عالمی سطح کی دینی تحریک دعوتِ اسلامی کے تحت 27 جون 2025ء کو ڈویژن شیخوپورہ میں صبح 11:00 تا 12:00 بجے تک فیضانِ صحابیات قصور کی ذمہ داران کا آن لائن مدنی مشورہ ہوا جس میں شعبہ عالمی و پاکستان سطح شعبہ رہائشی کورسز ذمہ دار اور صوبائی سطح کی شعبہ رہائشی کورسز ذمہ داران شریک ہوئیں۔

مدنی مشورے کی ابتدا میں دعوتِ اسلامی کی نگرانِ پاکستان مجلسِ مشاورت اسلامی بہن نے رہائشی کورسز کی سابقہ کارکردگیوں کا جائزہ لیا اور کارکردگی و کورسز کے انتظامات پر اُن کی حوصلہ افزائی کی۔

اس کے علاوہ نگرانِ پاکستان مجلسِ مشاورت نے شعبے میں مزید بہتری کے لئے آئندہ کے اہداف طے کئے جس پر ذمہ دار اسلامی بہنوں نے اچھی اچھی نیتیں کیں۔

راولپنڈی، 26 جون 2025 :

عاشقانِ رسول کی دینی تحریک دعوتِ اسلامی کے تحت پاکستان مجلسِ مشاورت آفس میں اسلامی بہنوں کے ساتھ ایک اہم سیشن منعقد کیا گیا جس میں دفتر ذمہ دار، ایچ آر ڈیپارٹمنٹ، سافٹ ویئر، فالو اپ اور فیڈبیک کی ذمہ داران سمیت 17 اسلامی بہنوں نے شرکت کی جبکہ بعض اسلامی بہنوں نے آن لائن بھی شرکت کی۔

اس موقع پر پاکستان مجلسِ مشاورت کی نگران اسلامی بہن نے دفتر ذمہ دار کے کردار اور ذمہ داریوں کے حوالے سے گفتگو کرتے ہوئے کہا کہ ایک دفتر ذمہ دار کا کردار بہت اہم ہوتا ہے اور اسے اپنے کام کے طریقہ کار کو مؤثر و منظم بنانا چاہیئے۔

اس سیشن میں زیرِ بحث اہم نکات شامل تھے:

٭دفتر ذمہ دار کو اپنا ٹائم وائز شیڈول بنانا اور اس پر عمل درآمد

٭جے ڈی کے مطابق کام کرنے کی اہمیت

٭کارکردگی بہتر بنانے کے لئے ذمہ دار کے ساتھ رابطہ مضبوط بنانا

٭دفتر کے ریکارڈ کو منظم انداز میں محفوظ کرنا

٭کمپیوٹر اسکلز کو بڑھانے کی ترغیب

٭شعبہ کارکردگی کو بہتر بنانے کے لئے اقدامات

موزمبیق کی اسلامی بہنوں  میں ہونے والے دینی کاموں کا فالو اپ لینے اور ان میں مزید بہتری لانے کے لئے 28 جون 2025ء کو آن لائن مدنی مشورے کا انعقاد کیا گیا جس میں سب کانٹیننٹ نگران، ملک نگران اور سٹی نگران اسلامی بہنوں نے شرکت کی۔

ذمہ دار اسلامی بہنوں نے دینی کاموں پر کلام کرتے ہوئے مختلف نکات پر مشاورت کی جن میں سے بعض یہ ہیں: ٭ اسلامی بہنوں کے دینی کام بڑھانے کے لئے جگہوں کی ضرورت٭ جامعۃ المدینہ گرلز کے نصاب کو translate کرنا۔

دعوتِ اسلامی کے تحت اسٹوڈنٹس، ٹین ایجرز اور بچیوں میں ہفتہ وار رسالہ مطالعہ کو بہتر انداز میں بڑھانے کے سلسلے میں 23 جون 2025ء کو اراکینِ عالمی مجلسِ مشاورت کا آن لائن مدنی مشورہ ہوا جس  میں جدید ٹیکنالوجی اور AI کو helping tool بناتے ہوئے نئے طریقے لانے پر کلام کیا گیا۔

