دعوتِ اسلامی کے شعبہ رابطہ برائے شخصیات کے تحت 15 مئی  2022ء بروز اتوار میٹروپولیٹن ملتان میں تربیتی میٹنگ ہوئی جس میں شعبہ رابطہ پاک ، صوبہ، ڈویژن، میٹروپولیٹن اور ڈسٹرکٹ کی کم و بیش 35 ذمہ داراسلامی بہنوں نے شرکت کی۔

ذمہ داراسلامی بہنوں کے درمیان Cash Your Ability (اپنی صلاحیت کو کیش کریں ) کے نام سے لرننگ سیشن کا اہتمام کیا گیا اور ذمہ داران کی تربیت کے لئے دعوت اسلامی کی Presentation پیش کی گئی جس میں Target Audience اور منسلک شخصیات کا ڈیٹا تیار کرنے، اپنے گولز سیٹ کرنے، دینی کاموں کی مکمل پلیننگ کرنے، اپنے وسائل میں رہتے ہوئے ذمہ داران کی بھر پور صلاحیتوں کو استعمال کرنے، شعبہ رابطہ کی ریکوائرمنٹ کے مطابق ایک مضبوط ٹیم تیار کرنے نیز ان کی تربیت اور ان سے دینی کام لینے پر تربیت دی گئی۔

مزید صوبہ سطح پر کم وبیش 18 تا 22 سال کی well educated اسلامی بہنوں کو شعبہ رابطہ کے اسپیشل کام کرنے کے لئے ایک گروپ تیار کرنے کے حوالے سے باہم مشاورت سے مدنی پھول طے کئے ۔

بعدازاں اس میٹنگ میں عالمی سطح شعبہ ذمہ دار اسلامی بہن نے سنتوں بھرا بیان کیا اور اسلامی بہنوں کی طرف سے کئے جانے والے سوالات کے جوابات دیئے ۔

میٹنگ میں دیئے گئے اہداف:۔

شعبہ رابطہ ذمہ داران کو پروفیشنل انداز میں دینی کام بڑھانے کا ذہن دیا گیا۔ اپنا نعم بدل تیار کرنے، تقرری اور ماہانہ کارکردگی فارم پر اہداف دیئے گئے۔ ون پیج رپورٹ تیار کرنے اور بروقت جمع کروانے کی ترغیب دلائی گئی۔ ہائی پروفائل شخصیات کے درمیان دینی کام کرنے کا ہدف دیا گیا ۔ اختتام میں تمام ذمہ داران کو امیر اہل سنت دامت برکاتہم العالیہ کی طرف سے آئی ہوئی کتب تحفہ میں دیں اس کے علاوہ تسبیحات بھی تحفے میں دیں گئیں۔ 

دعوت اسلامی کی جانب سے 14 مئی 2022 ء کو  موزمبیق ڈسٹرکٹ ماپوتو کی نگران اسلامی بہنوں کے مدنی مشورے کا سلسلہ ہوا۔

ساؤدرن افریقہ ریجن نگران اسلامی بہن نے مدنی مشورے میں ڈسٹرکٹ ماپوتو میں دینی کام کو مضبوط بنانے کے لئے نئی تقرریاں اور مقامیوں میں دینی کام بڑھانے پر نکات فراہم کرے۔

دعوت اسلامی کے زیر اہتمام 12 مئی  2022ء کو ماریشس کی نگران اسلامی بہنوں کا مدنی مشورہ ہوا۔ساؤدرن افریقہ ریجن نگران اسلامی بہن نے اس مشورے میں ماریشس کےتنظیمی اسٹرکچر کے مطابق ملک نگران اسلامی بہنوں کو تقسیم کاری سمجھائی نیز ذمہ داران کی ذمہ داریاں سمجھانے کے ساتھ ساتھ جہاں پر دینی کام میں کمزوری ہے وہاں کے لئے اہداف دئیے ۔

دعوتِ اسلامی کے تحت 18 مئی 2022ء بروز بدھ نوشہرہ کے گاؤں میں قائم جامع مسجد غوثیہ میں سیکھنے سکھانے کا حلقہ منعقد ہوا جس میں شرکائے مدنی قافلہ سمیت مقامی اسلامی بھائیوں نےشرکت کی۔

تفصیلات کے مطابق مبلغِ دعوتِ اسلامی عبدالقیوم عطاری نے شرکائے حلقہ کو غسلِ میت دینے کا عملی طریقہ بتاتےہوئے کفن کاٹنے اور پہنانے کا طریقہ بھی سکھایا نیز عاشقانِ رسول کو دعوتِ اسلامی کے 12 دینی کاموں میں شمولیت اختیار کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:عزیر عطاری رکن شعبہ کفن دفن ، کانٹینٹ: غیاث الدین عطاری) 

17مئی 2022ء کو  بحرین کے علاقے منامہ میں واقع پاکستانی سفارت خانے میں مفتی علی اصغر عطاری مدنی نے پاکستانی سفیر (Ambassador) محمد ایوب سے ملاقات کی۔

