4 جون 2023ء کو دعوتِ اسلامی کے شعبہ پروفیشنلز فورم کے زیر اہتمام مدنی مرکز فیضانِ مدینہ جوہر ٹاؤن لاہور میں اسپیشل کورس  ”Islamic Modes Of Finance “ کا انعقاد کیا گیا جس میں فنانس شعبے سے تعلق رکھنے والے پروفیشنلز حضرات نے شرکت کی۔

دار الافتاء اہلسنت کے مفتی ساجد عطاری مدنی دامت بَرَکَاتُہمُ العالیہ نے مضاربت، پارٹرنر شپ (Partnership)، مرابحہ اور دیگر تجارتی امور پر گفتگو کرتے ہوئے بینکاری کے حوالے سے شرعی قوانین ومسائل کے بارے میں آگاہی فراہم کی۔

اس موقع پر نگران مجلس شعبہ پروفیشنلز فورم محمد ثوبان عطاری بھی موجود تھے۔

پچھلے دنوں شعبہ تحفظِ اوراقِ مقدسہ دعوتِ اسلامی کے تحت فیصل آباد پنجاب میں واقع مدنی مرکز فیضانِ مدینہ میں مدنی مشورہ ہوا جس میں ٹاؤن سطح کے ذمہ دار اسلامی بھائیوں نے شرکت کی۔

اس موقع پر ڈویژن ذمہ دار ڈاکٹر عدنان عطاری نے شعبے کے دینی کاموں کے حوالے سے ذمہ دار اسلامی بھائیوں کی تربیت و رہنمائی کی اور انہیں مزید بہتری لانے کا ذہن دیا۔

10 جون 2023ء بروز ہفتہ مکتبۃالمدینہ دعوتِ اسلامی کے ہیڈ آفس میں ماہنامہ فیضانِ مدینہ کی تجاویز / شکایات کے حوالے سے فیڈ بیک کا آن لائن مدنی مشورہ ہواجس میں نگرانِ شعبہ ماہنامہ فیضانِ مدینہ مولانا مہروز عطاری مدنی اور فیصل آباد سے شعبہ فیڈ بیک کے نگران محمد نواز عطاری سمیت دیگر ذمہ داران نے شرکت کی۔

دورانِ مدنی مشورہ ذمہ دار اسلامی بھائیوں نے تجاویز / شکایات کو جلد از جلد حل کرنے کے لئے مدنی پھول مرتب کئے اور شعبے کی کارکردگی میں مزید بہتری لانے پر مشاورت کی جس پر ذمہ دار اسلامی بھائیوں نے اپنی اپنی رائے پیش کی۔ (رپورٹ: محمد سلیم عطاری معاون نگرانِ شعبہ مکتبۃالمدینہ، کانٹینٹ:غیاث الدین عطاری)

حضرت سید عبد الطیف المعروف بابا بُلھے شاہ  رحمۃا للہ علیہ کے عرس کے موقع پر شعبہ مزاراتِ اولیاء دعوتِ اسلامی کے زیرِا ہتمام پاکپتن میں محفلِ نعت کا انعقاد کیا گیا جس میں کثیر عاشقانِ رسول نے شرکت کی۔

محفلِ نعت کا آغاز تلاوتِ کلامِ پاک اور نعت شریف سے کیا گیا جبکہ مبلغِ دعوتِ اسلامی نے سنتوں بھرا بیان کرتے ہوئے وہاں موجود اسلامی بھائیوں کو بزرگانِ دین کی سیرت کے مطابق اپنی زندگی گزارنے کا ذہن دیا۔

10 جون 2023ء بروز ہفتہ صوبۂ پنجاب پاکستان کی تحصیل چشتیاں، ضلع بہاولپور میں ذمہ دار اسلامی بھائیوں کا مدنی مشورہ ہوا جس میں ڈسٹرکٹ ذمہ داران اور تحصیل نگران اسلامی بھائیوں نے شرکت کی۔

نگرانِ بہاولپور ڈاکٹر حافظ عبد الرؤف عطاری نے ذمہ داران سے مختلف موضوعات پر کلام کیا اور انہیں دعوتِ اسلامی کے 12 دینی کاموں میں عملی طور پر حصہ لینے کا ذہن دیااور آئندہ کے اہداف دیئے۔

علاوہ ازیں نگرانِ بہاولپور نے سافٹ ویئر چلانے کے حوالے سے ذمہ دار اسلامی بھائیوں کی ذہن سازی کی جس پر انہوں نے اچھی اچھی نیتوں کا اظہار کیا۔

اس موقع پر ڈسٹرکٹ نگران بہاولپور حافظ ناصر عطاری بھی موجود تھے۔ (رپورٹ: احمدرضا عطاری ڈویژن ذمہ دار، کانٹینٹ:غیاث الدین عطاری)

گزشتہ روز عالمی مدنی مرکز فیضانِ مدینہ کراچی میں دعوتِ اسلامی کے تحت مجلس کارکردگی کراچی سٹی آفس کے اسلامی بھائیوں کا مدنی مشورہ منعقد کیا گیا جس میں ڈویژن کارکردگی اور شعبہ جات کارکردگی ذمہ داران نے شرکت کی۔

  بروز ہفتہ 10 جون 2023ء کو مدرسۃ المدینہ شارٹ ٹائم ہیڈ آفس عالمی مدنی مرکز فیضان مدینہ کراچی میں مدنی مشورے کا انعقاد ہوا جس میں مدنی بستہ ذمہ دار سخاوت عطاری ، مجلس مدنی بستہ ذمہ دار اور ڈسٹرکٹ ایسٹ ذمہ دار فہیم عطاری نے شرکت کی۔

