امتِ مسلمہ کی خدمت اور فلاح و بہبود کے لئے ایک جدید و معیاری کلینک کا قیام عمل میں لایا جا رہا ہے جہاں کم قیمت میں علاج و معالجہ فراہم کیا جائے گا نیز مختلف ٹیسٹ کی سہولیات بھی دستیاب ہوں گی۔

معلومات کے مطابق آج 11 جولائی 2025ء کو شام 6 بجے، دعوتِ اسلامی کے فلاحی شعبے FGRF کے زیرِ اہتمام حیدرآباد کے مدنی مرکز فیضانِ مدینہ آفندی ٹاؤن کے سامنے پلاٹ نمبر C-6، بلاک نمبر 3 میں ”مدنی کلینک“ کا باقاعدہ افتتاح کیا جائے گا۔

اس تقریب میں دعوتِ اسلامی کی مرکزی مجلسِ شوریٰ کے اراکین حاجی محمد علی عطاری اور حاجی محمد فاروق جیلانی عطاری مہمانِ خصوصی کے طور پر شرکت کریں گے جبکہ شرکا کو صحت کے حوالے سے مفید معلومات اور علاج و معالجہ کی جدید سہولیات سے آگاہی حاصل کرنے کا موقع ملے گا۔

تمام عاشقانِ رسول کو اس تقریب میں شریک ہونے کی دعوت دی جاتی ہے تاکہ ہم سب مل کر اپنی صحت کے ساتھ ساتھ دین و دنیا کی فلاح کے لئے اس نیک کام کا حصہ بن سکیں۔(کانٹینٹ:غیاث الدین عطاری)

15 محرم الحرام کو شیخ طریقت امیر اہل سنت حضرت علامہ مولانا محمد الیاس عطار قادری  دامت بَرَکَاتُہمُ العالیہ کے بڑے بھائی مرحوم عبد الغنی صاحب کی برسی ہے۔ اسی سلسلے میں امیر اہل سنت دامت بَرَکَاتُہمُ العالیہ نے عاشقان رسول کو اپنے بڑے بھائی کے ایصالِ ثواب کے لئے کم از کم ایک بار درود شریف پڑھنے اور ان کے لئے دعائے مغفرت کرنے کی ترغیب دلائی ہے۔

اس کے علاوہ خلیفہ امیر اہل سنت مولانا حاجی عبید رضا عطاری مدنی مُدَّ ظِلُّہُ العالی نے عاشقان رسول کو علم دین حاصل کرنے کے لئے اسلامک ریسرچ سینٹر (المدینۃ العلمیۃ) کے ذیلی شعبہ ہفتہ وار رسالہ کی جانب سے تیار کردہ 21 صفحات کا رسالہ ”امیر اہل سنت کے بڑے بھائی“ پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے بھی نوازا ہے۔

دُعائےخلیفۂ امیر اہل سنت

یااللہ کریم! جو کوئی 21 صفحات کا رسالہ ”امیر اہل سنت کے بڑے بھائی“ پڑھ یا سُن لے اُسے اور اس کے سارے خاندان کو نیک نمازی اور سچا عاشق رسول بنا اور اس سے ہمیشہ ہمیشہ کے لئے راضی ہوجا۔ اٰمین بجاہِ خاتَم النبیّن صلی اللہ علیہ و سلم

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

شعبہ تحفظ اوراق مقدسہ دعوت اسلامی کے تحت 30جون2025ء کو لاہور سٹی میں   مدنی مشورہ ہوا جس میں ڈسٹرکٹ اور ولنٹیئرذمہ دران نے شرکت کی۔

محمد رضا عطاری صوبائی ذمہ دار لاہور سٹی نے شعبے کے کاموں کا جائزہ لیا اور نئے اہداف طے کرتے ہوئے ہر ہر ٹاون میں تحفظ اوراق مقدسہ کے اسٹور بنانے پر مشاورت کی ۔(کانٹینٹ:شعیب احمد عطاری)

