دعوت اسلامی کے زیر اہتمام جنوبی کوریا کے شہر انچن میں بذ ریعہ انٹرنیٹ ون ڈے سیشن کا انعقاد کیا گیا جس میں 15 اسلامی بہنوں نے شرکت کی۔

فاریسٹ ریجن نگران اسلامی بہن نے امیر اہل سنت کی دینی کاموں کے لئے انفرادی کوششوں کی حکایات اور امیر اہل سنت نے کس انداز میں نیکی کی دعوت کو عام کیا اس حوالے سے معلومات فراہم کی نیز نیکی کی دعوت عام کرنے کا درست اندازو طریقہ بیان کیاجبکہ سیشن میں شریک اسلامی بہنوں کو ہفتہ وار اجتماع میں باقاعدگی سے شرکت کرنے اور نیک اعمال رسالہ بھر کر جمع کروانے کی ترغیب دلائی۔

سلسلۂ  عالیہ قادریہ رضویہ عطاریہ کے چالیسویں بزرگ شیخِ طریقت حضرت مولانا عبدالسلام قادری رحمۃ اللہ علیہ کا سالانہ عرس مبارک 25محرم الحرام 1441ھ کو نہایت عقیدت واحترام سے منایا جاتا ہے۔ گزشتہ روز دعوتِ اسلامی کی مجلس مزاراتِ اولیاء اورمجلس رابطہ بالعلما والمشائخ ہند کے تحت یوپی ہند ضلع پرتاب گڑھ کی مقامی مسجد میں سنتوں بھرے اجتماع کا انعقادکیا گیا جس میں بارگاہِ رسالت صلَّی اللہ تعالٰی علیہ واٰلہٖ وسلَّم ہدیۂ نعت پیش کی گئی۔ نعت خوانی کے بعد مبلغ دعوت اسلامی نے سنتوں بھرا بیان کرتے ہوئے صاحب مزار رحمۃاللہ علیہ کی سیرت کو اُجاگر کیا۔آخر میں اسلامی بھائیوں نے مزار شریف پر حاضری دی اور فاتحہ خوانی و دعا کا سلسلہ ہوا۔

شیخ طریقت مولانا محمدعبدالسلام قادری کا مختصر تعارف :آپ رحمۃ اللہ علیہ کا پورا نام خلیفۂ قطبِ مدینہ حضرت مولانا محمد عبد السلا م قادری رضوی حشمتی برکاتی ہے۔ آپ کی ولادت 15شعبان المعظم 1343ھ بمطابق 11مارچ1925ء کو بروز بدھ موضع کڑے مانک پور تحصیل بند کی ضلع فتح پور ہسوہ(یوپی،ہند )میں ہوئی۔آپ رحمۃ اللہ علیہ کی کنیت”ابوالفقراء“لقب”قمر رضا“ہے۔

آپ رحمۃ اللہ علیہ میانہ روی، نظم وضبط ، عزم وحوصلہ،اخلاص، مشقت، قناعت، برد باری و تحمل مزاجی، ظاہری وباطنی ستھرا پن، پُر سکون مزاج، عاجزی وانکساری، خوش کلامی اور اطاعتِ مرشد جیسی کئی صفات کے جامع تھے۔ آپ رحمۃ اللہ علیہ کو سیدی قطبِ مدینہ مولانا ضیاء الدین احمد مدنی اور احسن العلماءحضرت مولاناسید شاہ مصطفےٰ حیدر حسن میاں قادری برکاتی رحمۃ اللہ علیہما سے سندِ خلافت حاصل تھی۔ آپ رحمۃ اللہ علیہ اطاعت مرشد میں اس قدر پختہ تھے کہ بارگاہِ مرشد سے ملنے والے حکم کو اپنے لئے حرزِ جاں بنالیتےچنانچہ کمبھی اہمہ (ضلع پر تاب گڑھ ،ہند) آنےسے قبل احسن العلماءرحمۃ اللہ علیہ نے دو نصیحتیں فرمائی تھی (1)کسی کو بد دعامت دیجئے گا(2)کمبھی اہمہ مت چھوڑیئے گا۔ مرشد کامل کے فرمان کے مطابق آپ رحمۃ اللہ علیہ نے عمر کا بقیہ حصہ بھی یہیں گزرااور اسی جگہ آپ رحمۃ اللہ علیہ کامزار پُرانوار ہے۔

