17جولائی2023ءبروزپیر  دعوتِ اسلامی کے شعبہ ڈونیشن سیل کی جانب سے عالمی مدنی مرکزفیضانِ مدینہ کراچی میں پاکستان کے تمام ذمہ داران کاتین دن کا سنتوں بھرا اجتماع ہوا ۔

٭اجتماع پاک میں دار الافتاء اہلِ سنت دعوت اسلامی کے مولانا مفتی محمد حسان رضا عطاری مدنی نے ذمہ داران کی ’’ مال وقف اور خیانت کاوبال‘‘ کے موضوعات پرتربیت کی نیز اس موقع پر سوال جواب کا سیشن بھی ہوا جس میں مفتی صاحب نے ذمہ داران کی جانب سے کئے گئے سوالات کے جوابات دیئے۔

٭اس کے علاوہ 17جولائی2023ءبروزپیر مرکزی مجلسِ شوریٰ کے رکن حاجی فضیل رضا عطاری نے تمام ذمہ داران کی تربیت فرمائی جس میں ’’خوف خدا اورتصور مرشد‘‘ کےموضوعات پرسنتوں بھرا بیان کیا۔

٭بعدازاں شعبہ ایچ آر کےنگران مجلس سیداسد رضا عطاری نے’’اجارہ کی احتیاطیں‘‘ کے موضوع پر تمام ذمہ داران کی تربیت کی۔ اس دوران سوال جواب کا سیشن بھی ہوا ۔

٭ 17جولائی2023ءبروزپیر ڈونیشن سیل سے وابستہ اسلامی بھائیوں کو جانشین امیراہل سنت حاجی عبیدرضا عطاری نے وقت عطا فرمایا جس میں خلیفہ امیر اہلِ سنت نے ذمہ داران کو دین و دنیا کی بھلائیوں پر مشتمل مختلف مدنی پھولوں سے نوازا۔

٭ 18جولائی2023ء بروزمنگل شعبہ ڈونیشن سیل کے تین دن کے اجتماع میں نگرانِ پاکستان مشاورت و رکنِ شوریٰ حاجی محمدشاہد عطاری نے فیصل آباد سے آن لائن بذریعہ ویڈیولنک کے ذمہ داران کی تربیت فرمائی جس میں پاکستان بھرسے کم و بیش 2 ہزار ذمہ داران نے شرکت کی۔

٭ تین دن کے اجتماع میں عالمی مدنی مرکزفیضان مدینہ میں 18جولائی2023ء بروزمنگل شعبہ ڈونیشن سیل کے اسلامی بھائیوں کی موٹیویشنل اسپیکر سرغلام فرید عطاری نے تربیت کی جس میں ذمہ داران کواپنے کردار کی تعمیر،ظاہری صفائی اورنفاست پر موٹیویٹ کیا۔

٭ساتھ ساتھ شیخ طریقت امیر اہل سنت علامہ مولانا محمدالیاس عطار قادری دامت برکاتہم العالیہ نے خصوصی کرم فرمایا جس میں 72نیک اعمال رسالے پر عمل کرنے ،سال میں ہرماہ 3دن اور 12 دن کے مدنی قافلے میں اسلامی بھائیوں کو سفر کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ: رمضان رضا عطاری)

دعوتِ اسلامی  کے شعبہ فیضان آن لائن اکیڈمی بوائزکے تحت گجرات برانچ میں علم تجوید کے حوالے سے ٹریننگ سیشن ہوا جس میں فیضان آن لائن اکیڈمی بوائز گوجرانوالہ مدرسۃ المدینہ کے مدنی عملے نے شرکت کی۔

عاشقانِ رسول  کی دینی تحریک دعوتِ اسلامی کے شعبہ فیضان آن لائن اکیڈمی بوائز کے زیرِ اہتمام پچھلے دنوں مدنی مرکز فیضانِ مدینہ گجرات میں ٹریننگ سیشن کا انعقاد کیا گیا جس میں فیضان آن لائن اکیڈمی ڈویژن گوجرانولہ کے مدنی عملے نے شرکت کی۔

معلومات کے مطابق مرکزی مجلسِ شوری ٰ کے رکن مولانا حاجی اسد عطاری مدنی نے شرکا کی دینی و اخلاقی اعتبار سے تربیت کی اور انہیں ہفتہ وار اجتماع میں شرکت کرنے نیز مدنی مذاکرہ دیکھنے کا ذہن دیا جس پر اسلامی بھائیوں نے اچھی اچھی نیتیں کیں۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:رمضان رضا عطاری)

مؤرخہ25جولائی2023ء بروز منگل بذریعہ انٹر نیٹ آن لائن ائمہ مساجد پاکستان اور ذمہ داران  کا میٹ اپ ہوا جس میں دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے سنتوں بھرابیان کیا۔

اس میں امام صاحبان کو 12دینی کاموں میں از خود شرکت کرنے کے ساتھ نمازیوں کی تربیت کرنے پر مدنی پھول دیئے اور تقرریاں مکمل کرنے کا ذہن دیا۔