اس موقع پر مبلغۂ دعوتِ اسلامی نے ذمہ دار اسلامی بہنوں کی مختلف امور پر رہنمائی کی اور انہیں احسن انداز میں دینی کام کرتے رہنے کی ترغیب دلائی جن میں سے بعض درج ذیل ہیں:

٭ سب کانٹیننٹ سے اوورسیز اجتماع میں ذمہ دار اسلامی بہنوں کو شرکت کروانا٭ فیملی اجتماع کے طریقۂ کار سے آگاہ کیا جائے تاکہ مدنی مرکز کے دیئے ہوئے طریقہ ٔکار کے مطابق فیملی اجتماعات منعقد کئے جا سکیں٭26 ویں شریف کے موقع پر امیرِ اہلِ سنت دامت بَرَکَاتُہمُ العالیہ کی بارگاہ میں اچھی نیتوں کے تحائف پیش کرنا۔

16 جون     2025ء کو اراکینِ عالمی مجلس مشاورت اور اراکینِ انٹرنیشنل افیئرز ڈیپارٹمنٹ کا مدنی مشورہ ہوا جس میں کراچی میں موجود اراکینِ عالمی مجلسِ مشاورت نے براہِ راست شرکت کی جبکہ دوسرے شہروں اور ملکوں میں موجود اراکینِ عالمی مجلس مشاورت کی آن لائن شرکت ہوئی ۔

اس مدنی مشورے میں بعض سب کانٹیننٹ نگران اور عالمی و انٹرنیشنل افیئرز ڈیپارٹمنٹ کی اراکین نے اپنے سب کانٹیننٹ میں ہونے والے دینی کاموں سمیت شعبہ جات کے دینی کاموں کی کارکردگی پر پریزنٹیشن دی۔

اس دوران سابقہ سال کی کارکردگی کا تقابلی جائزہ لیا گیا اور آئندہ کے اہداف سے تقابل کیا گیا۔اس کے علاوہ 2025ء کی پلاننگ کو بھی پیشِ نظر رکھا گیا اور اس پر تبادلۂ خیال کیا گیا۔

وزیرآباد، گجرات (26 جون 2025ء) -صوبہ پنجاب کے شہر وزیرآباد میں ڈسٹرکٹ وزیرآباد کے ذمہ داران کے درمیان نیکی کی دعوت عام کرنے اور دینی کاموں کے سلسلے میں ایک اہم مدنی مشورہ ہوا جس میں گجرات، علی پور چھٹہ، حافظ آباد اور وزیرآباد سے شعبہ ذمہ داران و نگران اسلامی بہنوں نے شرکت کی۔

اس موقع پر صوبہ پنجاب مشاورت کی نگران اسلامی بہن نے دینی خدمات کی اہمیت پر روشنی ڈالتے ہوئے اسلامی بہنوں کو اپنے شب و روز نیک اعمال کے مطابق گزارنے کی ترغیب دلائی اور ماہانہ سیکھنے سکھانے کے حلقوں میں پابندی سے شرکت کرنے نیز دینی کاموں میں حصہ لینے کا ذہن دیا۔

مدنی مشورے کے دوران نگرانِ صوبہ پنجاب مشاورت نے دینی سرگرمیوں کا تفصیلی جائزہ لیتے ہوئےشعبہ مدرسۃالمدینہ بالغات اور شعبہ گلی گلی مدرسۃالمدینہ کی کلاسز کے آغاز کے لئے اقدامات پر گفتگو کی جبکہ شعبہ قرآن ٹریننگ کورسز کے تحت ٹیچرز کی تربیت اور یو سی سطح پر کورسز کروانا بھی گفتگو میں شامل تھا۔

ذمہ دار اسلامی بہنوں کو نیو یو سیز میں دینی کام کے آغاز کے لئے اہداف دیئے گئے ساتھ ہی ڈونیشن بکسز اور گھریلو صدقہ بکسز کا ریکارڈ تیار کرنے پر کلام کیا۔

صوبہ گلگت بلتستان کے شہر جٹیال میں 22 جون 2025ء کی دوپہر 3:00 سے 5:00 بجے تک ایک ٹریننگ سیشن کا انعقاد ہوا جس میں ذیلی حلقے جٹیال، سلطان آباد، رحمان آباد اور سکور کی کم و بیش 35  ذمہ دار اسلامی بہنیں شریک ہوئیں۔

