دعوتِ اسلامی کے تحت 24اگست 2021ء بروزمنگل پاکستان کے شہرراولپنڈی میں بذریعہ انٹر نیٹ  مدنی مشورےکاانعقادہوا جس میں پاکستان سطح کی شعبہ ذمہ داراسلامی بہنوں نے شرکت کی ۔

پاکستان نگران اسلامی بہن نےاسلامی بہنوں کو دینی کاموں کو کرنے کےحوالے سےنکات بتائے نیز انہیں تقرری مکمل کرنے کا طریقہ کار بتایا اورتقرری کون کرے گا اس کےحوالےسے مدنی پھول دیئے۔مزید دفتر کا نظام مضبوط کرنے اورنئے نکات کے نفاذ کرنے کا بھی ذہن دیا جس پر اسلامی بہنوں نےاچھی نیتوں کااظہارکیا۔

دعوتِ اسلامی کے زیر اہتمام گزشتہ دنوں  پاکپتن زون کی کابینہ بنگہ حیات میں 8 سے زائد مقامات پر تین دن کا اجتماع ذکرِ شہادت ہواجس میں 212 سے زائد اسلامی بہنوں نے شرکت کی ۔

مبلغات دعوت اسلامی نے ’’محبت اہل بیت ‘‘ کےموضوع پر بیان کیا۔اس کےعلاوہ اسلامی بہنوں کو اہل بیت کےدلوں میں خوشی داخل کرنے کےلئے دینی کاموں میں حصہ لینےکاذہن دیا اور ہفتہ وار رسالہ کےمطالعہ کرنےکی ترغیب دلائی ۔ 

دعوتِ اسلامی کے زیراہتمام گزشتہ دنوں  جھنگ زون کی بھوانہ اطراف کابینہ میں محفل نعت کا انعقاد ہوا جس میں مقامی اسلامی بہنوں نے شرکت کی ۔

کابینہ نگران اسلامی بہن نے’’ اہل بیت اطہات کی سیرت‘‘ کے بارے بیان کیا اور اسلامی بہنوں کو دعوت اسلامی کےدینی کاموں کے بارے میں بریفنگ دیتےہوئے دینی کاموں میں عملی طور پر حصہ لینے کی ترغیب دلائی ۔مزید ہفتہ وارسنتوں اجتماع میں شرکت کرنےکا ذہن بھی دیا ۔

دعوتِ اسلامی کے تحت گزشتہ دنوں پاکپتن زون کی بنگہ حیات کابینہ میں دینی حلقے کا انعقادہوا جس میں کابینہ مشاورت اور ڈویژن ذمہ داراسلامی بہنوں نے شرکت کی۔

کابینہ مشاورت ذمہ دار اسلامی بہن نے ’’ایک مبلغہ کو کیسا ہونا چاہیے‘‘ کے موضوع پر بیان کیا اور اسلامی بہنوں کودعوت اسلامی کےشعبہ جات کےبارے میں معلومات دیتےہوئے دینی کاموں میں حصہ لینےکاذہن دیا نیزآخر میں انہیں مدنی مذاکرہ دیکھنے کی بھی ترغیب دلائی جس پر اسلامی بہنوں نے اچھی اچھی نیتوں کااظہارکیا۔

دعوتِ  اسلامی کے شعبہ شب و روز للبنات کے زیر اہتمام گزشتہ دنوں پاکپتن زون میں شعبہ شب و روز کی ذمہ داراسلامی بہنوں کا مدنی مشورہ ہوا جس میں ڈویژن اور کابینہ ذمہ داراسلامی بہنوں نے شرکت کی ۔

شب و روز ذمہ دار اسلامی بہن نے اسلامی بہنوں کو مدنی خبروں کےبنانےکے حوالے سے نکات بتائے نیز انہیں وقت پر خبریں آگے بڑھانے، مدنی خبریں لینے اور تحریر کرنے کا طریقہ سمجھایاجس پر اسلامی بہنوں نے اچھی نیتوں کا اظہار کیا ۔

دعوتِ اسلامی کےتحت 26اگست 2021ء کو شعبہ فیضان اسلام کی ملک اور ریجن نگران اسلامی بہنوں کامدنی مشورےکاانعقاد ہواجس میں شعبے کی عالمی سطح کی ذمہ دار، پاکستان نگران اور ریجن نگران اسلامی بہنوں نےشرکت کی ۔

عالمی مجلس مشاورت کی نگران اسلامی بہن نےاسلامی بہنوں کو دینی کام کرنےکےحوالےسےنکات بتائے اور نیو مسلم کورس کی تربیت دینےسےمتعلق مدنی پھول دیئے نیز انہیں ہفتہ وارسنتوں بھرے اجتماع میں شرکت کرنےکا ذہن دیا۔ مزید انفرادی کوشش کرنے سے متعلق بات چیت ہوئی۔

دعوتِ اسلامی کےتحت  اگست 2021ء کے آخری ہفتہ میں ڈیفنس فیز 4 میں ہفتہ وارسنتوں بھرے اجتماع کاانعقادہوا جس میں مقامی اسلامی بہنوں نے شرکت کی ۔

