28 جون 2024ء کو عاشقانِ رسول کی دینی تحریک دعوتِ اسلامی کے تحت یومِ آزادی کے سلسلے میں مدنی مشورہ ہوا جس میں نگرانِ پاکستان مجلسِ مشاورت اور سب کانٹینٹ نگران اسلامی بہنوں نے شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے دعوتِ اسلامی کے تعلیمی شعبہ جات سمیت دیگر شعبہ جات کے تحت یومِ آزادی منانے کے طریقۂ کار پر مشاورت کی جس پر انہوں نے اچھی اچھی نیتیں کیں۔

اورسیز میں ہونے والے دعوتِ اسلامی کے دینی کاموں کا جائزہ لینے کے لئے 28 جون 2024ء کو ایک میٹنگ ہوئی جس میں عالمی مجلسِ مشاورت آفس کی ذمہ دار اسلامی بہنوں نے شرکت کی۔

اس میٹنگ میں نگرانِ عالمی مجلسِ مشاورت اسلامی بہن نے سابقہ ماہ کے دینی کاموں کا جائزہ لیتے ہوئے انفرادی دینی کاموں کو مضبوط کرنے اور اہداف کو جلد از جلد مکمل کرنے کا ذہن دیا۔

اس کے علاوہ نگرانِ عالمی مجلسِ مشاورت نے دیگر اہم نکات پر گفتگو کی اور اسلامی بہنوں کو مدنی پھولوں سے نوازا جس پر انہوں نے اچھی اچھی نیتیں کیں۔

کراچی پی آئی بی کالونی میں موجود فیضانِ صحابیات میں 27 جون 2024ء کو دعوتِ اسلامی کے تحت ڈسٹرکٹ کورنگی، کراچی کی وارڈ سطح تک کی نگران اسلامی بہنوں کا مدنی مشورہ ہوا جس میں آسٹریلیا اور سری لنکا کی ذمہ داران آن لائن شریک ہوئیں۔

اس موقع پر صاحبزادیِ عطار سلمہا الغفار کی تشریف آوری ہوئی جنہوں نے دعوتِ اسلامی کے تنظیمی طریقۂ کار کے حوالے سے اسلامی بہنوں کی ذہن سازی کی اور انہیں مدنی پھولوں سے نوازا ”ذمہ دار کے اوصاف“ کے موضوع پر بیان کیا۔

مدنی مشورے کے اختتام پر وہاں موجود ذمہ دار اسلامی بہنوں نے صاحبزادیِ عطار سلمہا الغفار اور نگرانِ عالمی مجلسِ مشاورت سے ملاقات بھی کی۔

شعبہ رابطہ برائے شخصیات گرلز دعوتِ اسلامی کے تحت 25 جون 2024ء کو P.I.B کالونی کراچی میں قائم فیضانِ صحابیات میں ایک میٹ اپ منعقد کیا گیا جس میں پروفیشنلز، اہل ثروت، کاروباری اسلامی بہنیں، ماربل شورومز کی اونرز، سافٹ ویئر پروفیشنلز اورپروفیشنل نعت خواں اسلامی بہنیں شریک ہوئیں۔

اس میٹ اپ میں مبلغۂ دعوتِ اسلامی نے اسلامی بہنوں کی تربیت کرتے ہوئے انہیں فرض علوم سکھائے جبکہ شعبہ شارٹ کورسز ذمہ دار اسلامی بہن نے مختلف شارٹ کورسز کا تعارف کروایا۔

علاوہ ازیں دعوتِ اسلامی کی نگرانِ عالمی مجلسِ مشاورت اسلامی بہن نے دعوتِ اسلامی کی ڈیجیٹل سروس ایپلی کیشنز کے بارے میں بتایا اور فیضان آن لائن اکیڈمی گرلز میں داخلہ لینے کی ترغیب دلائی۔بعدازاں نگرانِ عالمی مجلسِ مشاورت نے اختتامی دعا کروائی اور اسلامی بہنوں نے اُن سے ملاقات بھی کی۔

اللہ پاک کے آخری نبی حضرت محمد مصطفٰے صلَّی اللہ علیہ واٰلہٖ وسلَّم کی پیاری آل کے مختصر تعارف سے عاشقانِ رسول کو مستفیض کرنے کے لئے شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے اس ہفتے 20 صفحات کا رسالہ ”پیارے نبی کی پیاری آل“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے نوازاہے۔