گزشتہ دنوں فیضان مدینہ  فیصل آباد میں7دن کا طہارت کورس منعقد ہوا جس میں ساہیوال ڈویژن کے عاشقان رسول نے شرکت کی نگران پاکستان مشاورت حاجی محمد شاہد عطاری نے کورس میں طہارت کے مسائل ، وضو کا طریقہ ، غسل کا طریقہ ، تیمم کا طریقہ ، وضو توڑنے والی چیزوں کے مسائل ، پاکی اور ناپاکی کے مسائل وغیرہ سیکھاتے ہوئے مختلف دینی کام کرنے کے طریقہ کار سے آگاہی فراہم کی۔

اس موقع پر نگران پاکستان مشاورت نے تربیتی بیانات بھی فرمائےجبکہ تفسیر کے حلقے کا بھی اہتمام ہوا نیز کورس میں شریک ہونے والے عاشقان رسول نے محرم الحرام میں ہونے والے لائیو مدنی مذاکروں میں بھی شرکت کی ۔

آخر میں کورس مکمل کرنے والے عاشان رسول کا ٹیسٹ ہوا بہترین کار کردگی والے اسلامی بھائیوں کو انعامات دیئے گئے جبکہ کورس مکمل کرنے والے عاشقان رسول کو اسناد پیش کیا گیا نیز نگران پاکستان مشاورت نے اسلامی بھائیوں سے ملاقات بھی کی۔ (رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:شعیب احمد عطاری)

28جون2025ءکو پنجاب کے شہر فیصل آباد میں قائم دعوت کے دینی اور تعلیی بورڈ کنز المدارس کے صدر کے زیراہتمام ایک مفید تربیتی نشست کا انعقاد کیا گیا جس میں دعوت اسلامی کی مرکزی مجلس شوریٰ کے رکن و صدر کنزالمدارس بورڈ حاجی جنید صاحب نے خصوصی شرکت کی۔

میٹنگ میں ڈاکٹر محمد ادریس نے شعبہ جات کے سربراہان کو امتحانی پرچے درست طریقے سے بنانے کے بارے میں تربیت دی، اسسمنٹ کے طریقے تفصیل سے بتائے، اور امتحانی نظام کو بہتر بنانے کے لیے سب کی حوصلہ افزائی کی بعد میں کنزالمدارس بورڈ کے مختلف شعبہ جات کا تفصیلی وزٹ کیا ۔ (رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:شعیب احمد عطاری)

دعوتِ اسلامی کے زیر اہتمام فیضانِ مدینہ اسلامک سینٹر ڈینڈینونگ نارتھ (Dandenong) آسٹریلیا میں یومِ عاشورا کے موقع پرسنتوں بھرا اجتماع منعقد ہوا جس میں بڑی تعداد میں عاشقانِ رسول اور مقامی کمیونٹی کے افراد نے شرکت کی۔ اجتماع کا آغاز تلاوتِ قرآنِ مجید اور نعتِ رسول مقبول صلَّی اللہ علیہ واٰلہٖ وسلَّم سے کیا گیا۔

مبلغِ دعوتِ اسلامی نے نواسۂ رسول شہدائے کربلا اور دین اسلام کی سربلندی کے لئے دی جانی والی قربانیوں کے حوالے سے تفصیلی بیان کیا۔ بیان میں عاشورہ کی اہمیت، روزہ رکھنے کی فضیلت، صبر، وفا، حق پر ڈٹے رہنے اور باطل کے خلاف کلمۂ حق بلند کرنے جیسے موضوعات کو اجاگر کیا گیا۔ اجتماع کا اختتام دعاؤں کے اہتمام کے ساتھ ہوا۔

دعوتِ اسلامی کے زیر اہتمام فیضانِ مدینہ اسلامک سینٹر، لیکیمبا، سڈنی آسٹریلیا میں یومِ عاشورا کے موقع پرسنتوں بھرا اجتماع منعقد ہوا جس میں بڑی تعداد میں عاشقانِ رسول اور مقامی کمیونٹی کے افراد نے شرکت کی۔ اجتماع کا آغاز تلاوتِ قرآنِ مجید اور نعتِ رسول مقبول صلَّی اللہ علیہ واٰلہٖ وسلَّم سے کیا گیا۔

