مرکزی مجلس شوری دعوت اسلامی کے نگران حاجی مولانا محمد عمران عطاری مُدَّ ظِلُّہُ العالی ان دنوں دینی کاموں کے سلسلے میں پنجاب کے دورے پر ہیں۔

دوران دورہ 18 اگست 2022ء کو نگران شوریٰ نے مدنی مرکز فیضان مدینہ G11اسلام آباد میں علمائے کرام سے ملاقات کی۔ نگران شوریٰ نے انہیں دعوت اسلامی کے تحت ہونے والے دینی و فلاحی کاموں پر بریفنگ دی اور اُن سے دعوت اسلامی کے جملہ کاموں میں ساتھ دینے کی درخواست کی۔ آخر میں دعوت اسلامی کی ترقی کے لئے دعائیں کی گئیں۔

اس موقع پر نگران پاکستان مشاورت حاجی محمدشاہد عطاری، اراکین شوریٰ حاجی مولانا محمد اسد عطاری مدنی اور حاجی وقار المدینہ عطاری بھی موجود تھے۔

دعوت اسلامی کے زیر اہتمام 18 اگست 2022ء بروز جمعرات بعد نماز مغرب مدنی مرکز فیضان مدینہ اسلام آباد میں ہفتہ وار سنتوں بھرے اجتماع کا انعقاد کیا گیا جس میں مختلف شخصیات، ذمہ داران دعوت اسلامی، اسلام آباد اور راولپنڈی سمیت دیگر شہروں کے عاشقان رسول نے ہزاروں کی تعداد میں شرکت کی۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان فرمایا اور شرکا کو دینی کاموں میں شرکت کرنے، ہر ماہ تین دن کے مدنی قافلے میں سفر کرنے اور ہر دم دینی ماحول سے وابستہ رہنے کی ترغیب دلائی۔

اس موقع پر نگران پاکستان مشاورت حاجی محمد شاہد عطاری، اراکین شوریٰ حاجی وقار المدینہ عطاری اور حاجی بغداد عطاری بھی موجود تھے۔

دعوتِ اسلامی کے  شعبہ کفن دفن کی طرف سے 19 اگست 2022ء کو صدر ٹاؤن کراچی میں قائم جمال مصطفی مسجد میں کفن دفن کورس کا انعقاد ہوا جس میں صدر ٹاؤن کے اسلامی بھائیوں نے شرکت کی۔

رکن مجلس شعبہ کفن دفن عزیر عطاری نے شعبہ کا تعارف کرواتے ہوئے اسلامی بھائیوں کو غسل میت و کفن دفن کا طریقہ اور اس کی اہمیت پر دینی معلومات فراہم کیں۔ مزید فکر آخرت کا ذہن دیتے ہوئے انہیں رسالہ نیک اعمال پر عمل کرنے نیز عالمی مدنی مرکز فیضان مدینہ میں ہونے والے ہفتہ وار مدنی مذاکرے میں آنے کی دعوت بھی دی۔(رپورٹ: عزیر عطاری رکن مجلس کفن دفن ، کانٹینٹ:رمضان رضا عطاری)

2 ستمبر 2022ء کو دنیا بھر میں دین اسلام کی تعلیمات کو منظم انداز میں عام کرنے والی عاشقان رسول کی عالمگیر تحریک دعوت اسلامی کو  اکتالیس 41 سال مکمل ہونے جار ہے ہیں۔ اسی سلسلے میں دنیا بھر کے ذمہ داران و شعبہ جات دعوت اسلامی اپنے اپنے انداز میں ”یوم دعوت اسلامی“ منانے کی تیاری کررہے ہیں۔ اس موقع پر شعبہ اسلامک ریسرچ سینٹر المدینۃ العلمیۃ کی جانب سے خصوصی رسالہ بنام ”فیضانِ دعوتِ اسلامی“ جاری کردیا گیا ہے۔