دعائے عطار

یااللہ پاک! جو کوئی 20 صفحات کا رسالہ ”پیارے نبی کی پیاری آل“ پڑھ یا سُن لے اُسے قیامت کے دن ساداتِ کرام کے نانا جان رحمت عالمیان صلَّی اللہ علیہ واٰلہٖ وسلَّم کی شفاعت نصیب فرما کر جنت الفردوس میں بے حساب داخل کرکے اپنے پیارے پیارے آخری نبی صلَّی اللہ علیہ واٰلہٖ وسلَّم کا پڑوسی بنا۔ اٰمِیْن بِجَاہِ خَاتَمِ النّبیّٖن صلَّی اللہ علیہ واٰلہٖ وسلَّم

یہ رسالہ آڈیو میں سننے اور ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

پاکستان کے دارالحکومت اسلام آباد  جی-11 میں قائم دعوتِ اسلامی کے مدنی مرکز فیضانِ مدینہ میں اسپیشل پرسنز ڈیپارٹمنٹ کے تحت اسلام آباد، راولپنڈی اور کشمیر کے ذمہ دار اسلامی بھائیوں کامدنی مشورہ ہوا۔

معلومات کے مطابق اس مدنی مشورے میں نگرانِ ڈیپارٹمنٹ محمد عمیر عطاری نے سابقہ کارکردگی کا جائزہ لیا اور آئندہ کے اہداف طے کئے نیز نمایاں کارکردگی کے حامل اسلامی بھائیوں میں تحائف تقسیم کئے۔

ذمہ داران سے گفتگو کے دوران نگرانِ ڈیپارٹمنٹ نے اسپیشل پورسنز کو محرم الحرام میں 12 دن اور 3 دن کے مدنی قافلے میں سفر کروانے کا ذہن دیا جس پر وہاں موجود ذمہ دار اسلامی بھائیوں نے اچھی اچھی نیتیں کیں۔(رپورٹ: محمد سمیر عطاری آفس اسپیشل پرسنز ڈیپارٹمنٹ ، کانٹینٹ:غیاث الدین عطاری)

نیکی کی دعوت عام کرنے کے سلسلے میں گزشتہ روز ضلع اٹک کی تحصیل پنڈی گھیب میں اسپیشل پرسنز ڈیپارٹمنٹ دعوتِ اسلامی کے تحت ذمہ دار اسلامی بھائیوں نے اسپیشل پرسنز کو  نیکی کی دعوت پیش کی۔

اس دوران ذمہ داران موجود نابینا افراد اسلام آباد کے صوبائی ذمہ دار کامران عطاری اور اٹک کے ڈسٹرکٹ ذمہ دار مولانا فیضان عباس عطاری مدنی نے اسپیشل پرسنز سے ملاقات کرتے ہوئے انہیں اسپیشل پرسنز ڈیپارٹمنٹ کا تعارف کروایا۔

پچھلے دنوں اسپیشل پرسنز ڈیپارٹمنٹ دعوتِ اسلامی کے زیرِا ہتمام پشاور  ڈویژن، ڈسٹرکٹ چارسدہ میں اسپیشل پرسنز کے لئے سنتوں بھرے اجتماع کا انعقاد کیا گیا جس میں اسپیشل پرسنز (گونگے، بہرے اسلامی بھائی) کی کثیر تعداد نے شرکت کی۔

تلاوتِ قراٰن سے اجتماعِ پاک کا آغاز کیا گیا اور نعت خواں اسلامی بھائی نے حضور پُر نور حضرت محمد صلَّی اللہ علیہ واٰلہٖ وسلَّم کی بارگاہ میں نذرانۂ عقیدت پیش کیا جس کے بعد مبلغِ دعوتِ اسلامی و صوبائی ذمہ دار مولانا ہدایت اللہ جنیدی عطاری مدنی نے بیان کیا۔

11 جولائی 2024ء کو راولپنڈی سٹی، حویلی راجگان میں سابق وزیر قانون راجہ بشارت کی ہمشیرہ کے انتقال پر شعبہ رابطہ برائے شخصیات دعوتِ اسلامی کے ذمہ داران نے اُن سے ملاقات کی۔