انہوں نے امیر اہلِ سنّت علامہ محمدالیاس عطارقادری دَامَتْ بَرَکَاتُہُمُ الْعَالِیَہ کو 1979ء میں کولمبو سری لنکا میں سلسلہ عالیہ قادریہ رضویہ کی خلافت سے نوازا

امیراہلِ سنت شجرہ قادریہ رضویہ عطاریہ میں لکھتے ہیں:

اَحْيِنَا فِي الدِّیْنِ وَالدُّنْیَا سَلَامٌ بِالْسَّلَام

قادری عَبْدُالسَّلَام خوش ادا کے واسِطے

2ستمبر 2021ء کو دعوت اسلامی کے 40 سال مکمل ہونے پر دنیابھر میں یوم تاسیس جوش خروش سے منایا گیا۔

خوشی کے اس موقع پر مدنی مرکز فیضان مدینہ برمنگھم یوکے (Birmingham UK) میں بھی خوبصورت بینرز آویزاں کئے گئے جس کے مناظر آپ اوپر ملاحظہ کرسکتے ہیں ۔ (Content: Mohammad Hussain Attari)

دعوتِ اسلامی کے زیر اہتمام گزشتہ دنوں ساؤتھ افریقہ کے علاقے ویلکم میں ون ڈے سیشن کا انعقاد کیا گیا جس میں مقامی اسلامی بہنوں نے شرکت کی۔

مبلغۂ دعوتِ اسلامی نے”پردے کی اہمیت“ کے موضوع پر سنتوں بھرا بیان کیا اور سیشن میں شرکت کرنے والی اسلامی بہنوں کو ہفتہ وار سنتوں بھرے اجتماع میں باقاعدگی سے شرکت کرنے اور مدنی مذاکرہ دیکھنے کی ترغیب دلائی۔

دعوتِ اسلامی کے زیر اہتمام   گزشتہ ہفتے ساؤتھ افریقہ میں مختلف مقامات (ویلکم، ڈربن، جوہانسبرگ، پیٹرماریٹزبرگ ،پولکوانے) پر سنتوں بھرے اجتماعات کا انعقاد کیا گیا جن میں کثیر اسلامی بہنوں نے شرکت کی۔

مبلغاتِ دعوتِ اسلامی نے مختلف موضوعات پر سنتوں بھرے بیانات کئے اور اجتماعات میں شریک اسلامی بہنوں کو ہفتہ وار سنتوں بھرے اجتماع میں پابندی سے شرکت کرنے کا ذہن دیا نیز دینی کاموں میں حصہ لینے اور مدنی مذاکرہ دیکھنے کی ترغیب دلائی۔

دعوت اسلامی کے شعبہ  علاقائی دورہ للبنات کے زیر اہتمام گزشتہ دنوں ساؤتھ افریقہ کے شہر پیٹرماریٹزبرگ میں نیکی کی دعوت کا سلسلہ ہوا جس میں ذمہ دار اسلامی بہنوں نے مقامی اسلامی بہنوں کو بذریعہ انٹرنیٹ نیکی کی دعوت پیش کی اور نیکیوں بھری زندگی گزارنے کے لئے رسالہ نیک اعمال پر عمل کرنے کا ذہن دیا نیز ہفتہ وار سنتوں بھرے اجتماع میں بھی شرکت کرنے کی ترغیب دلائی۔

