دعوتِ اسلامی کے اسپیشل پرسنز ڈیپارٹمنٹ کے تحت ڈسٹرکٹ جہلم سے ڈیف اسلامی بھائیوں کا قافلہ مدنی مرکز فیضانِ مدینہ مری، چیٹا موڑ کے سفر پر روانہ ہوا جس میں ڈسٹرکٹ ذمہ دار عبدالقیوم عطاری بھی شریک ہوئے۔

قافلے کے دوران اسپیشل پرسنز کے لئے سیکھنے سکھانے کے حلقے لگائے گئے اور درس و بیان کا سلسلہ ہوا نیز اسپیشل پرسنز نے فرض نمازوں کے ساتھ ساتھ تہجد، اشراق و چاشت اور اوبین کے نوافل بھی ادا کئے۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

13 جولائی 2025ء کو ڈویژن ساہیوال، صوبہ پنجاب  کے شہر چیچہ وطنی میں دعوتِ اسلامی کے دینی کاموں کے سلسلے میں ایک میٹنگ ہوئی جس میں تمام ذمہ دار اسلامی بھائیوں کی شرکت رہی۔

ذمہ داران سے گفتگو کرتے ہوئے صوبائی ذمہ دار محمد فہیم عطاری اور مولانا عابد حسین عطاری مدنی نے 12 دینی کاموں کے سابقہ اہداف کا جائزہ لیتے ہوئے آئندہ کے اہداف طے کئے اور نمایاں کارکردگی کے حامل اسلامی بھائیوں کو تحائف بھی دیئے۔

علاوہ ازیں صوبائی ذمہ دار نے اسلامی بھائیوں کو 12 دینی کام کرنے بالخصوص ہفتہ وار اجتماع و مدنی مذاکرے میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ: حافظ نسیم عطاری سوشل میڈیا ڈیپارٹمنٹ آف پاکستان شعبہ تحفظ اوراق مقدسہ ، کانٹینٹ:غیاث الدین عطاری)

صوبہ پنجاب کے شہر گجرات میں دعوتِ اسلامی کے تحت ہونے والے دینی کاموں کا جائزہ لینے کے لئے 12 جولائی 2025ء کو ایک مدنی مشورہ ہوا جس میں مقامی ذمہ داران نے شرکت کی۔

اس موقع پر مبلغِ دعوتِ اسلامی محمد عثمان عطاری نے اسلامی بھائیوں سے گفتگو کرتے ہوئے دینی کاموں کے سابقہ اہداف کا جائزہ لیا اور آئندہ کے اہداف طے کئے نیز نمایاں کارکردگی کے حامل اسلامی بھائیوں کو تحائف بھی دیئے۔(رپورٹ: حافظ نسیم عطاری سوشل میڈیا ڈیپارٹمنٹ آف پاکستان شعبہ تحفظ اوراق مقدسہ ، کانٹینٹ:غیاث الدین عطاری)

دعوتِ اسلامی کے شعبہ اصلاحِ اعمال کے تحت پچھلے دنوں صوبہ پنجاب کے شہر کوٹ ادو میں واقع مارکیٹ میں سیکھنے سکھانے کا حلقہ لگایا گیا جس میں تاجران سمیت مختلف شعبوں سے تعلق رکھنےوالے عاشقانِ رسول نے شرکت کی۔

حلقے کے دوران صوبہ پنجاب کے ذمہ دار غلام عباس عطاری نے حلقے میں موجود عاشقانِ رسول کو نمازوں کی پابندی کرنے، تلاوتِ قراٰن کرنے، امیرِ اہلِ سنت دامت بَرَکَاتُہمُ العالیہ کے عطاکردہ نیک اعمال کے مطابق اپنی زندگی گزارنے کی ترغیب دلائی جس پر انہوں نے اچھی اچھی نیتیں کیں۔

آخر میں ذمہ دار اسلامی بھائی نے حلقے میں شریک تاجران کو دعوتِ اسلامی کے مکتبۃالمدینہ سے شائع ہونے والے کُتُب و رسائل تحفے میں پیش کئے۔(رپورٹ: شعبہ اصلاحِ اعمال ، کانٹینٹ:غیاث الدین عطاری)

دعوتِ اسلامی کے تحت شیخوپورہ ڈویژن  کے علاقے قلعہ ستار شاہ میں قائم مدرسۃالمدینہ فیضانِ قراٰن (رہائشی) میں 11 جولائی 2025ء کو مختلف سطح کے ذمہ دار اسلامی بھائیوں کی حاضری ہوئی۔

نگرانِ شعبہ مدرسۃالمدینہ رہائشی فلک شیر عطاری نے مدرسۃالمدینہ کا وزٹ کرتے ہوئے تعلیمی و انتظامی معاملات کا جائزہ لیا نیز وہاں موجود بچوں کے درمیان سیکھنے سکھانےکا حلقہ بھی لگایا جس میں انہوں نے بچوں کی دینی و اخلاقی اعتبار سے تربیت کی۔

اس کے علاوہ نگرانِ شعبہ نے مدرسۃالمدینہ کے مدرسین اور ناظم صاحب کے ہمراہ مدنی مشورہ کیا جس میں انہوں نے دعوتِ اسلامی کے دینی کاموں میں بہتری لانےکا ذہن دیا۔(رپورٹ: شعبہ مدرسۃالمدینہ رہائشی ، کانٹینٹ:غیاث الدین عطاری)

گاؤں میلو سیلو، شکرگڑھ، ضلع نارووال کی جامع مسجد مدینہ میں   7 دن کا فیضانِ نماز کورس(رہائشی) منعقد کیا گیا جس میں شرکا کو وضو و غسل کے مسائل، نماز، وضو کا عملی طریقہ، مدنی قاعدہ، سنتیں و آداب اور روز مرہ کی دعائیں سکھائی گئیں۔