ماہنامہ فیضانِ مدینہ کے ایڈیٹر مولانا ابوالنور راشد علی عطاری مدنی صاحب نے شعبہ دعوتِ اسلامی کے شب وروز کو بتایا کہ ”دعوتِ اسلامی کے مختلف شعبہ جات کی طرح شعبہ اسلامک ریسرچ سینٹر المدینۃ العلمیۃنے بھی اپنے تحریری کاموں کے ذریعے ”یوم دعوت اسلامی“ منانے اور خصوصی شمارہ جاری کرنے کا عہد کیا اور کوششیں شروع کردیں۔ مرکزی مجلس شوریٰ کی جانب سے اس اقدام کو سراہا گیا اور یہ طے پایا کہ ”دعوت اسلامی نمبر“ کو بطور ہفتہ وار رسالہ جاری کیا جائے گا۔ اس کے بعدخصوصی شمارے کو جاری کرنے اور اس پر ورکنگ کرنے کی تمام تر ذمہ داری ”شعبہ ماہنامہ فیضان مدینہ“ کے سپرد کردی گئی۔ الحمد اللہ شعبہ ماہنامہ فیضان مدینہ کی انتھک کوششوں کے بعد خصوصی شمارہ بنام ”فیضان دعوت اسلامی“تکمیل کو پہنچ چکا ہے جو عنقریب مکتبۃ المدینہ پر دستیاب ہونگی۔

ذمہ داری ملنے کے بعد خصوصی شمارے کے حوالے سے 25 جولائی 2022ء کو مجلس المدینۃ العلمیہ کا مدنی مشورہ ہوا۔مدنی مشورے کے بعد 27 جولائی 2022ء کو مضامین کی فہرست رکن شوریٰ حاجی ابو ماجد محمد شاہد عطاری مدنی کو پیش کی گئی جو آپ نے بذات خود اور دیگر اراکین شوریٰ نے چیک کی اور چیک کرنے کے بعد کچھ اصلاحات بیان فرمائیں۔

تمام مراحل کے بعد 28 جولائی 2022ء کو باقاعدہ مضامین لکھنے کا آغاز ہوا ۔ مضامین لکھنے میں المدینۃ العلمیہ کے اسکالرز کا مکمل تعاون حاصل رہا اور ان سب نے تین دن کے مختصر وقت کے اندر اندر مضامین لکھ کر جمع کروادیئے۔

مضامین لکھنے کے دوران رکن شوریٰ حاجی ابو ماجدمحمد شاہد عطاری مدنی اور ناظم المدینۃ العلمیہ مولانا محمد آصف خان عطاری مدنی کی مدد و شفقت کی وجہ سے دعوت اسلامی کے شعبہ جات و مجالس کی طرف سے کارکردگی بھی ملتی رہی۔چیف ایڈیٹر ماہنامہ فیضان مدینہ مولانا ابورجب محمد آصف عطاری مدنی نے بھی اپنی مصروفیات و دیگر عوارض کے باوجود مضامین کا جائزہ لیا۔

خصوصی شمارے کو تیار کرنے میں ”شعبہ ماہنامہ فیضان مدینہ“ کے اسلامی بھائیوں نے بھی شیڈول سے ہٹ کر بہت زیادہ محنت و لگن کے ساتھ اضافی وقت دیا۔یہاں تک کہ ایڈیٹر ماہنامہ فیضان مدینہ مولانا راشد عطاری مدنی، گرافکس ڈیزائنرز شاہد علی حسن عطاری، یاور احمد انصاری عطاری نے تعطیل والے دن اضافی وقت دے کر بہت تعاون کیا اور ڈیزائننگ ڈیپارٹ ماہنامہ فیضان مدینہ کے ذمہ دار مولانا حافظ حفیظ الرحمن عطاری مدنی نے بھی کام مکمل کروانے میں کافی مدد کی۔

مسلسل اور منظم محنت کے بعد الحمد اللہ عزو جل 13 اگست 2022ء بروز ہفتہ خصوصی شمارہ بنام ”فیضان دعوت اسلامی“ کو مکمل کرنے کے بعد”رنگین شمارہ“ ، ”سادہ شمارہ“ اور ”فائنل ٹائٹل“ مجلس کو پیش کردیاگیا۔

یوں 38 صفحات پر مشتمل خصوصی شمارہ ”فیضان دعوت اسلامی“ صرف 11 دن کے مختصر دورانیے میں تمام ورکنگ کے بعد تکمیل کو پہنچا۔

یادرہے! اس دوران شعبہ ماہنامہ فیضان مدینہ میں ماہنامہ ستمبر رنگین و سادہ شمارہ برائے پاکستان، ماہنامہ ستمبر برائے ہند اور اکتوبر کے ماہنامہ پر بھی کام جاری تھا۔

دعوت اسلامی کے زیر اہتمام  18 اگست 2022ء کو لاڑکانہ میں سنتوں بھرے اجتماع کا انعقاد ہوا جس میں مقامی عاشقان رسول اسلامی بھائیوں نے شرکت کی۔