ذمہ داران کی تربیت کے لئے پاکستان مجلسِ مشاورت کی نگران اسلامی بہن نے ”علمِ دین کے فضائل“ کے موضوع پر بیان کیااور وہاں موجود اسلامی بہنوں کی مختلف امور پر ذہن سازی کی جن میں سے بعض درج ذیل ہیں:

٭منسلک، معلمات اور مبلغات کی فہرست تیار کرنا٭ہفتہ وار سنتوں بھرے اجتماع میں پابندی کے ساتھ شرکت کرنا٭سنتوں بھرے اجتماعات کو مضبوط بنانا٭مدرسۃالمدینہ بالغات میں پڑھنا/پڑھانا٭نئی جگہوں پر دینی کام کا آغاز کرنا٭جولائی 2025ء میں”معلمہ مدنی قاعدہ کورس“ کروانا۔

ٹریننگ سیشن کے اختتام پر نگران و ذمہ دار اسلامی بہنوں نے پاکستان مجلسِ مشاورت کی نگران سے ملاقات کی جبکہ ذمہ داران کی نمایاں کارکردگی پر اُن کی حوصلہ افزائی کے لئے رسائل و تحائف تقسیم کئے گئے۔ 

21 جون 2025ء:

دعوتِ اسلامی کے زیرِ اہتمام استور شہر، صوبہ گلگت بلتستان کے علاقے بلند میں نیکی کی دعوت عام کرنے کے لئے سیشن کا انعقاد کیا گیاجس میں مقامی ذمہ دار اسلامی بہنوں نے شرکت کی۔

سیشن کا باقاعدہ آغاز صبح 10:00 بجے ہوا جس میں نگرانِ پاکستان مجلسِ مشاورت اسلامی بہن نے مدرسۃ المدینہ بالغات کے لئے ٹیسٹ کے حوالے سے ذمہ داران کو ہدف دیا اور مدرسۃ المدینہ گرلز کی طالبات کے بارے میں مشاورت کی۔

اس کے علاوہ نگرانِ پاکستان مجلسِ مشاورت نے ہفتہ وار سنتوں بھرے اجتماع میں پابندی کے ساتھ شرکت کرنے اور اجتماعات کو مزید مضبوط بنانے کے لئے مدنی پھول بیان کئے۔

سیشن کے بعد تقریباًدوپہر 12:30 تا 1:30 بجے کے دوران نگرانِ پاکستان مجلسِ مشاورت نے ذمہ داران کے ہمراہ عوامی سطح پر نیکی کی دعوت دی ۔

گوریکورٹ شہر، صوبہ گلگت بلتستان کے علاقے چھوگام میں 20 جون 2025ء کو دعوتِ اسلامی کے دینی کاموں کے سلسلے میں نگرانِ پاکستان مجلسِ مشاورت نے دیگر ذمہ داران کے ہمراہ ایجوکیشن ڈیپارٹمنٹ سے تعلق رکھنے والی گورنمنٹ ٹیچرز سے ملاقات کی۔

ملاقات کے دوران نگرانِ پاکستان مجلسِ مشاورت اسلامی بہن نے ٹیچرز کو دعوتِ اسلامی کا تعارف کرواتے ہوئے انہیں اسکولز میں دعوتِ اسلامی کے دینی کام کرنے اور طالبات میں اصلاحی و اسلامی علوم پر مشتمل مختلف سیشنز کروانے کی ترغیب دلائی۔

اسی طرح علاقہ چھوگام ہی کی جملہ ذمہ دار اسلامی بہنوں کے لئے ایک بھی سیشن منعقد ہوا جس میں نگرانِ پاکستان مجلسِ مشاورت نے ذیلی حلقے میں نگران اور علاقائی دورہ برائے نیکی کی دعوت کی ذمہ دار اسلامی بہنوں کا تقرر کیا۔

اس موقع پر نگرانِ پاکستان مجلسِ مشاورت نے اسلامی بہنوں کو نئے اجتماعات شروع کروانے اور مدرسۃالمدینہ بالغات میں پڑھنے کا ذہن دیا جس پر انہوں نے اچھی اچھی نیتوں کا اظہار کیا۔

09 جولائی 2025ء بمطابق  13محرم الحرام 1447ھ کو پنجاب کے شہر منڈی واربرٹن کی جامع مسجد مدینہ میں جاری امیر قافلہ کورس کے اسلامی بھائیوں کے لئے ”فرض علوم کورس“کا اہتمام کیا گیا۔