اس دوران شرکانے دین کے بنیادی مسائل سیکھے اور دعوتِ اسلامی کے 12 دینی کاموں کے حوالے سے معلومات حاصل کیں۔

کورس کے ذمہ دار اظہر سلیم عطاری (معلم مدنی کورسز) نے شرکا سے گفتگو کرتے ہوئے انہیں اسلامی امور کے بارے میں بھی آگاہی فراہم کی۔

مختلف کورسز کے ذریعے لوگوں کی تربیت کرنے والے دعوتِ اسلامی کے شعبے مدنی کورسز کے تحت 24 جون 2025ء کو اقبال چوک آشیانہ روڈ، بینک اسٹاپ، لاہور میں قائم ایک نجی اسکول میں شارٹ ٹائم ”فیضانِ طہارت کورس“ منعقد ہوا۔

نشتر ٹاؤن لاہور کے جزوقتی معلم علی حسین عطاری نے اسلام میں طہارت کی اہمیت و خصوصیت کے حوالے سے ناصرف بیان کیا بلکہ طہارت کے مسائل، طہارت کی اقسام اور دیگر اہم نکات پر حاضرین کی رہنمائی کی۔

اس کورس میں اسکول کے ٹیچرز، میٹرک کے اسٹوڈنٹس اور دیگر اسٹاف سمیت دعوتِ اسلامی کے ذمہ دار اسلامی بھائی بھی موجود تھے۔(رپورٹ: مولانا محمداحمدسیالوی عطاری مدنی رکن شعبہ مدنی کورسز ، کانٹینٹ:غیاث الدین عطاری)

مختلف ممالک میں دعوتِ اسلامی کے ہونے والے دینی کاموں کا جائزہ لینے کےلئے 29 جون 2025ء کو اسلامی بہنوں کی میٹنگ ہوئی جس میں نیوزی لینڈ کی نگران اسلامی بہنوں نے شرکت کی۔

ابتداءً ذمہ دار اسلامی بہن نے 8 دینی کاموں کا جائزہ لیتے ہوئے نیوزی لینڈ میں کیٹگری کے حساب سے تقرری کرنے اور نئی مبلغہ و مدنیہ اسلامی بہنوں کے حوالے سے مشاورت کی۔

ذمہ دار اسلامی بہن نے اپنی گفتگو کے دوران میٹنگ میں شریک اسلامی بہنوں کو آئندہ کے اہداف دیئے جس پر انہوں نے اچھی اچھی نیتیں کیں۔

26 جون 2025ء کو دعوتِ اسلامی کے تحت دینی کاموں کا فالو اپ لینے کے لئے مدنی مشورے کا انعقاد کیا گیا جس میں اسٹیٹ نگران اسلامی بہنوں کی شرکت ہوئی۔

اس موقع پر مبلغہ ٔ دعوتِ اسلامی نے اسلامی بہنوں کے 8 دینی کاموں پر کلام کرتے ہوئے محرالحرام کے مدنی پھول بیان کئے اور سابقہ کارکردگی کا جائزہ لیا۔

اسی طرح مبلغۂ دعوتِ اسلامی نے نگرانِ شوریٰ کے بیان و دیگر کارکردگی پر مشاورت کی اور دینی ماحول سے منسلک اسلامی بہنوں کی تعداد بڑھانے کا ذہن دیا جس پر ذمہ دار اسلامی بہنوں نے اچھی اچھی نیتوں کا اظہار کیا۔

25 جون 2025ء کو دعوتِ اسلامی کی دینی ایکٹیویٹیز کے سلسلے میں کوئزلینڈ کی ذمہ دار اسلامی بہنوں کا مدنی مشورہ ہوا جس میں مختلف موضوعات پر تبادلۂ خیال کیا گیا ان میں سے بعض درج ذیل ہیں:

٭مدرسۃالمدینہ بالغات کی کلاسز شروع کروانا٭سنتوں بھرے اجتماعات اور کورسز میں شرکا کی تعداد بڑھانا٭محرم الحرام کے آن لائن سیشن یا اجتماعِ ذکرِ شہادت منعقد کروانا٭درس و بیان کے حلقے کے ذریعے مبلغہ تیار کرنا۔

بیرونِ ممالک کی ذمہ دار اسلامی بہنوں سے دینی کاموں کا جائزہ لینے اور اُن کی  تربیت و رہنمائی کے لئے 24 جون 2025ء کو ایک میٹنگ ہوئی جس میں کینٹربری کاؤنسل نگران اور شعبہ مشاورت کی اسلامی بہنوں نے شرکت کی۔

دعوتِ اسلامی کے دینی کاموں کے حوالے سے کلام کرتے ہوئے ذمہ دار اسلامی بہنوں نے محرم الحرام کے مدنی پھولوں پر کلام کیا اور دیگر اہم نکات پر مشاورت کی جس پر تمام ذمہ داران نے اپنی اپنی رائے پیش کی۔

عاشقانِ رسول کی دینی تحریک دعوتِ اسلامی کے دینی کاموں کا فالو اپ لینے کے لئے 23 جون 2025ء کو ایک مدنی مشورہ ہوا جس میں کاؤنسل نگران اسلامی بہنوں نے شرکت کی۔

اس دوران مختلف موضوعات زیرِ بحث رہیں جن میں سے بعض درج ذیل ہیں:

٭محرم الحرام کے مدنی پھول٭8 دینی کاموں کی کارکردگی کا جائزہ٭دینی ماحول سے منسلک اسلامی بہنوں کی تعداد میں اضافہ کرنا٭نگرانِ شوریٰ کے بیان اور دیگر کارکردگی پر مشاورت۔