پاکستان کے شہر ملتان میں دعوتِ اسلامی کے شعبہ مدنی کورسز کے زیرِ اہتمام فیضانِ نماز کورس جزوقتی کا انعقاد کیا گیا جس میں تاجران سمیت شعبہ ہائے زندگی سے تعلق رکھنے والے کثیر اسلامی بھائیوں نے شرکت کی۔

17 اگست 2022ء بروز بدھ اس کورس کے اختتام پر ایک سیشن کا اہتمام کیا گیا جس میں مبلغِ دعوتِ اسلامی محمد عدنان عطاری مدنی نے نماز کی اہمیت کے حوالے سے سنتوں بھرا بیان کرتےاسلامی بھائیوں کی تربیت کی اور انہیں اس طرح کے دیگر کورسز کرنے کا ذہن دیا۔

بعدازاں کورس مکمل کرنے والے اسلامی بھائیوں کے درمیان اسناد تقسیم کی گئیں۔(رپورٹ:شعبہ مدنی کورسز ، کانٹینٹ:غیاث الدین عطاری)

دعوتِ اسلامی کے شعبہ جات کے ذریعے ہونے والے دینی کاموں کا فالو اپ لینے کے لئے 18 اگست 2022ء بروز جمعرات پنجاب پاکستان کی تحصیل چشتیاں میں مدنی مشورہ ہوا جس میں شعبہ مدنی قافلہ کے تحصیل اور یوسی ذمہ داران نے شرکت کی۔

صوبائی ذمہ دار محمد شہباز عطاری نے اس مدنی مشورے میں شعبے کے دینی کاموں کے حوالے سے گفتگو کرتے ہوئے مختلف موضوعات پر کلام کیا جن میں شعبے کو خود کفیل بنانا، تقرری، مدنی قافلے کے جدول کو بہتر بنانا اور جامعۃ المدینہ بوائز کے مدنی قافلے سفر کروانا شامل تھا۔

بعدازاں صوبائی ذمہ دار نے شرکا کو دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر ذمہ داران نے اچھی اچھی نیتوں کا اظہار کیا۔(رپورٹ:بدرمنیر عطاری شوشل میڈیا شعبہ مدنی قافلہ پنجاب، کانٹینٹ:غیاث الدین عطاری)

پنجاب کےشہر لاہور میں قائم دعوتِ اسلامی کے مدنی مرکز فیضانِ مدینہ کاہنہ نو میں ہفتہ وار سنتوں بھرے اجتماع کا انعقاد کیا گیا جس میں عاشقانِ رسول کی کثیر تعداد نے شرکت کی جن میں ذمہ داران بھی موجود تھے۔

اجتماعِ پاک کی ابتداء معمول کے مطابق تلاوتِ قراٰنِ پاک و نعتِ رسولِ مقبول ﷺ سے ہوئی جبکہ رکنِ مرکزی مجلسِ شوریٰ کے رکن حاجی یعفور رضاعطاری نے ”دل کی اصلاح“ کے موضوع پر سنتوں بھرا بیان کیا۔

رکنِ شوریٰ نے اجتماع میں شریک اسلامی بھائیوں کی تربیت کرتے ہوئے انہیں اسلامی تعلیمات کے مطابق اپنی زندگی گزارنے کا ذہن دیا جس پر شرکائے اجتماع نے اچھی اچھی نیتیں کیں۔

مزید رکنِ شوریٰ نے عاشقانِ رسول کو دعوتِ اسلامی کے دینی ماحول سے ہر دم وابستہ رہنے کی ترغیب دلائی اور ہر ہفتے سنتوں بھرے اجتماع میں شرکت کرنے کی دعوت دی۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

مختلف شعبہ ہائے زندگی سے تعلق رکھنے والےاسلامی بھائیوں کی دینی و اخلاقی تربیت کرنے کے لئے دعوتِ اسلامی کے تحت ذمہ دار اسلامی بھائی وقتاً فوقتاً عاشقانِ رسول کے درمیان سیشن کا انعقاد کرتے رہتے ہیں۔

