دعوتِ اسلامی کے تحت عالمی سطح پر ہونے والے دینی کاموں کا جائزہ لینے کے لئے 1 جولائی 2024ء کو کراچی میں ایک میٹنگ منعقد ہوئی جس میں عالمی مجلسِ مشاورت کی تمام اراکین اسلامی بہنوں نے شرکت کی۔

معلومات کے مطابق میٹنگ کے دوران عالمی مجلسِ مشاورت اسلامی بہن نے دینی کاموں کی سابقہ کارکردگی کا فالو اپ لیا جس میں انہوں نے شعبہ محبتیں بڑھاؤ، رہائشی کورسز، فیضانِ شریعت کورس، ڈیلی کلاسز اسلامی بہنوں کی کارکردگی شیڈول اور فیضان ویک اینڈ اسلامک اسکول کے حوالے سے گفتگو کی۔

علاوہ ازیں نگرانِ عالمی مجلسِ مشاورت نے دیگر مختلف امور پر اسلامی بہنوں کی ذہن سازی کی اور انہیں آئندہ کے اہداف بھی دیئے جس پر تمام اراکینِ عالمی مجلسِ مشاورت نے اپنی اپنی رائے پیش کی۔

عاشقانِ رسول کی دینی تحریک دعوتِ اسلامی کے زیرِا ہتمام 6 جولائی 2024ء کو کراچی کے علاقے  آگرہ تاج میں ایک ذمہ دار اسلامی بہن کے نکاح کے سلسلے میں محفلِ نعت کا انعقاد کیا گیا جس میں مقامی اسلامی بہنیں و ذمہ داران شریک ہوئیں۔

محفلِ نعت کے آغاز میں تلاوتِ قراٰن کی گئی اور نعت شریف پڑھی گئی جس کے بعد ٹاؤن نگران اسلامی بہن نے سنتوں بھرا بیان کیا جس میں انہوں نے حاضرین کی دینی و اخلاقی اعتبار سے تربیت کی۔بعدِ بیان دعوتِ اسلامی کی نگرانِ عالمی مجلسِ مشاورت اسلامی بہن نے دعا کروائی جبکہ اختتام پر ملاقات کا بھی سلسلہ ہوا۔

لوگوں کی اصلاح کا جذبہ رکھنے والی عاشقانِ رسول کی دینی تحریک دعوتِ اسلامی کے تحت 6 جولائی 2024ء کو عالمی مجلسِ مشاورت آفس سمیت تمام آفسز کی ذمہ دار اسلامی بہنوں کا مدنی مشورہ ہوا جس میں دینی کاموں کی ترقی کے حوالے سے گفتگو ہوئی۔

آفسز کی اسلامی بہنوں سے گفتگو کے دوران نگرانِ عالمی مجلسِ مشاورت اسلامی بہن نے دینی کاموں کے نظام کو مضبوط کرنے اور ان میں مزید بہتری لانے کے لئے شرکا کی تربیت و رہنمائی کی نیز انہیں مدنی پھولوں سے بھی نوازا۔

عالمی سطح پر قراٰن و حدیث کی تعلیمات عام کرنے والی عاشقانِ رسول کی دینی تحریک دعوتِ اسلامی کے تحت 6 جولائی 2024ء کو عالمی سطح کی ڈیپارٹمنٹ ذمہ دار اور بیرونِ ملک کی ڈیپارٹمنٹ ذمہ دار اسلامی بہنوں کا مدنی مشورہ ہوا۔

مدنی مشورے کے دوران عالمی مجلسِ مشاورت کی نگران اسلامی بہن نے بنگلہ دیش میں شعبہ جات کے دینی کاموں کو مضبوط کرنے اور مدرسۃ المدینہ بالغات میں نیک اعمال کے رسالے کو نافذ کرنے کا ذہن دیا۔

اس کے علاوہ نگرانِ عالمی مجلسِ مشاورت اسلامی بہن نے دعوتِ اسلامی کے دیگر دینی کاموں میں مزید بہتری لانے کی ترغیب دلائی جس پر انہوں نے اچھی اچھی نیتیں کیں۔

4 جولائی 2024ء کو عاشقانِ رسول کی دینی تحریک دعوتِ اسلامی کے تحت مدنی مشورہ ہوا جس میں سب کونٹیننٹ نگران، تعلیمی شعبہ ذمہ داران، ایجوکیشن ڈیپارٹمنٹ کی سب کونٹیننٹ نگران اور شعبہ رابطہ برائے شخصیات للبنات کی ذمہ دار اسلامی بہنوں نے آن لائن شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے اس مدنی مشورے میں ذمہ داران سے گفتگو کرتے ہوئے ربیع الاول میں دعوتِ اسلامی کے تحت ہونے والے دینی کاموں کی تیاری کے متعلق مشاورت کی جس میں اجتماعات کا شیڈول اور محفلِ نعت کے مدنی پھول سمیت دیگر موضوعات شامل تھے۔

