی بہن نے ”اللہ پاک کی بےپناہ قدرتوں کا اظہار اور انسان کی بےبسی“ کے متعلق بیان کیا۔

ملکِ بنگلہ دیش کے ڈویژن ڈھاکہ میں 10 مئی 2025ء کو دعوتِ اسلامی کے زیرِ اہتمام سنتوں بھرا اجتماع منعقد کیا گیا جس میں مدرسۃالمدینہ گرلز میں پڑھنے والی بچیوں کی سرپرست اسلامی بہنیں شریک ہوئیں۔

اس اجتماعِ پاک میں پاکستان سے بنگلہ دیش دینی کاموں کے سلسلے میں آئی ہوئی نگرانِ عالمی مجلسِ مشاورت اسلامی بہن نے حاضرین کی تربیت و رہنمائی کرتے ہوئے دنیا بھر میں کتنے مدارس المدینہ گرلز ہیں، کن کن ملکوں میں موجود ہیں اور بچیوں کی تعداد و تفصیل کو پریزنٹیشن کے ذریعے بیان کیا۔

اس کے علاوہ نگرانِ عالمی مجلسِ مشاورت نے بچوں کی تربیت ایک ٹیچر و ماں کو کیسے کرنی چاہیئے؟ ، بچوں کے اخلاقیات کو کیسے بہتر بنایا جاسکتا ہے؟ اور سوشل میڈیا کے دور میں بچوں کو کیسے دینی ماحول سے قریب کیا جائے اس پر مدنی پھول دیئے۔

14 مئی 2025ء کو حبی گنج شہر، سلہٹ ڈویژن ، بنگلہ دیش میں ذمہ داران کی تربیت کے لئے ”8 دینی کام کورس“ کا انعقاد کیا گیا جس میں ڈسٹرکٹ، ڈویژن، تھانہ اور ذیلی سطح کی ذمہ داران سمیت شعبہ ذمہ دار اسلامی بہنوں نے شرکت کی۔

تفصیلات کے مطابق اس کور س میں شریک اسلامی بہنوں کی مختلف امور پر رہنمائی کی گئی جن میں سے بعض درج ذیل ہیں:

٭نگران کو دعوتِ اسلامی کا کام کیسے کرنا چاہیئے اور اس کا طریقۂ کار کیا ہے؟٭منسلک و ذمہ دار اسلامی بہنوں کی لسٹ اپڈیٹ کرنا٭دوسرے ملک / شہر شفٹ ہونے والی ذمہ دار اسلامی بہنوں سے دینی کام لینا٭ماتحت اسلامی بہنوں کی بیماری / فوتگی کی صورت میں امیرِ اہلِ سنت دامت بَرَکَاتُہمُ العالیہ کا پیغام منگوانے کا طریقۂ کار٭نئی ذمہ دار اسلامی بہنوں کی تقرریاں کرنے کا طریقۂ کار٭نئی ذمہ دار اسلامی بہنوں کو دینی کام سکھانے کا طریقۂ کار٭محفلِ نعت کا شیڈول و طریقۂ کار٭سیکھنے سکھانے کے ماہانہ حلقے کا شیڈول و طریقۂ کار٭ہفتہ وار سنتوں بھرے اجتماعات کا طریقۂ کار٭نیکی کی دعوت دینے کے آداب و طریقۂ کار۔

کورس کے اختتام پر اسلامی بہنوں کو تحائف دیئے گئے اور دعا و صلوٰۃ و سلام کے بعد اسلامی بہنوں نے نگرانِ عالمی مجلسِ مشاورت سے ملاقات کی۔