اسی سلسلے میں پچھلے دنوں لاہور پنجاب پاکستان کے ایوان عدل سول کورٹ میں ایک میٹ اپ ہوا جس میں وکلا سمیت دیگر عاشقانِ رسول نے شرکت کی۔

دورانِ میٹ اپ دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے وکلا سے گفتگو کرتے ہوئے انہیں نیکی کی دعوت پیش کی اور دنیا بھر میں ہونے والےدعوتِ اسلامی کے دینی و فلاحی کاموں کے بارے میں بریفنگ دی۔بعدازاں وکلا حضرات نے دعوتِ اسلامی کی کاوشوں کو سراہتے ہوئے اپنی نیک خواہشات کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

17 اگست 2022ء  بروز بدھ یو سی ناظم آباد کے ہفتہ وار سنتوں بھرے اجتماع میں صاحبزادیِ عطار سلمھا الغفار و نگران عالمی مجلس مشاورت اسلامی بہن نے شرکت کی۔

نگران عالمی مجلس مشاورت نے سنتوں بھرا بیان کیا جبکہ صاحبزادیِ عطار سلمھا الغفار نے دعا کروائی۔ آخر میں ملاقات کرتے ہوئےانفرادی کوشش فرمائی۔ اجتماع کے بعد آفس کی ایک اسلامی بہن کے والد کے انتقال پر صاحبزادیِ عطار و نگران عالمی مجلس مشاورت نے ان سے تعزیت کی۔

٭دوسری جانب نگران عالمی مجلس مشاورت اسلامی بہن نے یوسی پی آئی بی میں گھر گھر جا کر مقامی اسلامی بہنوں پر انفرادی کوشش کرتے ہوئے انہیں ہفتہ وار سنتوں بھرے اجتما ع میں شرکت کرنے کا ذہن دیااور نیتیں کروائیں ۔

16 اگست 2022ء کو ریجن نگران  اسلامی بہن کی ملک نگران اسلامی بہن کے ساتھ دینی کاموں کے سلسلے میں میٹنگ ہوئی جس میں ربیع الاول کے مدنی پھولوں پر مشورہ ہوا اِس میں اجتماعِ میلاد کی تشہیر کرنا اور شرعی پردہ اور حجاب والا برقع پہننے کا ہدف دیا گیا۔

دعوتِ اسلامی کےتحت    16اگست 2022 ء بروز منگل صوبہ پنجاب کی گوجرانوالہ ڈویژن و ڈسٹرکٹ نگران اسلامی بہنوں کا آن لائن مدنی مشورہ ہوا جس میں نگرانِ پاکستان اسلامی بہن نے دینی و اخلاقی اعتبار سے تربیت کی ۔

دوران تربیت ماہانہ مدنی مشورے کے مدنی پھول بیان کئے اور سابقہ آٹھ دینی کام کی کارکردگی کا جائزہ لیتے ہوئے اسلامی بہنوں کے آٹھ دینی کاموں کی کارکردگی میں مزید اضافہ کرنے کے متعلق نکات فراہم کئے اور نئے ا ہداف کو پورا کرنے کاذہن دیا ۔

دعوتِ اسلامی کےتحت    16اگست 2022ء بروز منگل پاکستان کے شہر راولپنڈی میں نگرانِ پاکستان مشاورت اسلامی بہن نے صوبہ پنجاب کی ملتان ڈویژن و ڈسٹرکٹ نگران اسلامی بہنوں کا آن لائن مدنی مشورہ لیا۔

مبلغہ دعوت ِ اسلامی نے ماہانہ مدنی مشورے کے مدنی پھول بیان کرتے ہوئے ماہانہ آٹھ دینی کاموں کی کارکردگی کا جائزہ لیا اور آئندہ مزید بہتری لانے کےحوالے سے ترغیب دلائی ۔ اس کے ساتھ ساتھ مختلف سافٹ کی کارکردگی کو بروقت انٹر کرنے اور سابقہ ا ہداف کو مکمل کرنے پر رہنمائی کی۔

