مجلس مدرسةُ المدینہ (بالغات) کا تعارف

عاشقانِ رسول کی مدنی تحریک دعوتِ اسلامی جہاں اسلامی بھائیوں میں عشقِ رسول، محبتِ صحابہ و اہل بیت و اولیائے کرام اوران کی سیرتِ مبارکہ پر عمل کی ترغیب دلانے کے لئے کم و بیش 107سے زائدشعبہ جات میں نیکی کی دعوت عام کررہی ہے۔اسی طرح اسلامی بہنوں کے38شعبوں میں بھی یہ سلسلہ جاری ہے۔ان میں سے ایک شعبہ ’’ مجلس مدرسةُ المدینہ ( بالغات) ‘‘ بھی ہے جس کے تحت مدرسۃ المدینہ (بالغات) لگائے جاتے ہیں جن کا دورانیہ 60منٹ ہوتاہے جس میں تجوید کے ساتھ قراٰن کی درست تعلیم دی جاتی ہے۔ اِن مدارس میں قراٰنِ کریم سکھانے کے ساتھ ساتھ نماز، غسل اور وضوکے ضروری احکام سے آگاہ کرنا، سنتیں اور آداب سکھانا اور مدنی انعامات کے رسالے کے ذریعے غوروفکر کرنا اور کروانا بھی شامل ہے۔

اَلْحَمْدُ لِلّٰہ! مدرسۃ المدینہ (بالغات) اسکولز، کالجز اور اکیذمیز وغیرہ میں بھی لگائے جاتے ہیں جن میں پروفیشنل طبقے سے تعلق رکھنے والی خواتین کو بھی علمِ دین اور تعلیم قراٰن سے آراستہ کیا جاتا ہے۔اسی طرح گھروں میں پردے کی رعایت کے ساتھ گھرمدرسۃ المدینہ بالغات کی ترغیب بھی دلائی جاتی ہے جس کا دورانیہ 35 منٹ ہوتاہے، اس میں شرکت کرکے اہلِ خانہ محرم تجوید کے ساتھ قراٰن کی درست تعلیم حاصل کرسکتے ہیں۔

مجلس مدرسۃ المدینہ (بالغات)کے تحت ملک وبیرون ملک میں مختلف کورسز کے ذریعے فنِ تجوید کی حامل بہترین مُدَّرِسَات کی تربیت کا سلسلہ جاری ہے۔کروائے جانے والے کورسز یہ ہیں:12 دن کا معلمہ مدنی قاعدہ کورس (رہائشی)، 26دن کا مدنی قاعدہ کورس(غیر رہائشی)، 6ماہ کا ناظرہ قراٰن کورس (غیر رہائشی)۔

مدرسۃ المدینہ (بالغات)کے تحت ماہِ مارچ 2019ءسے ستمبر2019ء تک ان کورسز کے ذریعے کثیر تعداد میں باصلاحیت اور فعال مدرسات تیار ہوئیں ہیں جنہوں نے مدرسۃ المدینہ (بالغات) کا آغازبھی کردیا ہے ، ان کورسز سے اَلْحَمْدُ لِلّٰہ 1000 سے زائد مدارس کا اضافہ ہوا ہے۔