دورانِ ملاقات ذمہ دار محمد ارسلان عطاری نے راجہ بشارت سے تعزیت کرتے ہوئے انہیں صبر کی تلقین کی اور زیادہ سے زیادہ ایصالِ ثواب کرنے کا ذہن دیا جبکہ ذمہ دار نے فاتحہ خوانی بھی پڑھی۔

آخر میں ذمہ دار محمد ارسلان عطاری نے سابق وزیر قانون راجہ بشارت کو دعوتِ اسلامی کے مدنی مرکز فیضانِ مدینہ اسلام کا وزٹ کرنے کی دعوت دی ۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

ضلع ڈیرہ غازی خان، پنجاب پاکستان کی تحصیل کوٹ چھٹہ، بستی سنجرانی میں موجود جامع مسجد عمرِ فاروق میں دعوتِ اسلامی کے تحت ہونے والے فیضانِ نماز کورس (رہائشی) کی اختتامی نشست منعقد ہوئی جس میں مقامی عاشقانِ رسول شریک ہوئے۔

دورانِ کورس شعبے کے معلم مولانا محمد طیب عطاری مدنی نے نماز کے مختلف مسائل کے حوالے سے اسلامی بھائیوں کی رہنمائی کی اور انہیں فرائضِ نماز و شرائطِ نماز کے متعلق آگاہی دی۔

کوٹ غلام محمد پریس کلب میں میڈیا ڈیپارٹمنٹ دعوت اسلامی کے تحت شعبہ صحافت سے وابستہ صحافیوں کے لئے فیضانِ طہارت کورس کا انعقاد کیا گیا جس میں پریس کلب کے جنرل سیکریٹری غلام رسول، جونیجو جوائنٹ سیکریٹری رمضان بھمرو، فنانس سیکریٹری اکبر راجپوت، سینئر صحافی آصف بوزئی اور جاوید کالرو سمیت دیگر صحافیوں نے شرکت کی۔

اس موقع پرحاضرین کی تربیت کرتے ہوئے مبلغِ دعوتِ اسلامی مولانا راضی سموں عطاری مدنی کا کہنا تھاکہ:طہارت ایمان کا حصہ ہے اس لئے ہر مسلمان کو طہارت کا علم ہونا بہت ضروری ہے، اگر آپ نے شریعتِ مطہرہ کے مطابق طہارت حاصل نہیں کی تو آپ کا وضو نہیں ہوگا اور اگر آپ کا وضو نہیں ہے تو آپ کی عبادت بھی قبول نہیں ہوگی اس لئے طہارت کا علم بہت ضروری ہے۔

فیضان طہارت کورس میں شرکا کی رہنمائی کے دوران مبلغ دعوت اسلامی نے وضو، غسل اور تیمم کے فرائض و سنتیں نیز اس کی چند ضروری احتیاطوں کے بارے میں صحافیوں کی ذہن سازی کی۔(رپورٹ: حاجی عبدالرشید عطاری ، کانٹینٹ:غیاث الدین عطاری)

دعوتِ اسلامی کے شعبہ مدنی کورسز کے تحت 9 جولائی 2024ء کو پنجاب پاکستان میں قائم حیدر آباد پریس کلب میں فیضانِ نماز کورس کا انعقاد کیا گیا جس  میں مختلف الیکٹرانک میڈیا اور پرنٹ میڈیا (چینلز، اخبار) کے صحافی حضرات نے شرکت کی۔

اس کورس میں شعبے کے حیدر آباد سٹی ذمہ دار سلمان خان عطاری نے نماز کے متعلق گفتگو کرتےہوئے شرکا کو نماز کے شرائط و فرائض سمیت نماز کا عملی طریقہ اور چند ضروری مسائل بتائے۔

اس کے علاوہ سٹی ذمہ دار نے وضو و غسل کے حوالے سے بھی شرکا کی تربیت و رہنمائی کیاور انہیں دعوتِ اسلامی کے دینی ماحول سے ہر دم وابستہ رہنے کا ذہن دیا۔(رپورٹ: محمداحمدسیالوی عطاری رکنِ شعبہ مدنی کورسز ، کانٹینٹ:غیاث الدین عطاری)