کراچی پی آئی بی کالونی میں قائم فیضانِ صحابیات میں 4 جولائی 2024ء کو دعوتِ اسلامی کے تحت ایجوکیشن ڈیپارٹمنٹ گرلز کراچی کی ذمہ داران کی میٹنگ منعقد ہوئی جس میں بیرونِ ملک سے بھی ذمہ دار اسلامی بہنیں آن لائن شریک ہوئیں۔

ابتداءً ایجوکیشن ڈیپارٹمنٹ گرلز کے تحت دینی کام کرنے والی اسلامی بہنوں کی کارکردگی پر گفتگو ہوئی جس کے بعد صاحبزادیِ عطار سلمہا الغفار نے مختلف سوالات کے جوابات دیئے اور اختتامی دعا بھی کروائی۔

10 جولائی 2024ء کو میمن گوٹھ کراچی میں دعوتِ اسلامی کے زیرِ اہتمام اسلامی بہنوں کے لئے ہفتہ وار سنتوں بھرے اجتما ع کا انعقاد کیا گیا جس میں خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت کی آمد ہوئی۔

تلاوت و نعت کے بعد مبلغۂ دعوتِ اسلامی نے بیان کیا اور صاحبزادیِ عطار سلمہا الغفار نے وہاں موجود اسلامی بہنوں کی تربیت کرتے ہوئے انہیں مدنی پھولوں سے نوازا جبکہ نگرانِ عالمی مجلسِ مشاورت اسلامی بہن نے اختتامی دعا کروائی۔

آخر میں شرکائے اجتماع نے صاحبزادیِ عطار سلمہا الغفار سےملاقات کی۔بعدِ اجتماع صاحبزادیِ عطار سلمہا الغفار اور نگرانِ عالمی مجلسِ مشاورت نے دیگر ذمہ دار اسلامی بہنوں کے ہمراہ ایک پرانی اسلامی بہن سے اُن کی رہائش گاہ پر جاکر ملاقات کی اور انہیں نیکی کی دعوت پیش کی۔ 

دعوتِ اسلامی کے تحت 13 جولائی 2024ء کو  شعبہ شارٹ کورسز کی ذمہ داران کا آن لائن مدنی مشورہ ہوا جس میں ملک، صوبہ اور ڈویژن سطح کی شارٹ کورسز ذمہ داران، کراچی سٹی سے ڈسٹرکٹ سطح ، اسلام آباد سٹی سے زون سطح کی شعبہ شارٹ کورسز ذمہ دار ان اور پاکستان مجلسِ مشاورت کی اسلامی بہنیں شریک ہوئیں ۔

تفصیلات کے مطابق اسلامی بہنوں کی تربیت کے لئے نگرانِ پاکستان مجلسِ مشاورت اسلامی بہن نے بیان کرتے ہوئے اسلامی بہنوں کو دینی کاموں میں درپیش مسائل کا حل بتایا۔

دینی کاموں کا جائزہ لینے کے لئے دعوتِ اسلامی کے تحت 12 جولائی 2024ء کو پاکستان مجلسِ مشاورت  اور پاکستان سطح کی شعبہ ذمہ دار اسلامی بہنوں کا آن لائن ماہانہ مدنی مشورہ منعقد ہوا ۔

اس مدنی مشورے میں نگرانِ پاکستان مجلس مشاورت اسلامی بہن نے گفتگو کرتے ہوئے مختلف شعبہ جات (مثلاً:شعبہ مکتبۃ المدینہ گرلز ، شعبہ مدرسۃ المدینہ بالغات اور شعبہ اصلاح اعمال) کے مسائل اور ان کے حل کے حوالے سے اسلامی بہنوں کی رہنمائی کی نیز مختلف موضوعات پر بھی کلام کیا گیا جن میں سے بعض درج ذیل ہیں:

٭ فنانس ڈیپارٹمنٹ سے پیشگی اخراجات وصول کرنے کا طریقۂ کار٭ سافٹ ویئر میں تقرری اپڈیٹ کرنا، منسوخ و تقرری کنفرمیشن کے حوالے سے مدنی پھول٭ ماہانہ و سالانہ 8 دینی کاموں اور متفرق شعبہ جات کی کارکردگیوں کا جائزہ٭ اہداف کو مکمل کرنے کے حوالے سے ذمہ داران کو ترغیب ۔