مبلغ دعوت اسلامی نے اجتماع پاک میں ’’دل کی اصلاح کیوں ضروری ہے‘‘ کے موضوع پر سنتوں بھرا بیان کیا اور اسلامی بھائیوں کو دل کی صفائی کے نسخے بتاتے ہوئے عاشقان رسول کی صحبت کو اپناتے ہوئےہفتہ وار اجتماع پاک میں آنے اور مدنی قافلوں میں سفر کرنے کی ترغیب دلائی جس پر شرکا نے اچھی اچھی نیتوں کا اظہار کیا۔ (رپورٹ: ڈویژن ذمہ دار خالد حسین عطاری ، کانٹینٹ:رمضان رضا عطاری)

پچھلے  دنوں وزارت مذہبی امور حکومت پاکستان ڈائریکٹوریٹ آف حج کی جانب سے حجاج کرام کے لئے تربیتی ورکشاپ بمقام رضا ہال ملتان میں ہوئی جس میں دعوت اسلامی کے حج ماسٹر ٹرینرز اور دیگر ذمہ دار اسلامی بھائیوں نے شرکت کی۔

تربیتی ورکشاپ میں دعوت اسلامی کے حج ماسٹر ٹرینرز اور اسلامی بھائیوں نے سنتوں بھرے بیانات کئے اور حاضرین سے گفتگو کرتے ہوئے ان کی دینی و اخلاقی اعتبار سے تربیت کرتے ہوئے انہیں دعوت اسلامی کے تحت ہونے والے ہفتہ وار سنتوں بھرے اجتماعات میں آنے کی دعوت دی۔(رپورٹ: مجلس حج و عمرہ پاکستان، کانٹینٹ:رمضان رضا عطاری)

دعوت اسلامی نے ترقی کی طرف ایک اور قدم بڑھاتے ہوئے دار المدینہ انٹرنیشنل اسلامک اسکول سسٹم کے بعد دار المدینہ کالج (بوائز) کا بھی آغازکردیا ہے جس کی پہلی برانچ زینب مسجد، محمدیہ کالونی، سوساں روڈ، مدینہ ٹاؤن فیصل آباد میں قائم کی گئی ہے۔

دار المدینہ کالج فیصل آباد میں 1st Year (Session 2022-23)میں داخلے کا آغاز ہوچکا ہے۔

دار المدینہ کالج اپنے اسٹوڈنٹس کو اعلی تعلیم کے ساتھ ساتھ ایسا ماحول فراہم کرے گا جو اسٹوڈنٹس کے ذہنوں کو اسلامی اقدار کے ساتھ عصری تعلیم میں سبقت لے جانے کے قابل بنائے۔

واضح رہے یکم ستمبر 2022ء سے دارالمدینہ بوائز کالج اورینٹیشن جبکہ 3 ستمبر 2022ء سے کلاسز کا آغاز ہو گا۔

صوبہ بلوچستان کے ڈویژن قلات کے ڈسٹرکٹ  مستونگ میں سیکھنے سکھانے کے حلقے کا انعقاد کیا گیا جس میں شعبہ تعلیم کے صوبائی ذمہ دار محمد فہد عطاری،FISS کے ایڈمنسٹریٹر محمد سجاد گولا، مدرسۃ بالغان کے نگرانِ مجلس محمد عابد عطاری، صوبائی ذمہ دار قاری نظام اور کوئٹہ ڈویژن کنٹونمنٹ ٹاؤن کے نگران نور العین عطاری نے بھی شرکت کی۔

سیکھنے سکھانے کے حلقے میں نماز کا طریقہ سکھایا گیا اور 22اگست 2022ء کو نگران شوریٰ کے ہونے والے ٹیچر اجتماع کی دعوت پیش کی گئی جس پر شرکا نے گاڑی چلانے اور مدرسہ بالغان شروع کرنے کی نیت کا اظہار کیا۔ (کانٹینٹ:رمضان رضا عطاری)

عاشقان رسول کو دین و شریعت کی تعلیمات سے آگاہ کرنے،  اخلاق بہتر بنانے اور دنیا میں زندگی گزارنے کا سلیقہ سکھانے کے لئے آج رات مؤرخہ 20 اگست 2022ء کو عالمی مدنی فیضان مدینہ کراچی سے براہ راست مدنی چینل پر ہفتہ وار مدنی مذاکرے کا انعقاد کیا جائیگا ۔