رکنِ مرکزی مجلسِ شوریٰ مولاناحاجی محمد عقیل عطاری مدنی نےتمام اسلامی بھائیوں کواپنےمنصب کے مطابق فرض علوم سیکھ کر ذمہ داری کو احسن واکمل انداز میں پورا کرنے اور فرض علوم بالخصوص بنیادی عقائد و احکام سیکھ کر اپنے ماتحت و منسلکین افراد کو سمجھانے کی ترغیب دلائی۔

دعوتِ اسلامی کے نیو سوسائٹیز ڈیپارٹمنٹ کے تحت ملتان، بہاولپور بائی پاس کے قریب محسن ٹاؤن میں مدرسۃالمدینہ تبسم ِرسول (گرلز) کی عمارت زیرِ تعمیر تھی جس کی الحمدللہ 4 جولائی 2025ء کو چھت (لینٹر) کی بھرائی کا کام مکمل کردیا گیا۔

اس موقع پر رکنِ مرکزی مجلسِ شوریٰ قاری محمد سلیم عطاری نے زیرِ تعمیر مقام کا وزٹ کیا جن کے ہمراہ ڈویژن نگران ملتان محمد سادات عطاری، شعبہ تعمیرات سے وابستہ اسلامی بھائی اور نیوسوسائٹی ڈیپارٹمنٹ کے نیوتعمیرات ڈیپاڑٹمنٹ ذمہ دار قاری محمد خالد عطاری بھی موجود تھے۔

رکنِ شوریٰ نے اس دوران ایک حلقہ لگایا جس میں مسجد اور مدرسہ بنانے کے فضائل بیان کرتے ہوئے دعوتِ اسلامی کے ساتھ معاونت کرنے والی شخصیات کا شکریہ ادا کیا اور انہیں دعوتِ اسلامی کے تحت قائم مدارس المدینہ، جامعات المدینہ نیز اُن میں زیرِ تعلیم طلبہ و طالبات کے حوالے سے تفصیلی بریفنگ بھی دی۔

آخر میں رکنِ شوریٰ نے مدنی چینل کو تاثرات دیئے اور ناظرین کو دعوت دی کہ وہ بھی دعوتِ اسلامی کے دینی اداروں مدارس المدینہ و جامعات المدینہ اور مساجد کی تعمیرات میں حصہ لے کر صدقۂ جاریہ میں شامل ہوں۔(رپورٹ:محمد فاروق عطاری نیوسوسائٹیز ڈیپارٹمنٹ آفس ذمہ دار ، کانٹینٹ:غیاث الدین عطاری)

شعبہ معاونت برائے اسلامی بہنیں دعوتِ اسلامی کے تحت  1 جولائی 2025ء کو عالمی مدنی مرکز فیضانِ مدینہ کراچی میں مدنی مشورہ ہوا جس میں نگرانِ شعبہ اور صوبائی سمیت مختلف شعبہ جات کے ذمہ دار اسلامی بھائی شریک ہوئے۔

اس مدنی مشورے میں رکنِ مرکزی مجلسِ شوریٰ مولانا حاجی ابوماجد محمد شاہد عطاری مدنی نے مختلف موضوعات پر کلام کیا جن میں سے بعض یہ ہیں:٭ہفتہ وار اجتماعات کی تعداد بڑھانا٭نئے فیضانِ صحابیات کا قیام٭گلی گلی مدرسۃالمدینہ اور مدرسۃالمدینہ بالغات کی تعداد میں اضافہ کرنا٭اسلامی بہنوں کے دینی کاموں کو بڑھانا۔

رکنِ شوریٰ نے ذمہ دار اسلامی بھائیوں کی تربیت و رہنمائی کرتے ہوئے شعبے کے کام میں ترقی کیسے ہو؟ اور شعبے کے دینی کاموں کو کیسے بڑھایا جائے؟ اس حوالے سے مدنی پھول بیان کئے جس پر تمام ذمہ داران نے اپنی اپنی رائے پیش کی۔(رپورٹ: طاہر اقبال عطاری شعبہ معاونت برائےاسلامی بہنیں آفس ذمہ دار ، کانٹینٹ:غیاث الدین عطاری)