عالمی مجلس مشاورت کی نگران اسلامی بہن نےسنتوں بھرابیان کرتےہوئے بیماری کے فائدے بتائےنیز شکوہ شکایت کرنے کے نقصانات اور صبر کرنے کے فضائل بتائے۔مزید اجتماع کے آخر میں انفرادی کوشش کر کے ہفتہ وار سنتوں بھرے اجتماع میں پابندی سے شرکت کرنےاورمدنی مذاکرہ دیکھنےکا ذہن دیا جس پر اسلامی بہنوں نےاچھی نیتوں کااظہارکیا۔ 

دعوتِ اسلامی کے تحت گزشتہ دنوں ٹنڈو محمد خان کابینہ میں دعائے صحت اجتماع کا انعقاد ہوا جس میں60 اسلامی بہنوں نے شرکت کی۔ مبلغہ دعوتِ اسلامی نے’’ بیماری کے فضائل‘‘ کےموضوع پر سنتوں بھرا بیان کرتےہوئےاسلامی بہنوں کو امام حسین رضی الله عنہ کی دین کی خاطر دی جانےوالی قربانیوں کےبارے میں بتایا۔ اس کےساتھ ہی دعوت اسلامی کےدینی کاموں کی معلومات دیتےہوئےانہیں دینی کام کرنےکاذہن دیااور اس اجتماع میں اسلامی بہنوں کوصلوٰۃ الحاجات پڑھنے کی ترغیب بھی دلائی جس پر انہوں نےوہی پر صلوۃ ٰالحاجات بھی ادا کی۔ آخر میں آقا صلی اللہ علیہ وسلم کی دُکھیاری امت کے لئے دعا بھی کی گئی۔

دعوتِ اسلامی کے تحت گزشتہ دنوں ڈویژن لاڑکانہ اور جھڈو کابینہ میں مدنی مشوروں کا انعقاد ہوا جن میں زون تا ڈویژن نگران و شعبہ جات کی اسلامی بہنوں نے شرکت کی ۔

زون نگران اسلامی بہنوں نے ’’تقسیم کاری ‘‘کے موضوع پر بیانات کئے اور ذمہ داراسلامی بہنوں کو احساس ذمہ داری کے ساتھ دینی کام کرنے کاذہن دیا نیزدارالسنہ کی اسلامی بہنوں کو 12 دن کا رہائشی دینی کام کورس کرنے کا ہدف دیا۔آخر میں اسلامی بہنوں کو اصلاح اعمال اجتماع میں شرکت کرنے کی ترغیب دلائی ۔ 

دعوت اسلامی کے تحت گزشتہ دنوں حیدرآباد ریجن کی میرپور خاص زون کی  ڈویژن ٹنڈوالہ یار میں ماہانہ مدنی مشورہ ہوا جس میں زون تا ڈویژن نگران وشعبہ جات کی ذمہ داراسلامی بہنوں نے شرکت کی ۔

زون ذمہ دار اسلامی بہن نے ’’تقسیم کاری ‘‘کے موضوع پر بیان کیااورذمہ داراسلامی بہنوں کو احساس ذمہ داری کے ساتھ دینی کام کرنے کی ترغیب دلائی ۔مزید اصلاح اعمال کے شعبے میں بہتری لانے کےحوالےسے بھی اسلامی بہنوں کی ذہن سازی کی ۔

دعوتِ اسلامی کے تحت  گزشتہ دنوں اسلام آباد ریجن گجرات زون کے علاقےلالہ موسیٰ میں قائم فیضان مدینہ میں ماہانہ مدنی مشورے کا انعقاد ہواجس میں جہلم، چکوال ، واہ کینٹ ، مظفرآباد اور پنڈی اسلام آباد کی زون نگران و کابینہ نگران اسلامی بہنوں نے شرکت کی۔

ریجن نگران اسلامی بہن نے ’’ایک ذمہ دار کو کیسا ہونا چاہیے‘‘ کے موضوع پر ترغیبی بیان کیااورمختلف دینی کاموں کی کارکردگی کا جائزہ بھی لیا نیز گزشتہ سال کےدینی کام کی کارکردگیوں کا تقابلی جائزہ بیان کرتے ہوئے اسلامی بہنوں کواپنے ا ہداف کو بر وقت پورا کرنے کا ذہن دیا ۔ آخر میں بہتر کارکردگی والی اسلامی بہنوں میں رسائل کے تحائف بھی تقسیم کئے۔

دعوتِ اسلامی کےتحت  گزشتہ دنوں جھنگ کابینہ کی ڈویژن جھنگ سٹی میں ذمہ داراسلامی بہنوں کا مدنی مشورہ ہواجس میں علاقہ نگران اسلامی بہنوں نے بھی شرکت کی۔

ڈویژن نگران اسلامی بہن نےاسلامی بہنوں کو دینی کاموں میں بہتری لانےکےحوالےسےمدنی پھول دیئےاور اسلامی بہنوں کو ذمہ داریاں دیکر شعبہ جات (کفن دفن، شارٹ کورسز، اصلاح اعمال،محفل نعت ودینی حلقہ،شعبہ تعلیم ، مکتبۃ المدینہ وتقسیم رسائل ) کی ڈویژن سطح تک کی تقرریاں مکمل کی اور ان شعبہ جات کےدینی کام کرنےکےحوالےسے اہم مدنی پھول بیان کئے۔