مزید رکنِ شوری ٰ نے امام صاحبان اور ذمہ داران کو شرعی احکامات سیکھنے، متعلقہ ذمہ داران سے رابطے میں رہتے ہوئے شرعی تقاضوں پر عمل کرنے کے حوالے سےرہنمائی کی۔

شعبہ اوقات الصلاۃ  دعوت اسلامی کے تحت یکم اگست 2023ء سے ایک ماہ کے فری آن لائن کورس کا آغاز کیا جارہا ہے جس میں شرکا کوچاند/سورج کے حساب سے نماز کا وقت نکالنے اور قبلہ ڈائریکشن معلوم کرنے کا طریقہ سکھایا جائے گا ۔

تمام عاشقانِ رسول، علمائے کرام و طلبہ ٔکرام نیز اسکول اور کالجز کے اسٹوڈنٹس و شائقینِ علم توقیت ، توقیت و فلکیات کورس میں درج ذیل داخلہ لنک کے ذریعے فارم سبمنٹ کروائیں ۔ https://forms.gle/zCizLYYJYfbSgJAv9

اہم ہدایات

1. تمام کالم پُر کرنا لازمی ہیں۔

2. جن احباب کا داخلہ ہوگیا انہیں فوری واٹس ایپ گروپ میں شامل کر دیا جائے گا۔

3. جو گروپ میں شامل نہ ہوئے انہیں 31 جولائی کی شام میسج کرکے وجہ بتا دی جائے گی ۔

4. اگر آپ گروپ میں شامل نہ کئے گئے اور نہ کوئی میسج یا میل موصول ہوئی تو 31 جولائی کی شام 3 بجے کے بعد پوسٹ پر دیئے گئے نمبر پر واٹس ایپ کے ذریعے رابطہ فرمائیں۔

نوٹ!

مکمل کورس کتاب ’’نصاب توقیت‘‘ سے پڑھایا جائے گا۔ لہٰذا مکتبۃ المدینہ سے کتاب حاصل کیجئے یا گھر بیٹھے منگوانے کے لئے پوسٹ میں دیئے گئے نمبر پر رابطہ کیجئے۔( کانٹینٹ:رمضان رضا عطاری)

بچوں  میں قرآن پاک کی تعلیم عام کرنے والا دعوت اسلامی کا شعبہ بنام مدرسۃ المدینہ شارٹ ٹائم کے تحت 25 جولائی 2023ء کو فیضان عطار مسجد پی آئی بی کالونی ایسٹ کراچی سٹی میں مدنی مشورہ منعقد ہوا جس میں ڈسٹرکٹ ایسٹ ناظمین نے شرکت کی۔

مدرسۃ المدینہ شارٹ ٹائم کراچی سٹی ذمہ دار قاری شہروز عطاری نے مدرسہ جائزہ کے حوالے سے مدنی پھول بتائے نیز ناظمین کو 12 دینی کاموں کو مضبوط کرنے اور مدارس کے اسٹاف اور بچوں میں مدنی مذاکرے کی کارکردگی میں اضافہ کرنے کا ہدف دیا اور ہفتہ وار رسالہ مطالعہ کارکردگی کو بہتر کرنے کی ترغیب بھی دلائی ۔

مزید بچوں کی اخلاقی تربیت اور تعلیم کو بہتر سے ممتاز بنانے کیلئے ہر ممکن کوشش کرنے کا ذہن دیا جس پر ناظمین نے مدارس کے نظام کو بہتر بنانے کے لئے اچھی اچھی نیتوں کا اظہار کیا۔ مجلس اجارہ کے اسلامی بھائی فراز عطاری نے ess حاضری اپلیکیشن کے حوالےسے تربیت کی اور اپڈیٹ کیا ۔ (رپورٹ: فہیم عطاری ڈسٹرکٹ ذمہ دار ایسٹ ڈسٹرکٹ،کانٹینٹ:رمضان رضا عطاری)

رواں سال 2023ء میں حجِ بیت اللہ کی سعادت حاصل کرنے والے حاجیوں کے لئے عاشقانِ رسول کی دینی تحریک دعوتِ اسلامی کے تحت 6 اگست 2023ء بروز اتوار استقبالِ حجاج اجتماع کا انعقاد کیا جائے گا۔

معلومات کے مطابق یہ اجتماعِ پاک دعوتِ اسلامی کے عالمی مدنی مرکز فیضانِ مدینہ کراچی میں بعد نمازِ عشا رات تقریباً 9:00 شروع کیا جائے جس کا آغاز تلاوتِ قراٰنِ پاک اور نعت شریف سے ہو گا۔

تلاوت و نعت کے بعد بانیِ دعوتِ اسلامی حضرت علامہ مولانا محمد الیاس عطار قادری دامت بَرَکَاتُہمُ العالیہاجتماع میں شریک حجاج سمیت دیگر عاشقانِ رسول کی دینی، اخلاقی، شرعی اور تنظیمی اعتبار سے تربیت فرمائیں گے۔

مختلف شعبہ ہائے زندگی سے تعلق رکھنے والے افراد کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت سیالکوٹ پولیس لائن میں ایک سیشن کا انعقاد کیا گیا جس میں ایلیٹ فورس اور پولیس کے جوانوں نے شرکت کی۔