بعد ازاں مبلغِ دعوتِ اسلامی نے نواسۂ رسول حضرت امام حسین رضی اللہ عنہ اور شہدائے کربلا کی عظیم قربانیوں پر تفصیلی بیان کیا۔

بیان میں عاشورہ کی اہمیت، روزہ رکھنے کی فضیلت، صبر، وفا، حق پر ڈٹے رہنے اور باطل کے خلاف کلمۂ حق بلند کرنے جیسے موضوعات کو اجاگر کیا گیا۔ مبلغِ دعوتِ اسلامی نے کہا کہ حضرت امام حسین رضی اللہ عنہ نے کربلا کے میدان میں جو قربانی دی، وہ تا قیامت انسانیت کے لئے مشعلِ راہ ہے۔ عاشورہ ہمیں صبر، قربانی اور دین پر ثابت قدمی کا درس دیتا ہے۔

اجتماع میں دعاؤں کا اہتمام بھی کیا گیا جن میں امتِ مسلمہ کے لئے خصوصی دعائیں کی گئیں۔

انسانیت کی خدمت کے جذبے سے سرشار فلاحی ادارے فیضان گلوبل ریلیف فاؤنڈیشن (FGRF) تھلیسیمیا کے مریض بچوں کے لئے مسلسل تعاون فراہم کرنے پر انڈس ہسپتال (IDNUS HOSPITAL) کی جانب سے اعزازی شیلڈ پیش کی گئی۔

یہ اعزاز انڈس اسپتال نے ایک خصوصی تقریب کے دوران پیش کیا جس میں اسپتال کے سینئر ڈاکٹرز، فاؤنڈیشن کے نمائندگان اور متعدد معزز شخصیات نے شرکت کی۔ شیلڈ پیش کرنے کا مقصد FGRF کی ان بے لوث کوششوں کا اعتراف کرنا تھا جو وہ تھلیسیمیا جیسے مہلک مرض میں مبتلا بچوں کے علاج و معالجے، خون کی فراہمی اور ذہنی و جسمانی بحالی کے لئے کر رہی ہے۔

تقریب میں اسپتال انتظامیہ کا کہنا تھا کہ:

FGRF کا تعاون نہ صرف خون (Blood) کی امداد تک محدود ہے بلکہ ان کی ٹیم کا خلوص، وقت اور مسلسل موجودگی ہمارے مریض بچوں اور ان کے خاندانوں کے لیے امید کی کرن ہے۔ یہ اعزاز ان کے اسی جذبے کو سراہنے کے لیے پیش کیا گیا ہے۔

دوسری جانب FGRF کے نمائندے نگران FGRF یوکے سید فضیل رضا عطاری نے اس موقع پر انڈس اسپتال کا شکریہ ادا کرتے ہوئے کہا کہ ہم انسانیت کی خدمت کو اپنا فرض سمجھتے ہیں اور مستقبل میں بھی تھلیسیمیا سمیت دیگر مہلک بیماریوں سے متاثرہ افراد کی خدمت کرتے رہیں گے۔ یہ اعزاز ہمارے جذبے کو مزید مضبوط کرے گا۔

واضح رہے کہ FGRF نہ صرف پاکستان بلکہ دنیا بھر میں قدرتی آفات، غربت، بھوک اور بیماری کے خلاف سرگرم عمل ایک فعال فلاحی تنظیم ہے، جو دعوتِ اسلامی کے عالمی فلاحی وژن کا عملی نمونہ ہے۔

کراچی کے عالمی مدنی مرکز فیضانِ مدینہ میں نعت خواں حضرات کے لئے ہونے جا رہا ہے ایک خصوصی مدنی مذاکرہ  جس میں نعت خواں اسلامی بھائی شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ سے اپنے سوالات کے جوابات حاصل کریں گے اور اُن کے مدنی پھولوں سے فیضیاب ہوں گے۔