اس موقع پر مختلف موضوعات کے ساتھ ساتھ دعوت اسلامی کی دینی خدمات اور پاکستانی کمیونیٹی کی بہتری کے تعلق سے گفتگو ہوئی۔ خصوصاً کردار سازی اور اخلاقی امور میں سوسائٹی میں کیسے بہتری آسکتی ہےاس پر تبادلہ خیال ہوا۔آخر میں مفتی صاحب نے سفیر محمد ایوب کو مکتبۃ المدینہ کی مطبوعہ سیرت نبوی اور تصوف پر شائع کردہ کتب پیش کیں۔ 

دعوتِ اسلامی کے اسپیشل پرسنز ڈیپارٹمنٹ کے تحت 18 مئی 2022ء بروز بدھ KPK کے علاقے گڑھی کاکاخیل چارسدہ میں ذمہ دار اسلامی بھائیوں نے اسپیشل پرسنز سے ملاقات کی اور اُن کے درمیان سیکھنے سکھانے کا حلقہ لگایا۔

نگران ِشعبہ محمد حنیف عطاری نے ’’نماز‘‘ کے موضوع پر سنتوں بھرا بیان کرتے ہوئےوہاں موجود اسپیشل پرسنز کو دعوتِ اسلامی کے دینی ماحول سے ہر دم وابستہ رہنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:محمد احمد دین عطاری مدنی، کانٹینٹ:غیاث الدین عطاری)

18 مئی 2022ء بروز بدھ بعد نمازِ عشاء دعوتِ اسلامی کے عالمی مدنی مرکز فیضانِ مدینہ کراچی (سندھ) میں مدنی مذاکرے کا انعقاد کیا گیا جس میں ائمہ مساجد وخطبا کی کثیر تعداد نے شرکت کی۔

تفصیلات کے مطابق اس مدنی مذاکرے میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے اسلامی بھائیوں کی دینی و اخلاقی اعتبار سے تربیت کرتے ہوئے انہیں مدنی پھولوں سے نوازا اور عاشقانِ رسول کی جانب سے ہونے والے مختلف سوالات کے علم وحکمت بھرے جوابات ارشاد فرمائے۔

دورانِ مدنی مذاکرے بیان ہونے والے منتخب چنداہم فرامینِ امیرِ اہل سنت دامت بَرَکَاتُہمُ العالیہ۔

1)ہمیں عاجزی اختیار کرنی چاہیئے اور القابات لگوانے کی خواہش سے بچنا چاہیے یعنی عالم ،قاری ،حافظ اور مفتی کہلوانے کی خواہش نہیں ہونی چاہیے۔

2 )ہماری سری نماز، جہری نماز اور تنہا جو نماز پڑھتے ہیں نیز لوگوں کے سامنے انفرادی نماز پڑھتے ہیں تمام نمازوں کی کیفیت ایک طرح کی ہونی چاہیے۔

3 ) امام صاحب کو امامت کے مسائل جاننا ضروری ہیں۔

4) امامت رزق حلال کمانے کا اچھا ذریعہ ہے جو اس منصب کا اہل ہو وہ امامت کرے۔

5) دین کا کام جتنا امام کر سکتا ہے اتنا کوئی بھی نہیں کر سکتا۔

6) ہمارا ہر امام بہار شریعت کے ابتدائی چار حصے پڑھ لے۔

7)اپنی مساجد میں محبت رضا پر گفتگو کرتے رہنا چاہیے اور فکر رضا کا درس دیتے رہنا چاہیے۔( کانٹینٹ:غیاث الدین عطاری)

گزشتہ دنوں شعبہ رابطہ برائے شخصیات دعوتِ اسلامی کے ذمہ داراسلامی بھائیوں کا ڈی سی آفس  ننکانہ کا شیڈول رہا جہاں انہوں نے زاہد پرویز وڑائچ اور ایم پی اے مسلم لیگ ن مہر کاشف پڈھیار کےہمراہ ایک میٹنگ کی۔

اس موقع پر شہر کے معزز شخصیات(جن میں چیف آفیسر ساجد مشرف، سید احسان ADCG جنرل، مہر کاشف پڈھیار MPA ن، احسن فرید CEO ایجوکیشن، ڈاکٹر ارشد خان CO ہیلتھ، ڈی ایس پی ہیڈ کوارٹر شامل تھے) سمیت دیگر افسران نے شرکت کی۔دوران میٹنگ مبلغِ دعوتِ اسلامی نے ویڈیو پریزنٹیشن کے ذریعے دعوتِ اسلامی کی دینی و فلاحی خدمات کے بارے میں بریفنگ دی جس کی سرکاری اور پرائیویٹ میڈیا کوریج بھی کی گئی۔