ملک و بیرونِ ملک کے لوگوں کو دینِ اسلام کی تعلیمات سکھانے اور اُن کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت 4 جولائی 2024ء کو بیرونِ ملک کی ذمہ دار اسلامی بہنوں کا مدنی مشورہ ہوا۔

معلومات کے مطابق اس مدنی مشورے میں کاؤنسل نگران اور ملک سطح کی شعبہ مشاورت اسلامی بہنوں کی شرکت ہوئی جنہوں نے مختلف موضوعات کے متعلق مشاورت کی اُن میں سے بعض درج ذیل ہیں:

٭ محرم الحرام میں اپنے محارم کو مدنی قافلوں میں سفر کروانا٭ جامعۃ المدینہ گرلز کا آغاز کرنا٭علاقائی دورہ برائے نیکی کی دعوت اور مدرسۃ المدینہ بالغات کے مدنی پھول٭مکتبۃ المدینہ کے بستوں (اسٹالز)کے متعلق٭محرم الحرام کے اجتماعات منعقد کروانا٭محرم الحرام کے مدنی پھول٭رہائشی کورسز کے اہداف مکمل کرنا٭ نومبر 2024ء میں نگران اسلامی بہنوں کے سنتوں بھرے اجتماع میں شرکت کرنا٭ رسالہ کارکردگی کے اہدف میں مزید بہتری لانا٭آسٹریلیا میں 8 دینی کاموں کے اہداف 2024ء٭نیو تنظیمی اپڈیٹس اپنی مشاورتوں تک پہنچانا٭ علاقائی دورہ برائے نیکی کی دعوت ہر اسٹیٹ نگران تک پہنچانا٭مفتیانِ کرام کے آن لائن سیشنز میں شرکت کرنا٭نگرانِ شوریٰ کے بیان میں شرکت کرنا٭جملہ ذمہ داران کے درمیان ٹریننگ سیشن منعقد کروانا۔

ملک و بیرونِ ملک کی اسلامی بہنوں کو دینِ اسلام کی تعلیمات سکھانے والی عاشقانِ رسول کی دینی تحریک دعوتِ اسلامی کے تحت 2 جولائی 2024ء کو بیرونِ ملک کی ذمہ دار اسلامی بہنوں کا مدنی مشورہ ہوا۔

معلومات کے مطابق اس مدنی مشورے میں اسٹیٹ نگران اور نیوزی لینڈ کی نگران اسلامی بہنوں کی شرکت ہوئی جنہوں نے مختلف موضوعات کے متعلق گفتگو کی جن میں سے بعض درج ذیل ہیں:

٭ محرم الحرام کے مدنی پھولوں٭ رہائشی کورسز کا ہدف پورا کرنا٭ نومبر 2024ء میں نگران اسلامی بہنوں کے سنتوں بھرے اجتماع میں شرکت کرنا٭ رسالہ کارکردگی کے اہدف میں مزید بہتری لانا٭آسٹریلیا میں 8 دینی کاموں کے اہداف 2024ء ٭نیو تنظیمی اپڈیٹس اپنی مشاورتوں تک پہنچانا٭ علاقائی دورہ برائے نیکی کی دعوت ہر اسٹیٹ نگران تک پہنچانا٭مفتیانِ کرام کے آن لائن سیشنز میں شرکت کرنا٭نگرانِ شوریٰ کے بیان میں شرکت کرنا٭جملہ ذمہ داران کے درمیان ٹریننگ سیشن منعقد کروانا۔

دعوتِ اسلامی کے تحت 9 جولائی 2024ء کو  شعبہ فیضانِ صحابیات حیدرآباد ڈویژن کا آن لائن مدنی مشورہ منعقد کیا گیا جس میں ملک و صوبہ سندھ سطح کی فیضانِ صحابیات ذمہ دار، حیدرآباد ڈویژن نگران ، ڈویژن سطح کی فیضان صحابیات ذمہ دار اور حیدرآباد ڈویژن میں موجود تمام فیضان صحابیات کے اسٹاف کی اسلامی بہنوں نے شرکت کی۔

ذمہ داران سے گفتگو کے دوران نگرانِ پاکستان مجلسِ مشاورت اسلامی بہن نے بیان کیا جس میں انہوں نے اسلامی بہنوں کی جانب سے دینی کاموں میں درپیش مسائل کا حل بتایا۔

اس موقع پر نگرانِ پاکستان مجلسِ مشاورت نے فیضان صحابیات کی آباد کاری کے حوالے سے کلام کیا نیز ذمہ داران کے سفر شیڈول اور کارکردگی شیڈول سمیت تقرری مکمل کرنے کے حوالے سےاسلامی بہنوں کی ذہن سازی کی ۔