یہ مدنی مذاکرہ دعوتِ اسلامی کے عالمی مدنی مرکز، فیضانِ مدینہ کراچی میں کل بروز منگل (8 جولائی 2025ء) کی شب بعد نمازِ عشارات تقریباً 9:45 پر منعقد کیا جائے گا جوکہ مدنی چینل پر براہِ راست نشر بھی ہوگا۔

نعت خوانی میں شغف رکھنے والے عاشقانِ رسول اور دیگر اسلامی بھائی علمِ دین سیکھنے کی نیت سے اس مدنی مذاکرے میں ضرور بالضرور شرکت کریں اور امیرِ اہلِ سنت دامت بَرَکَاتُہمُ العالیہ کے مدنی پھول سننے کی سعادت حاصل کریں۔( کانٹینٹ:غیاث الدین عطاری)

10 محرم الحرام  1447ھ بمطابق 5 جولائی 2025ء کی شب دعوتِ اسلامی کے عالمی مدنی مرکز فیضانِ مدینہ کراچی میں ہفتہ وار مدنی مذاکرے کا اہتمام کیا گیا جس میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے محرم الحرام کی مناسبت سے مدنی پھول ارشاد فرمائے اور مدنی مذاکرے میں شریک کثیر عاشقانِ رسول کی دینی، اخلاقی و تنظیمی اعتبار سےتربیت کی۔

مدنی مذاکرے میں ہونے والے بعض سوال و جواب:

سوال:محبتِ حسین رضی اللہ عنہ کا اظہار عملی طورپر کس طرح ہونا چاہیئے ؟

جواب:امام حسین رضی اللہ عنہ کا ذکرِ خیر کرنا کارِ ثواب ہے، اس کے ساتھ ساتھ اپنے کردار پر بھی نظر رکھنی چاہیئے۔جب ضرورت پڑی تو امام حسین رضی اللہ عنہ نے حق کی خاطراپنے بال بچے ،مال اور اہل وعیال کو قربان کردیا ۔یہی جذبات ہمارے بھی ہونے چاہئیں ۔یہ مشہورہے اورسب جانتے ہیں کہ امام حسین رضی اللہ عنہ نے ظہر کی نمازکے لئے اپنا سر سجدے میں رکھ دیاتھا اور اسی حالت میں آپ نے جامِ شہادت نوش کیاتھا ۔گویا آپ نے پیغام دیاکہ یہ سر اللہ پاک کی بارگاہ میں جھکاہے باطل کے آگے نہیں جھکا۔ہمیں بھی نمازوں کی پابندی کرنی چاہیئے ۔آپ نے تلواروں کے سائے میں بھی نماز ادا کی اورہم پنکھوں بلکہ ACکے ہوتے ہوئے بھی نمازنہ پڑھ پائیں ! امام حسین رضی اللہ عنہ نے حق اورسچ کا ساتھ دیا، ہمیں بھی ہمیشہ حق اورسچ کا ساتھ دینا ہے ۔آپ نے اس آزمائش پر صبر کیا ،ہمیں کسی تکلیف و مصیبت کا سامنا ہوتو ہم بھی صبرکریں ۔صبر کا حکم اوردرس تو قرآنِ پاک میں دیا گیا ہے ۔مصیبت پر صبرکریں گے تو صابرین کے لئے جنت کی خوشخبری ہے ۔