اس سیشن میں مرکزی مجلسِ شوریٰ کے رکن حاجی محمد اظہر عطاری نے ”رزقِ حلال“ اور ”عشقِ رسول“ کے موضوعات پر سنتوں بھرا بیان کیااور وہاں موجود عاشقانِ رسول کو دینِ اسلام کی تعلیمات کے مطابق زندگی گزارنے کا ذہن دیا۔

پاکستان کو سرسبز و شاداب بنانے کے لئےعاشقانِ رسول کی دینی تحریک دعوتِ اسلامی کے بانی حضرت علامہ مولانا محمد الیاس عطار قادری دامت بَرَکَاتُہمُ العالیہ نے نعرہ لگایا ہے ”پودا لگانا ہے درخت بنانے ہے“۔

اسی نعرے پر عمل کرتے ہوئے پچھلے دنوں مرکزی مجلسِ شوریٰ کے رکن حاجی محمد اظہر عطاری نے سیالکوٹ میں DPO حسن اقبال کے ہمراہ اُن کے دفتر میں شجرکاری کی۔

بعدازاں رکنِ شوریٰ حاجی محمد اظہر عطاری نے ملکِ پاکستان کی خوشحالی اور قوم کی سلامتی کے لئے دعا کروائی نیز DPO کو دعوتِ اسلامی کے دینی کاموں کے بارے میں آگاہی بھی دی۔(رپورٹ: ارسلان منیر معاون رکنِ شوریٰ حاجی محمد اظہر عطاری، کانٹینٹ:غیاث الدین عطاری)

پاکستان کے وفاقی دارالحکومت اسلام آباد میں واقع دعوتِ اسلامی کے مدنی مرکز فیضانِ مدینہ میں گزشتہ روز ایک میٹنگ ہوئی جس میں زون نگران اور مختلف شعبہ جات (جن میں شعبہ ایف جی آر ایف، شعبہ رابطہ برائے شخصیات، نیوسوسائٹیز ڈیپارٹمنٹ، شعبہ مدنی چینل عام کریں، فنانس ڈیپارٹمنٹ، مجلس فیضانِ مدینہ، شعبہ رابطہ برائے تاجران اور سیکورٹی ڈیپارٹمنٹ شامل تھے) کے صوبائی ذمہ دار اسلامی بھائیوں نے شرکت کی۔

تفصیلات کے مطابق دورانِ مدنی مشورہ رکنِ مرکزی مجلسِ شوریٰ حاجی وقار المدینہ عطاری نے 01 اگست 2023ء کو ہونے والی شجرکاری مہم، محرم الحرام کے مدنی قافلےاور یومِ دعوتِ اسلامی کی تیاریوں کے حوالے سے شرکا کی تربیت کی ۔

علاوہ ازیں رکنِ شوریٰ حاجی وقار المدینہ عطاری نے ذمہ دار اسلامی بھائیوں کو اخلاص کے ساتھ دعوتِ اسلامی کے دینی کاموں میں عملی طور پر حصہ لینے کی ترغیب دلائی۔واضح رہے اس سال 2023ء اسلام آباد میں 10 ہزار پودے لگانے کا ہدف دیا گیا ہے۔(رپورٹ: محمد دانش عطاری ، کانٹینٹ:غیاث الدین عطاری)

لوگوں کے دلوں میں علمِ دین حاصل کرنے کا شوق پیدا کرنے والی عاشقانِ رسول کی دینی تحریک دعوتِ اسلامی کے تحت G-11 اسلام آباد میں قائم مدنی مرکز فیضانِ مدینہ میں اسلام آباد سٹی مشاورت کا مدنی مشورہ ہو اجس میں زون نگران اسلامی بھائیوں کی بھی شرکت رہی۔

دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے اس مدنی مشورے میں اسلامی بھائیوں کے 12 دینی کاموں کے حوالے سے گفتگو کی اور ان میں مزید بہتری لانے کا ذہن دیا۔

رکنِ شوریٰ حاجی وقار المدینہ عطاری نے ہفتہ وار سنتوں بھرے اجتماعات و مدنی مذاکرے محرم الحرام کے مدنی قافلوں کے متعلق زون نگران اسلامی بھائیوں کی ذہن سازی کی اور اہداف دیئے۔

بیرونِ ملک یوکے  میں اسلامی بہنوں کے درمیان ہونے والے دینی کاموں کے حوالے سے گزشتہ روزبنگالی لینگویج کی ذمہ دار اسلامی بہنوں کا ماہانہ مدنی مشورہ ہوا۔

اس موقع پر مبلغۂ دعوتِ اسلامی نے نیکی کی دعوت کے فضائل بیان کئے اور دیگر اسلامی بہنوں کو نیکی کی دعوت دینے کی ترغیب دلائی نیز ذمہ دار اسلامی بہنوں کو ”جنت اور دوزخ“ کورس کرنے کا ذہن دیا جس پر انہوں نے اچھی اچھی نیتوں کا اظہار کیا۔