اس مدنی مذاکرے میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ دینی و معاشرتی اعتبار سے شرکا کی تربیت کریں گے نیز عاشقان رسول کی جانب سے ہونے والے سوالات کے حکمت بھرے اندازمیں جوابات بھی ارشاد فرمائیں گے۔

تمام عاشقان رسول سے اس مدنی مذاکرے میں شرکت کرنے کی درخواست ہے۔

دعوتِ اسلامی کے تحت 17 اگست 2022ء بروز بدھ شعبہ تعلیم کے ذمہ دار اسلامی بھائیوں نے پاکستان کے مختلف اسکولز اور کالجز کا دورہ کیا جہاں انہوں نے اسٹوڈنٹس، ٹیچرز اور پرنسپلز سے ملاقات کی۔

دورانِ ملاقات ذمہ دار اسلامی بھائیوں نے عاشقانِ رسول کو 22 اگست 2022ء بروز پیر شعبہ تعلیم دعوتِ اسلامی کے تحت مدنی مرکز فیضانِ مدینہ انصاری چوک ملتان میں ہونے والے ٹیچرزاجتماع میں شرکت کرنے کی دعوت دی۔

اس موقع پر جن کالجز و اسکولز کا دورہ کیا گیا نیز ٹیچرز اور پرنسپلز سے ملاقات کی گئی اُن میں سے بعض یہ ہیں:

ایلیمنٹری اسکول ایجوکیشن کے آفیسر DEO افتخار خان، رویل کالج، PSMA کے چیئر مین دانش الزمان، ملتان سٹی گروپ آف کالج کے آنر چوہدری عبدالوحید، پرنسپل ثاقب حیات، ریجنل ڈائریکٹر سپیرئیر گروپ آف کالج محمدیاسر، کنٹرولر ایگزامینشن حیدرآباد بورڈ مسرور زئی، آئی ٹی کالج قاسم آباد، Comprehensive boys higher secondary school ۔

واضح رہے 22 اگست 2022ء کو ہونے والے ٹیچرز اجتماع میں مرکزی مجلسِ شوریٰ کے نگران مولانا حاجی محمد عمران عطاری سنتوں بھرا بیان فرمائیں گے، تمام عاشقانِ رسول سے اس اجتماعِ پاک میں شرکت کرنے کی درخواست ہے۔(رپورٹ:شعبہ تعلیم، کانٹینٹ:غیاث الدین عطاری)

دعوتِ اسلامی کے تحت حیدر آباد سندھ کے مدنی مرکز فیضانِ مدینہ آفندی ٹاؤن میں اسپیشل پرسنز ڈیپارٹمنٹ کا مدنی مشورہ ہوا جس میں صوبۂ سندھ مشاورت کے ذمہ داران سمیت ذیلی شعبہ جات کے اسلامی بھائیوں نے شرکت کی۔

اس مدنی مشورے میں نگرانِ ڈیپارٹمنٹ حاجی محمد حنیف عطاری نے اسلامی بھائیوں سے ڈیپارٹمنٹ کے دینی کاموں کا فالو اپ لیا اور انہیں مزید بہتر انداز میں دعوتِ اسلامی کے دینی کاموں کو کرنے کا ذہن دیا۔

بعدازاں نگرانِ ڈیپارٹمنٹ نے ذمہ داران کو دعوتِ اسلامی کے 12 دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ:اسپیشل پرسنز ڈیپارٹمنٹ ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت شعبہ جامعۃ المدینہ بوائز کا بذریعہ انٹرنیٹ مدنی مشورہ منعقد کیا گیا جس میں شعبے کے اراکین زون (تعلیمی امور) ذمہ دار اسلامی بھائی شریک ہوئے۔

نگرانِ شعبہ تعلیمی امور جامعۃ المدینہ بوائز مولانا حاجی گل رضا عطاری مدنی نے اسلامی بھائیوں سے گفتگو کی اور شعبے کے دینی کاموں کا فالو اپ لیا جس پر ذمہ داران نے انہیں دینی کاموں کے حوالے سے بریف کیا۔

اس کے علاوہ معاون نگرانِ شعبہ تعلیمی امور مولانا اعظم عطاری مدنی نے اراکینِ زون سے نظامِ تعلیم کی بہتری کے متعلق مشاورت کی اور اہم امور پر تبادلۂ خیال کیا۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)