سوال:اہلبیت سے محبت کرنے والوں کے لئے کیا خوشخبری ہے۔

جواب:اہلبیت سے محبت کرنے والوں کے لئے شفاعتِ مصطفی صلَّی اللہ علیہ واٰلہٖ وسلَّم کی خوشخبری ہے ،اولاد کو نبیِ کریم صلَّی اللہ علیہ واٰلہٖ وسلَّم اور اہلبیت ِاطہارکی محبت سکھانے کا حکم دیا گیا ہے۔الحمدللہ !ہم سُنّیوں میں محبتِ اہلبیت بہت ہوتی ہے ۔جب مَیں اتناچھوٹاتھا کہ امام حسین کا نام لینا نہیں آتاتھا ،اس وقت بھی اس بات کو سمجھتاتھا کہ امام حسین رضی اللہ عنہ بہت بڑی ہستی ہیں ۔میری بڑی بہن کا نام خدیجہ، دوسری بہن کانام فاطمہ اورتیسری کا نام زہرا تھا۔مَیں یہ کہہ سکتاہوں کہ مَیں نے اپنےخاندان میں اہلبیت وساداتِ کرام کا تذکرہ اورمحبت بچپن سےدیکھی سُنی ہے ۔دعوتِ اسلامی کی بات کی جائے تو بچے بچے کو اہلبیت اورسادات سے محبت کرتا پائیں گے ۔یہاں سادات کااتنا ادب سکھایا جاتاہے کہ سید صاحبان دیکھ کر حیران رہ جاتے ہیں ۔اہلبیت وسادات سے محبت ہی کرنی ہے جوان کا گستاخ ہے اس کی بات سننی ہی نہیں ،سنیں گے تو وسوسے آئیں گے، صرف عاشقانِ رسول اورمحبت ِاہلبیت وصحابہ رکھنے والوں کی بات سنیں ۔اللہ پاک ہمیں ان کی بے ادبی سے بچائے اورہماری نسلوں میں بھی صحابہ واہلبیت کے بے ادب کو پیدانہ کرے ۔فرمانِ نانائے حسین (صلَّی اللہ علیہ واٰلہٖ وسلَّم ):جو اہلبیت سے بغض رکھے وہ منافق ہے ۔(الصواق المحرقہ ،ص 216)

سوال : شہادت کے وقت حضرت امام حسین رضی اللہ عنہ کی عمر مبارک کتنی تھی؟

جواب : 56سال 5ماہ 5دن۔

سوال: کیا عاشورا(10 محرم)کا روزہ رکھنا سنت ہے ؟

جواب: جی ہاں!یہ بڑا مبارک دن ہے ۔اس میں نیکیاں کرنے کا ثواب بھی زیادہ ہے ،جوعاشوراکا روزہ رکھے ،اس کے لئے خوشخبری ہے کہ ایک سال کے صغیرہ گناہ معاف ہوجاتے ہیں ۔

سوال: اِس ہفتے کارِسالہ ”شانِ حسنینِ کریمین مع عاشورا کے فضائل “ پڑھنے یاسُننے والوں کوامیرِاہلِ سنت دامت برکاتہم العالیہ نے کیا دُعا دی ؟

بیرونِ ممالک میں ہونے والے دینی کاموں کے سلسلے میں 20 جون 2025ء کو دعوتِ اسلامی کے تحت آن لائن  مدنی مشورے کا انعقاد ہوا جس میں بیئرا، موزمبیق کی بعض ذمہ دار اسلامی بہنیں، ساؤدرن افریقہ کی رکنِ عالمی مجلسِ مشاورت اور نگرانِ سب کانٹیننٹ اسلامی بہن بذریعہ انٹرنیٹ شریک ہوئیں۔

صدیق آباد میں قائم فیضانِ صحابیات میں تخصص فی الدعوۃ کی طالبات کے درمیان  ہونے والے ”8 دینی کام کورس“ میں 18 جون 2025ء کو ایک سیشن ہوا جس میں خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت کی آمد ہوئی۔

اس موقع پر صاحبزادیِ عطار سلمہا الغفار نے صحابۂ کرام کی محبت و عقیدت کے حوالے سے بیان کیا اور کفایت شعاری کے متعلق طالبات کو مدنی پھولوں سے نوازا جبکہ نگرانِ عالمی مجلسِ مشاورت اسلامی بہن نے طالبات کو دعوتِ اسلامی کی ذمہ داریاں لینے کی ترغیب دلائی جس پر انہوں نے اچھی اچھی نیتیں کیں۔