اس کے علاوہ ذمہ داران نے شاہ کوٹ میں ایک دربار شریف پر حاضری دی جہاں انہوں نے گدی نشین علی رضا سے ملاقات کی اور دربار میں موجود عاشقانِ رسول کو نماز سکھانےکے متعلق اہم امور پر گفتگو کی جس پر انہوں نےخوشی کا اظہار کرتے ہوئے دعوتِ اسلامی کی کاوشوں کو سراہا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پچھلے دنوں پنجاب پاکستان کی تحصیل علی پور ضلع مظفر گڑھ میں قائم انڈس ہوٹل میں ایک ورکشاپ کا انعقاد کیا گیا جس میں میڈیکل ڈاکٹرز، بزنس کمیونٹی اور ایگریکلچر اینڈ لائیو اسٹاک کے شعبے سے تعلق رکھنے والی شخصیات نے شرکت کی۔

اس ورکشاپ میں مرکزی مجلسِ شوریٰ کے رکن حاجی یعفور رضا عطاری نے standards of life کے حوالے سے سنتوں بھرا بیان کرتے ہوئے کہا کہ اسلام نے نماز، روزہ، حج اور زکوٰۃ کے اسٹینڈرز ہمیں بتا دیئے ہیں جسے ہمیں اپنی زندگی میں لاگو کرنا چاہیئے۔

مزید رکنِ شوریٰ کا کہنا تھا کہ دعوتِ اسلامی کا دینی ماحول عاشقانِ رسول کو اسلامی تعلیمات کے مطابق لائف اسٹینڈرڈ بتا کر ان کی زندگی کو improve کر رہی ہے۔آخر میں نگرانِ علی پور ڈاکٹر جمشید اختر عطاری نے وہاں موجود اسلامی بھائیوں کے درمیان رسائل تقسیم کئے۔(رپورٹ:نگرانِ علی پور ڈاکٹر جمشید اختر عطاری، کانٹینٹ:غیاث الدین عطاری)

15 مئی 2022 ء  کو بحرین میں فندق خلیج Gulf Hotel میں منعقد ہونے والی ایفوفی AAOIFI ادارے کی عالمی کانفرنس میں دنیا کے متعدد ممالک سے آئے ہوئے ماہرین اسلامی بینکاری کے اجتماع کا انعقاد ہوا۔

بحرین، شام، فلسطین، سوڈان،عرب شریف،افغانستان،عرب امارات اوردیگر ممالک کے ماہرین سے مفتی علی اصغر عطاری مدنی نے تبادلہ خیال فرمایا اور مختلف ایشوز پر بات چیت کی نیز آئندہ رابطے میں رہنے اور مختلف دینی مسائل پر تبادلہ خیال کرتے رہنے پر اتفاق کیا۔

دعوتِ اسلامی کے زیرِ اہتمام ڈسٹرکٹ سینٹرل لیاقت آباد ٹاؤن کی انڈر گراؤنڈ اور سپر مارکیٹ میں ایک تاجر اسلامی بھائی کی دوکان پر سیکھنے سکھانے کا حلقہ منعقد کیا گیا جس میں مقامی تاجران سمیت دیگر اسلامی بھائی شریک تھے۔

اس موقع پر مبلغِ دعوتِ اسلامی نے سنتوں بھرا بیان کرتے ہوئے اسلامی بھائیوں کو دعوتِ اسلامی کے ہفتہ وار سنتوں بھرے اجتماع اور مدنی مذاکرے میں شرکت کرنے کی دعوت دی۔اس کے علاوہ حلقے میں شریک اسلامی بھائیوں کو مئی 2022ء میں 3 دن، اگست 2022ء میں 1 ماہ اور 12 دن کے مدنی قافلے میں سفر کرنے کی ترغیب دلائی۔

بعدازاں ٹاؤن اور مارکیٹ ذمہ دار اسلامی بھائیوں کے درمیان میٹنگ ہوئی جس میں دعوتِ اسلامی کے 12 دینی کاموں کے متعلق کلام کرتے ہوئے چوک درس دینے اور درس کی تعداد بڑھانے کا ذہن دیا گیا۔(رپورٹ:شعبہ رابطہ برائے تاجران، کانٹینٹ:غیاث الدین عطاری)

پنجاب پاکستان کے شہر لاہور میں واقع داتا گنج بخش ٹاؤن میں دعوتِ اسلامی کے زیرِا ہتمام 18 مئی 2022ء بروز بدھ مدنی مشورہ ہوا جس میں شعبہ مدرسۃا لمدینہ بالغان کے معلمین سمیت دیگر اسلامی بھائیوں نے شرکت کی۔

اس مدنی مشورے میں ضلع قصو ذمہ دار صغیر عطاری نے مساجد و مارکیٹ کے مدارس المدینہ کے حوالے سے گفتگو کرتے ہوئے انہیں مضبوط کرنے کا ذہن دیا نیز شرکا کو دعوتِ اسلامی کا ہفتہ وار مدنی مذاکرہ دیکھنے اور جلد از جلد قراٰنِ پاک مکمل کرنے کی ترغیب دلائی۔آخر میں ضلع ذمہ دار نے معلمین سے دعوتِ اسلامی کے 12 دینی کاموں کے متعلق مشاورت کی۔(رپورٹ:شعبہ مدرسۃا لمدینہ بالغان، کانٹینٹ:غیاث الدین عطاری)