عاشقانِ رسول کی دینی تحریک دعوتِ اسلامی کے تحت 15 فروری 2023ء بروز بدھ اسلامی بہنوں کے لئے بہادر آباد کراچی میں ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔

تلاوتِ کلامِ پاک اور نعتِ رسولِ مقبول صلی اللہ علیہ و سلم کے بعد مبلغۂ دعوتِ اسلامی نے سنتوں بھرا بیان کرتے ہوئے اسلامی بہنوں کو دعوتِ اسلامی کے دینی کاموں میں عملی طور پر حصہ لینے کا ذہن دیا۔

دورانِ اجتماع نگرانِ عالمی مجلسِ مشاورت اسلامی بہن نے تنظیمی طور پر ہونے والے اعلانات کرتے ہوئے شرکا کو اجتماع میں وقت کی پابندی کے ساتھ شرکت کرنے اور نیکی کے دیگر کاموں میں شمولیت اختیار کرنے کی ترغیب دلائی۔

علاوہ ازیں نگرانِ عالمی مجلسِ مشاورت نے اختتامی دعا کروائی جبکہ شرکا اسلامی بہنوں نے صاحبزادیِ عطار سلمہا الغفار سے ملاقات کی۔بعدازاں ایک شخصیت اسلامی بہن کی رہائش گاہ پر صاحبزادیِ عطار سلمہا الغفار اور نگرانِ عالمی مجلسِ مشاورت کی آمد ہوئی جہاں انہوں نے شخصیات کو دعوتِ اسلامی کے مختلف شعبہ جات کے لئے زیادہ سے زیادہ ڈونیشن جمع کروانے کا ذہن دیا۔