دعوتِ اسلامی کےتحت  17اگست 2022ء بروز بدھ پاکستان کے شہر راولپنڈی میں پاکستان بھر کی تمام صوبہ /سٹی نگران اسلامی بہنوں کا بذریعہ آن لائن مدنی مشورہ منعقد ہوا۔

مدنی مشورے میں نگران پاکستان اسلامی بہن نے ماہِ ربیع الاول کے مدنی پھولوں پر ذمہ دار اسلامی بہنوں سے اہم امور پر تبادلہ خیال کیا جس میں اس مہینے میں کئے جانے والے دینی کاموں پر توجہ دلائی اور احسن انداز سے اہداف کو مکمل کرنے کا ذہن دیا۔

پچھلے دنوں ذمہ داران  دعوت اسلامی نے ڈی جی سرگودھا ڈویلپمنٹ اتھارٹی سید افتخار احمد شاہ، ڈپٹی ڈائریکٹر شفیق الرحمان نیازی کے ہمراہ سرگودھا تھیلیسیمیا سینٹر میں یوم آزادی کے موقع پر سینٹر کا وزٹ کیا۔

دوران وزٹ ذمہ داران نے افسران کو دعوت اسلامی کی تھیلیسیمیا کے سلسلے میں کی جانے والی کاوششوں پر بریفنگ دی اور انہیں مدنی مرکز فیضان مدینہ آنے کی دعوت دی اس پر انہوں نے اظہار مسرت کرتے ہوئے فیضان مدینہ آنے کی نیت کا اظہار کیا۔(رپورٹ: کوآرڈینیشن ڈیپارٹمنٹ بیوروکریٹس مجلس میٹرو سٹی سرگودھا ڈویژن ، کانٹینٹ:رمضان رضا عطاری)

16 اگست2022ء بروزمنگل ذمہ دارانِ دعوت اسلامی کی  بہاولپور میں DCعرفان علی کاٹھیا سے الوداعی ملاقات ہوئی۔ اس موقع پر ذمہ داران نے انہیں پھولوں کا گلدستہ پیش کیا اور دعوت اسلامی کی دینی خدمات پر بریفنگ دی جس پر انہوں نے اظہار محبت کرتے ہوئے شکریہ ادا کیا۔

٭دوسری جانب ایڈیشنل ڈپٹی کمشنر ریونیو شاہد عمران مارتھ سے ملاقات ہوئی جس میں ایڈیشنل ڈپٹی کمشنر HQ فاروق قمر ، DPO آفس میں ڈسٹرکٹ سیکیورٹی انچارج محسن سردار، الیاس کچھی بھی شریک رہے۔ اس کے علاوہ تھانہ بغداد میں SHO عابد حمید سے ملاقات ہوئی اور وہاں ان کے ساتھ شجرکاری کا طے ہوا۔ (رپورٹ: محمد اقبال عطاری ڈویژن بہاولپور، کانٹینٹ:رمضان رضا عطاری)

16اگست 2022ء کو ذمہ داران دعوت اسلامی نے لاہور میں سندھ سیکریٹی ہیومن ریسورسز ڈیپارٹمنٹ کا دورہ کیا۔ وہاں موجود افسران لیاقت احمد،محمد خالد خان اور آصف راجپوت سے ملاقات کی۔

مبلغ دعوت اسلامی نے دورانِ گفتگو انہیں دعوت اسلامی کی دینی و سماجی خدمات کے حوالے سے بریفنگ دی اور پچھلے دنوں ہونے والی شجرکاری مہم کے بارے میں بتایا۔ مزید افسران کو دعوت اسلامی کی 41ویں اینیورسری کے حوالے سے بتایا اور ان سے اس سلسلے میں مدنی چینل کے لئے تاثرات لئے اور آخر میں یہ نعرہ بھی دہرایا: قرآن کریم کی بہاریں ،سنت کے رنگ ،دعوت اسلامی کے سنگ۔(رپورٹ:شعبہ رابطہ برائے شخصیات عطاری مجلس کراچی ، کانٹینٹ:رمضان رضا عطاری)