دعوت اسلامی کے شعبہ  علاقائی دورہ للبنات کے زیر اہتمام گزشتہ دنوں ساؤتھ افریقہ کے شہر پولکوانے ،جوہانسبرگ ، ویلکم، پیٹرماریٹزبرگ اور ڈربن میں نیکی کی دعوت کا سلسلہ ہوا جن میں ذمہ دار اسلامی بہنوں نے مختلف شعبہ ہائے زندگی سے تعلق رکھنے والی خواتین کو نیکی کی دعوت پیش کی اور انہیں دعوتِ اسلامی کے دینی کاموں کے بارے میں بریفنگ دیتے ہوئے دعوتِ اسلامی کے دینی ماحول سے وابستہ ہونے، ہفتہ وار اجتماع میں باقاعدگی سے شرکت کرنے اور دینی کاموں میں عملی طور پر شرکت کرنے کی ترغیب دلائی۔ 

دعوتِ اسلامی کے زیر اہتمام 02  ستمبر 2021ء کو ساؤتھ افریقہ کے شہر ڈربن میں دو مقامات پر ہفتہ وار سنتوں بھرے اجتماعات کا انعقاد کیا گیا جن میں کثیر اسلامی بہنوں نے شرکت کی۔

مبلغات دعوتِ اسلامی نے”دعوت اسلامی اور امیر اہلسنت کی قربانیاں“ کے موضوع پر بیانات کئے اور اجتماعات میں شریک اسلامی بہنوں کو مدنی مذاکرہ دیکھنے اور ہفتہ وار رسالہ پڑھنے / سننے کی ترغیب دلائی۔

دعوتِ اسلامی کے زیر اہتمام 02  ستمبر 2021ء کو ساؤتھ افریقہ کے شہر پیٹرماریٹزبرگ میں بذ ریعہ انٹرنیٹ ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔

مبلغۂ دعوتِ اسلامی نے” دعوت اسلامی اور امیر اہلسنت کی قربانیاں“ کے موضوع پر بیان کیا اور اجتماعِ پاک میں شریک اسلامی بہنوں کو مدنی مذاکرہ دیکھنے اور ہفتہ وار رسالہ پڑھنے/ سننے کی ترغیب دلائی۔

دعوتِ اسلامی کے زیر اہتمام   گزشتہ دنوں ساؤتھ افریقہ کے شہر پیٹرماریٹزبرگ میں بذ ریعہ انٹرنیٹ مدنی مشورے کا انعقاد کیا گیا جس میں ذمہ دار اسلامی بہنوں کی کارکردگی کاجائزہ لیا گیا اور دینی کاموں کو مزید بڑھانے اور اس میں بہتری لانے کے حوالے سے نکات فراہم کئے گئے۔

دعوتِ اسلامی کے زیر اہتمام 02  ستمبر 2021ء کو ساؤتھ افریقہ کے شہر پولکوانے میں ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔

مبلغۂ دعوتِ اسلامی نے” دعوت اسلامی اور امیر اہلسنت کی قربانیاں“ کے موضوع پر بیان کیا اور اجتماعِ پاک میں شریک اسلامی بہنوں کو مدنی مذاکرہ دیکھنے ، دعوتِ اسلامی کے دینی ماحول سے وابستہ رہنےاور ہفتہ وار رسالہ پڑھنے/ سننے کی ترغیب دلائی۔

دعوتِ اسلامی کے زیر اہتمام 02  ستمبر 2021ء کو ساؤتھ افریقہ کے شہر ویلکم میں انگلش زبان میں ہفتہ وار سنتوں بھرے اجتماع کا انعقاد کیا گیا جس میں 12اسلامی بہنوں نے شرکت کی۔

مبلغۂ دعوتِ اسلامی نے” بیماری کے فوائد “ کے موضوع پر بیان کیا اور اجتماعِ پاک میں شریک اسلامی بہنوں کو مدنی مذاکرہ دیکھنے نیز ہفتہ وار رسالہ پڑھنے/ سننے کی ترغیب دلائی۔