ذمہ دار شہروز عطاری نے مدرسۃ المدینہ شارٹ ٹائم کو خودکفیل کرنے کے سلسلے میں شرکا کو مدنی بستوں میں اضافہ کرنے کا ذہن دیا نیز ڈسٹرکٹ وائز 12 بستے لگانے کا ہدف دیا۔

مزید آئندہ کچھ دنوں میں تمام کراچی کے بستہ لگانے والے اسلامی بھائیوں کے لئے مدنی مشورے کا شیڈول بھی طے کیا گیا جس میں ممتاز کارکردگی کے متحمل اسلامی بھائیوں کی حوصلہ افزائی کا سلسلہ بھی ہوگا۔

واضح رہے کہ ! آئندہ ہفتے سے مدرسۃُ المدینہ شارٹ ٹائم میں ڈسٹرکٹ وائز مدنی بستہ مہم کا آغاز کیا جائے گا۔(رپورٹ: فہیم عطاری ڈسٹرکٹ ذمہ دار مدرستہ المدینہ شارٹ ٹائم ،کانٹینٹ:رمضان رضا عطاری)

لوگوں کو عالمِ دین بنانے والے دعوتِ اسلامی کے شعبہ جامعۃالمدینہ بوائز کے تحت مدنی مرکز فیضانِ مدینہ جوہر لاہور میں مدنی مشورہ ہوا جس میں لاہور ڈویژن کے ناظمین سمیت دیگر اہم ذمہ دار اسلامی بھائیوں کی شرکت رہی۔

اس مدنی مشورے میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ناظمین سے گفتگو کرتے ہوئے انہیں عید الاضحیٰ میں قربانی کی کھالیں جمع کرنے کے اہداف دیئے۔

دعوت اسلامی کے شعبہ کفن دفن کے تحت اقبال ٹاؤن لاہورکی جامع مسجد گلزار مدینہ میں 12ماہ مدنی قافلے کے عاشقان رسول کے درمیان غسل میت وکفن کورس منعقد کیا گیا جس میں 12ماہ مدنی قافلے کے عاشقان رسول سمیت علاقے کے اسلامی بھائیوں نے شرکت کی ۔

ڈویژن ذمہ دار نے شرکائے کورس کو غسل میت دینے کا طریقہ سکھایا نیز کفن کی لمبائی چوڑائی کے بارے میں بتاتے ہوئے کفن کاٹنے اور پہنانے کا عملی طریقہ بھی سمجھایا۔

اس کے علاوہ میت کو کندھے دینے کا طریقہ اور اس کے ساتھ ساتھ ڈویژن ذمہ دار نے غسل میت میں پائی جانی والی اغلاط کی نشاندہی کی نیز عاشقان رسول کو 12دینی کاموں میں حصہ لینے کا ذہن بھی دیا ۔(کانٹینٹ:رمضان رضا عطاری)

دینی  کاموں کے سلسلے میں مدنی مرکز فیضان مدینہ دنیا پور میں 11جون 2023ء بروز اتوار ڈویژن لودھراں کا مدنی مشورہ ہوا جس میں تحصیل نگران و ڈسٹرکٹ ذمہ داران نے شرکت کی۔

معلومات کے مطابق ڈویژن نگران محمد سادات عطاری نے دعوت اسلامی کے 12دینی کاموں کے حوالے سے اسلامی بھائیوں کی ذہن سازی کی نیز قربانی کی کھالوں کے انتظامی امور کے متعلق نکات بیان کئے اور 20جولائی 2023ء کو ڈسٹرکٹ لودہراں سے ایک ماہ کے مدنی قافلے میں سفر کرنے اور دیگر کو ساتھ سفر پر لے جانے کی ترغیب دلائی۔(رپورٹ: محمد اشرف عطاری،مدنی چینل عام کریں، کانٹینٹ:رمضان رضا عطاری)

10جون 2023ء  بروز ہفتہ دعوتِ اسلامی کے زیرِ اہتمام ملتان میں قائم مدنی مرکز فیضان مدینہ میں مدنی مشورے کا سلسلہ ہوا جس میں ٹاؤن نگران اور سٹی ذمہ داران نے شرکت کی۔

مدنی مشورے میں ڈویژن نگران محمد سادات عطاری نے مساجد میں اسلامی بھائیوں کے مدرسۃُ المدینہ لگانے کے حوالے سے ذہن دیا اور اجتماعی قربانی نیز قربانی کی کھالوں کے متعلق مدنی پھو ل بھی دیئے جس پر شرکا نے نیک خواہشات کا اظہار کیا ۔(رپورٹ: محمد اشرف عطاری،مدنی چینل عام کریں، کانٹینٹ:رمضان رضا عطاری)

مغربی ملک ملائیشیا نیلائی تیگا میں دعوتِ اسلامی کے زیرِا ہتمام سیکھنے سکھانے کا حلقہ لگایا گیا جس میں تاجران سمیت دیگر اسلامی بھائیوں نے کافی تعداد میں شرکت کی۔

دورانِ حلقہ ملائیشیا کے دورے پر موجود دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کیا اور شرکا اسلامی بھائیوں کی دینی و اخلاقی اعتبار سے تربیت کی نیز انہیں دعوتِ اسلامی کے دینی کاموں میں حصہ لینے کاذہن دیا۔